Gjatë ceremonisë, djali i Azem Hajdarit, ka shpërndarë fjalë emocionuese mbi jetën dhe veprën e të atit, duke theksuar se ai mori vendime të rëndësishme dhe me guxim në një moshë të re.

Djali i heroit të demokracisë, shpjegoi se; Azemi kishte një vizion të qartë për të ardhmen dhe kërkonte të “rrëmbente” atë, duke luftuar për një Shqipëri të lirë dhe demokratike. Ai ka rrëfyer edhe detaje të njohura dhe të panjohura nga jeta e tij dhe e familjes, duke përmendur dashurinë e thellë të Azemit për bashkëshorten, për të cilën ai u detyrua ta “rrëmbejë” për të ndërtuar një jetë të tillë që ai e dëshironte, larg ndikimeve të regjimit komunist të asaj kohe.

Një moment i veçantë ishte kujtimi i kundërshtive që Azemi ka pasur me familjen e tij, e cila, për të siguruar një të ardhme më të sigurt për të, kërkonte që ai të distancohej nga trazirat e kohës. Por, Azemi qëndroi i vendosur në idealet e tij dhe luftoi për të realizuar një Shqipëri të lirë. Më pas, ai bëri histori si një figurë kyçe e Lëvizjes së Dhjetorit, duke kontribuar drejtpërdrejt në rrëzimin e regjimit komunist.

“Kam kënaqësi që të jem këtu sot, në një ditë ku të gjithë shqiptarët duhet të jenë kryetar. Mendoj se falë këtij heroizmi që bënë këta njerëz, shqiptarët duhet të dinë se falë asaj sakrifice, sot shqiptarët po përjetojnë demokracinë. Kur vendi im at që të bëhej kryetar i Lëvizjes Studentore, ai sapo ishte bërë baba. Babai kur erdhi herët për studime në Tiranë, donte të rrëmbente gjithçka. Ai ra në dashuri me nënë time, ai u detyrua që ta rrëmbente atë, pavarësisht dashurisë së tyre. Këtë gjë nuk e lejoi sistemi. Ai pas kthimit të tij në Tropojë, ai u nis sërish drejt Tiranës. Gjyshi im, rahmet pastë, duke qenë se ishte pasojë e kohës dhe brezave të kohës, e mendonte të pamundur që djali i vetë të vinte në Tiranë. I thoshte; lëri këto ëndrra, se e ke të pamundur që ta bësh këtë gjë. Qeshte dhe u tallte në mënyrë ironike. Por jo, Azemi nuk mendonte sot për sot, por mendonte më afatgjatë, për veten dhe miqtë e mi. Nuk e kishte konceptin e frikës, por as vdekjen dhe as humbjen, por mund të humbiste lirinë. Ai në Tiranë u njoh me miqtë e tij, dhe vendosëm të dilnin para plumbave dhe tanqeve. Në ditën kur studentët u konfuzuan pak, ata s’po dinin nëse do e përkrahini. Ai u ngrit sipër shokëve të tij dhe tha; dal garant me fëmijët e mi, Kirin dhe Rudinën. Nëse unë ju tradhtoj, keni fëmijët e mi”, tha djali i liderit historik, Azem Hajdari.

The post Djali i Azem Hajdarit tregon të pathënat e babait të tij: Lë garant fëmijët e mi, s’ju tradhtoj, nuk e njihte frikën appeared first on Albeu.com.

Postimi i Presidentit Begaj:

“Si sot, 35 vjet më parë, në rrugët e Tiranës ushtoi thirrja e studentëve idealistë: ‘E duam Shqipërinë si gjithë Evropa!’.

Guximi dhe lëvizja rinore e Dhjetorit ’90 i hapën rrugën Shqipërisë europiane.
Çdo hap që hedhim në këtë rrugëtim nderon guximin rinor që rrëzoi perden e hekurt që e ndante Shqipërinë nga Evropa”.

Presidenti Begaj, thekson se aspirata europiane e shqiptarëve është e pandarë nga idealet e lirisë dhe demokracisë së atyre ditëve.

The post Sot Dita e Rinisë/ Presidenti Begaj: Guximi dhe lëvizja rinore e dhjetorit 1990 i hapën rrugën Shqipërisë Evropiane appeared first on Albeu.com.

Këtij marshimi të rinisë demokratë, iu bashkua edhe lideri i opozitës Sali Berisha.

Nga “Qytet Studenti”, të rinjtë kanë marshuar drejt Kryeministrisë.

Binte në sy pankarta e madhe që mbanin në duar të rinjtë, “lindëm në demokraci jetojmë në diktaturë”.

The post Dita e Rinisë/ Të rinjtë e FRPD-së marshojnë nga “Qytet Studenti” tek Kryeministria, i pranishëm edhe Berisha (VIDEO) appeared first on Albeu.com.

Në fjalën e tij, kryedemokrati u shpreh se regjimi, me propagandën e tij, fliste çdo ditë për demokratizimin, por vriste çdo javë të rinjtë, të cilët niseshin për të kaluar në botën e lirë

Berisha: Mirëdita dhe përshëndetjet më të përzemërta.

Mirënjohjen më të thellë ndaj jush që, keni ardhur sot këtu për të nderuar veprën e pavdekshme të studentëve liberatorë dhe tribunit legjendar të tyre, Azem Hajdari, më 8 dhjetor të vitit 1990.
Miqtë e mi, ne kemi patur një histori të dhimbshme dhe të vështirë.

Në vitin 1912, u shpall pavarësia e kombit dhe liria e tij. Në vitin 1944, më 28 tetor, populli ynë u çlirua nga një pushtim i jashtëm, për të rënë po atë ditë me nnjë pushtim të brendshëm barbar, më mizorin që kohërat kanë njohur në diktaturën staliniste të Enver Hoxhës.

Kjo diktaturë, në 46 vite të ekzistencës së saj vendosi mbi shqiptarët shtypjen më të egër që ata kishin njohur në tërë historinë.

Vendosi diktaturën më të thellë të izolimit të tyre, sa kurrë ndonjëherë në histori. Vendosi tiraninë e urisë dhe skamjes që, shqiptarët s’e kishin njohur kurrë më parë nëpërmjet hiperkolektivizmit.

Rënia e murit të Berlinit dhe revolucionet demokratike të vitit 1989, pavarësisht prej tyre, Shqipëria mbetej siç e cilësonte partia staliniste dhe diktatori i fundi, si bastioni ose kështjella buzë Adriatikut e socializmit.

Regjimi, me propagandën e tij, fliste çdo ditë për demokratizimin, por vriste çdo javë të rinjtë, të cilët niseshin për të kaluar në botën e lirë.

Dhe jo vetëm i ekzekutonte, por i sillte dhe i zvarriste kufomat e tyre në qytetet: Shkodër, Gjirokastër, Sarandë, Korçë, vetëm e vetëm për të terrorizuar popullatën.

Pikërisht, në këto rrethana, 34 vite më parë, një grup studentësh dalin në darkë në këtë shesh dhe nisin protestën e parë studentore në historinë e vendit. Rreshtojnë një seri kërkesash.

Po regjimi, pavarësisht se ata nuk ishin shumë, atë natë ishin ndofta jo më shumë se sa jeni ju këtu sot.

The post Dita e Rinisë/ Berisha: Regjimi me propagandën e tij fliste çdo ditë për demokratizimin, por vriste çdo javë të rinjtë appeared first on Albeu.com.

Më 8 Dhjetor 1990, një grup studentësh e pedagogësh të Universitetit të Tiranës, u bënë iniciatorë e protagonistë të protestave që sollën rënien e sistemit komunist dhe lindjen e demokracisë.

Të organizuar ata marshuan nga ‘Qyteti Studenti’ drejt qendrës së Tiranës. Me thirrjet “Liri Demokraci” dhe “E duam Shqipërinë si gjithë Europa”, të rinjtë kërkuan garantimin e pluralizmit politik si bazë kryesore për një shoqëri të lirë e demokratike, ngritjen e sistemit të vlerave perëndimore dhe të shtetit të së drejtës si dhe integrimin në Europë.

Protestat do të vazhdonin edhe në ditët në vijim, deri në datën 11 Dhjetor në mbrëmje kur në takim me Ramiz Alinë u konfirmua edhe pluralizmi politik, që solli më pas themelimin e Partisë Demokratike.

Lëvizja Studentore, do të vijonte deri në rrëzimin përfundimtar të diktaturës komuniste dhe instalimin e sistemit demokratik.

Prej vitit 2009, me vendim të marrë nga Kuvendi i Shqipërisë, kjo datë përkujtohet si festë kombëtare në nderim të të gjithë studentëve të Dhjetorit 1990 dhe gjithë rinisë shqiptare.

The post Sot “Dita e Rinisë”, 34 vite më parë nisi Lëvizja Studentore që solli demokracinë appeared first on Albeu.com.

Gjatë fjalës së tij, Basha shprehet se pasuria më e madhe e Shqipërisë janë të rinjtë, ndërsa ka shtuar se janë ata që kanë bërë gjithmonë diferencën midis të mirës dhe të keqes.

“Të dashur miq, ju përshëndes nga ndërtesa e Senatit të Shteteve të Bashkuara të Amerikës, në këtë ditë të veçantë për çdo shqiptar e në veçanti për rininë shqiptare, me një citim nga një nga figurat më frymëzuese të politikës amerikane, nga Presidenti John F. Kennedy, i cili në mënyrë kuptimplotë për çdo komb na ka lënë trashëgim thënien se: “Pasuria më e madhe e njerëzimit është rinia e tij”. Pasuria më e madhe e Shqipërisë janë të rinjtë dhe të rejat e Shqipërisë. Të rinjtë dhe të rejat e Shqipërisë kanë bërë gjithmonë diferencën midis të mirës dhe të keqes, midis tiranisë dhe lirisë dhe do ta bëjnë sërish. Do ta bëjnë për Shqipërinë europiane, për Shqipërinë e lirisë, për Shqipërinë e demokracisë. Sepse ndryshe nga ç’mendojnë pesimistët, skeptikët, apo ata që gjithmonë kanë vënë interesin e tyre mbi interesin e shqiptarëve, Shqipëria do të bëhet! Gëzuar Ditën e Rinisë!”, u shpreh Basha.

The post Basha uron Ditën e Rinisë nga Amerika: Pasuria më e madhe e Shqipërisë janë të rinjtë dhe të rejat appeared first on Albeu.com.

Në një postim në rrjetet sociale, ambasada deklaron se ashtu sikurse qëndruan 33 vite më parë krah të rinjve dhe qytetarëve shqiptarë kur kërkonin një vend si gjithë Europa, SHBA qëndron edhe sot me krenari në rrugën e Shqipërisë drejt BE.

“Sot, ne kujtojmë rininë dhe studentët shqiptarë të cilët ishin nismëtarë të protestave që sollën rënien e regjimit komunist dhe lindjen e demokracisë më 8 dhjetor 1990.
Shtetet e Bashkuara qëndruan pranë të rinjve dhe qytetarëve të Shqipërisë teksa ata kërkuan një vend “si e gjithë Europa” dhe ne jemi me krenari krah jush sot, teksa Shqipëria bën hapin e saj të radhës drejt anëtarësimit të plotë në Bashkimin Europian”, thotë Ambasada e SHBA në një postim në rrjetet sociale.

 

 

The post Ambasada e SHBA uron Ditën e Rinisë: Jemi krah jush teka bëni hapin e radhës drejt BE-së appeared first on Albeu.com.

Urimin Begaj e ka bërë së bashku me studentët që kryen praktikën në Institucionin e Presidentit.

The post Begaj uron Ditën e Rinisë me studentët që kryejnë praktikën në Presidencë: Energjia juaj është shpresëdhënëse appeared first on Albeu.com.

Basha me anë të një postimi në Facebook shkruan se 8 dhjetori 1990, dita që ndau të shkuarën nga e ardhmja, është vepra më e bukur e rinisë shqiptare, frymëzimi më i madh për çdo të ri dhe pikënisja e rrugëtimit të Shqipërisë europiane.

Postimi i plotë:

8 dhjetori 1990, dita që ndau të shkuarën nga e ardhmja, është vepra më e bukur e rinisë shqiptare, frymëzimi më i madh për çdo të ri dhe pikënisja e rrugëtimit të Shqipërisë europiane ????

#Ëndrra e Shqipërisë europiane që ngriti në këmbë studentët #32vjet më parë, mbetet jo vetëm ëndrra më e bukur dhe më përbashkuese e brezave, por edhe më frymëzuesja e rinisë së sotme!

Prandaj dita e rinisë nuk është vetëm një datë historike. Është inkurajim për çdo brez për të mos u ndalur, as dorëzuar para vështirësive, por për të luftuar ashtu si 32 vite më parë, për një Shqipëri demokratike, një Shqipëri si gjithë Europa!

The post Basha kujton ditën e rinisë: 8 dhjetori 1990, dita që ndau të shkuarën nga e ardhmja appeared first on Albeu.com.

Kreu demokrat, gjatë fjalës së tij foli për lëvizjen studentore, u shpreh se ka qenë një nga lëvizjet më heroike për të solli pluralizmin në Shqipëri.

Ndër të tjera, Berisha u shpreh se Shqipëria bëhet vetëm me revolucion dhe nga njerëzit që e duan.

Ai u ndal dhe te patronazhistë duke i cilësuar si terroristë të kuq që kanë tmerruar punonjësit nëpër administrata.

“Ne do bëjmë gjithçka që të drejtën e votës t’ia garantojmë çdo qytetari. Sot, njësoj si 40 vjet më parë, në pushtet është një klikë që urren liritë tuaja, një njeri që ka shndërruar shtetin në një makineri të shtypjes, rrembit dhe plaçkitjes së votës. Në pushtet është një njeri që përdor miliona para të nënave dhe baballarëve tuaj, për të blerë votën. Në qytet është një njeri që ka krijuar një armatë të zezë të patronazhistë që sillen si terroristë të kuq që terrorizojnë nënat e baballarët tuaj. Në qytet është një njeri që bën gjithçka, jo për të ardhmen tuaj, por për narkotrafikantët e drogës”, tha Berisha./albeu.com

The post Berisha: Patronazhistët, terroristë të kuq që po tmerrojnë nënat dhe baballarët nëpër administrata appeared first on Albeu.com.