E pranishme në këtë ceremoni ishte Presidentja e Kosovës, Vjosa Osmani, e cila mori pjesë në festimet zyrtare së bashku me krerët më të lartë të shtetit shqiptar.

Presidenti i Republikës, Bajram Begaj, ishte i pranishëm bashkë me Zonjën e Parë, Armanda Begaj. Në aktivitet mori pjesë edhe Kryeministri Edi Rama, i shoqëruar nga bashkëshortja e tij, Linda Rama.

Mes të ftuarve u panë gjithashtu ministrja, deputetë dhe ish-deputetë të Partisë Socialiste, Kryetari i Kuvendit, Niko Peleshi, Ministrja për Punët e Jashtme, Elisa Spiropali, si dhe ish-Kryetari i Kuvendit, Gramoz Ruçi.

Të pranishëm ishin edhe përfaqësues të trupit diplomatik në vend, dhe përfaqësues të komuniteteve fetare, të cilët u bashkuan në aktivitetin festiv për nder të 28 Nëntorit, Ditës së Pavarësisë së Shqipërisë.

Ndërkohë, ra në sy mungesa e përfaqësuesve nga partitë opozitare, të cilët nuk u panë në këtë aktivitet zyrtar.

The post FOTO/ Mbahet në Presidencë mbrëmja tradicionale për Ditën e Pavarësisë! Nga Edi Rama te presidentja e Kosovës, kush ishin të pranishmit appeared first on Albeu.com.

“Forcat e Armatosura përshëndetën 112-vjetorin e Pavarësisë në qytetin e flamurit, aty ku helikopterët e Forcës Ajrore, anijet e Forcës Detare dhe trupat e Regjimentit të Operacioneve Speciale ofruan spektakël duke valëvitur flamurin kombëtar në qiellin e Vlorës”, thuhet në postimin e ministrit Pirro Vengu.

Sakaq, mijëra qytetarë nga anembanë Shqipërisë e Kosovës janë mbledhur në Sheshin e Flamurit.

Ata dhe të tjerët që ndodhen në Lungomare e deri në Orikum, dëshmuan aftësitë dhe kapacitetet e trupave elitare të Forcave tona të Armatosura.

Forcat e Armatosura, demonstruan në Gjirin e Vlorës edhe një operacion për marrjen nën kontroll të një anijeje të dyshuar, duke ndërhyrë nga deti me grupet e bordingut dhe ajri me trupat specialë dhe helikopterët Cougar e Black Hawk.

The post Dita e Pavarësisë/ Forcat e Armatosura dhurojnë spektakël në Vlorë (VIDEO) appeared first on Albeu.com.

“Parada kuqezi” nisi nga sheshi “Nënë Tereza”, midis Pallatit të Koncerteve dhe Presidencës dhe po përshkon bulevardin “Dëshmorët e Kombit” për t’u mbyllur në sheshin “Skënderbej”, ku do të zhvillohet ngritja e flamurit shqiptar.

E kthyer tashmë në një traditë në New York, shqiptarët nga e gjithë bota të veshur kuq e zi dhe me veshje popullore mbushën sot rrugët e Tiranës.

Nën ritmin e muzikës shqiptare pjesëmarrësit krijuan një atmosferë festive.

Të pranishëm në paradë janë mbi 350 grupe artistike nga anë e mbanë kudo ku flitet shqip. Pjesë e paradës janë përfaqësues nga 150 qytete, delegacione nga bashki dhe komuna shqiptare, bashkë me ansamblet e tyre.

Në të dy anët e bulevardit, janë edhe qytetarë të shumtë për të ndjekur nga afër paradën. Parada u organizua nga Bashkia e Tiranës, në bashkëpunim me shoqatën “Albanian Roots”.

The post Parada e Shqiptarëve në Tiranë/ Mijëra shqiptarë nga të gjitha trojet parakalojnë në bulevard (VIDEO) appeared first on Albeu.com.

Ajo ka ndarë vargje nga himni kombëtar, të shoqëruara me një imazh të simbolit të shqiponjës.

“Një komb, një flamur”, ka shkruar Lipa, shoqëruar me vargjet:

“Rreth flamurit të përbashkuar Me një dëshir` e një qëllim, Të gjith` atij duk` ju betuar Të lidhim besën për shpëtim. Prej lufte veç ai largohet Që është lindur tradhëtor, Kush është burrë nuk friksohet, Po vdes, po vdes si një dëshmor”!

The post Dita e Pavarësisë/ Dua Lipa uron Shqipërinë me vargjet e himnit kombëtar: Një komb, një flamur appeared first on Albeu.com.

Në mesditë, duke nisur nga ora 12:00, në bulevardin “Dëshmorët e Kombit”, do të zhvillohet “Parada e Shqiptarëve”, ku Tirana pritet të vishet e gjitha kuq e zi.

Të pranishëm në paradë pritet të jenë mbi 350 grupe artistike nga anë e mbanë kudo ku flitet shqip. Në paradë do të jenë të pranishme përfaqësues nga 150 qytete, ndërsa llogariten mbi 10 000 të pranishëm.

Pjesëmarrësit dhe grupet artistike do të nisin përgatitjet prej orës 9 me 28 Nëntor, për të nisur aktivitetin e Paradës Shqiptare në orën 12 në bulevardin “Dëshmorët e Kombit”.

“Parada kuqezi” nis nga sheshi “Nënë Tereza”, midis Pallatit të Koncerteve dhe Presidencës dhe do të përshkojë bulevardin “Dëshmorët e Kombit”, për t’u mbyllur në sheshin “Skënderbej”.

Parada do të realizohet për të dytin vit radhazi, duke i dhënë kryeqytetit rolin e një qendre të përbashkët për kremtimin e Ditës së Flamurit dhe Pavarësisë.

Parada Shqiptare për festat e Nëntorit, synon të rikthejë vëmendjen tek vlerat e kostumeve popullore, riteve, traditave por dhe trashëgiminë e historisë së kombit te brezat e rinj.

Pas paradës do të zhvillohet dhe ceremonia e ngritjes së flamurit, e parashikuar në orën 13:40.

Paralelsiht me zhvillimet në Bulevardin “Dëshmorët e Kombit”, do të zhvillohen edhe aktivitete të tjera si Panairi i Artizanëve, që do të zhvillohet te Pazari i ri, zona e Markatës së Gjelbër.

“Festivali i Artizanatit dhe Qeramikës”, do të shfaqë dhe mbështesë diversitetin dhe aftësitë e jashtëzakonshme të artizanëve lokalë në disiplina të ndryshme artizanale.

Ky festival, synon të krijojë një treg plot jetë ku artistët, zejtarët dhe krijuesit mund të shfaqin punën e tyre, të angazhohen me publikun dhe të nxisin vlerësimin për mallrat e punuar me dorë.

Festivali do të shfaqë një shumëllojshmëri produktesh të punuar me dorë, duke përfshirë qeramikë, bizhuteri, tekstile, punime druri, punime metalike, artikuj lëkure dhe më shumë.

Çdo artizan do të ketë një zonë ekspozimi ku vizitorët mund të shikojnë dhe blejnë krijimet e tyre. Tregu do të ofrojë artikuj unikë, të veçantë, duke promovuar idenë e mbështetjes së talenteve vendase mbi produktet e prodhuara në masë.

Në të njëjtën datë, është teatri “Linda” që shfaqet në skenën e Teatrit Kombëtar, ndërsa koncerti “Eloquent Echoes” do të jepet në ambientet e Kishës Katolike në kryeqytet.

“Ky projekt synon të paraqesë përpara publikut të kryeqytetit instrumentistë të rinj, si dhe pedagogë në Real Conservatorio Superior de Musica de Madrid, si dhe Korin “Siparantum”, një ndër koret më të mira aktualisht në rajon.

The post Festimet e 112-vjetorit të pavarësisë, Tirana pret mbi 10 mijë pjesëmarrës në “Paradën Shqiptare” appeared first on Albeu.com.

Në shpalljen e pavarësisë morën pjesë 83 delegatë nga të gjitha trevat shqiptare, por 40 ishin firmëtarët që nënshkruan Aktin e Pavarësisë. Në këtë 112-vjetor, festohet kudo ka shqiptarë, duke qenë të bashkuar me mendje e zemër rreth flamurit kombëtar.

Data 28, është e veçantë për shqiptarët, duke qenë se në këtë datë në dy vite të ndryshme kanë ndodhur dy ngjarje historike për Shqipërinë. Më 28 nëntor 1443, heroi kombëtar Gjergj Kastriot Skënderbeu, çliroi Krujën nga pushtimi osman dhe ngriti flamurin mbi kalanë e saj.

Kjo datë hapi një faqe të re në historinë e qëndresës shekullore antiosmane. Zoti i Arbërisë, ashtu siç Gjergj Kastrioti e nënshkroi veten, la fushëbetejën e Nishit, për t’iu drejtuar Krujës në krye të 300 kalorësve.

469 vite më vonë, më 28 nëntor 1912, i quajtur gjithashtu si “nëntori i dytë”, u shpall Pavarësia e Shqipërisë nga Ismail Qemaili i cili ngriti flamurin në Vlorë.

28 Nëntori, është shpallur gjithashtu ditë festë edhe në Republikën e Kosovës.

Më 28 nëntor 1912, Ismail Qemali shpalli Pavarësinë e Shqipërisë, duke deklaruar “Me një zâ venduan që Shqipëria të bâhet në vehte, e lirë e e mosvarme”.

Ismail Qemali, ishte nisur që më 19 nëntor nga Triestja drejt brigjeve të Shqipërisë, për të shpallur pavarësinë.

Më 21 nëntor, do të zbarkonte në Durrës prej vaporit të Llojdit austriak “Baron Bruck”. Në këtë qytet u prit në qelën e Dom Nikollë Kacorrit, i cili do të ishte pas një jave edhe zëvendëskryeministri i parë i qeverisë së 28 nëntorit.

Sipas letërkëmbimit mes Eqrem Bej Vlorës dhe Mustafa Krujës, ngritja e flamurit ishte menduar të bëhej më 22 Nëntor në Durrës, me qëllim parandalimin e përparimit të mëtejshëm të ushtrive pushtuese në territorin e vendit.

Por, për shkak të gjendjes së nderë në qytet, Ismail Qemali, lajmëroi telegrafisht delegatët nga mbarë vendi që të drejtoheshin për në qytetin e tij të lindjes, në Vlorë.

Ndërkohë që forcat serbe përparonin me shpejtësi drejt Shqipërisë së Mesme, rrethet patriotike të Elbasanit (25 nëntor), të Tiranës e Durrësit (26 nëntor), të Kavajës, të Peqinit dhe të Lushnjës (27 nëntor), ngritën flamurin kombëtar, pa pritur mbledhjen e Kuvendit të Vlorës.

Një fakt interesant është se Radio Tirana, filloi për herë të parë transmetimet e saj më 28 Nëntor të vitit 1938. Ndërsa në 28 nëntor të vitit 1955 lindi komandanti legjendar, Adem Jashari.

The post Sot 28 Nëntori, Dita e Pavarësisë që bashkon shqiptarët kudo ndodhen appeared first on Albeu.com.

Ai ka treguar se do të jetë në Vlorë, më 28 Nëntor në nderim të dëshmorëve e heronjve që sakrifikuan jetën e tyre për liri, për të kryere homazhe.

I pyetur për një mbledhje të mundshme mes dy qeverive shqiptare, Kurti është shprehur i sigurt që në të ardhmen do të ketë të tilla, por nuk ka përcaktuar asgjë.

“Sigurisht se do të kemi edhe mbledhje të qeverive në të ardhmen. Ndërkaq, unë sonte do të jem në Tiranë, për shkak se teatrot tona do të japin një shfaqje përmbyllëse me regji të Ilir Bokshit dhe njëkohësisht do të japin edhe çmimet përkatese. Ndërkaq, nesër do të jem në Vlorë, ku do të bëjmë homazhe, nderim për panumër dëshmorë e heronj të cilët sakrifikuan që të jemi të lirë e të bashkuar. Deri më tani kemi 184 marrëveshje dhe nuk ka asnjë qeveri në Kosovën e pavarur e cila ka bërë më shumë marrëveshje dhe zbatim të tyre sesa kjo e jona për rreth 2/3 e mandatit”, tha ai.

The post Albin Kurti: Ditën e Pavarësisë do të jem në Shqipëri appeared first on Albeu.com.

Sipas Berishës, ajo kartolinë urimi është fytyra e vërtetë e Partisë Socialiste.

Kujtojmë se Çela e uroi Ditën e Pavarësisë me një fotografi të diktatorit Enver Hoxha.

“Kryexhelati i shqiptareve ne histori si kartoline urimi per shqiptaret ne diten e Pavaresise se Shqiperise nga zedhenesit e Edvin Kristaq Kolekes. Kjo eshte fytyra e vertet e PS se neobllokmenit Edvin Kristaq Xhelati. Sb”, shkruan Berisha./albeu.com/

The post Uroi Pavarësinë me fotografinë e Enver Hoxhës, Sali Berisha “i përvishet” Bujar Çelës (FOTO LAJM) appeared first on Albeu.com.

Lajmin e ka bërë të ditur nënkryetari Enkelejd Alibeaj në një konferencë për mediat.

Ngjarja e djeshme, ku deputeti i PS, Bujar Çela uroi Pavarësinë me fotografinë e diktatorit Enver Hoxha, duke e dërguar në grupin e Komisionit të Sigurisë, ka shtyrë PD-në që të përshpejtojë punën për këtë nismë.

“Evokimi i figurës të diktatorit nga një ligjvënës nuk është thjeshtë shkelja e Kodit të Sjelljes, por më tepër, nevojën për të bërë një orë e më parë, urgjente dekomunistizimin e shoqërisë shqiptare. Në emër dhe të kolegëve do të kërkojmë në këshillin e etikës së parlamentit marrjen e masave ndaj deputetit, si një detyrim moral më tepër.

Ajo që unë dhe kolegët i kemi propozuar kryetari është që PD të paraqesë një paketë të plotë ligjore për dekomunistizimin e shoqërisë shqiptare. Janë bërë shumë përpjekje, por jemi prapë në këtë situatë ku nuk është arritur në një rezultat konkret.

Një paketë ligjore që do të fokusojë dekomunistizimin, shpërblimin e të dënuarve, ndëshkim,in dhe distancimin nga trashëgimia e së djeshmes janë synimet tona të kësaj pakete. Edhe mbi të gjitha për ndëshkimin në aspektin moral. Tek e fundit është prova më e gjallë, PS është pjella dhe trashëgimtarja e Partisë së Punës. Nga ngjarja e djeshme është edhe një detyrim moral dhe politik i yni,” u shpreh Alibeaj./albeu.com/

The post Deputeti uroi Pavarësinë me fotografinë e Enver Hoxhës, Alibeaj tregon nismën e PD për dekomunistizimin appeared first on Albeu.com.

Mijëra të rinj por jo vetëm janë mbledhur së bashku me flamuj kuq e zi nëpër rrugët e kryeqytetit britanik.

Ajo që vihet re është janë makinat luksoze, nga Ferrari tek Audi R8, të cilat janë mbuluar me flamujt shqiptarë./albeu.com/

The post Shqipet e Londrës nxjerrin “bishat” për Ditën e Pavarësisë (VIDEO) appeared first on Albeu.com.