Rama: Patjetër si të gjitha komunitetet, edhe shqiptarët kanë elementët e paligjshmërisë dhe të krimit. Shqiptarët që i kanë hyrë rrugës së paligjshmërisë dhe krimit janë elementë shqetësues në shoqëri të caktuara, por tregun e drogës, të pastrimit të parave, të të këqijave nuk e kanë krijuar shqiptarët. E kanë gjetur mes tyre dhe janë bërë pjesë e tij.

Kryeministri shprehu bindjen se do të thyhet barrikada e paragjykimit.

Rama: Nuk mund të paragjykohen 99% e shqiptarëve që kanë punuar në 3 lloje punësh dhe që janë abuzuar nga pronarët, për shkak të atij 1% që nuk i përfaqëson kurrsesi të gjithë shqiptarët. E pamë se çfarë ndodhi në Britaninë e Madhe kohët e fundit. Me çfarë lloj arrogance u përball komuniteti shqiptar dhe nuk kemi asnjë arsye që të tërhiqemi para kësaj nevoje (amnistisë fiskale) por edhe për ta vendosur vendin në kushte shumë më të favorshme informaliteti kundër korrupsionit.

The post “S’e kanë krijuar ata tregun e paligjshëm”, Rama i del në mbrojtje emigrantëve: Kanë kontribuuar në ekonomitë e huaja appeared first on Albeu.com.

Të pranishëm ishin edhe Kryeministri Edi Rama dhe Ministrja për Evropën dhe Punët e Jashtme, Olta Xhaçka.

Në fjalën e tij kryeministri Rama tha se marrëdhënia mes Diasporës dhe vendit amë është një marrëdhënie dinamike me probleme që asnjëherë nuk shterojnë sepse kohët ndryshojnë dhe interesat e lidhjet mes vendit amë dhe gjithë bijve të vet të shpërndarë nëpër botë marrin trajta të ndryshme në funksion të kohës.

Rama: Gjeneratat përballen me sfida të ndryshme dhe ne jemi dëshmitarë që bota transformohet me një shpejtësi gjithnjë e më të madhe që na sfidon të adaptohemi. Kontributi i të ikurve në emigracion nga këto 3 dekada vazhdon të jetë konstant në ekonominë tonë.

Kreu i qeverisë u ndal te amnistia fiskale dhe nevoja për të garantuar formalizimin e të ardhurave të emigrantëve.

Rama: Amnistia fiskale do të garantojë formalizimin e të gjitha të ardhurave nga puna të shqiptarëve në Diasporë. Ekonomia informale nuk është një territor vetëm i vendeve në zhvillim si Shqipëria, por është një zonë që ekziston edhe në vendet e zhvilluara. Puna në të zezë, pagesat në Cash për punë të paregjistruara janë një konstante edhe në vendet e zhvilluara. Kemi arsye dhe raste për ta bërë më në fund këtë hap i cili ka qenë dashur të bëhet prej shumë kohësh.

The post Dita e Diasporës, Rama: Amnistia fiskale duhet të ishte bërë më herët appeared first on Albeu.com.

Me rastin e Ditës së Diasporës ai shpreh përulje dhe respekt për shqiptarët që jetojnë e punojnë jashtë, e po ashtu shpreh mirënjohje për plot të tjerë që janë kthyer në atdhe për të investuar.

“Dhe në Ditën e Diasporës me përuljen plot respekt për të gjithë shqiptarët që jetojnë e punojnë jashtë, po edhe me mirënjohjen e admirimin për plot të tjerë që janë kthyer në atdhe për të investuar dijet e fituara bashkë me kursimet në emigracion, duke u bërë shembuj frymëzues suksesi moral e financiar për ata që janë ende jashtë, ju uroj një të diel të bukur”, shkruan Rama.

Mësohet se po ashtu sot do të mbahet mbledhja vjetore e Këshillit Koordinues të Diasporës, ku pritet të mbajnë fjalën e tyre kryeministri Rama dhe Ministrja Xhaçka./albeu.com

The post Dita e Diasporës, Rama: Respektojmë të gjithë shqiptarët që jetojnë e punojnë jashtë appeared first on Albeu.com.