Pas 68 ditësh tubime, protestuesit shprehen të vendosur për të mos e ndërprerë aksionin qytetar deri në dorëheqjen e Edi Ramës. Edhe në ditën e 69-të parashikohet që ata të rikthehen në rrugë, për të marshuar dhe për të lëshuar thirrje kundër qeverisë.

Gjatë protestës pritet të dëgjohen sloganet: “Rama në burg, Berisha në burg”, “Shqipëria kërkon revolucion”, “Ju erdhi fundi”, “Edi Rama, jep dorëheqjen”, “Atdheu nuk shitet” dhe “Bashkimi bën fuqinë”.

Nëse kërkesat e tyre nuk merren parasysh, pjesëmarrësit kanë paralajmëruar se aksioni mund të përshkallëzohet, duke përfshirë edhe bllokimin e rrugëve.

Organizatorët dhe qytetarët e përfshirë në tubime kanë njoftuar se protesta do të vazhdojë edhe gjatë ditëve të ardhshme. Ata ritheksojnë se kërkesat e tyre mbeten dorëheqja e kryeministrit dhe hetimi i tij nga SPAK.

The post Sot dita e 69-të e protestës, qytetarët nuk ndalen, të vendosur deri në largimin e kryeministrit appeared first on Albeu.com.