Kërkesa kryesore e protestuesve mbetet dorëheqja e kryeministrit Edi Rama dhe e qeverisë së tij. Ata kërkojnë gjithashtu, krijimin e një qeverie teknike tranzitore, me mandat 12-mujor, e cila sipas tyre do të duhet të garantojë një proces të ri politik dhe institucional.

Një tjetër kërkesë e ngritur gjatë protestave lidhet me anulimin e disa ligjeve, për të cilat protestuesit pretendojnë se bien ndesh me interesin kombëtar.

Protestave në Tiranë u është bashkuar prej tre ditësh edhe diaspora. Përfaqësues dhe qytetarë shqiptarë të ardhur nga jashtë vendit kanë marrë pjesë në tubime, duke deklaruar mbështetjen e tyre për kërkesat e protestuesve.

Sipas paralajmërimeve të bëra nga diaspora, pjesëmarrësit e ardhur nga jashtë vendit pritet të qëndrojnë në Tiranë deri më 17 shtator.

Protesta pritet të vijojë edhe gjatë ditës së sotme, ndërsa organizatorët kanë përsëritur se do të vazhdojnë tubimet deri në plotësimin e kërkesave të tyre.

The post Dita e 108-të e revoltës qytetare, kërkohet dorëheqja e Ramës dhe qeverisë së tij! Në shesh për të mbështetur protestat edhe diaspora appeared first on Albeu.com.