Një grup vizitoresh nga Shtetet e Bashkuara, Ishulli i Manit dhe Bullgaria u pritën në Kryeministri nga kreu në detyrë i ekzekutivit kosovar, Albin Kurti. Ato ndodhen në vend për të marrë pjesë në “Ethno Tour 2026”, një nismë e udhëhequr nga Janet Reineck.

Përmes një komunikimi në rrjetet sociale, Kurti bëri të ditur se mysafiret vijnë prej sferash të larmishme profesionale, ku përfshihen inxhinieria mjedisore, urbanistika, shëndetësia, arsimi si dhe teknologjia e informacionit dhe komunikimit.

Biseda gjatë takimit përshkoi një gamë të gjerë tematikash, duke nisur nga të drejtat themelore të njeriut e deri te kultura, sistemi arsimor, politikat për të moshuarit, bujqësia dhe zhvillimi ekonomik.

“Diskutuam bashkërisht rreth të drejtave të njeriut, kulturës, edukimit, shërbimeve për të moshuarit, bujqësisë e ekonomisë, mes të tjerash. Si gjithmonë kur takohem me të dashurën mike Janet, edhe këtë radhë folëm për avancimet në Kosovë dhe për mërgatën tonë të shtrenjtë, e cila përbën ambasadën tonë të madhe, duke u rikthyer vazhdimisht në atdhe dhe duke e promovuar atë”, shprehu ai.

Kryeministri në detyrë theksoi se lidhja mes shqiptarëve dhe amerikanëve ka qenë e jashtëzakonshme, duke mos u kufizuar vetëm në fundin e shekullit të kaluar apo në periudhën e luftës çlirimtare. Sipas tij, ajo i ka rrënjët që në mbërritjen e valëve të para të emigrantëve shqiptarë në Amerikë gjatë shekullit të 19-të.

“Ky realitet historik solli krijimin e Federatës Panshqiptare të Amerikës ‘Vatra’ në Boston në vitin 1912. Nga përkrahja e Presidentit Woodrow Wilson deri te kontributi i priftit dhe intelektualit të shquar të diasporës, Fan Nolit, komuniteti ynë në mërgim ka pasur gjithmonë një peshë vendimtare në forcimin dhe mbrojtjen e kësaj marrëdhënieje të paçmuar”, shtoi Kurti.

Në mbyllje të postimit të tij, Kurti i uroi sërish mirëseardhjen grupit në Kosovë.

The post Kurti pret pjesëmarrëset e “Ethno Tour 2026”, fokusi te diaspora dhe të drejtat e njeriut appeared first on Albeu.com.

Një takim i organizuar nga Dhoma e Tregtisë dhe Industrisë e Kosovës (DHTIK) mblodhi përfaqësues të bizneseve dhe Doganës së Kosovës, me qëllim shqyrtimin e vështirësive të sipërmarrjeve dhe forcimin e bashkëpunimit ndërmjet institucioneve, raporton KosovaPress.

I pranishëm në diskutim, drejtori i përgjithshëm i Doganës, Agron Llugaliu, dëgjoi shqetësimet e kompanive dhe u zotua se ato do të trajtohen sipas legjislacionit në fuqi dhe brenda një kohe të shkurtër.

Lidhur me marrëdhëniet tregtare me Shqipërinë, ai bëri me dije se është në proces krijimi i një zyre doganore të përbashkët, e cila do të thjeshtonte dhe përshpejtonte eksportet mes dy vendeve.

Ai theksoi se kjo nismë do të kontribuonte në zgjidhjen më të shpejtë të pengesave dhe në rritjen e vëllimit të shkëmbimeve tregtare dypalëshe.

Llugaliu sqaroi se plani është që të dyja palët të punojnë së bashku për të procesuar tërësinë e eksporteve në një pikë të vetme, çka do të lejonte adresimin e menjëhershëm të çdo problemi. Ai vlerësoi se kjo do të kishte ndikim të dukshëm si në dërgesat nga Kosova drejt Shqipërisë, ashtu edhe në ato nga Shqipëria drejt Kosovës. Sipas tij, tashmë janë hedhur disa hapa dhe synohet konkretizimi i tyre, por realizimi i projekteve të tjera kërkon sigurimin e financimit dhe mbështetjes së nevojshme.

Kryetari i DHTIK-ut, Skënder Krasniqi, hapi seancën duke iu referuar bashkëpunimit me Shqipërinë, masave lehtësuese të ndërmarra dhe sfidave që hasin bizneset në eksportet drejt vendeve të tjera.

Ai theksoi gjithashtu domosdoshmërinë e formimit të shpejtë të institucioneve, në mënyrë që të adresohen çështjet që frenojnë prodhuesit vendorë.

Krasniqi rikujtoi se një nga kërkesat e vazhdueshme të Dhomës, e përsëritur gjatë dhjetë viteve të fundit, ka të bëjë me pagesën e TVSH-së në momentin e inkasimit dhe jo të faturimit, praktikë që sipas tij përbën një pengesë të madhe për sektorin prodhues. Ai shtoi se ka një sërë problemesh të tjera që kërkojnë ndërhyrje urgjente për t’u zgjidhur.

Gjatë takimit u trajtuan edhe procedurat doganore, lehtësimi i tregtisë dhe sfidat e përditshme me të cilat ndeshen sipërmarrësit.

Bizneset shprehën shqetësimin e tyre edhe për akcizën e lartë që aplikohet mbi disa lëndë të para të importuara. Drejtori Llugaliu konfirmoi se edhe këto raste do të shqyrtohen me vëmendje.

The post DHTIK dhe Dogana e Kosovës diskutojnë mbi pengesat e bizneseve dhe nxitjen e eksporteve appeared first on Albeu.com.

Ministrja në detyrë e Ekonomisë, Artane Rizvanolli, ka zhvilluar një takim me ministrin e Infrastrukturës dhe Energjisë të Shqipërisë, Enea Karakaçi, ku në fokus kanë qenë prioritetet e përbashkëta në fushën e energjisë.

Sipas saj, pjesë e diskutimeve ka qenë edhe bashkëpunimi për projektin e termocentralit në Vlorë, me furnizim me gaz nga ShBA, përmes të cilit Kosova dhe Shqipëria do të ndajnë kapacitetet e energjisë elektrike në përputhje me nevojat e të dyja vendeve.

“Bashkëpunimin në projektin e termocentralit të Vlorës (me furnizim me gaz të lëngëzuar natyror nga ShBA), sipas marrëveshjes së vitit 2022, me qëllim që Kosova dhe Shqipëria të ndajnë kapacitetet e energjisë elektrike në përputhje me nevojat e të dy vendeve;Zhvillimin dhe rritjen e bursës tonë të përbashkët të energjisë elektrike, Bursës Shqiptare (ALPEX), në të cilën vëllimi i tregtisë po rritet vit pas viti;Linjën e re të transmetimit 400 kV Prizren – Fierzë.U dakorduam të vazhdojmë koordinimin e ngushtë institucional dhe teknik”, ka shkruar ajo në Facebook.

The post Rizvanolli dhe Karakaçi bisedojnë për termocentralin e Vlorës me gaz të lëngëzuar nga ShBA appeared first on Albeu.com.

Dhuratat e bëra nga banori, duket se nuk i kanë pëlqyer shumë Eglit, e cila u shpreh se i dha sinjale që të hiqte dorë, gjë që duket ai nuk po e bën.

Xumi: Surpriza e tretë ishte për të treguar që e bëra nga unë.

Egli: Këtë duhet ta gjeje ti. S’kishe pse ta çoje çdo gjë te petalet. Ti e di që petalja e bën romantike gjënë.

Xumi: Atë formën e zemrës doja të tregoja çfarë kam unë.

Egli: Po, e bëre atë. E pe si u përdor atje dhe se në sa siklet më vendosën mua. U munduan të më vënë, se nuk më vë njeri në siklet…

Xumi: Pjesa e llokumeve nuk simbolizon asgjë.

Egli: Ti pse e bëre të tretën pra?

Xumi: Unë të tretën e bëra për të treguar…

Egli: Ma tregove mjaftueshëm dhe unë madje të dhashë një sinjal kur të erdha me pjatën dhe të kam thënë “e ke tepruar, ma ke bërë për borxh”. Një mashkull i pjekur e kupton këtë gjë. Këtu s’jemi vetëm. Jemi edhe 17 të tjerë.

Xumi: Në moment që ndodhi ajo atje jashtë, unë ika dhe të pash që po debatoje fortë me ato, kam thënë “t’ia haj zemrën, edhe kur është me nerva sa e bukur është”. Nuk të ka nënvlerësuar Xumi kurrë.

Egli: Unë nuk e di se çfarë thua ti kur unë nuk jam aty. Unë di ato që ti ke thënë kur unë kam qenë aty.

The post Xumi nuk ‘heq dorë’ nga Egli: Edhe kur është me nerva sa e bukur është! appeared first on Albeu.com.

Ai tha se paratë e buxhetit që qeveria e trumbeton me të madhe se është më i madhi në histori, u janë marrë të varfërve përmes çmimeve dhe po u jepen të pasurve.

Ndërkohë ka propozuar edhe rritje të pagave dhe pensioneve për të përballuar inflacionin.

Shehi: Ky qenka buxheti më i mirë në botë, a thua po se miratuam na ngelin pensionistët pa bukë, se faktikisht kanë bukë shumë. Mos na del dhe në Durrës noj Rus. Ky buxhet është rreth 5 miliardë, sigurisht që është më i madh se sa i vjetri. Viti për viti bëjmë këtë diskutim, që ky buxhet është më i madhi në histori, po kështu janë buxhetet, vijnë duke u rrit. Ky buxhet ka dhe nja 500 milionë që u janë marrë shqiptarëve për shkak të çmimeve. Nëse i rrisni akoma çmimet buxheti do vijë prapë duke u rritur, Çfarë janë buxhete, si mblidhen dhe si shpenzohen? Kujt ia marrim këto para? Biznesit, të pasurve, të varfra, bëni pra hesap nga i merrni paratë, kjo e bën ndryshimin mes të majtës dhe të djathtës. Ky buxhet që mblidhni ju merren nga paret e fukarenjve, pasi i morët nga rritja e çmimeve. Ky është buxheti i çmimeve të qumështit, të vezëve, të djathit. Ku shpërndahet ky buxhet, se mirë që mblidhet ke të var5fërit. Për të marrë ua marrim të varfëve dhe ua japim të pasurve. Asnjëri nuk e përmend këtu se nga shkojnë paratë e shtuara. Ky është problemi i shqiptarëve se numërojnë krundet. Unë po them hajde ta rishohim buxhetin këtu. Unë një ide kam dhe e kam thënë gjithmonë, hajde të rrisim rrogat, se vetëm në këtë mënyrë u japim mundësi njerëzve të përballojnë inflacionin, ky është gjest që duhet ta bëjë një Parti Socialiste. Ça është kjo parti që nuk do të rrisë rrogat. Hajde t’i rrisim rrogat 30% vitin e parë, 25% vitn e dytë, 20% vitin e tretë dhe të katërtin 15%.

Ndërhyrje nga salla: Po inflacioni?

Shehi: Ja ua them unë. Inflacioni i kësaj duhet vit për vit 30 miliardë, do të japin efekt 1.5%. Në një periudhë që inflacioni është 9%, kjo është zgjidhja. Pyetja fatale po nga do dalin paratë? Ja pra ky është ndryshimi, do i marrim paratë dhe do ua rishpërndajmë qytetarëve. Njëherë 10 miliardë do i marrim duke shkurtuar patronazhistët. 1/3 do ulim shpenzimet për investime. Nuk kemi nevojë të bëjë tunele vend e pa vend, hajde të negociojmë PPP-të, dalin dhe aty 10 miliardë të tjera. 10 të tjera le t’ia lëmë administrimit. E dini çfarë është tragjike këtu,. Vidhja të varfrit dhe jepua të pasurit. Këtu pra del edhe rritja e pensionit, pasi me rritjen e pagave rritet dhe tvsh-ja, rriten dhe pensionet. Por nga kjo rritje rritet dhe dëshira e qytetarëve për të mos ikur nga Shqipëria. Pse ka kaq shumë armiq kjo ide, se i ikin 300 milionë këtij zotërisë, dhe mërziten ata.

The post Shehi: Paratë e këtij buxheti ua keni marrë të varfërve për t’ua dhënë të pasurve appeared first on Albeu.com.

Si SHBA-ja ashtu edhe Rusia konfirmuan se sekretari amerikan i mbrojtjes Lloyd Austin dhe homologu i tij rus Sergei Shoigu diskutuan për situatën në Ukrainë.

Pas telefonatës së të premtes, Pentagoni bëri të ditur se Austin kishte “theksuar rëndësinë e mbajtjes së linjave të komunikimit në mes të luftës së vazhdueshme kundër Ukrainës”.

Ministria ruse e mbrojtjes tha se “u diskutuan çështjet aktuale të sigurisë ndërkombëtare, duke përfshirë edhe situatën në Ukrainë”.

Pas bisedës së tyre të mëparshme në maj, Austin i kërkoi homologut të tij të vendoste një armëpushim të menjëhershëm – një kërkesë që nuk u përmend këtë herë.

Biseda e dy zyrtarëve erdhi në kohën pas aludimeve të presidentit rus Vladimir Putin se ai mund të jetë i gatshëm të përdorë armë bërthamore në Ukrainë, dhe paralajmërimet nga presidenti i SHBA-së Joe Biden, nëse një gjë e tillë do të ndodhte.

Marrëdhëniet tashmë të ftohta midis SHBA-së dhe Rusisë u përkeqësuan edhe më shumë që nga pushtimi i Ukrainës.

Udhëheqësit e të dy vendeve patën një takim në mesin e vitit 2021, i cili u pa si një hap pozitiv drejt një marrëdhënieje më të mirë. Por ky progres ngeci pasi tensionet u përshkallëzuan mbi Ukrainën.

Putin dhe Biden zhvilluan disa telefonata në muajt para luftës, në të cilat presidenti amerikan paralajmëroi homologun e tij rus të tërhiqej nga planet e pushtimit. Që nga muaji shkurt, kur nisi agresioni ushtarak i Rusisë, nuk ka pasur asnjë bisedë mes liderëve të dy vendeve.

Rusia ka dënuar publikisht SHBA-në dhe Perëndimin mbi përpjekjet për të ndikuar në luftë duke furnizuar me armë dhe ndihma të tjera Ukrainën./REL

The post Ministrat e mbrojtjes të SHBA-së dhe Rusisë diskutojnë mbi luftën në Ukrainë appeared first on Albeu.com.

Udhëheqësit e G7-ës po diskutojnë si të krijojnë një kufi të tillë çmimi dhe kanë konsideruar alternativa të tjera, duke përfshirë bllokimin e transportit të naftës ruse.

G7-a përbëhet nga Britania, Kanadaja, Franca, Gjermania, Italia, Japonia dhe Shtetet e Bashkuara.

Shumë vende kanë vendosur sanksione ndaj Rusisë pas agresionit të saj në Ukrainë, të cilin Moska e quan një “operacion special ushtarak”, por konsumatorët kryesorë të naftës, Kina dhe India kanë rritur importet e fuçive ruse me çmime të ulta, në nivele rekord.

Pavarësisht se eksportet e naftës ruse arritën nivelet e tyre më të ulëta që nga gushti i kaluar, të ardhurat e saj nga eksporti në qershor u rritën me 700 milionë dollarë nga muaji në muaj për shkak të çmimeve më të larta, 40% mbi mesataren e vitit të kaluar, tha Agjencia Ndërkombëtare e Energjisë muajin e kaluar.

Udhëheqësit perëndimorë kanë propozuar zgjidhjen e kësaj përmes një kufiri të çmimit të naftës për të kufizuar atë që tregtarët dhe rafineritë mund të paguajnë për naftën bruto ruse – një masë që Moska thotë se nuk do t’i përmbahet dhe mund ta pengojë duke dërguar naftë në shtetet që nuk i binden tavanit të çmimit.

Disa tregtarë dhe analistë të tregut të naftës kanë shprehur dyshime se një kufi i çmimit do të funksiononte pasi Rusia ka gjetur mënyra për të dërguar naftën e saj në Azi pa përdorur siguracionin e anijeve nga perëndimi. Moska gjithashtu mund të ndalojë eksportet e një pjese të naftës krejtësisht, duke çuar në një rritje të mëtejshme të çmimeve të energjisë./VOA

The post G7-a do të diskutojë çmimin tavan për naftën ruse appeared first on Albeu.com.

Josep Borrell, shefi i politikës së jashtme të BE-së, tha se shpreson që një ndalim të ndodhë së shpejti.

Kjo vjen pasi BE nuk arriti të binte dakord mbi sanksionet e propozuara dje për të ndaluar qymyrin rus.

The post BE do të diskutojë të hënën embargon e naftës ndaj Rusisë appeared first on Albeu.com.