Ministria e Jashtme ruse tha në një deklaratë se telefonoi ambasadoren Lynne Tracy dhe i tha asaj se sekretari i parë i ambasadës Jeffrey Silin dhe sekretari i dytë David Bernstein duhet të largohen nga Rusia brenda shtatë ditëve.

Robert Sonov, një shtetas rus, punoi në Konsullatën e Përgjithshme të SHBA në qytetin e Vladivostok për më shumë se 25 vjet derisa Rusia në vitin 2021 urdhëroi shkarkimin e tij, duke e quajtur atë një “agjent të huaj”.

Ky emërtim, që të kujton “armiqtë e popullit” të epokës sovjetike, përdoret masivisht kundër kundërshtarëve, gazetarëve dhe aktivistëve të të drejtave të njeriut të akuzuar për kryerjen e aktiviteteve politike të sponsorizuara nga jashtë.

“Agjentët e huaj” u nënshtrohen shumë kufizimeve dhe procedurave komplekse, nën kërcënimin e dënimeve të rënda. Në veçanti, ata duhet ta përmendin këtë emër në të gjitha botimet e tyre.

Shtetet e Bashkuara akuzuan Moskën në gusht se po përpiqej të frikësonte dhe ngacmonte zyrtarët amerikanë pasi mediat ruse raportuan se Sonov po mblidhte inteligjencë në emër të Uashingtonit.

The post Rusia dëbon dy diplomatët amerikanë: Punonin me një “agjent të huaj” appeared first on Albeu.com.

Sipas Reuters, dy nga katër diplomatët janë në misionin e përhershëm në Kombet e Bashkuara në Vjenë dhe kanë vepruar në një mënyrë “të papajtueshme” me marrëveshjen midis OKB-së dhe Austrisë.

Dy të tjerët janë personel i ambasadës ruse, të cilët vepruan në një mënyrë “të papajtueshme” me statusin e tyre diplomatik. /albeu.com

The post Austria shpall “non grata” 4 diplomatë rusë appeared first on Albeu.com.

Disa media kryesore, duke përfshirë CNN, Associated Press dhe Reuters, cituan burimet e tyre të kenë thënë se propozimi do t’i paraqitet Senatit sapo Rusia ta miratojë emrin e saj, siç e thotë protokolli standard diplomatik.

Deri tani as Shtëpia e Bardhë dhe as Departamenti i Shtetit nuk i kanë komentuar raportimet e mediave.

Agjencia shtetërore ruse e lajmeve, RIA Novosti, duke cituar Kremlinin, raportoi më 15 shtator se “vështirë se ka shpresë” që marrëdhëniet mes dy vendeve të përmirësohen nën ambasadorin e ri.

Nëse miratohet emri i saj, Lynne Tracy, aktualisht ambasadorja e SHBA-së në Armeni, do të zëvendësojë John Sullivan, i cili përfundoi mandatin e tij më 4 shtator.

Tracy shërbeu si zëvendës shefe e misionit në Ambasadën e SHBA-së në Moskë nga viti 2014 deri në 2017.

Raportet mes dy shteteve janë përkeqësuar pothuajse në nivelin e pas Luftës së Ftohtë, qëkur Rusia nisi pushtimin e paprovokuar të Ukrainës më 24 shkurt. Për shkak të luftës, SHBA-ja dhe Bashkimi Evropian kanë vendosur disa runde sanksionesh të ashpra ndaj Moskës.

The post Biden pritet të emërojë ambasadore në Rusi appeared first on Albeu.com.

Ministria e Jashtme tha se kishte thirrur një përfaqësues të ambasadës japoneze në Moskë dhe i tha atij se tetë diplomatët duhet të largoheshin nga Rusia deri më 10 maj.

Ajo vjen vetëm disa javë pasi Japonia dëboi tetë diplomatë rusë, në një veprim të rrallë që ajo tha se ishte në përgjigje të veprimeve të Rusisë në Ukrainë, duke përfshirë vrasjen e civilëve.

Ndërkohë, ministria e jashtme e Norvegjisë tha se Rusia do të dëbonte tre diplomatë norvegjezë pasi Oslo dëboi një numër të ngjashëm diplomatësh rusë për pushtimin e Ukrainës nga Kremlini./albeu.com

The post Rusia shton snksionet, dëbon diplomatët japonezë dhe norvegjezë appeared first on Albeu.com.

Ministria ruse e Punëve të Jashtme kumtoi se bëhet fjalë për 14 punonjës në ambasadën holandeze në Moskë dhe një në konsullatën holandeze në Shën Petersburg.

Diplomatët kanë dy ditë kohë për t’u larguar nga Rusia.

“Ky hap u ndërmor si përgjigje ndaj dëbimit më 29 mars të 18 anëtarëve të punonjësve nga Ambasada Ruse në Hagë, Misioni Tregtar rus në Amsterdam dhe misioni rus në Organizatën për Ndalimin e Armëve Kimike (OPCW)”, kumtoi ministria.

Në kumtesë shtohet se Holanda nuk mund të abuzojë me të drejtat dhe privilegjet e saj si vend pritës i OPCW-së dhe se Haga duhet t’i përmbahet rreptësisht Marrëveshjes së Selisë së OPCW-së të vitit 1997.

Në kumtesë të veçantë, ministria kumtoi se e ka ftuar ambasadorin belg Mark Mikilsen dhe e informoi atë për dëbimin e diplomatëve belgë nga Moska, të cilët duhet të largohen deri më 4 maj.

Holanda dhe Belgjika dëbuan diplomatët rusë për spiunazh të dyshuar pasi marrëdhëniet midis Rusisë dhe Bashkimit Evropian u përkeqësuan më tej për shkak të luftës ruse kundër Ukrainës, e cila filloi më 24 shkurt./albeu.com

The post Rusia dëbon diplomatët holandezë dhe belgë appeared first on Albeu.com.

Epilogu i zgjedhjeve presidenciale në Francë do të ketë ndikim të madh në Bashkimin Evropian, por edhe në politikën e Bashkimit Evropian ndaj Ballkanit Perëndimor dhe procesit të zgjerimit, thonë diplomatët në Bruksel.

Në rast të fitores së Macronit, pak a shumë pritet të ketë një vazhdimësi të politikës së Francës në BE, përfshirë edhe për procesin e zgjerimit të bllokut. Por, në rast të një fitoreje të Le Pen, i tërë projekti evropian mund të vihet në rrezik.

Le Pen për vite me radhë ka mbajtur qëndrime kundër BE-së, prandaj deri në rundin e dytë të zgjedhjeve, që mbahet më 24 prill, në Bruksel po mbretëron një nervoz e madhe.

“Nëse fiton Le Pen, jo vetëm zgjerimi i BE-së, por edhe proceset e brendshme në BE do të jenë në rrezik”, thotë një diplomat evropian, i cili foli në kushte anonimiteti, për shkak se institucionet e bllokut evropian kanë një traditë që nuk përzihen në proceset zgjedhore të shteteve anëtare.

Le Pen është mjaft e njohur në institucionet e BE-së sepse ka përvojë edhe si deputete e Parlamentit Evropian. BE-ja gjithmonë ka pasur një vend të posaçëm në fushatat e saj zgjedhore, por jo për të mirë. Ajo gjithmonë ka kritikuar politikën e kufijve të hapur midis vendeve të BE-së, valutën e përbashkët dhe qëndrimin miqësor të bllokut evropian ndaj migrantëve.Megjithatë, ajo tani ka hequr dorë nga ideja që Franca të largohet nga blloku dhe më shumë po flet për “kthimin e sovranitetit të vendeve anëtare”.

Sa i përket Ballkanit Perëndimor, një fitore eventuale e Le Pen do të mund të kishte pasoja. Ajo dhe anëtarët e partisë së saj, Tubimi Kombëtar (Rassemblement National), që janë deputetë në Parlamentin Evropian, kanë pasur qëndrime jashtëzakonisht miqësore me presidentin e Rusisë, Vladimir Putin, dhe kontaktet në rajonin e Ballkanit Perëndimor i kanë zhvilluar pikërisht me njerëzit e afërt me Rusinë.

Partia e Le Pen ka kundërshtuar pavarësinë e Kosovës dhe ka mbështetur liderin e serbëve të Bosnjë e Hercegovinës, Millorad Dodik, në tentimet e tij për të rrezikuar unitetin dhe integritetin territorial të Bosnjës. Deputetët e kësaj partie po ashtu kishin marrë pjesë edhe në manifestimin e ditës që entiteti i Republikës Sërpska e kishte shpallur si festë, që bashkësia ndërkombëtare e ka cilësuar si “festë të jashtëligjshme”.

Le Pen dhe partia e saj po ashtu kanë marrë ndihma financiare edhe nga bankat e Rusisë. Deputetët e kësaj partie në Parlamentin Evropian kishin vëzhguar zgjedhjet e Rusisë, që ishin mbajtur në territoret e okupuara të Ukrainës, edhe pse BE-ja i kishte shpallur të jashtëligjshme ato zgjedhje.

Tani, Le Pen e ka kritikuar pushtimin rus të Ukrainës, por ka përsëritur se nëse zgjidhet presidente e Francës do të angazhohet për lidhje më të ngushta me Rusinë.

Pikërisht, ndikimi i Rusisë në Ballkan është identifikuar nga BE-ja dhe NATO-ja si rrezik për stabilitetin afatgjatë të këtij rajoni dhe për arritjen e qëllimeve të bllokut evropian në këtë rajon.

Por, nën udhëheqjen e Macronit, Franca ka pasur një qëndrim të përmbajtur rreth procesit të zgjerimit të BE-së. Parisi ka insistuar që BE-ja të ndryshojë metodologjinë e zgjerimit dhe kjo gjë ka ndikuar në ngadalësimin edhe më të madh të këtij procesi. Franca po ashtu vlerësohet se është pengesa kryesore për liberalizimin e vizave për Kosovën.

Edhe pse kishte premtuar se do të angazhohej fuqishëm për avancimin e zgjerimit gjatë kryesimit të Presidencës së BE-së, Franca nuk ka bërë aq shumë në këto tre muajt e parë të udhëheqjes së BE-së dhe kjo i është atribuuar zgjedhjeve presidenciale franceze.

Por, diplomatët në Bruksel janë të bindur se nëse fiton Emmanuel Macron dhe nëse forcat pro-evropiane fitojnë edhe në zgjedhjet parlamentare, të cilat do të mbahen në qershor, Franca do të jetë më pozitive karshi procesit të zgjerimit dhe do të vazhdojë përkushtimin për paqen dhe stabilitetin në Ballkanin Perëndimor.

Franca, që mori kryesimin gjashtëmujor të Presidencës së BE-së në fillim të këtij viti, planifikon që të organizojë një konferencë të posaçme kushtuar Ballkanit Perëndimor. Në këtë konferencë pritet të diskutohet për problemet specifike, sidomos për raportet midis Kosovës dhe Serbisë dhe tensioneve politike në Bosnjë e Hercegovinë. Kjo konferencë është planifikuar të mbahet në qershor, pas zgjedhjeve në Francë.

Po ashtu, Franca ka paralajmëruar një bashkëpunim më të madh edhe me Gjermaninë, me qëllim që të çojë përpara dialogun midis Kosovës dhe Serbisë, që ndërmjetësohet nga BE-ja, proces i cili deri më tani nuk ka dhënë rezultate konkrete.

Diplomatët në Bruksel presin që Franca pas zgjedhjeve “të lëvizë” edhe sa i përket çështjes së liberalizimit të vizave për Kosovën. Këta diplomatë pohojnë se Qeveria e Kosovës është duke punuar me autoritetet dhe Francës edhe përmes kontakteve dypalëshe për të hequr dyshimet e Parisit rreth rrezikut që mund të ketë nëse ndodh liberalizimi.

Franca pritet po ashtu të angazhohet edhe për nisjen e negociatave për anëtarësim me Shqipërinë dhe Maqedoninë e Veriut para se të përfundojë kryesimin e Presidencës së BE-së, pra para fundit të muajit qershor.

Por, diplomatët në Bruksel thonë se e gjithë këto zhvillime do të jetë në konsideratë nëse Macron fiton zgjedhjet presidenciale. Në rast të fitores së Le Pen, ata thonë se BE-ja do të hyjë në një drejtim të panjohur sikurse edhe procesi i zgjerimit të saj.

“Franca vazhdon të jetë një prej shteteve kryesore të Bashkimit Evropian dhe çdo ndryshim dramatik në politikën e këtij shteti do të ketë ndikim të madh edhe në proceset në BE. Nëse president në Francë bëhet një person që nuk beson në projektin evropian, siç është Le Pen, atëherë kjo nuk do të ndihmojë as në procesin e zgjerimit”, thotë për Radion Evropa e Lirë një diplomat i BE-së.

Ai shton se procesi i zgjerimit është vetëm një prej temave për të cilat BE-ja mund të ketë probleme nëse fiton Le Pen, pasi sipas tij, edhe tema të tjera të BE-së mund të rrezikohen./REL

The post Zgjedhjet/ Le Pen apo Macron? Kosova sytë nga zgjedhjet në Francë appeared first on Albeu.com.

“Në bazë të informacioneve të marra nga organet kompetente, këta persona kryenin aktivitete që janë në kundërshtim me Konventën e Vjenës për Marrëdhënie Diplomatike dhe në pesë ditët e ardhshme do të duhet të largohen nga territori i Republikës së Maqedonisë së Veriut”, thuhet në komunikatën e Ministrisë së Jashtme të Maqedonisë së Veriut (MPJ).

The post Lufta në Ukrainë, Maqedonia e Veriut dëbon gjashtë diplomatë të tjerë rusë appeared first on Albeu.com.

Uashingtoni ka thënë muajin e kaluar se do të dëbojë diplomatët rusë nga misioni i Kombeve të Bashkuara në Nju Jork, për shkak të shqetësimeve të sigurisë, dhe më vonë ka bërë të ditur se do të dëbojë edhe një rus shtesë, për të cilin autoritetet amerikane kanë pretenduar se është spiun.

Të hënën, Ministria e Jashtme e Rusisë ka marrë në pyetje ambasadorin amerikan në Rusi, John Sullivan si shenjë proteste ndaj etiketimit që i ka bërë presidenti amerikan, Joe Biden, liderit rus, Vladimir Putin, duke e quajtur “kriminel lufte”.

Një zyrtar i Departamentit amerikan të Shtetit ka konfirmuar se ka marrë listën e diplomatëve që janë shpallur “të padëshiruar” në Rusi.

Ende nuk dihet sa dhe kur diplomatët do të dëbohen nga Rusia.

Rusia ka thënë se do të dëbojë një numër të diplomatëve amerikanë, si shenjë hakmarrjeje, pas vendimit të Shteteve të Bashkuara për të dëbuar 12 diplomatë rusë.

Uashingtoni ka thënë muajin e kaluar se do të dëbojë diplomatët rusë nga misioni i Kombeve të Bashkuara në Nju Jork, për shkak të shqetësimeve të sigurisë, dhe më vonë ka bërë të ditur se do të dëbojë edhe një rus shtesë, për të cilin autoritetet amerikane kanë pretenduar se është spiun.

Të hënën, Ministria e Jashtme e Rusisë ka marrë në pyetje ambasadorin amerikan në Rusi, John Sullivan si shenjë proteste ndaj etiketimit që i ka bërë presidenti amerikan, Joe Biden, liderit rus, Vladimir Putin, duke e quajtur “kriminel lufte”.

Një zyrtar i Departamentit amerikan të Shtetit ka konfirmuar se ka marrë listën e diplomatëve që janë shpallur “të padëshiruar” në Rusi.

Ende nuk dihet sa dhe kur diplomatët do të dëbohen nga Rusia.

Presidenti rus, Vladimir Putin, ka urdhëruar pushtimin e Ukrainës më 24 shkurt.

Ai ka urdhëruar “operacion special” për të çmilitarizuar Ukrainën.

Veprimi i Kremlinit ka nxitur zemërim dhe është dënuar në shumë vende të botës.

Shtetet e Bashkuara dhe aleatët janë përgjigjur me sanksione të ashpra kundër Moskës./REL

The post Rusia dëbon diplomatë amerikanë në shenjë hakmarrjeje appeared first on Albeu.com.

Erdogan tha gjatë fundjavës se kishte urdhëruar që diplomatët të shpalleshin persona “non grata” për kërkimin e lirimit të filantropistit të shquar Osman Kavala, 64 vjeç, i arrestuar për katër vjet me akuzën e financimit të protestave dhe përfshirjes në një përpjekje për grusht shteti.

Ai u tërhoq pasi Shtetet e Bashkuara dhe disa nga vendet e tjera të interesuara lëshuan deklarata identike duke thënë se ata respektonin një konventë të OKB-së që kërkonte që diplomatët të mos ndërhynin në punët e brendshme të vendit pritës.

Erdogan tha se deklarata e re “tregon se ata kanë bërë një hap prapa nga shpifjet kundër vendit tonë”, duke shtuar: “Ata do të jenë më të kujdesshëm tani”./albeu.com

The post Erdogan tërhiqet nga vendimi për të shpallur “non grata” diplomatët perëndimorë appeared first on Albeu.com.

Tetë anëtarët e misionit diplomatik rus në aleancën veri-atlantike, të cilët akuzohen se punonin për agjencitë ruse të zbulimit, duhet të largohen nga Brukseli deri në fund të këtij muaji.

Sekretari i përgjithshëm i NATO-s, Jens Stolenberg tha se për momentin marrëdhëniet mes Rusisë dhe NATO-s janë në pikën e tyre më të ulët, që nga përfundimi i Luftës së Ftohtë.

“Kemi hequr akreditimet e tetë anëtarëve të misionit rus në NATO, të cilët janë oficerë të padeklaruar të zbulimit rus. Ky vendim nuk lidhet me ndonjë ngjarje të veçantë. Por kemi vërejtur një rritje të aktiviteteve dashakeqe të Rusisë“, tha zoti Stoltenberg në një konferencë shtypi.

Drejtuesi i NATO-s tha se aleanca është e gatshme për dialog me Rusinë, por se deri tani Kremlini nuk ka treguar vullnet për të biseduar.

“Kemi parë veprimet e tyre agresive, jo vetëm kundër Ukrainës, por edhe ngritjen e konsiderueshme ushtarake dhe shkeljet e marrëveshjeve të rëndësishme të kontrollit të armëve, siç është traktati për Forcat Bërthamore me Rreze të Mesme, gjë që çoi në shkatërrimin e këtij traktati, i cili ndalonte të gjitha sistemet e armëve me rreze të mesme veprimi”, tha ai.

Kremlini tha se vendimi i NATO-s minoi pothuajse plotësisht shpresat e saj se marrëdhëniet mund të normalizoheshin dhe se dialogu me aleancën e udhëhequr nga ShBA mund të rifillonte.

“Ka një mospërputhje të dukshme në deklaratat e përfaqësuesve të NATO-s lidhur me vullnetin e tyre për të normalizuar marrëdhëniet me vendin tonë dhe veprimet e tyre aktuale”, u tha gazetarëve zëdhënësi i Kremlinit, Dmitry Peskov.

Të 30 vendet anëtare të NATO-s miratuan vendimin për shkurtimin e misionit vëzhgues rus, i nisur dy dekada më parë për të ndihmuar përmirësimin e dialogut dhe bashkëpunimit në fushat e përbashkëta të sigurisë.

Kjo nuk është hera e parë që NATO përjashton diplomatë rusë nga selia e aleancës. Shtatë diplomatë ishin përjashtuar më 2018, pas helmimit të Sergei Skripalit, ish oficerit të zbulimit rus, që kishte kërkuar strehim në Britani.

Kremlini mohoi përfshirjen në përpjekjen për vrasjen e tij, por Britania ka identifiuar oficerë të zbulimit rus për të cilët thotë se qëndrojnë pas helmimit.

Muajin që shkoi policia britanike akuzoi një të dyshuar të tretë nga agjencia e inteligjencës ushtarake ruse për helmimin.

Në prill, zyrtarët çekë thanë se dy agjentë rusë, të dyshuar për helmimin e Skripalit, ishin përfshirë edhe në organizimin e shpërthimit në një depo çeke të municionit më 2014, ku u vranë dy persona./VOA

The post NATO dëbon tetë diplomatë rusë appeared first on Albeu.com.