Lajmin e ka bërë të ditur Princ Leka, përmes një njoftimi në faqen e tij në Facebook.

Ai ka postuar disa fotografi familjare nga fëmijëria, të cilat i ka shoqëruar me një shkrim tepër prekës.

Postimi i plotë:

10 vite pa ty i dashur Babi!

Në këto vite jeta më ka sjellë momente shumë të gëzuara, të cilat do të kishin dhënë lumturi të madhe, si edhe momente të vështira, ku forca dhe kurajo jote më kanë munguar. Kur u bëra baba dhe mora në krahë për herë të parë Geraldinën e vogël, ju pashë ty dhe mamin brenda zemrës sime! Sa do doja tju kisha pranë ato çaste! Ajo do ishte gezimi juaj më i madh, është aq e dashur!

10 vite më parë të përcollëm në atë botë tjetër ku të gjithë takohemi një ditë, e unë lutem që së bashku me mamin të jeni në paqen e amshuar!

Babi, kur ti mbylle sytë e na fike shpirtin, ishin shqiptarët e tu ata që na dhanë ngushëllim, na mbushën me dashuri në ato ditë aq të dhimbshme. Erdhën nga të gjitha trojet për të të përcjellë e nderuar ty, njeriun që besonin, Mbretin e tyre. Ti arrite të bashkosh shumë zemra, solle shpresë në kohë shumë të vështira, fitove respektin dhe besimin e shumë njerëzve.

Kur mbështetësit dhe dashamirësit e Familjes Mbretërore të kujtojnë ty, flasin për një burrë me karakter të fortë, me urtësi dhe vlerat më të vyera shqiptare. Do doja shumë të të ngjaj, të ngjall atë besim dhe shpresë, pasi më ke trashëguar shumë dashuri për këtë vend, i shtrenjti babai im! Hera e fundit kur ti pamë sytë e hapur e të përlotur ishte 28 nentori, ku kërkove flamurin në dritaren e dhomës së spitalit. Ai flamur që e deshe aq shumë!

Na mungon shumë, madje Elia emocionohet çdo herë që të kujtojmë, e të kujtojmë gjithmonë…/albeu.com/

The post DINASTIA/ 10 vite pa të atin, Princ Leka vjen me rrëfimin prekës (FOTO LAJM) appeared first on Albeu.com.

Stili i saj unik bënte diferencën duke filluar nga detajet më të vogla e deri te ato më madhorë.

Nga Princesha Diana e cila mbante një gjerdan në kokë e deri te Princesha Beatrice e cila u dërgoi një mesazh adoleshentëve me çantën e saj , bota e aksesorëve mbretërorë është plot me kuptime të fshehura.

Kurora që mbajti Princeshë Diana gjatë ceremonisë martesore nuk ishte një dhuratë nga familja mbretërore, por në fakt ishte trashëgimia e saj familjare.

Ajo mbante diamante që  i përkisnin familjes Spencer për gati një shekull dhe ishte bërë nga disa bizhuteri që ranë në duart e familjes së Dianës në periudha të ndryshme të historisë.

Pas ceremonisë martesore, Diana vendosi kurorën Spencer në disa raste, dhe pas vdekjes së saj në 1997, ajo iu kthye familjes së Dianës, ku mbetet edhe sot e kësaj dite.

Në vitin 2018, mbesa e Dianës, Celia McCorquodale, vuri këtë kurore Spencer në ceremoninë e saj të dasmës.

Princesha Diana ishte një rebele e vërtetë kur bëhej fjalë për modën, dhe shumë nga zgjedhjet e saj të veshjeve ishin të guximshme për një princeshë. Ajo sot konsiderohet si një ikonë e modës./albeu.com

The post “Vidhte” gjithë vëmendjen, cila ishte e fshehta e kurorës së princesh Dianës (FOTO LAJM) appeared first on Albeu.com.