Te skuadra kryeqytetase janë bashkuar Gabriel Michael, Jonathan Ochichejo dhe Richard Bidemi.

Prezantimi i tyre është bërë në rrjetet sociale nga agjentët Edvan Bakaj dhe Arbri Laçi.

Ky transferim është finalizuar në bashkëpunim me agjencinë “AMA Football Agency”. Si klubi, ashtu edhe agjencia, kanë vlerësuar bashkëpunimin me “IkonAllah Academy” gjatë këtij procesi, ndërsa u kanë uruar lojtarëve suksese në kapitullin e ri të karrierës së tyre në futbollin shqipëtar.

The post Dinamo City zyrtarizon tre afrime nga Nigeria, prezantimi vjen nga Edvan Bakaj dhe Arbri Laçi appeared first on Albeu.com.

Klubi i kryeqytetit e bëri publik lajmin përmes një komunikate zyrtare në rrjetet sociale, ku njoftoi se 28-vjeçari do të jetë nën urdhrat e trajnerit Ilir Daja në prag të përgatitjeve për sezonin e ri, me nisjen që përkon me sfidën e parë në Conference League.

Në të njëjtin njoftim theksohet se presidenti Adrian Bardhi është angazhuar personalisht për ta mbyllur me sukses këtë tratativë, në funksion të plotësimit të kërkesave të trajnerit Daja gjatë këtij sesioni merkatoje.

Ajzeraj mbërrin te blutë pas një eksperience të rëndësishme në karrierë. Në edicionin e fundit ai u shpall kampion i Superligës së Kosovës me Dritën, skuadër me të cilën regjistroi 47 paraqitje dhe realizoi 1 gol. Më herët, sulmuesi i qendrës ka luajtur edhe me Skënderbeun në Superiore.

POSTIMI:

“Mirë se vjen Almir Ajzeraj! FC Dinamo ka kënaqësinë të njoftojë se Almir Ajzeraj është lojtari ynë më i ri. Skuadrës sonë i bashkohet një futbollist me kualitet dhe eksperiencë edhe në arenën ndërkombëtare, pas aktivizimit me Dritën në grupet e Conference League sezonin e shkuar. Ajzeraj, 28 vjeç, luan në të dy krahët e sulmit, apo edhe si numër 10. Lojtari ka firmosur kontratën me klubin tonë dhe i është bashkuar skuadrës në Ohër, ku po zhvillohet faza përgatitore. Presidenti Adrian Bardhi është i angazhuar maksimalisht për të plotësuar të gjitha kërkesat e trajnerit Ilir Daja në merkaton e verës, duke e kompletuar skuadrën në çdo aspekt që ajo të jetë sa më kompetitive në Europë dhe sezonin e ardhshëm. Pas Almir Ajzerajt, do të ketë të tjera dhurata për stafin teknik dinamovit. Mirë se vjen në familjen blu dhe suksese me fanellën e 18 herë kampionëve të vendit Almir Ajzeraj!”

The post ZYRTARE/ Dinamo firmos me Almir Ajzerajn, kampioni i Superligës së Kosovës i bashkohet ekipit të Ilir Dajës appeared first on Albeu.com.

Sipas burimeve të “Newsport.al”, Dinamo ka nisur bisedimet për të afruar Manellarin në skuadër. Futbollisti nuk e sheh me kundërshti këtë lëvizje, ndërsa për t’u finalizuar marrëveshja mbetet vetëm dakordësia përfundimtare.

Në edicionin e fundit, 28-vjeçari ishte një prej pikave fikse te “verdheblutë”, duke qenë titullar i padiskutueshëm. Ai u aktivizua në 39 ndeshje dhe kontribuoi me dy asistime për ekipin.

Nëse kalimi te Dinamo konkretizohet, për Manellarin do të ishte një rikthim, pasi ka qenë pjesë e ekipit U19 në periudhën 2016-2017. Gjatë karrierës së tij, ai ka luajtur edhe për Partizani B, Iliria, Pogradeci, Tomori dhe Laçi.

The post EKSKLUZIVE/ Dinamo në sulm për Isi Manellarin, mesfushori pranë qëndrimit në Superiore appeared first on Albeu.com.

Në shortin e zhvilluar në Nion të Zvicrës, Elbasani, si nënkampion i Shqipërisë, u vu përballë bjellorusëve të BATE. Dinamo City do të ndeshet me Astanën, ndërsa Vllaznia do të masë forcat me Malishevën.

Të tre ekipet shqiptare do ta nisin rrugëtimin me ndeshjen e parë në fushën e tyre, ndërsa përballjet e kthimit do t’i luajnë jashtë. Takimet e para të turit të parë kualifikues janë planifikuar për më 9 korrik, ndërsa sfidat e kthimit do të zhvillohen një javë më pas, më 16 korrik.

The post Shorti i Conference League “ngatërron planet” e Vllaznisë, Elbasanit dhe Dinamo City, verdikti do të jepet në transfertë appeared first on Albeu.com.

Vllaznia e Shkodrës do të ndeshet me Malishevën nga Kosova, një tjetër ekip shqiptar. Madje, kuqeblutë e drejtuar nga Edi Martini shihen si kurrë më parë në vazon e favoritit.

Ndërkohë, Elbasani do të ketë përballë BATE Borisov, skuadrën bjelloruse që konsiderohet një “përbindësh”.

Një short shumë i vështirë ka dalë edhe për Dinamon e Ilir Dajës. “Blutë” e kryeqytetit do të përballen me Astanën e Kazakistanit, në duelin për një vend në turin e ardhshëm.

Takimet e para janë planifikuar për më 9 korrik, ndërsa sfidat e kthimit do të zhvillohen më 16 korrik.

The post Shorti i raundit të parë në Conference League, Vllaznia përballë Malishevës! Elbasani gjen BATE Borisov, Dinamo sfidon Astanën appeared first on Albeu.com.

Në njoftimin e publikuar, klubi dinamovit shkruan: “FC Dinamo i uron mirëseardhjen përgatitësit atletik Mark Dodaj! Ai i bashkohet familjes së madhe dinamovite si një vlerë e shtuar për stafin teknik të skuadrës”.

Vlen të theksohet se 32-vjeçari e ka mbajtur më herët këtë detyrë edhe te Kombëtarja shqiptare U21. Ndërkohë, gjatë karrierës si futbollist, Dodaj ka qenë pjesë e ekipeve si Vllaznia U19, Kastrioti, Tërbuni dhe Burreli.

The post Zyrtare/ Dinamo përforcon stafin e Ilir Dajës, prezantohet ish-përgatitësi atletik i Teutës appeared first on Albeu.com.

Pavarësisht se bastet favorizonin kroatët dhe ishin të paktë ata që besonin te kryqytetasit, ata ja dolën të triumfonin në “Air Albania”.

Më të zhgënjyerit për këtë eliminim padyshim janë tifozët e shumtë të Hajdukut të cilët udhëtuan nga Kroacia në Shqipëri.

Të gjithë prisnin një festë të madhe pas mbylljes së sfidës, por Dinamo ua ngriu buzëqeshjen në fytyrë. “Torcida” nuk i përshëndeti farë lojtarët pas mbylljes së ndeshjes të cilët ikën menjëherë në dhomat e zhveshjes.

Tifozët thjesht qëndruan në tribuna me kokat ulura dhe pa këngë. (VIDEO)

The post VIDEO/ Kishin ardhur në Tiranë për festë, shihni zhgënjimin e tifozëve të Hajdukut pas eliminimit nga Dinamo appeared first on Albeu.com.

Mesfushori i ri ka firmosur një kontratë 3-vjeçare me skuadrën e Dinamos.

“Bjorni Duka, lojtar i Akademisë së Dinamo City, ka firmosur kontratën e parë si profesionist. Mesfushori 17-vjeçar, pjesë e Kombëtares U-19 të Shqipërisë, ka nënshkruar për 3 vjet me klubin tonë.

Akademia e Dinamo City është gjithmonë në fokusin e presidentit Adrian Bardhi dhe klubit, pasi qëllimi është që kampionët e së ardhmes të lindin dhe rriten në shtëpi.

Pritet që rrugën e Dukës ta ndjekin shumë shpejt edhe elementë të tjerë të talentuar të Akademisë.”, shkruan klubi i Dinamos.

The post ZYRTARE/ Dinamo i jep prioritet të rinjve, 17-vjeçari firmos për 3 vite me kryeqytetasit appeared first on Albeu.com.

Mediat ruse zbulojnë se klubi dinamovit do të ishte i gatshëm për të lënë të lirë yllin e skuadrës, në rast se ofrohen 2.5 milionë euro. Kjo shumë ndërkohë është e padëgjuar më parë për Superioren.

Zabërgja është pjesë e Dinamos nga vera e vitit 2023. Shpërthimin e pati në këtë edicion me Ilir Dajën si trajner. 24-vjeçari shënoi 15 gola në total, ndërsa asistoi edhe 10 të tjerë në të gjitha kompeticionet.

Dinamo fitoi Kupën e Shqipërisë pas 22 viteve pritje. Ky trofe ishte i pari për Zabërgjën në karrierën e tij. Në rast se do të konkretizohej lëvizja te Rubin Kazan, do të bashkohej me tre sulmues të tjerë shqiptarë. Pjesë e klubit rus janë Daku, Çuni dhe Shabanhaxhaj.

The post Klubi i njohur “piketon” Baton Zabërgjan, Dinamo kërkon 2.5 milionë euro appeared first on Albeu.com.

Ndeshja e transmetuar drejtpërdrejt në RTSH Sport ka qenë e bukur dhe plot me emocione. Dinamo kalon e para në avantazh me Itodo Mandelën, por Egnatia rikthen shifrat në ekuilibër me Guindon në minutat shtesë të pjesës së parë.

Mandela shënon sërish në pjesën e dytë, por rrogozhinasit kundërpërgjigjen sërish në kohën shtesë, kësaj radhe me Bakajokon. Koha e rregullt përfundon 2-2. Nuk ka ndryshim rezultati në 30 minutat e kohës shtesë. Ruleta e penalltive i buzëqesh Dinamos, që shkurorëzon Egnatian (rrogozhinasit kishin fituar 2 edicionet e fundit të Kupës) dhe fiton Kupën e Shqipërisë për herë të 14-të në histori, një sukses që mungonte prej 22 vitesh.

Një meritë të veçantë ka trajneri Ilir Daja, që në sezonin e tij të parë te Dinamo, arriti që të rikthejë “blutë” te trofetë. Ndalet për momentin (kujtojmë që dy skuadrat do të luajnë në Final 4 për titullin kampion) seria e sukseseve të trajnerit Tetova, të cilit këtë sezon i mbetet të fitojë vetëm kampionatin.

SHIKONI PENALLTITË: VIDEO

The post VIDEO/ Dinamo fiton Kupën e Shqipërisë pas 22 vitesh appeared first on Albeu.com.