Lojtarët që konsiderohen mjaft të mirë për të luajtur për Barcelonën në nivelin e të rinjve kanë tendencë të vazhdojnë të shijojnë karriera yjore.

Megjithatë, kjo nuk është gjithmonë kështu, e dëshmuar nga një nga gjërat më të çuditshme që kanë ndodhur ndonjëherë në futbollin profesionist.

Sipas raportimeve nga Marca dhe media në Rumani, Dinamo e Bukureshtit po heton nëse mbrojtësi i tyre Edgar Ie e detyroi vëllain e tij binjak të luante pesë ndeshje në vend të tij pa e kuptuar klubi.

30-vjeçari nënshkroi për klubin në shkurt për të ndihmuar në betejën e tyre kundër rënies nga liga e parë rumune, por tani duket se lojtari që mbërriti në të vërtetë në Bukuresht ishte vëllai i tij binjak Edelino.

Mashtrimi i dukshëm u zbulua nga gazetari Daniel Sendre, i cili raportoi se Dinamo u bë i dyshimtë kur lojtari që pretendonte se ishte Edgar Ie mund të komunikonte vetëm në portugalisht, pavarësisht se luante në Spanjë, Francë, Turqi dhe Holandë.

Reprezentuesi i Guinea-Bissau, Edgar kaloi tri vjet me Barcelonën B përpara se të luante për klube duke përfshirë Villarreal B, Lille, Trabzonspor dhe Feyenoord.

Në të kundërt, vëllai i tij Edelino e ka kaluar pothuajse të gjithë karrierën e tij duke luajtur në Portugali.

Sipas gazetarit rumun Emanuel Rosu, dyshimet u shtuan më tej kur Edgar thuhet se refuzoi t’i tregonte klubit patentën e tij të shoferit kur u pyet.

Një burim brenda Federatës Rumune të Futbollit i tha iAMsport se një test i ADN-së mund të përdoret për të zgjidhur mosmarrëveshjen.

Federata nuk ka udhëzime zyrtare për situata të tilla, por nëse mashtrimi i supozuar vërtetohet dhe nëse Dinamo ishte në dijeni të tij, atëherë klubit mund t’i zbriten tetë pikët që fitoi në pesë ndeshjet që Edelino luajti në vend të Edgar Ie.

Dinamo mund t’i shmangej sanksioneve nëse mund të dëshmojë se ishin mashtruar dhe nuk kishin dijeni për mashtrimin e dyshuar të identitetit. /Telegrafi/

The post Mashtrim i paparë: Ish-lojtari i Barcelonës nënshkroi për Dinamon e Bukureshtit, vëllai binjak luante për të appeared first on Albeu.com.

Dinamo Bukureshti u përball sot (e martë) me Botosanin, në kuadër të raundit të gjashtë, i vlefshëm për betejën për mbijetesë.

Ekipi i Selmanit pësoi humbje me rezultat të ngushtë 2-1 me Selmanin që shënoi golin e vetëm në këtë takim për Dinamo Bukureshtin.

Për Selmanin ky ishte goli i parë me fanellën e ekipit rumun, që prej se u bë pjesë e tyre në shkurt të këtij viti nga ekipi izraelit Hapoel Beer Sheva.

Kujtojmë se sulmuesi shtatlartë ka debutuar me Kosovën në tetor të vitit 2021, ku deri më tani numëron pesë paraqitje dhe ka një gol të shënuar. /Telegrafi/

The post Astrit Selmani gjen golin e parë me fanellën e Dinamo Bukureshtit appeared first on Albeu.com.