Ky është reagimi i Moskës në pyetjen lidhur me bisedën telefonike që zhvilloi një ditë më parë presidenti i Ukrainës, Volodymyr Zelensky, dhe ai kinez, Xi Jinping.

Por, Kremlini tha se ende ka nevojë të arrijë qëllimet e tij në atë që e quan “operacion të posaçëm ushtarak” në Ukrainë.

Të mërkurën, lideri kinez dhe ai ukrainas zhvilluan bisedën e parë që kur Rusia nisi pushtimin e Ukrainës në shkurtin e kaluar. Kjo telefonatë përmbushin qëllimin e kamotshëm të Kievit që të zhvillojë bisedime me Pekinin.

Zëdhënësi i Kremlinit, Dmitry Peskov, tha se Rusia është njoftuar me detajet e bisedës së dy liderëve dhe se qëndrimi i tyre për konfliktin është mjaft i njohur.

“Ne jemi të gatshëm të pranojnë gjithçka që mund të ndihmojë në dhënien fund të konfliktit në Ukrainë dhe Rusia të arrijë të gjitha qëllimet e veta”, tha Peskov.

“Sa i përket faktit që ata komunikuan, kjo është një çështje sovrane e këtyre shteteve dhe është çështje e dialogut të tyre dypalësh”.

I pyetur nëse Rusia dhe Kina kanë biseduar për rivendosjen e kufijve të Ukrainës të vitit 1991 gjatë vizitës së zhvilluar së fundi në Moskë të liderit kinez, Peskov tha:

“Nuk ka pasur diskutime për këtë çështje”.

Kina, aleate e Rusisë, nuk e ka dënuar pushtimin e Ukrainës. Por, Pekini ka bërë thirrje që konflikti të zgjidhet përmes rrugëve diplomatike.

The post Kremlini mirëpret bisedën Xi-Zelensky për luftën në Ukrainë appeared first on Albeu.com.

Në komentet për gazetarët dje, presidenti i Bjellorusisë, Aleksandër Lukashenko tha se donte të mbante bisedime paqeje që përfshijnë SHBA-në dhe Rusinë në Minsk.

Zëdhënësi i Kremlinit Dmitry Peskov tha sot se nuk ka gjasa që Biden t’i përgjigjet pozitivisht kësaj nisme.

I pyetur nëse Kremlini është gati për një takim të tillë, Peskov tha: “Presidenti Putin është gjithmonë i gatshëm për një dialog me presidentin e Bjellorusisë, i cili do të jetë sot në Moskë”.

Putin po zhvillon bisedime me Lukashenkon jashtë Moskës sot./albeu.com

The post Kremlini: Biden “nuk ka gjasa” të pranojë ofertën e takimit appeared first on Albeu.com.

Zëdhënësi i Kremlinit Dmitry Peskov hodhi poshtë ndikimin e armëve të reja që dërgohen nga Britania, si dhe ato që furnizohen nga Polonia, duke pretenduar se ato nuk do të ndryshojnë situatën në terren.

Ai shtoi se tanket e reja do të “digjen si të tjerët”.

Peskov gjithashtu pretendoi se forcat ruse nuk shënjestruan ndërtesa banimi në sulmin e tyre të fundit raketor.

Dy ditë më parë një raketë goditi një kompleks apartamentesh në Dnipro duke vrarë të paktën 35 persona.

Peskov pretendoi se “situata” në Dnipro ishte rezultat i kundër-raketave dhe mbrojtjeve ajrore ukrainase./albeu.com

The post Britania do t’i dërgojë tanke Ukrainës, reagon Kremlini: Do t’i djegim appeared first on Albeu.com.

Rusia ka kërkuar vazhdimisht që të përfshihet në hetimin ndërkombëtar për këto rrjedhje, të cilat ndodhën ndërsa pushtimi rus i Ukrainës është ndezur dhe në sfondin e “betejës” së gazit midis Rusisë dhe BE-së.

Presidenti rus Vladimir Putin i quajti rrjedhjet e 12 tetorit një akt të ” terrorizmit ndërkombëtar ” për të mirën e SHBA, Polonisë dhe Ukrainës dhe diplomacia ruse i bëri thirrje presidentit amerikan Joe Biden të zbulojë nëse vendi i tij ishte përgjegjës për shpërthimet.

Zëdhënësi i Kremlinit Dmitry Peskov tha se Moska po punonte “intensive” për t’u përfshirë në hetim , të cilin e ka akuzuar në të kaluarën se është “rregulluar” për t’ia vënë fajin Rusisë.

“Puna po bëhet përmes kanaleve diplomatike”, u tha gazetarëve zyrtari rus. “Por deri më tani, ata po takojnë një mur ngurrimi për të hedhur dritë së bashku mbi të vërtetën, e cila me siguri do të befasojë më shumë se një vend evropian nëse bëhet publike” tha ai, pa dhënë detaje. “As gjermanët, as suedezët, as danezët nuk ndajnë informacion me ne”, tha Peskov.

Tubacionet e gazit Nord Stream kanë qenë në qendër të polemikave gjeopolitike edhe para pushtimit rus të Ukrainës, me Kievin dhe Uashingtonin që kundërshtojnë ndërtimin e tyre, gjë që sipas tyre nënvizon varësinë e Evropës nga gazi rus./albeu.com

The post Deklaratë enigmatike nga Moska për rrjedhjen e Nord Stream: E vërteta do t’i habisë europianët appeared first on Albeu.com.

Duke iu referuar aneksimit të Krimesë tetë vjet më parë, zëdhënësi i Kremlinit, Dmitry Peskov u tha gazetarëve: “Republikat Popullore të Donetsk dhe Luhansk janë njohur nga Rusia brenda kufijve të vitit 2014”.

I pyetur për territoret e Kherson dhe Zaporizhzhia, kjo e fundit nuk është nën kontrollin e plotë rus, Peskov dukej më pak i sigurt.

“Më duhet ta sqaroj këtë, nuk mund t’i përgjigjem kësaj pyetjeje tani,” mësohet të ketë thënë Peskov, sipas agjencisë së lajmeve AFP.

Aneksimet e shumta do të zyrtarizohen në orën 13:00 BST në një të ashtuquajtur ceremoni nënshkrimi./albeu.com

The post Aneksimi i territoreve të Ukrainës, raporti: Kemlini nuk është në gjendje të sqarojë “kufijtë e rinj” appeared first on Albeu.com.

“Fytyrat e Propagandës së Kremlinit | Dmitri Peskov ka shërbyer si zëdhënës i Vladimir Putinit që prej vitit 2008. Në këtë cilësi, ai ka luajtur një rol kyç në fushatat propagandistike dhe dezinformuese për të mbuluar lidhjet e Kremlinit me helmimin me polonium të ish-oficerit të inteligjencës ruse Alexander Litvinenko në vitin 2006, helmimin me Novichok të ish-oficerit të inteligjencës ushtarake ruse Sergei Skirpal dhe vajzës së tij Yulia në vitin 2018 dhe helmimin me Novichok të liderit të opozitës ruse Alexei Navalny në vitin 2020. Përpara se Putini të niste luftën e tij të paprovokuar dhe brutale kundër Ukrainës, Peskov mohoi vazhdimisht se Rusia kishte ndonjë qëllim për të pushtuar fqinjin e saj. Ai pohoi në mënyrë të rreme se Rusia nuk përbënte kërcënim për Ukrainën, se Rusia nuk kishte sulmuar kurrë asnjë komb tjetër dhe se Rusia do të ishte “vendi i fundit në Evropë” që mund të mendonte për fillimin e një lufte. Shërbimi ndaj Putinit ka qenë fitimprurës për Peskovin dhe pavarësisht se ka qenë nëpunës civil gjatë gjithë karrierës së tij, ai dhe familja e tij tani janë multimilionerë”, thuhet ne postimin e Ambasades se SHBA./albeu.com

The post Ambasada e SHBA në Tiranë: Peskov, fytyra e propagandës së Kremlinit appeared first on Albeu.com.

Zëdhënësi i Kremlinit Dmitry Peskov nuk pranoi të komentonte menjëherë kur u pyet nëse Presidenti Vladimir Putin kishte besim në udhëheqjen e tij ushtarake, duke thënë se “operacioni special” do të vazhdojë derisa të arrijë qëllimet e tij.

“Operacioni ushtarak vazhdon,” tha Peskov . “Dhe do të vazhdojë derisa të arrihen objektivat që ishin vendosur fillimisht. Sigurisht, çdo veprim ushtarak i kryer si pjesë e operacionit special i raportohet Komandantit Suprem”, tha Peskov, duke iu referuar Putinit.

“Presidenti është në komunikim të vazhdueshëm me ministrin e mbrojtjes dhe të gjithë komandantët ushtarakë. Asgjë tjetër nuk mund të bëhet gjatë operacionit special ushtarak”, shtoi ai.

Ky ishte reagimi i parë nga Kremlini ndaj kundërofensive ukrainase javën e kaluar, në të cilën Kievi pretendon se ka rimarrë më shumë se 3,000 kilometra katrorë territor në vetëm pak ditë.

I pyetur nëse Putin do të urdhëronte mobilizim të përgjithshëm në përgjigje të kundërofensive të Ukrainës, Peskov ia referoi pyetjen Ministrisë së Mbrojtjes.

Deri më tani, Putin nuk ka përdorur rekrutimin e njësive rezervë të Rusisë, të cilat numërojnë rreth 2 milionë burra që kanë shërbyer në ushtri në pesë vitet e fundit.

Peskov tha gjithashtu se Rusia nuk sheh asnjë perspektivë për bisedime paqeje me Ukrainën ose një bazë për bisedime të tilla.

Ai tha se nuk kishte diskutime mbi çmilitarizimin e mundshëm të uzinës bërthamore të Zaporizhia, një nga rekomandimet kryesore të Agjencisë Ndërkombëtare të Energjisë Atomike (IAEA) që kur ajo vizitoi objektin këtë muaj./albeu.com

The post Ukraina po i zmbraps ushtrinë, Kremlini: Do ta vazhdojmë “operacionin luftarak” derisa të arrijmë objektivat appeared first on Albeu.com.

“Kjo është e keqe për rusët, sepse ka shumë të ngjarë të marrë më shumë kohë dhe më e vështirë për të marrë viza”, u tha Peskov gazetarëve në një konferencë, duke shtuar: “Sigurisht që tërheqja e kësaj marrëveshje do ta vështirësojë situatën edhe për evropianët. Kjo është një zgjidhje tjetër qesharake për një absurditet të vazhdueshëm.”

Kujtojmë se pas një takimi jozyrtar dy-ditor në Pragë, ministrat e jashtëm të BE-së arritën të mërkurën një marrëveshje për të pezulluar plotësisht marrëveshjen për lehtësimin e vizave midis Bashkimit Evropian dhe Rusisë. Duke vënë në dukje se kjo është vetëm një marrëveshje politike në këtë pikë dhe jo tekst ligjor, kryediplomati i BE-së Josep Borrell tha se pasi të miratohet, vendimi “do të reduktojë ndjeshëm numrin e vizave të reja të lëshuara nga vendet anëtare të BE”.

Nuk është ende e qartë se kur pezullimi do të hyjë në fuqi./albeu.com

The post Kremlini: Vendimi i BE-së për të pezulluar vizat për rusët është qesharak appeared first on Albeu.com.

Sipas Rusisë, një vizitë e tillë do të rrisë tensionet në një nivel të rrezikshëm.

Pelosi u largua të martën nga Malajzia dhe u nis drejt Tajvanit, duke përshkallëzuar tensionet me Pekinin, që thotë se ky ishull është pjesë e territorit të tij.

Mediat në Tajvan kanë raportuar se Pelosi do të arrijë në shtet mbrëmjen e të martës, duke u bërë zyrtarja më e lartë amerikane që viziton Tajvanin në më shumë se 25 vjet.

Zëdhënësi i Kremlinit, Dmitry Peskov, paralajmëroi se një vizitë e tillë do të jetë “jashtëzakonisht provokuese”, duke shtuar se do të “përkeqësojë situatën në rajon dhe do të nxisë tensione”.

Ai tha për gazetarët se Rusia qëndron “në solidaritet të plotë” me Kinën, duke shtuar se çështja e Tajvanit është jashtëzakonisht e ndjeshme për Pekinin.

“Në vend se ta trajtojnë këtë situatë të ndjeshme me respekt, fatkeqësisht SHBA-ja ka zgjedhur rrugën e konfrontimit”, tha ai. “Vizita nuk do të sjellë asgjë të mirë dhe ne vetëm mund të shprehim keqardhje për këtë gjë”.

The post Rusia kundërshton vizitën e Pelosit në Tajvan appeared first on Albeu.com.

“Në përgjithësi, mbrojtja e republikave është qëllimi kryesor i operacionit special ushtarak”, tha ai, duke përdorur termin e Rusisë për konfliktin, të cilin ajo ka refuzuar ta quajë luftë apo pushtim.

Dy rajonet e shkëputura janë pushtuar nga separatistët pro-rusë që nga viti 2014, megjithëse pjesë të Luhanskut dhe Donetsk janë ende nën kontrollin e Ukrainës.

Fokusi kryesor i forcave ruse është tani në kapjen e pjesës tjetër të këtyre rajoneve./albeu.com

The post Zëdhënësi i Kremlinit: Qëllimi kryesor i Rusisë është të mbrojtur Donbasin appeared first on Albeu.com.