“Siç e dimë, kundërshtari ynë [Ukraina] ka lutur vendet perëndimore për aeroplanë, raketa, tanke. Si duhet të përgjigjemi? Është e qartë se në këtë rast, është e natyrshme, të rrisim prodhimin e armatimeve të ndryshme, duke përfshirë tanke moderne”, tha ai.

Më 25 janar, qeveria gjermane iu përgjigj thirrjeve të përsëritura të Kievit dhe miratoi dërgimin e tankeve Leopard 2 në Ukrainë, si dhe rieksportin e tyre nga vendet partnere.

Në të njëjtën ditë, presidenti amerikan, Joe Biden, njoftoi se SHBA-ja do t’i dërgojë 31 tanke luftarake M1 Abrams në Ukrainë.

Tanku Leopard 2 konsiderohet si një nga më të mirët në vendet perëndimore dhe rreth 20 vende aktualisht përdorin këtë tank.

Ukraina ka kërkuar 300 tanke të tilla dhe thotë se Perëndimi deri më tani ka premtuar se do t’ia dërgojë të paktën 120.

Rusia – që ka nisur pushtimin e Ukrainës më 24 shkurt 2022 – ka më shumë tanke sesa Ukraina, por modelet që Moska ka janë shumë inferiore krahasuar me tanket perëndimore.

The post Medvedev: Rusia duhet të rrisë prodhimin e tankeve appeared first on Albeu.com.

Medvedev, i cili dikur e konsideronte veten si një modernizues liberal si president nga viti 2008 deri në vitin 2012, tha se Moska po luftonte “të droguarit e çmendur nazistë” në Ukrainë të mbështetur nga perëndimorët, të cilët ai tha se “u rrjedhin pështymë në mjekër nga degjenerimi”.

Kjo vjen pasi Ukraina dhe Perëndimi kanë hedhur poshtë vazhdimisht pohimet e Presidentit Vladimir Putin se Ukraina drejtohet nga fashistë që kanë persekutuar rusishtfolësit. Në vend të kësaj, ata e konsideruan luftën si një rrëmbim brutal të tokës nga Moska.

Në një mesazh për shënimin e Ditës së Unitetit Kombëtar të Rusisë, z. Medvedev tha se detyra e atdheut ishte “të ndalojë sundimtarin suprem të Ferrit, çfarëdo emri që ai përdor – Satana, Lucifer apo Iblis”.

Tani nënkryetari i Këshillit të Sigurimit të Rusisë, z. Medvedev tha se Rusia kishte armë të ndryshme, duke përfshirë aftësinë për të “dërguar të gjithë armiqtë tanë në Gehenën e zjarrtë”, duke përdorur një term hebraik që shpesh përkthehet si Ferr.

The post Medvedev: Rusia po lufton një betejë të shenjtë kundër Satanit appeared first on Albeu.com.

Siç raportohet nga TASS, Medvedev e përshkroi këtë si mënyrën më të shpejtë për të përshkallëzuar “konfliktin” me Ukrainën, siç e përshkruajnë rusët luftën, mundësinë për t’i dhënë Kievit sistemin e lëshimit të raketave me rreze të gjatë veprimi MLRS.

“Mënyra më e shpejtë për të përshkallëzuar konfliktin me Ukrainën në nivelin e pasojave të një lufte botërore është furnizimi i Kievit me MLRS ,” tha Medvedev.

Dmitry Medvedev gjithashtu  këshilloi aleancën dhe qeverinë amerikane që të mendojnë me logjikë dhe të marrin parasysh rreziqet ekzistuese.

Në të njëjtën kohë, ai argumentoi se raportet e Sekretarit të Përgjithshëm të NATO-s Jens Stoltenberg se çdo fitore ruse do të nënkuptonte humbjen e aleancës, janë një konfirmim i pjesëmarrjes së aleancës së Atlantikut të Veriut në “konflikt”.

“ Deklaratat e Sekretarit të Përgjithshëm të NATO-s se një fitore ruse do të nënkuptojë humbjen e aleancës së Atlantikut të Veriut është një konfirmim i drejtpërdrejtë i pjesëmarrjes së aleancës në luftën kundër vendit tone,” theksoi Medvedev .

The post Rusia me retorikë kërcënuese: Nëse Ukraina merr raketa MLRS nga vendet e tjera, do jemi më pranë luftës botërore appeared first on Albeu.com.