Zyrtarë nga ministria thonë së perimetri i zjarrit atje po zgjerohet. Gjithashtu ata bënë edhe një përshkrim të situatën në veri të vendit, duke treguar me detaje zonat që janë ende nën flakë.

Ministria e Mbrojtjes shtoi se ka vijuar puna e forcave operacionale për shuarjen e zjarrit në fshatin Patalej, njësia administrative Kolsh, bashkia Lezhë, ndërsa fatmirësisht situata nuk paraqet rrezik për banesat.

NJOFTIMI I MINISTRISE SE MBROJTJES

Zjarri në fshatin Thirrë, njësia administrative Fan, bashkia Mirditë ka zgjeruar pak perimetrin. Forcat operacionale po përballen me vështirësi për shkak të tymit të krijuar. Po punohet për izolimin e vatrës së zjarrit.

Në përmirësim është situata në “Majën e Rrunës”, Laku i Mollave dhe Laku i Thive, njësia administrative Malzi, bashkia Kukës, ku ka vijuar puna për shuarjen e vatrave të zjarrit. Në zonë po operon edhe një helikopter dhe nuk paraqitet rrezik për banesat apo forcat në terren.

Ka filluar prej mëngjesit ndërhyrja nga ajri për shuarjen e flakëve në malin e Tërbunit, bashkia Pukë, ku gjithashtu po punojnë mbi 150 efektivë të FA.

Jo e mirë paraqitet situata në vatrën e zjarrit në fshatin Flet, njësia administrative Blerimaj, bashkia F. Arrëz, pasi zjarri po përhapet me shpejtësi në drejtim të banesave. Ka filluar ndërhyrja nga ajri me helikopter. Vatra zjarri ka gjithashtu midis fshatrave Kacni dhe Qafë Murrë, njësia administrative Selishtë, B. Dibër. Zjarri ka përmirësim në Qafë Murre, pasi ka kaluar në një terren shkëmbor dhe me bimësi të pakët.

Zjarri në fshatin Kacni, njësia administrative Selishtë bashkia Dibër, po zhvillohet me ritëm të shtuar në terren të vështirë, pa rrezik për banesat. Në këtë zonë zjarri është më i shtuar për shkak të bimësisë dhe drurëve të dendur. Po punohet nga forcat në terren për ta mbajtur larg zonës së banuar (pjesë e bashkisë Klos).

The post Situata e zjarreve në vend, Ministria jep detajet e fundit: Vatrat janë zgjeruar në veri appeared first on Albeu.com.

Sipas kësaj kontrate të miratuar në 31 korrik 2014, shteti shqiptar ka blerë gjashtë helikopterë nga të cilët 4 janë të modelit cugar ushtarak, ndërsa dy të tjerë janë helikopterë për emergjenca civile.

Vlera e këtyre gjashtë mjeteve fluturuese ishte e kripur mjaftueshëm për financat shqiptare, plot 78.6 milionë euro, para të cilat siç duket kanë shkuar dëm pasi helikopterët nuk po e kryejnë funksionin e tyre.

Dje Ministria e Mbrojtjes ka marrë 2 helikopterë për të ndihmuar nga ajri nga një kompani private, Viva Helicopters, e cila është në gjyq me Ministrinë për një kontratë të prishur para kohe, pikërisht për faktin se ka mjete shumë të shtrenjtë për buxhetin e Shqipërisë.

Pse nuk përdoren mjetet që ka blerë ministria? /A2

The post Ku janë sot mjetet?! Ministria e Mbrojtjes ka blerë 6 helikopterë për 78.6 milion euro nga taksat e shqiptarëve (VIDEO) appeared first on Albeu.com.