Dietologia: Se sa duhet të konsumojmë në fakt, kjo është individuale për çdo njeri. Varet nga organizmi që ka njëri apo tjetri. Një person që punon gjatë dhe që ka një metabolizëm hiperaktiv, nuk e ka problem konsumimin e tepërt të ushqimit, ndërsa dikush që bën një jetë sedentare dhe është një person inaktiv, nuk e përballon dot konsumimin e tepërt të ushqimeve. Personat që vuajnë nga sëmundjet kardiovaskulare, ata me hipertension apo ata që vuajnë nga kolesteroli i lartë apo diabeti duhet të jenë shumë të kujdesshëm, duke konsumuar më pak sasi dhe më pak yndyrna. Këta persona duhet të përdorin në masë të vogël produktet ushqimore të mishit. Edhe pse është festë, për këta persona rekomandohet konsumimi i kosit pa yndyrë, frutave, perimeve jeshile të gatuara në avull. Festat nuk mund të kuptohen pa konsumimin e pijeve.

Çfarë rregullash duhet të kemi parasysh, në mënyrë që të evitohen problemet shëndetësore?

Kujdes me alkoolin, sidomos personat që vuajnë nga sëmundje kronike! Shmangni përzierjen e pijeve, nga pijet me gaz, te vera, rakia apo birra, gjë që çon në dehje më të shpejtë. Masa më e mirë e konsumit të alkoolit natën e Vitit të Ri do të ishte jo më shumë se 100 gramë. Kujdes me konsumimin e pijeve me gaz! Në 10 minutat e para pasi kemi pirë një kanoçe, trupit i kemi dhuruar 10 lugë sheqer. Sasia ditore e sheqerit që i duhet trupit tonë është vetëm 10% e kësaj ose 1 lugë. Po kështu, lëngjet në kuti përmbajnë pa fund sheqer artificial, aromatizues e ngjyrosës dhe janë mjaft të varfra me vitamina e minerale. Këshillohet të konsumoni sa më shumë lëngje natyrale frutash dhe sidomos portokalle e agrume, të cilat ndihmojnë mjaft në metabolizmin e yndyrnave.

The post Këshillon dietologia e njohur: Si të shmangni helmimet nga ushqimet natën e Viti të Ri appeared first on Albeu.com.

Duhet të ketë moderim dhe ekuilibër për të shmangur efektet e pakëndshme të ngrënies së tepërt, p.sh. shqetësime gastrointestinale dhe shtim në peshë pas pushimeve. Ndiqni këshillat e mëposhtme dhe nuk do të humbisni:

1. Kur e dini se një vakt i ditës do të “ngarkohet” me kalori, përpiquni t’i bëni vaktet e tjera më të kursyera. Nga ana tjetër, mos qëndroni gjithë ditën për të ngrënë në mbrëmje, sepse atëherë keni më shumë gjasa të konsumoni një sasi më të madhe ushqimi.

2. Në rast se shkoni diku që ka një shuplakë, fillimisht shikoni me kujdes se çfarë ju ofrohet dhe më pas pasi të vendosni se çfarë dëshironi vërtet, mbushni pjatën tuaj duke shmangur të provoni të gjitha pjatat.

3. Mos harroni të hani sallata dhe perime, pasi fibrat që përmbajnë sjellin më shpejt ngopjen.

4. Mundohuni të shmangni ushqimet shumë të yndyrshme p.sh. lëkura e derrit apo gjelit të detit, pasi ato japin shumë kalori, rëndojnë stomakun dhe na sigurojnë acide yndyrore të ngopura. Sa i përket mbushjes së gjelit të detit, ai jep shumë kalori dhe duhet të kemi kujdes në sasinë që konsumojmë.

5. Kur përgatitni një tryezë festash në shtëpi, përpiquni të mos ushqeheni gjatë gatimit.

6. Sigurisht që do të hani ëmbëlsira, por kujdes nga konsumimi i tepërt. Nëse keni dobësi për ëmbëlsirat, përpiquni që ato të mos i keni në pamje të qartë në shtëpinë tuaj. Gjithashtu, kini kujdes për kafshatën e ëmbël, p.sh. melomakaroni ose kourabiedes, sepse mund të hani shumë më tepër se një madhësi normale. Ëmbëlsirat me më pak kalori janë dyshe, ndërsa një ëmbëlsirë Krishtlindjesh me shumë kalori është pudingu.

7. Kontrolloni sasinë e alkoolit që konsumoni. Kini parasysh se sa më e ulët të jetë përmbajtja e alkoolit në një pije (p.sh. birrë, verë), aq më pak kalori ofron. Pijet që përmbajnë më shumë kalori janë produktet e distiluara, p.sh. uiski, vodka dhe kokteje që përmbajnë sheqer ose shurupe.

8. Së fundi, ekzistenca e aktivitetit fizik është shumë e rëndësishme, ndaj kërceni ose bëni shëtitje në qytetin e dekoruar!

The post Si të mos merrni kalori gjatë festave? Dietologia ka zgjidhjen appeared first on Albeu.com.

“Hidratimi është një nga çelësat për të mbajtur trupin tuaj të shëndetshëm dhe për rrjedhojë rrit shanset për të jetuar një jetë më të gjatë”, tha Vicky Godfrey, bashkëthemeluese e DNApal, një shërbim që harton këshilla për stilin e jetës bazuar në gjenetikën tuaj.

Ndonëse nuk është për t’u habitur që uji është një “çelës” për jetëgjatësinë, është për t’u habitur që pak njerëz pinë gjashtë deri në tetë gota të rekomanduara në ditë.

Një sondazh i fundit i YouGov tregoi se një në gjashtë persona nuk pi ujë nga rubineti, i cili rritet kur njerëzit arrijnë moshën 60 vjeç e lart.

“Kur zgjoheni (pasi nuk konsumoni asgjë gjithë natën) të pini një litër ujë në temperaturë dhome është një mënyrë e mrekullueshme për të rimbushur dhe hidratuar qelizat tona”, shpjegon zonja Godfrey.

“Një përfitim tjetër i kësaj rutine është se ndihmon në balancimin e sistemit tuaj limfatik, i cili është një pjesë jetike e sistemit imunitar. Kur funksioni juaj imunitar është i fortë, ka një nivel më të lartë të mbrojtjes nga sëmundjet”, shtoi ajo.

Për ta bërë ujin tuaj të shkojë më tej, duhet të shtoni një fetë limoni. Një studim në Journal of Nutrition and Metabolism zbuloi se gratë që konsumonin limon çdo ditë dhe e kombinonin këtë me ushtrime, kishin presion më të ulët të gjakut sesa ato që nuk merrnin.

The post Kjo pije e mëngjesit mund të jetë “çelësi” i jetëgjatësisë, thotë një dietologe appeared first on Albeu.com.

Një ndër lëngjet më të përhapur dhe të konsumuar botërisht është ai i portokallit të shtrydhur. Vitet e fundit, ky lëng akuzohet për njëfarë lidhje me shfaqjen e kancerit të lëkurës melanomës, një ndër kancerët më të rrezikshëm dhe agresiv, i cili fillon me një nishan dhe pasi arrin një madhësi të caktuar prej vetëm 4mm (diçka që për çdo lloj tjetër tumori do të ishte shumë e vogël), çon në vdekjen e individit në një përqindje 50% brenda 10 viteve.

Të gjitha studimet tregojnë se frekuenca e shfaqjes së melanomave është në rritje të vazhdueshme, konkretisht në vendet e zhvilluara dhe në Shtetet e Bashkuara është dyfishuar.

Për një kohë të gjatë është besuar se kjo situatë lidhet me ekspozimin në diell në fëmijëri. Dhe nuk ka dyshim që ky fakt qëndron, sidomos ekspozimi i fëmijëve në orën 11 paradite deri në orën 4 pasdite.

Por, me kalimin e kohës, shkenca ka treguar se nuk mund të jetë shkak vetëm qëndrimi nën rrezet e diellit. Për faktin e thjeshtë se ekspozimi në diell është një faktor tepër i vjetër dhe nuk korrespondon ndonjë ndryshim i tij me ndryshimin e shpeshtësisë së melanomave, pra nuk justifikohet vetëm me rrezet e diellit rritja e melanomave.

Lëngu i portokallit dhe melanomat

Në vitin 2010, universiteti i Tenesise në Memfis, publikoi një studim mjaft interesant, i cili fajëson konsumin e lëngut të portokallit të shtrydhur për këtë epidemi. Është e vërtetë se, lëngu i portokallit është shumë i pasur në “fukumarina” dhe “psoralene” – substanca tepër kancerogjene për lëkurën në prezencë të diellit.

Për me tepër, sipas të njëjtëve shkencëtare, konstatohet se ka një paralelizëm midis konsumit të lëngut të portokallit dhe frekuencës së melanomave. Konsumi i më shumë se një gote lëng portokalli në ditë u gjet të lidhet me rrezikshmëri më të lartë të kancerit të lëkurës.

Atëherë, nuk duhet të pimë lëng portokalli?

Nuk do të thoshim, por ama, personat me predispozitë ndaj kancerit të lëkurës, si ata me ngjyrë lëkurë të çelur ose kuqalashet, ata me sy bojë qielli ose jeshil, ata që digjen shumë lehtë në diell në vend që të nxihen, ata që kanë shumë nishane apo ata që kanë familjar që është prekur nga melanoma, bëjnë mirë të mos e teprojnë me lëngun e portokallit, derisa shkenca të konkludojë në të kundërtën, thotë Blerina Bombaj.

Lëngu i shegës, magjik!

E gjithë kjo kategori njerëzish që përshkrova më lart, bën mirë të preferojë një tjetër lëng “shpëtimtar”, lëngun e shegës. Shumë studime tregojnë se konsumi i bollshëm i lëngut të shegës mund të ngadalësojë zhvillimin e kancerit të prostatës dhe të nxisë “vetëvrasjen” e qelizës – një proces i cili vetëshkatërron qelizat kanceroze, duke penguar veprimtarinë e faktorëve të rritjes, e cila në shumë raste duket të shkojë krah për krah me zhvillimin kanceroz.

Në të njëjtën mënyrë, lëngu i shegës vepron pozitivisht në rastin e kancerit të lidhur me hormone si p.sh. kanceri i gjirit, duke penguar aromatazën-enzimen kyç në prodhimin me tepri të estrogjenit.

Shega është shumë e pasur me antioksidantë, sidomos lëngu i saj dhe lëkura. Veprimtaria antioksiduese e lëngut të shegës është 4 herë më e fuqishme se ajo e verës së kuqe apo çajit jeshil.

Lëngu i shegës pengon shumimin e qelizave kanceroze të zorrës së trashë (në laborator), nga 30% – 100%. Konsumi nga goja i lëngut të shegës, nga minj eksperimental tek të cilët është shkaktuar kancer i mushkërive, rezulton në ulje të masës tumorale me një përqindje prej 66%, pas një terapie 6 mujore.

Është shumë e qartë, ky frut është një thesar në parandalimin e kancerit, e vërtetuar kjo tashmë edhe me studime në njerëz. Konsumi i këtij fruti dhe veçanërishti lëngut të tij ka përfitime të jashtëzakonshme për shëndetin.

A vlejnë lëngjet e gatshëm të shegës?

Në fakt, këtu kemi një përjashtim të rregullit se ushqimet e përpunuara humbasin vlerat e tyre. Përpunimi që kërkon përftimi i lëngut të shegës në mënyrë industriale i shton atij antioksidantët e lëkurës dhe siç rezulton nga konstatimet, lëngjet e gatshëm të shegës, që tregtohen në markete kanë edhe më shumë antioksidantë sesa lëngu që shtrydhim vetë.

The post Lëng shege apo portokalli? Dietologia zbulon cilin duhet të zgjedhin personat që vuajnë nga kanceri appeared first on Albeu.com.