Në lartësitë mbi 1200 metra ka pasur reshje bore, ndërsa në disa zona trashësia ka kaluar mbi 20 centimetra. Reshjet e dëborës kanë prekur fshatrat e disa njësive administrative. Në Lurë bora ka mbuluar të gjitha fshatrat, ndërsa reshje janë shënuar edhe në disa fshatra të Selishtës dhe të Kalasë së Dodës.

Situata paraqet vështirësi për fermerët dhe blegtorët, të cilët ende i kanë bagëtitë në stane, për shkak të temperaturave të ulëta dhe kushteve të vështira të motit.

Ndërkohë, për zonat e banuara nuk raportohet për probleme me infrastrukturën apo furnizimin me energji elektrike.

The post Dibra nën reshjet e shiut dhe dëborës, fermerët përballen me vështirësi appeared first on Albeu.com.

Rajoni i Ballkanit historikisht ka vuajtur nga një nivel i lartë i papunësisë, por gjithashtu ka diferenca të mëdha ndërmjet rajoneve të ndryshme ku papunësia është jashtëzakonisht e lartë analizoi së fundmi Banka Botërore.

Në shumë vende të Ballkanit Perëndimor, disa rajone që kanë pasur historikisht norma të larta të papunësisë përjetuan rritje edhe më të madhe të papunësisë në raport me periudhën parapandemike, si Lezha dhe Dibra në Shqipëri (rritje me 5 pikë përqindje dhe 7,6 pikë përqindje 2022).

Normat më të larta të papunësisë në Ballkan i kanë katër rajone të Maqedonisë Veriore dhe një në Bosnjë, e pesta në radhë për nivelin e lartë të papunësisë është Lezha, i gjashti një rajon në Juglindje te më Maqedonisë se veriut dhe pastaj Dibra. Gjithashtu Banka Botërore rendit Durrësin dhe Vlorën me nivel papunësie mbi mesataren rajonale.

Papunësia në Ballkanin Perëndimor u ndikua në mënyrë disproporcionale nga pandemia. Gati 70,000 vende pune humbën në vendet e Ballkanit Perëndimor në vitin 2020, kryesisht të orientuara drejt turizmit.

Shqipëria dhe Mali i Zi u goditën më shumë si rezultat i kufizimeve në lëvizje. Në të njëjtën kohë, normat e papunësisë në kryeqytetet (Tiranë, Beograd, Shkup) shënuan ulje modeste të papunësisë.

Në anën tjetër qytetet shqiptare të Gjirokastrës, Kukësit, Beratit dhe Elbasanit renditen me nivelin më të ulët të papunësisë në Rajon. Papunësia e ulët në këto qarqe sipas analizave të mëparshme të Bankës Botërore lidhet zhvillimet demografike, shpopullimin e këtyre rajoneve dhe plakjen e popullsie.

Kudo në Ballkan shkalla e përgjithshme e pjesëmarrjes në forcën e punës është përmirësuar gjatë vitit të kaluar.

Shkalla e pjesëmarrjes ishte mesatarisht 53.1 për qind në Dhjetor 2022 ose me rritje 0,8 pikë për qind në rritje në krahasim me fundin e vitit 2021.

Shkalla e pjesëmarrjes në forcën e punës pësoi rritje të Malin e Zi dhe në Shqipëri (përkatësisht me 5.6 pikë për qind dhe 2.8 për qind).

Shkalla e pjesëmarrjes në forcën e punës arriti 63.2 për qind në Shqipëri, një rekord rajonal.

Në Bosnje dhe Hercegovinë, Kosovë dhe Maqedoninë e Veriut shkalla e pjesëmarrjes ra në vitin 2022, ndërsa ne Serbi rritja e punësimit u ngadalësua në fund të vitit 2022.

Popullsia në moshë pune po shënon rënie në të gjithë rajonin, madje fenomeni është i pranishëm edhe në Kosovë ( qyteti me popullsinë më të re në moshë ).

Kjo rënie që është e dukshme edhe në Maqedoni, Shqipëri dhe Serbi po krijohet nga pakësimi i qëndrueshëm i lindjeve dhe flukset e larta të emigracionit./monitor

The post Dy qarqet me nivelin më të lartë të papunësisë në Shqipëri appeared first on Albeu.com.

Rënia e lindjeve në shkallë kombëtare është një fenomen konstant që në fillim të vitit 1990 ku vendi u hap ndaj botës, por disa qarqe pas pak dekadash do të shkojnë drejt shuarjes për arsye të rënies së shpejtë të lindjeve.

INSTAT raportoi se gjatë vitit 2022 bebet e lindura në shkallë kombëtare shënuan rënie me 13.7%, por në qarqet e Korçës dhe Dibrës rënia ishte më e fortë me nga 25.5 dhe 20.7 për qind secila. Pas Korçës rënien më të madhe të lindjeve e kishte qarku i Gjirokastrës i cili kishte rënie 19% (shih grafikun bashkëngjitur).

Në të gjitha qarqet rënia e lindjeve është me ritme dyshifrore. Shkaqet janë shumëdimensionale, por kryesoret lidhen me rënien e popullsisë në grupet e reja moshore. Për shembull në vitin 2021 grup-mosha 0-29 vjeç ka rënë me 35 % në krahasim me vitin 2001. Tkurrja më e lartë e popullsisë së të rinjve ka nisur pas vitit 2015, në një linjë me rikthimin e ciklit të emigracionit, që u reflektua në rritjen e kërkesave për azil.

Në grup-moshën 0-29 vjeç rënia më e madhe e popullsisë ka qenë për foshnjat 0-4 vjeç që kanë pësuar rënie me 49 % në raport me 2001, numri i fëmijëve nga 5-14 vjeç shënoi rënie pothuajse me 50 për qind nga vitit 2011.

Rënia e shpejtë e numri të fëmijëve në dy dekadat e kaluara janë shkaku kryesor për rënien e lindshmërisë aktualisht. Gjithashtu një valë e fortë emigracioni në grupet e reja të popullsisë e ka përkeqësuar edhe me tej trendin natyral të lindjeve.

Sipas të dhënave nga Britania e Madhe dhe Eurostat mbi 21 mijë shqiptar kanë kërkuar azil politik ne 9 mujorin e 2022, ku mbi 80 për qind e tyre ishin të rinj në moshë. Ikja e të rinjve nga vendi është edhe më e fortë po të grumbullohen të dhënat për ata që ikin për studime, me kontrata pune, për bashkim familjar dhe nëpërmjet lotarive.

Brezi ynë pas dy dekadash do të mund të shohë qytete të tëra të braktisura. Imagjinoni që në të gjithë qarkun e Gjirokastrës ku përfshihen edhe Tepelena me Përmetin kanë lindur 364 bebe më 2022. Pas 6 vitesh në të gjitha shkollat e qarkut do të jenë në klasën e parë vetëm 364 nxënës nëse prindërit e tyre nuk vendosin të emigrojnë jashtë vendit ose në qytete të tjera siç ka ndodhur këto vitet e fundit./monitor

The post GRAFIKU/ Tkurrja e popullsisë, dy qarqet që shënuan rekord në rënien e lindshmërisë appeared first on Albeu.com.

Në konferencën për shtyp policia bëri me dije se janë arrestuar:

Brolind Kotja, Drilon Kotja (vëllezër) ,

Ilir Lika, administrator i subjekti “Lika shpk”

Hajdar Bala( minator, zjarrmëtar)

Ernest Leti,(minator/zjarrmëtar)

Kujtim Lena administrator i subjektit “Lena shpk” për aktivitet të paligjshëm në miniera, midis tyre dy vëllezër të cilët akuzohen për përvetësim të galerive.

Njoftim Policie

Dibër/Drejtori i Drejtorisë Vendore të Policisë Dibër, Drejtues Dhimitraq Ziu, së bashku me prokurorin Urim Buci, në konferencë për shtyp, për rezultatet e operacionit policor të koduar “Toka e artë”.

Përshëndetje,

Së bashku me prokurorin jemi këtu, për të bërë prezent për ju dhe nëpërmjet jush, për publikun, rezultatet e operacionit policor të koduar “Toka e artë”, në kuadër të të cilit janë goditur raste të shfrytëzimit të minierave, në mënyrë të paligjshme, të magazinimit dhe tregtimit të lëndëve plasëse, të fshehjes së të ardhurave dhe të punësimit të paligjshëm.

Strukturat e Drejtorisë Vendore të Policisë Dibër, në bashkëpunim me Komisariatin e Policisë Bulqizë, në përmbushje të objektivave të punës për parandalimin, evidentimin dhe goditjen e informalitetit, në bashkëpunim të ngushtë me Prokurorinë pranë Gjykatës së Rrethit Gjyqësor Dibër, bazuar në inteligjencën informative se disa shtetas shfrytëzonin një minierë, në mënyrë të paligjshme, ndërsa disa të tjerë tregtonin lëndë plasëse po në mënyrë të paligjshme, kanë organizuar dhe finalizuar operacionin policor të koduar “Toka e artë”, në kuadër të të cilit u arrestuan shtetasit:

B. K., 25 vjeç dhe D. K., 21 vjeç (person me precedent të mëparshëm kriminal, i dënuar më parë për armëmbajtje pa leje), të dy banues në Krastë, përvetësues dhe shfrytëzues, në mënyrë të paligjshme, të një miniere në Batër, Krastë.

Këta shtetas u arrestuan për veprat penale “Ushtrimi i aktivitetit pa qenë i regjistruar pranë organeve tatimore”, “Shkelja e rregullave mbi lëndët plasëse, djegëse dhe radioaktive” dhe “Mbajtja pa leje dhe prodhimi i armëve shpërthyese dhe i municoneve”.

Dy vëllezërit kishin përvetësuar një galeri në Batër dhe vazhdonin të kryenin punime, me qëllim nxjerrjen dhe shfrytëzimin e materialit minerar.

Gjatë kontrollit të ushtruar në galeri janë gjetur dhe sekuestruar në cilësinë e provës materiale 20 kallëpe me lëndë plasëse dinamit (me peshë 8 kg) dhe 15 kapsolla elektrike.

Gjithashtu, është arrestuar shtetasi H. B., 38 vjeç (minator/zjarrmëtar), punonjës në galerinë e përvetësuar nga dy vëllezërit, për veprën penale “Shkelja e rregullave mbi lëndët plasëse, djegëse dhe radioaktive”.

Në vijim të operacionit janë arrestuar dhe shtetasit:

I. L., 34 vjeç, banues në Krastë, administrator i një subjekti për përdorim dhe tregtim të lëndëve plasëse, për veprat penale “Shkelja e rregullave mbi lëndët plasëse, djegëse dhe radioaktive” dhe “Fshehja e të ardhurave”, pasi në subjektin e tij janë gjetur dhe sekuestruar 1 ton e 56 kilogramë lëndë plasëse dinamit dhe 2275 kapsolla elektrike; shtetasi E. L., 33 vjeç, me detyrë minator/zjarrmëtar në këtë subjekt;

K. L., 48 vjeç, banues në Krastë, administrator i një subjekti për përdorim dhe tregtim të lëndëve plasëse, për veprën penale “Shkelja e rregullave mbi lëndët plasëse, djegëse dhe radioaktive”, pasi në subjektin e tij janë sekuestruar 96 kg lëndë plasëse dhe 1525 kapsolla elektrike.

Gjithsej janë sekuestruar në cilësinë e provës materiale 1 ton e 162 kilogramë lëndë plasëse dhe 3815 kapsolla elektrike dhe janë vënë në pranga 6 shtetas.

Administratorët e të dy subjekteve për përdorimin dhe tregtimin e lëndëve plasëse, njëri prej tyre edhe drejtues teknik i subjektit të tij, konkretisht shtetasi K. L., tregtonin lëndë plasëse në mënyrë të paligjshme dhe në kundërshtim me rregullat e përdorimit dhe të tregtimit të lëndëve plasëse.

Në bazë të VKM-së nr. 313, të datës 15.04.2015, Policia mori vendim për revokimin e autorizimit të depove për magazinimin dhe transferimin e lëndëve plasëse për subjektet e mësipërme. Gjithashu, i është dërguar shkresë Ministrisë së Infrastrukturës dhe Energjitikës, për heqjen e licencave të subjekteve të mësipërme.

Në bashkëpunim me Prokurorinë pranë Gjykatës së Shkallës së Parë Dibër, vijon puna për dokumentimin e plotë të kësaj veprimtarie të paligjshme.

Njëkohësisht, ndaj këtyre dy subjekteve të konstatuara në paligjshmëri me lëndët plasëse po vijojnë hetimet për mënyrën e pajisjes me licencë nga organet përkatëse, për hetimin e ngjarjeve të ndodhura me lëndë eksplozive më parë, në qarkun e Dibrës, si dhe në bashkëpunim me qarqet e tjera, për të parë nese këto subjekte kanë ushtruar veprimtarinë e paligjshme të shitjes së lëndës plasëse, personave të paautorizuar nga ligji.

Ndërkohë, nga ana e strukturave të DVP Dibër do të vijojnë kontrollet për zbatimin e ligjshmërisë për pajisjen e subjekteve të tjera me licencën për ushtrimin e këtij aktiviteti.

The post EMRAT/ Aktivitet i paligjshëm në minierat e Dibrës, në pranga 6 persona, sekuestrohej 1 ton lëndë plasëse appeared first on Albeu.com.

Një zonjë 74 vjeçe është paraqitur në spital me djegie të rënda dhe si pasojë e plagëve ka ndërruar jetë pas një jave, por ngjarja nuk ishte referuar në polici.

Shkaku i djegies së të ndjerës është bërë një bombol gazi në banesën e saj dhe ngjarja mësohet të jetë aksidentale.

“Specialistët për Hetimin e Krimeve në Komisariatin e Policisë Bulqizë referuan materialet në Prokurori dhe filloi procedimi penal për shtetasin S. L.,  banues në Tiranë, mjek në Spitalin Rajonal Dibër, pasi më datë 11.08.2022, ky shtetas, gjatë kryerjes së detyrës si mjek roje, nuk ka njoftuar shërbimet e Policisë se është paraqitur në Urgjencë, me djegie të rëndë, shtetasja B. M., 74 vjeçe, banuese në Bulqizë, e cila si pasojë e dëmtimeve nga djegia, më datë 17.08.2022, ka humbur jetën. Nga veprimet hetimore ka rezultuar se 74-vjeçarja është djegur aksidentalisht në banesën e saj, nga bombula e gazit që e përdorte për gatim”, njofton policia.

The post Trajtoi pacienten për djegie të rënda, por nuk referoi ngjarjen në polici, ndiqet penalisht mjeku në Dibër pasi 74-vjeçarja ndërroi jetë appeared first on Albeu.com.

Dy persona janë konfliktuar me sende të forta ndaj shtetasit M.M punonjës policie.

Polici po hynte në shtëpinë e  tij në momentin kur dy personat e kanë goditur duke i shkaktuar dëme fizike.

Punonjësi i Policisë i ndodhur në rrezik për jetën, dyshohet se ka qëlluar në ajër me armë zjarri me qëllim ndalimin e mëtejshëm të sulmit ndaj tij.

Grupi hetimor po vijon punën për zbardhjen e shkaqeve të ngjarjes dhe kapjen e shoqërimin në Komisariat të autorëve të përfshirë në konflikt.

Njoftimi i policisë

Rreth orës 13.35, në lagjen Kamen, Peshkopi, shtetasit D.S., dhe S.S, janë përfshirë në konflikt dhe kanë goditur me sende të forta duke i shkaktuar dëmtime shtetasit M.K(punonjës policie me detyrë Specialist Zone) i cili ka qenë duke hyrë në portën e banesës së tij.

Punonjësi i Policisë i ndodhur në rrezik për jetën, dyshohet se ka qëlluar në ajër me armë zjarri me qëllim ndalimin e mëtejshëm të sulmit ndaj tij.

Grupi hetimor nën drejtimin e Prokurorisë vijon punën për zbardhjen e shkaqeve të ngjarjes dhe kapjen e shoqërimin në Komisariat të autorëve të përfshirë në konflikt./albeu.com

The post Po hynte në shtëpi, dy persona sulmojnë policin në Dibër, efektivi kundërpërgjigjet me armë appeared first on Albeu.com.

The post I shoqi ushtroi dhunë fizike, gruaja në Dibër tenton t’i japë fund jetës, arrestohet 43-vjeçari appeared first on Albeu.com.

Sali Berisha ka paralajmëruar se më 7 korrik do të nisë një kryengritje kundër qeverisë së Edi Ramës. Ai ka zhvilluar tryeza ma avokatë e aktivistë së fundmi, të cilët i ka ftuar që të shkojnë në protestë për të rrëzuar qeverinë./albeu.com

The post Protesta e 7 korrikut, PD ngre në Dibër grupin e punës, ja kush qëndron në krye appeared first on Albeu.com.

Policia njofton shtetasi N. B., 60 vjeç, banues në Dibër, duke zbritur nga automjeti i parkuar i shtetasit E. T., dyshohet se është rrëzuar aksidentalisht në tokë dhe për pasojë ka marrë dëmtime në kokë.

Ky shtetas, si pasojë e dëmtimeve të rënda të marra, ka ndërruar jetë në Spitalin e Traumës Tiranë. Vijojnë hetimet për zbardhjen dhe dokumentimin e plotë të shkaqeve të ngjarjes./albeu.com

The post U rrëzua kur po zbriste nga makina, ndërron jetë 60-vjeçari nga Dibra appeared first on Albeu.com.

Por detaji interesant i pikasur nga gazetarja Anila Hoxha ishte një monedhë 200 lekëshe e cila po del nga xhepat e ish-kryebashkiakut.

Siç duket edhe nga fotot që janë shkrepur nga jashtë ambienteve të Prokurorisë së Posaçme kundër Korrupsionit dhe Krimit të Organizuar, Rama e ka humbur qetësinë.

“Ish-kryetari i Bashkise se Dibres, ishte aq i emocionuar kur po hynte ne prokurori sa dhe 2 mije lekeshja qe kishte ne xhep deshi te dale nga astari,”-shkruan Anila Hoxha./albeu.com

The post U mor në pyetje, ish-kryebashkiakut të Dibrës i bie 2 mijë lekëshi nga xhepi kur doli nga SPAK appeared first on Albeu.com.