Gjatë 24 orëve të fundit janë raportuar 27 vatra zjarri, prej të cilave 4 vijojnë të jenë aktive dhe 4 të tjera janë nën mbikëqyrje.

Flakët aktive janë raportuar në Dajt të Tiranës, Vajkal të Bulqizës, Lundre të Matit dhe në Urën e Shtrenjtë në Shkodër.

Në terren janë angazhuar 432 forca operacionale dhe 43 automjete zjarrfikëse, të mbështetura nga 70 forca ushtarake dhe 3 helikopterë të Forcës Ajrore.

Sipas Ministrisë së Mbrojtjes, në asnjë prej vatrave aktive nuk raportohet rrezik për zonat e banuara, ndërsa për ditën e sotme parashikohet angazhimi i 90 forcave ushtarake në Bulqizë, Mat dhe Tiranë.

Njoftimi i Ministrisë së Mbrojtjes:

Ministria e Mbrojtjes – informim mbi situatën e zjarreve gjatë 24 orëve të fundit

Përmbledhje e situatës – 01.09.2026, ora 09:00

Gjatë 24 orëve të fundit janë raportuar 27 vatra zjarri, prej të cilave 4 mbeten aktive dhe 4 janë nën mbikëqyrje.

Për përballimin e situatës janë angazhuar në total 432 forca operacionale dhe 43 automjete zjarrfikëse, të mbështetura nga 70 forca ushtarake dhe 3 helikopterë të Forcës Ajrore.

Për ditën e sotme parashikohet angazhimi i 90 forcave ushtarake në bashkitë Bulqizë, Mat dhe Tiranë.

Vatrat aktive janë:

Dajt, Tiranë – vijojnë vatra aktive në drejtim të Qafë-Priskës. Ditën e djeshme u angazhuan 15 zjarrfikës, 9 forca të ADZM-së, 20 ushtarakë dhe 1 helikopter. Nuk ka rrezik për zonat e banuara.

Vajkal, Bulqizë – zjarr aktiv në një sipërfaqe të gjerë me shkurre dhe dëllinja, në terren shkëmbor. U angazhuan 11 forca MZSH, 5 pyjore, 7 vullnetarë dhe 30 ushtarakë

Lundre, Mat – vijon zjarri në një sipërfaqe të konsiderueshme pyjore; u angazhuan 40 forca MZSH/pyjore, 20 ushtarakë dhe 1 helikopter.

Ura e Shtrenjtë, Shkodër – vatër aktive në terren të thepisur; po punohet për izolimin dhe parandalimin e përhapjes.

Nën mbikëqyrje vijojnë vatrat në Qafën e Helmës (Bulqizë), Qafën e Lugut (Korçë), malin e Qukësit (Prrenjas) dhe Zhejë (Kurbin). Në të gjitha rastet e mësipërme nuk raportohet rrezik për zonat e banuara.

Agjencia Kombëtare e Mbrojtjes Civile (AKMC) vijon të ndjekë në mënyrë të pandërprerë situatën në të gjithë territorin e vendit, në koordinim të ngushtë me prefekturat, bashkitë dhe të gjitha strukturat e sistemit të Mbrojtjes Civile.

Kapacitetet operacionale mbeten të angazhuara në terren dhe në gatishmëri për të ndërhyrë aty ku situata e kërkon, me prioritet mbrojtjen e jetës, banesave dhe pasurisë së qytetarëve.

The post Shqipëria vazhdon të digjet/ 27 vatra zjarri ende aktive, flakë në Dajt, Dibër dhe Shkodër appeared first on Albeu.com.

Era e fortë dhe temperaturat e larta po favorizojnë përhapjen e zjarrit, duke vështirësuar ndjeshëm ndërhyrjen për shuarjen e tij. Në terren janë angazhuar dhjetëra forca, të cilat po punojnë nga toka për të izoluar vatrat.

Operacioni po zhvillohet nga specialistët zjarrfikës të Bashkisë Dibër, të mbështetur edhe nga banorë të zonës që po kontribuojnë vullnetarisht.

Problematike paraqitet situata edhe në Qafë Helmes, pranë Selishtës, si dhe në Vajkal të Bulqizës.

Prej dy ditësh, një helikopter po ndërhyn në Vajkal me qëllim parandalimin e zgjerimit të vatrës dhe mbrojtjen e banesave nga rreziku i flakëve.

The post VIDEO/ Zjarret vijojnë në Dibër, flakët përhapen në zonat me pisha dhe dëllinja appeared first on Albeu.com.

Policia bën me dije përmes një njoftimi zyrtar se 34-vjeçari D. E. dyshohet se ka dhunuar kunatën e tij, 40-vjeçaren F. E.

Pas konfliktit, djali i 40-vjeçares, 19-vjeçari F. E., dyshohet se ka marrë armën dhe ka qëlluar në ajër, me qëllim kanosjen e xhaxhait të tij.

Policia ndërhyri në kohë, duke arrestuar 34-vjeçarin, ndërsa 19-vjeçari është shpallur në kërkim.

Për ngjarjen janë proceduar në gjendje të lirë edhe tre persona. Dy gra, 40 dhe 25-vjeçe, dyshohet se kanë dhunuar njëra-tjetrën, ndërsa një 38-vjeçar po procedohet pasi dyshohet se ka tentuar të fshehë prova në vendngjarje.

Njoftimi:

Dibër/ Parandalohet përshkallëzimi i një konflikti në familje.

Dhunoi kunatën e tij dhe, gjatë konfliktit, djali i saj qëlloi në ajër me armë zjarri, me qëllim kanosjen e xhaxhait të tij, falë ndërhyrjes në kohë të Policisë, parandalohet përshkallëzimi i mëtejshëm i konfliktit.

Ndalohet 34-vjeçari që dhunoi kunatën, shpallet në kërkim 19-vjeçari që qëlloi me armë zjarri në ajër, si dhe procedohen në gjendje të lirë 3 të tjerë.

Menjëherë pas njoftimit për një konflikt në një familje në fshatin Majtarë, shërbimet e Komisariatit të Policisë Dibër organizuan punën dhe shkuan në vendngjarje, për të sqaruar rrethanat dhe përfshirjen në konflikt.

Si rezultat i ndërhyrjes në kohë dhe veprimeve policore, u parandalua përshkallëzimi i mëtejshëm i konfliktit dhe u vu në pranga shtetasi D. E., 34 vjeç, pasi dyshohet se ka dhunuar kunatën e tij, shtetasen F. E., 40 vjeçe.

Ndërkohë, u shpall në kërkim djali i 40-vjeçares, shtetasi F. E., 19 vjeç, i cili dyshohet se ka qëlluar në ajër me armë zjarri, me qëllim kanosjen e shtetasit D. E., xhaxhait të tij. Vijon puna për kapjen e tij dhe kontrollet për gjetjen dhe sekuestrimin e armës së zjarrit të përdorur gjatë konfliktit.

Gjithashtu, filloi procedimi penal në gjendje të lirë për shtetaset F. E., 40 vjeçe, dhe A. E., 25 vjeçe, pasi kanë dhunuar njëra-tjetrën, si dhe për shtetasin E. E., 38 vjeç, pasi dyshohet se ka tentuar të fshehë provat në vendngjarje.

Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Dibër, për veprime të mëtejshme.

The post Konflikt brenda familjes në Dibër, 34-vjeçari dhunon kunatën, djali i saj qëllon në ajër me armë zjarri appeared first on Albeu.com.

Për shkak të terrenit të vështirë, ndërhyrja e forcave tokësore është penguar. Pas disa orësh përpjekjesh për shuarjen e flakëve, operacionit i janë bashkuar edhe dy avionë.

Ministria e Mbrojtjes njoftoi se dy mjete ajrore të tipit “Air Tractor” janë angazhuar për të mbështetur nga ajri operacionet kundër zjarreve.

Operacioni ajror po zhvillohet në bashkërendim me ekipet në terren, të cilat vazhdojnë përpjekjet për izolimin e vatrave aktive dhe pengimin e përhapjes së mëtejshme të flakëve.

Ndërhyrjet nga toka dhe ajri po vijojnë pa ndërprerje, me qëllim kufizimin e zjarrit dhe vënien e vatrave nën kontroll.

The post Zjarret përhapen me shpejtësi në Dibër/ Dy avionë “Air Tractor” ndërhyjnë në Lurë, Qafë Helmës dhe Fushë-Bulqizë–Selishtë appeared first on Albeu.com.

I arrestuari është Megin Gani Ademi, 32 vjeç, me detyrë specialist për Hetimin e Krimeve pranë Komisariatit të Policisë Dibër.

Nga hetimet e AMP-së dyshohet se Ademi nuk ka ndërmarrë veprimet e domosdoshme procedurale dhe hetimore për largimin e shtetasit Amir Muaremi. Ky i fundit ishte caktuar nën masën e sigurisë “arrest në shtëpi” dhe ndaj tij po zhvilloheshin procedurat e ekstradimit drejt Republikës Federale të Gjermanisë.

Dokumentacioni procedural i është përcjellë Prokurorisë, e cila do të vazhdojë me hetimet e mëtejshme për këtë çështje.

The post Dyshohet se pengoi procedurat për ekstradimin drejt Gjermanisë, arrestohet specialisti i Krimeve në Dibër appeared first on Albeu.com.

Sipas informacioneve paraprake, një furgon është përplasur me një automjet tjetër, ndërsa si pasojë, njëri prej mjeteve ka përfunduar i varur në një pemë pranë rrugës.

Nga aksidenti kanë mbetur të plagosur të dy drejtuesit e mjeteve, të cilët janë transportuar në spital për ndihmë mjekësore.

Ngjarja është konstatuar fillimisht nga drejtues të tjerë mjetesh që kalonin në zonë, të cilët kanë njoftuar menjëherë ambulancën.

Në vendngjarje kanë mbërritur shërbimet e policisë dhe grupi hetimor, të cilët po punon për zbardhjen e plotë të rrethanave dhe shkaqeve të aksidentit.

The post Aksident i rëndë në Dibër/ Një automjet mbetet i varur në pemë, plagosen dy persona appeared first on Albeu.com.

Trupi i pajetë është transportuar drejt Tiranës për ekspertizë në mjekësinë ligjore. Policia po heton më shumë mbi ngjarjen e rëndë, ndërsa pritet ekspertiza mjeko-ligjore për të treguar shkaqet e vërteta.

The post U tërhoq 500 metra zvarrë nga kali, humb jetën 67-vjeçari në Dibër appeared first on Albeu.com.

Caktimi i masave të sigurisë u bë i mundur në kuadër të procedimit penal të vitit 2026, në lidhje me ngjarjen e ndodhur në mars të vitit 2026 në qytetin e Bulqizës, ku kanë mbetur të plagosur rëndë 3 persona.

Nga veprimet hetimore ka rezultuar se këta punonjës policie nuk kanë përmbushur detyrat funksionale në zbatim të Ligjit për Policinë e Shtetit.

Njoftimi:

Agjencia e Mbikëqyrjes Policore (Rajoni Kukës – Dibër) ka ekzekutuar urdhërin e Prokurorisë pranë Gjykatës së Shkallës së Parë të Juridiksionit të Përgjithshëm Dibër, e cila ka caktuar masat e sigurimit personal “Pezullim i ushtrimit të një detyre a shërbimi publik” dhe “Ndalim i daljes jashtë shtetit”, parashikuar nga nenet 242 dhe 233 të Kodit të Pr. Penale, ndaj dy punonjësve të policisë të dyshuar për kryerjen e veprës penale “Shpërdorim i detyrës”, parashikuar nga neni 248 i Kodit Penal.

➡️ Inspektor D. S., me detyrë Trupë Shërbimi i Trafikut Urban dhe Interurban, pranë DVP Dibër.

➡️ Inspektor D. S., me detyrë Trupë Shërbimi i Rendit Publik në Komisariatin e Policisë Bulqizë, pranë DVP Dibër.

Caktimi i masave të sigurisë u bë i mundur në kuadër të procedimit penal të vitit 2026, në lidhje me ngjarjen e datës 10.03.2026 në qytetin e Bulqizës, ku kanë mbetur të plagosur rëndë 3 shtetas. Nga veprimet e thelluara hetimore ka rezultuar se këta punonjës policie nuk kanë përmbushur detyrat funksionale në zbatim të Ligjit për Policinë e Shtetit.

Vijojnë hetimet për dokumentimin e plotë të ngjarjes dhe përfshirjen e mundshme të punonjësve të tjerë.

AMP mbetet e përkushtuar në misionin e saj për garantimin e zbatimit të ligjit dhe fton qytetarët të denoncojnë çdo rast të abuzimit apo shkeljes së ligjit nga ana e punonjësve të strukturave, duke telefonuar në numrin e gjelbër 0800 9090, ose duke dërguar Email në adresën ankesa@amp.gov.al.

Për ankesa me Whatsapp 0694151511
Ose shkarkoni në Play Store dhe App Store aplikacionin “Agjencia Digjitale”.

The post Akuzohen për shpërdorim detyre, AMP pezullon dy efektivë policie në Dibër dhe u ndalon daljen jashtë shtetit appeared first on Albeu.com.

Policia bën me dije se 69-vjeçari dyshohet se ka rrëshqitur duke prerë dru zjarri në një terren malor.

Viktima është identifikuar si Ibrahim Dema nga fshati Dom në Klos.

Mat/ Informacion paraprak

Rreth orës 09:40, shtetasi I.D., 69-vjeç, banues në fshatin Dom, njësia administrative Gurë, Klos, dyshohet se, duke prerë dru zjarri në një terren malor, ka rrëshqitur dhe për pasojë, ka humbur jetën.

Grupi hetimor ndodhet në vendngjarje dhe po punon për sqarimin e plotë të rrethanave të këtij rasti.

The post E rëndë/ Ra nga shkëmbi teksa priste dru, humb jetën 69-vjeçari (EMRI) appeared first on Albeu.com.

Sipas burimeve paraprake, ngjarja ka ndodhur në momentin kur forcat e policisë janë futur në një banesë trekatëshe për të arrestuar autorin e dyshuar.

Gjatë ndërhyrjes, efektivi i “Shqiponjave”, Gentjan Meda, 40-vjeç, dyshohet se ka rënë nga një lartësi e megjithatë, nuk përjashtohet as pista që ai mund të jetë plagosur me armë zjarri.

Burime nga vendngjarja bëjnë me dije se janë dëgjuar edhe krisma armësh, por rrethanat e sakta mbeten ende për t’u sqaruar nga hetimet zyrtare.

Efektivi i plagosur fillimisht ka marrë ndihmën e parë në spitalin e Peshkopi, ndërsa më pas është transportuar me helikopter drejt Tiranës për mjekim më të specializuar.

Policia dhe grupi hetimor ndodhen në vendngjarje dhe po punojnë për zbardhjen e plotë të rrethanave të këtij incidenti të rëndë.

The post Në aksion për arrestimin e të shumëkërkuarit në Dibër, plagoset efektivi i “Shqiponjave”, transportohet me helikopter drejt Tiranës (EMRI) appeared first on Albeu.com.