“Një periudhë të gjatë kohore, gjegjësisht 26 ditë nuk kemi pasur rast të ri të të infektuarve me Covid-19. Në të njëjtën kohë nuk kemi as raste aktive. Ato tre raste të cilat janë në statistikën zyrtare tani më janë shëruar, por mjekët e tyre amë ende nuk kanë dorëzuar raport përkatës që të mund të fshihen nga lista”, thonë nga Njësia e Dibrës pranë Qendrës për Shëndet Publik.

Nga ky institucion shtojnë se situata epidemiologjike mund të vlerësohet si stabile, por edhe më tej, rekomandojnë që të respektohen masat për mbrojtje nga përhapja e virusit korona.

Nga fillimi i pandemisë, në këtë rajon, i cili njohët si vatra e parë, u konfirmuan 1.453 persona të infektuar, prej tyre për fat të keq betejën e humbën rreth 80 persona./tv21

The post Rajoni i Dibrës gati një muaj pa asnjë rast të ri me koronavirus appeared first on Albeu.com.