Gjatë ditës, mbi oborrin e shtëpisë ka fluturuar një dron me mesazhin “Diaspora është me ty”, dedikim që dukshëm e ka prekur dhe gëzuar Albën.

Ajo nuk e ka fshehur emocionin, duke e pritur këtë surprizë me buzëqeshje dhe mirënjohje.

E prekur nga mbështetja që po merr nga bashkatdhetarët jashtë vendit, Alba reagoi menjëherë, duke falënderuar publikisht: “Faleminderit shumë diaspora”, u shpreh ajo, mes emocionesh.

Ky moment u komentua gjerësisht edhe në rrjetet sociale, ku ndjekësit e emisionit e cilësuan si një shtysë të fortë morale për banoren, në një fazë kur presioni i lojës është gjithnjë e më i madh dhe finalja po afrohet.

The post “Diaspora është me ty” – dron për Albën në Big Brother VIP Kosova 4 appeared first on Albeu.com.

Zëdhënësi i KQZ-së, Valmir Elezi, tha për Telegrafin, se të enjten në mesditë ka filluar procesi i vlerësimit dhe verifikimit të këtyre pakove, me qëllim që të përcaktohet nëse ato janë dërguar nga shtetas të Kosovës të regjistruar si votues jashtë vendit.

“Pra, procesit të vlerësimit do t’i nënshtrohen 13,000 pako dhe në fund do të kemi më shumë detaje. KQZ i referohet këtyre pakove si “pako të supozuara me fletëvotime” sepse në këtë fazë nuk mund ta dijmë me saktësi nëse brenda tyre ka fletëvotime dhe nëse të njëjtat janë dorëzuar nga votuesit e regjistruar”, theksoi ai.

Tutje, Elezi shtoi se gjatë periudhës së regjistrimit (23 korrik – 29 gusht 2025) numri i shtetasve të regjistruar për të votuar përmes postës në raundin e dytë të zgjedhjeve për Kryetarë të 18 komunave ishte: 29,725 votues.

Raundi i dytë i zgjedhjeve u mbajt në 18 komuna.

The post Kosovë/ KQZ nis verifikimin e pakove me fletëvotime nga diaspora appeared first on Albeu.com.

Osmani ka thënë se mërgata shtëpinë e një shqiptari e shndërruan në shkollë shqipe.

“Një pritje madhështore nga mërgata jonë në Philadelphia, në shtëpinë e shqiptarit, objekt të cilin bashkatdhetarët tanë, me punë e mund, e siguruan dhe e shndërruan në shkollë shqipe. Thellësisht mirënjohëse për këtë përkushtim, që ruan e forcon gjuhën dhe identitetin tonë kombëtar”, ka shkruar Osmani në Facebook.

The post Diaspora në SHBA e pret me flamuj kuqezi, Vjosa Osmani: Thellësisht mirënjohëse për këtë përkushtim appeared first on Albeu.com.

Votat e diasporës

Duke iu referuar procesit të votimit nga jashtë, Celibashi sqaroi se deri tani janë numëruar 159,921 vota të vlefshme nga votuesit e diasporës, ndërkohë që janë regjistruar 1,666 vota të pavlefshme ndërsa në  total janë 195007 vota. Ai u ndal në faktorët që kanë ndikuar në shpalljen e disa votave si të pavlefshme ndërsa theksoi se një pjesë e madhe e votave të pavlefshme lidhen me mungesën e zarfit B, që është një komponent i domosdoshëm në procesin e votimit, siç parashikohet nga procedurat e Komisionit Qendror të Zgjedhjeve.

Në disa raste, ka ndodhur që emigrantët nuk e kanë futur zarfin A në zarfin B, por e kanë dërguar drejtpërdrejt në kutitë postale, përfshirë dërgesat përmes shërbimeve të DHL-së. “Për këto raste, Komisioni Qendror i Zgjedhjeve po mban procesverbale manualisht, dhe të dhënat do të reflektohen në sistemin përkatës,” tha Celibashi. Ai theksoi se ky proces ka krijuar disa vështirësi, por se gjithçka do të pasqyrohet saktë në përfundim të numërimit të përgjithshëm.

Ai sqaroi gjithashtu se procesi i shqyrtimit të zarfeve të ardhura nga Greqia është ende në vazhdim, por beson se ky proces do të përfundojë gjatë ditës së shtunë dhe do të mundësojë më pas numërimin e votave për kandidatët.

Votimi brenda vendit

Duke u ndalur në votimin brenda vendit, Celibashi njoftoi se gjatë procesit të numërimit të fletëve të votimit në rang vendi, ka rezultuar se janë numëruar 109 fletë votimi më shumë sesa numri i qytetarëve që kanë votuar.

“Nga verifikimi i të dhënave, kemi konstatuar se ka pasur një gabim në numërimin e fletëve të votimit. KQZ ka nisur një verifikim të detajuar për të parë nëse ka ndodhur një gabim nga ata që kanë mbyllur procesverbalin në qendrat e votimit, apo mund të ketë pasur gabime nga numëruesit gjatë procesit të hedhjes së të dhënave,” sqaroi ai. Celibashi theksoi se ky ishte një çështje që po shqyrtohej me kujdes për të parandaluar çdo pasaktësi.

Celibashi njoftoi se do të vijojnë verifikimet dhe se gjithçka do të jetë e qartë në fund të procesit të numërimit. Ai gjithashtu kërkoi nga qytetarët dhe aktorët politikë që të kenë durim dhe besim te procesi, duke u siguruar se çdo votë dhe çdo procesverbal do të shqyrtohen me kujdes dhe në përputhje me ligjin.

Në fund, ai theksoi se të gjitha të dhënat, duke përfshirë ato për votat e diasporës dhe votimin brenda vendit, do të reflektohen në sistemin e Komisionit Qendror të Zgjedhjeve dhe se çdo problematikë që është hasur do të trajtohet në përputhje me procedurat e parashikuara.

The post Celibashi flet mbi verifikimin e votave të diasporës dhe gabimet në dokumentacion appeared first on Albeu.com.

Më herët, KQZ vendosi që votat e mbërritura nga Greqia, të cilat janë lënë pezull, do të numërohen pasi sipas kryekomisionerit Ilirjan Celibashi, nuk është gjetur asnjë parregullsi në këto kuti.

“Komisioneri Shtetëror i Zgjedhjeve vendosi vazhdimin dhe përfundimin e numërimit e vlerësimit të çdo dokumentacioni zgjedhor të mbërritura jashtë territorit të Shqipërisë në Komisionin Qendror të Zgjedhjeve, si edhe tabulimin e rezultateve përkatëse për subjektet zgjedhore, kandidatët që i janë nënshtruar votimit preferencial për çdo qark.
Ky urdhërim i Komisionerit përfshin edhe zarfet (e mbërrituara nga Greqia) të cilat nuk janë shqyrtuar dhe janë administruar sipas vendimit të KSHZ nr. 1121, datë 12.05.2025”-njofton kreu i Komisionit Qendror të Zgjedhjeve.

The post KQZ ndërpret numërimin e votave të diasporës, procesi nis nesër në orën 8:30 appeared first on Albeu.com.

Nga e djathta janë 44 nga emrat e renditur prej Sali Berishës dhe vetëm 6 nga vota e zgjedhësve. Kuvendit i shtohen dhe tre parti të reja.

Kur mbeten pak vota për t’u numëruar nga diaspora, parlamenti i ri thuajse është konfirmuar. 83 deputetë të PS do të jenë në sallën për katër vitet e ardhshëm me 9 mandate me shumë, 50 do të jenë nga PD, ku 8 i përkasin aleatëve ndërsa PSD konfirmon 3 deputetë.

Si forca të reja do të jenë “Mundësia” me dy deputetë Agron Shehaj dhe Erald Kaprin, “Nisma Shqipëria Bëhet” me Adriatik Lapaj, dhe Lëvizja Bashkë me Redi Muçin.

Në tiranë PS ka marrë tashmë 19 mandate, përfshirë gjithë listën e mbyllur. Janë 7 emra në listë të hapur me kryesimin e Blendi Gonxhes me mbi 15 mijë vota, e më tej Ervin Hoxhaj e Erion Brace që kanë kaluar 11 mijë.

Tabela mbyllet me Anila Denaj dhe Kejsi Elezin, kjo e fundit për shkak të kuotave gjinore, duke lënë në listë pritje Xhemal Qefalinë me rreth 4 mijë vota.

Sa i përket PD, në listën e mbyllur janë 12 emra mes të cilëve 2 nga PL, 1 PR dhe një PDIU. Gara për të 13 mbëdhjetin mbetet mes Jorida Tabakut që kapërceu 12 mijë vota dhe Ilir Alimehmetit me 11 mijë.

Në Berat duket se do të ketë zgjedhje të reja për kryetarin e Bashkisë, pasi Ervin Demo konfirmohet deputet pasuar nga Enriketa Jaho në listë të mbyllur për PS.

Hysen Buzali, konsiderohet më i votuari i pasuar nga Fadil Nasufi. I treti më i votuar është Julian Zyla, por ai është jashtë Kuvendit pasi Hatixhe Konomi përfiton nga kuotat gjinore.

Nga Partia Drmokratike, mandatin e marrin vetëm Eno Bozdo dhe Zija Ismaili të listës së mbyllur. Parid Mahmutaj, është më i votuari me 7200 mbështetës, por që nuk arrin të jetë në Kuvend

Në Dibër, PS shkon në tre mandate Blendi Klosi dhe Alma Selami. Ndërsa Agron Malaj, fiton me rreth 13 mijë vota, duke bërë që edhe ai të lërë kryetarin e bashkisë Mat, ku tashmë duhen mbajtur votime.

Sa i përket PD, Xhelal Mziu, mban mandatin dhe i shtohet Denisa Vata. Ndërsa Xhemal Gjunkshi, nuk mund të jetë në Kuvend edhe pse është më i votuari.

Në Durrës PS mban tetë mandate, ku veç listës së mbyllur futet dhe Arkend Balla me mbi 18 mijë vota, Ani Dyrmishi mbi 11 mijë dhe Etleva Budini me 3967 vota, për shkak të kuotës gjinore. Ilir Ndraxhi me 6400 mbështetës do të jetë në listë pritje.

Sa i përket PD janë 5 në listë të mbyllur, duke kthyer në Kuvend Igli Carën dhe Gent Strazimirin dhe Arjan Ndoja me mbi 8 mijë vota.

Aulon Kalaja mbetet jashtë me 7 mijë mbështetës, duke u parë deri në fund se si do vijojë trendi nga emigrantët.

Elbasani solli rritje tëp s që shkoi në 10 deputet, nga të cilët 5 të listës së mbyllur. Lista e hapur kryesohet nga Sara Mile me mbi 18 mijë vota, e pasuar nga Saimir Hasalla, Olsi Komici, Aulona Bylykbashi dhe Agron Gaxho. Shkëlqim Bullari mbetet i radhës me 4500 vota por pa marrë mandate.

Nga ana tjetër, PD nuk kalon as listën e mbyllur, ku në 4 emrat një i kalon PL me Edmond haxhinaston.

Aurel Bylykbashi i pesti në renditje nuk arrin të bëhet deputet.

Fieri për PS dërgon 12 deputet 5 të listës së mbyllur dhe në garë të hapur kryeson Ceno Klosi me 15 mijë vota e më tej Klevis Jahaj, Asfioral Haxhiu, Antoneta Dhima, Elton Korreshi, Zegjine Çaushi dhe Dhimitër Kruti. Pa mandate mbetet Madrita Bardho me mbi 3500 vota.

Edhe në Fier opozita nuk arrin të marrë mandatet e listës së mbyllur, duke lënë jashtë Kuvendit, Eduart Sharkën.

Në Gjirokastër, PS mban tre mandate, ku Tërmet Peci dhe Piro Dhima, janë të parët me vota të hapura duke mbetur jashtë vetëm Anila Dhimitri.

Parti Demokratike, konfirmon Tritan shehun, ndërsa Alma Kore është më e votuara nga 3 kandidatët.

Korca i jep sërish socialistëve 6 deputetë ku tre janë në listë të mbyllur. Me numër votash korçarët konfirmojnë të parin Ilir Pendavinjin, e më tej Bledi Çomo dhe Besa Spaho, ndërsa Arian Jaupllari i katërti, por pa mundur të marrë mandate.

Demokratët marrin 4 deputetë ku vetëm Fidel Kreka futet nga lista e hapur, duke lënë në listë pritje Kristiano Koçibelli.

Në kukës, për selinë rozë në kuvend qëndron vetëm Eduard Shalsi, ndërsa ish-demokrati Alban Zeneli, mbetet jashtë edhe pse më i votuari.

Nga ana tjetër, qëndrojnë Flamur Hoxha dhe Shkëlqim Shehu më i votuari. Jashtë mbetet Isuf Çelaj.

Lezha i konfirmon se majtës Lezhë 3 mandate ku shtohet Marjeta Neli, si më e votuara duke lënë pas Admir Kadelin.

Nga Partia Demokratike, 2 emrave të listës së mbyllur u shtohen me garë të hapur Gjin Gjoni dhe Kastriot Piroli, i cili ka lënë pas Aleksandër Lalën.

Në Shkodër e majta qëndron forcë e dytë, por tashmë me 4 deputetë që i përkasin listës së mbyllur.

Shkodër, 4 mandate Edona Bilali me mbi 9 mijë vota nuk arrin të futet në Kuvend. Ndërsa PD me 5 deputetë, ku Bardh Spahia futet si më i votuari. Shkodra i ka dhënë edhe dy deputetë PSD.

Vlora po ashtu, i ka shtuar deputet socialistëve duke u dhënë 9 të tillë, janë 5 emra që marrin mandatin nga gara e hapur.

Damian Gjiknuri me mbi 10 mijë vota, e më tej Vullnet Sinaj, ardit bido, Vasil Llajo e Brunilda Mersini.

Klevis Kaso nuk arrin të kalojë garën e votave të hapura.

Nga ana tjetër, Partia Demokratike, zbret në tre parlamentarë Bujar Leskaj, Ina Zhupa dhe kreu i PBDNJ Vangjel Dule. Edhe pse në listë të mbyllur jashtë mbetet Atird Hoxha.

The post PARLAMENTI I RI/ Kuotat gjinore dhe Diaspora godasin majtas, djathtas, ja 140 deputetët që prodhoi “11 maji” appeared first on Albeu.com.

Koalicioni Partia Demokratike – Aleanca për Shqipërinë Madhështore, deri tani ka siguruar 34.093 (28.22 %), ndërsa Partia Socialiste e Shqipërisë ka marrë 65.327 (54.07 %).

Si forcë të tretë, diaspora ka zgjedhur Koalicionin Nisma Shqipëria Bëhet, 10078 vota, pra 8.34 %.

The post Diaspora/ Numërohen rreth 63% e zarfeve, kryeson PS me 65 mijë vota appeared first on Albeu.com.

Votat e Diasporës pritet të dërgohen në KQZ, ku do të bëhet edhe verifikimet e mëtejshme për vlefshmërinë e tyre.

Kujtojmë se një ditë më parë rreth 600 zarfe mbërritën nga Diaspora ndërkohë që shqiptarët votojnë nga 85 shtete të botës.

Shqiptarët e Diasporës janë të parët që kanë votuar për zgjedhjet parlamentare të 11 Majit. Mbi 250 mijë shqiptarë që jetojnë jashtë vendit janë regjistruar më herët për të votuar për zgjedhjet parlamentare.

The post Zgjedhjet e 11 Majit, mbërrijnë në Rinas të tjera vota nga Diaspora appeared first on Albeu.com.

KQZ bën me dije se në 20 tavolina të ndryshme, do të paketohen zarfe të personalizuara për çdo votues, të cilat do të grupohen sipas shteteve. Secilit votues do t’i shkojë fleta e votimit për qarkun të cilit ai i përket në Shqipëri.

Brenda 1 jave, zarfat e parë më fletë votimi pritet të mbërrijnë në Europë para datës 22 prill, ndërsa në Amerikë ose kontinent tjetër, pakoja zgjedhore mund të kërkojë disa ditë më shumë, deri në 25 prill.

Ndërkohë, Gjykata e Tiranës, ka miratuar sot formularin e ankimimit për votuesit shqiptarë jashtë territorit të vendit, të cilëve nuk u është pranuar aplikimi për regjistrim në listën e zgjedhësve për zgjedhjet parlamentare të 11 majit 2025.

Ata mund të ankohen deri më 11 prill (30 ditë para zgjedhjeve) në portalin e dedikuar enkas për ta në KLGJ.

Sipas detyrimeve të Kodit Zgjedhor, Këshilli i Lartë Gjyqësor, ka ngritur me një vendim të 6 marsit një platformë elektronike për të gjithë zgjedhësit nga diaspora, që nuk gjejnë emrin në listat e votimit.

Kërkesat e zgjedhësve për të votuar, do të dërgohen në adresën diaspora@gjykata.gov.al e më pas brenda 48 orësh Gjykata e Tiranës, duhet t’i marrë në shqyrtim.

Sipas listës paraprake të KQZ-së për emigrantët që do të votojnë më 11 maj, numri i të regjistruarve zyrtarisht në listën e zgjedhësve nga jashtë është 245,808.

Si të votoni?

Kur të hapë zarfin zgjedhor, votuesi do të gjejë brenda: një zarf tjetër plastik kthimin e votës, një numërator me kontaktet e postës së shpejtë, sipas shteteve, të cilin duhet ta telefonojë në fund për t’i dorëzuar zarfin, një udhëzues i detajuar se si duhet të plotësohet fleta e votimit, zarfin e jashtëm B, që ka një kod të personalizuar të zgjedhësit, shtetin ku jeton dhe qarkun të cilit i takon në Shqipëri.

Brenda zarfit B, është Zarfi A, i cili është një lloj për të gjithë e nuk ka asnjë shenjë dalluese e mbi të cilin nuk duhet bërë asnjë shënim. Brenda në zarfin A, është fleta e votimit.

Votuesi duhet të lexojë udhëzuesin, të plotësojë fletën, ta fusë brenda në zarfin A, ta mbyllë mirë zarfin A, pastaj ta fusë në zarfin B, e në fund në zarfin e plastik të postës që ju ka ardhur gati nga KQZ. Adresa nuk ka nevojë të shkruhet, sepse është e shkruar paraprakisht në zarf.

Në fund duhet të telefonojë korrierin e postës sipas numrit të telefonit që gjen në numëratorin, brenda në zarfin e mbërritur nga KQZ.

Postieri dhe votuesi dakordësojnë një orar dhe korrieri vjen dhe e merr vetë votën në shtëpinë e zgjedhësit. Procesi duhet bërë i gjithi individualisht nga secili zgjedhës. Diasporës i sugjerohet që të votojë brenda 3 ditësh nga marrja e zarfit dhe ta postojë për në KQZ, pasi çdo zarf që vjen pas orës 19:00 të datës 11 maj, nuk do të numërohet.

The post Zgjedhjet e 11 majit/ Gjykata e Tiranës miraton formularin për votuesit nga diaspora (Dokumenti) appeared first on Albeu.com.

Këta zgjedhës kanë mundësinë, nga data 9 deri më 10 Mars 2025, të kërkojnë çregjistrimin nga lista e zgjedhësve, në rast se për arsye objektive gjykojnë se do të jenë në Republikën e Shqipërisë, në ditën e zgjedhjeve më 11 Maj 2025.

Po ashtu, mund të ribëjnë edhe një herë kërkesën, ata zgjedhës që kanë ndryshuar vendqëndrim, pasi është miratuar kërkesa, duke saktësuar adresën e re së bashku me dokumentin provues të adresës.

Dritarja në KQZ ku mund te vendosni te dhenat tuaja per te pare emrin ne liste
KQZ ka hapur një dritare ku votuesi nga jashtë shkruan NID, më pas vendos emrin, mbiemrin, atësinë dhe datëlindjen.

Kujtojmë që për herë të parë në zgjedhjet e 11 majit do të votojnë edhe diaspora shqiptare.

Në total janë mbi 294 mijë shqiptarë me banim jashtë që mund të marrin pjesë në votim më 11 maj, ndërkohë më shumë se 48 mijë kërkesa u refuzuan për shkak të mangësive të ndryshme.

The post Zgjedhjet e 11 majit/ KQZ publikon listën paraprake të zgjedhësve nga jashtë, ja ku mund të verifikoni emrin appeared first on Albeu.com.