Bananet

Janë lehtësisht të tretshme dhe janë një zgjedhje e shkëlqyer për shkak se e qetësojnë sistemin e tretjes.

Bananet përmbajnë një përqindje të lartë të kaliumit që do të zëvendësojnë elektrolitet që humbasim gjatë diarresë.

Orizi i bardhë dhe patatet

Si orizi i bardhë ashtu edhe patatet janë një burim i shkëlqyeshëm i niseshtës që tretet lehtësisht.

Ju duhet të hani patate dhe oriz pa shtuar erëza ose vaj, pasi kjo mund të irritojë sistemin e tretjes dhe të shkaktojë dhimbje.

Lëngu i mollës

Mollët janë një burim i shkëlqyer i pektinës por ato përmbajnë edhe një përqindje jashtëzakonisht të lartë të fibrave që mund të shkaktojnë probleme stomaku gjatë kohës që jeni duke vuajtur nga diarreja.

Prandaj rekomandohet të konsumoni lëng molle sepse është më lehtë të tretet./albeu.com

The post Keni diarre dhe dhimbje të forta barku, ja çfarë duhet të hani për ta ndaluar menjëherë appeared first on Albeu.com.

A është ky një vendim i mirë, megjithatë, apo duhet të shqetësoheni më shumë për mikrobet që ajo mund të ketë lënë në vaktin tuaj?

Ka të paktën 100 patogjenë të ndryshëm që mund të bartin mizat e shtëpisë, të tilla si bakteret, viruset dhe vezët e parazitëve, thotë Thomas J. Daniels, drejtor i Laboratorit të Qendrës Louis Calder në Universitetin Fordam, shkruan The Healthy.

Pasi një mizë kap mikrobet, ajo mund ta përhapë sëmundjen në disa mënyra. Bakteret dhe viruset në ushqimin e kontaminuar, feçet dhe vende të tjera që tërheqin mikrobet ngjiten në trupin e mizës dhe qime të vogla në këmbët e saj, thotë Daniels. Kur fluturon dhe ulet diku tjetër, për shembull, në ushqimin tuaj, ai lë disa nga ato mikrobe pas.

“Ne jemi në rrezik të infektimit edhe nga një mizë e zakonshme shtëpiake kur ajo zbret në vaktin tonë, edhe pse sasia e patogjenit që ajo mbart është ndoshta e vogël”, tha Daniels.

“Kur një mizë ulet në vaktin tuaj, ajo nuk kafshon në copa të vogla ushqimi nga pjata juaj. Në vend të kësaj, insekti lëshon lëngje tretëse mbi ushqimin për ta shpërbërë aq sa të jetë në gjendje ta gëlltisë në gjendje të lëngshme,” shton Daniels.

Megjithatë, kjo nuk është pjesa më e keqe e këtij procesi. Patogjenët brenda mizës jetojnë më gjatë se ato që ajo kapi me këmbët e saj ndërkohë, prandaj mikrobet nga të vjellat e mizës janë më të rrezikshmit për ne nga të gjithë.

Mizat mund të transmetojnë Escherichia coli, salmonelën, hepatitin A dhe rotavirusin që shkaktojnë diarre, temperaturë dhe dhimbje stomaku.

“Nëse shihni miza që gumëzhinin rreth ushqimit që e keni lënë pa mbuluar për pak kohë, më së miri do të ishte ta hidhni, nëse kujdeseni për shëndetin tuaj dhe të të dashurit tuaj”, këshillon Daniels.

The post A ju ka rënë ndonjëherë miza në ushqim? Ja çfarë sëmundjesh mund të shkaktohen appeared first on Albeu.com.

Në disa raste gjendja mund të rëndohet në një kohë të shkurtër, sidomos kur shoqërohet me të vjella, gje që çon në humbjen e shpejtë të lëngjeve dhe të kripërave. Nëse gjendja nuk mbahet nën kontroll, jeta e personi mund të vihet edhe në rrezik. Me fëmijët duhet të tregoni kujdesin më të madh!

Ajo që duhet të bëni në këto raste është të zëvendësoni lëngjet dhe kripërat e humbura ! Si bëhet zëvëndësimi i lëngjeve?

Provoni këtë përzierje: në 1 litër ujë në temperaturën e zakonshme, shtrydhini ½ limon, shtoni një lugë kafeje rrafsh me kripë dhe 1 lugë kafe sheqer. Kjo është tretësira që do të zëvendësojë, serumin! Nëse fëmija nuk pranon ta pijë atëhere, jepini atë që ka dëshirë si caj, kamomil, lëngje frutash ose limonata tepër të holluara. Me pak fjalë, duhen shfrytëzuar të gjitha mënyrat e dhënies së lëngjeve nga goja, mjafton ti pranojë.

Pi me etje, po e nxjerr menjëherë?

Dhe në këto rrethana, nuk duhet hequr dorë nga dhënia e lëngjeve; po nga pak e shpesh, ashtu si merren pikat e serumit në venë; si një “serum nga goja”; duke filluar qoftë dhe nga ½ lugë kafeje, pastaj 1 lugë, çka do të thotë që me durim, përmbajtja e një filxhani çaji (që merr rreth 200 – 250ml), të jepet afërsisht gjatë 2 orëve. Në këtë mënyrë arrijmë të sigurojmë të paktën sasinë më të domosdoshme të lëngjeve. Në vazhdim, duke parë “tolerancën”, gradualisht rrisim sasinë dhe shpeshtësinë. Nëse vjelljet nuk janë problematike dhe lëngjet pranohen, nuk ka përse të veprohet si më sipër.

Ushqyerja – Nëse ushqehet me gji, mos e ndërprisni dhënien e tij. Po pati të vjella, vendoseni për përiudha më të shkurtëra dhe me të shpeshta. Për fëmijët me ushqyerje artificiale, mbas një pefriudhe fare të shkurtër (jo më shumë 2-3 orë), vetëm me lëngje (si më sipër), filloni qumështin industrial që ka marrë më parë. Fëmijëve me ushqyerie të përzier, qumështi i gjirit, nuk ndërpritet, ndërsa për shtesën, duhet bërë me kujdes, po qe nevoja, nga pak e shpesh. Dietave të “urisë” u ka ikur koha. Shumë rekomandojnë të ushqehen si zakonisht.

The post Si të përgatisni në shtëpi “serumin” që zëvendëson lëngjet e humbura pas të vjellave ose diarresë appeared first on Albeu.com.

Nëse keni probleme me diarrenë, nuk keni pse merrni ilaçe, provoni këto 4 produkte dhe do të shpëtoni nga ky problem i bezdisshëm.

Xhinxheri përdoret zakonisht kur një person helmohet nga një ushqim, por ka gjithashtu efekt nëse përdoret për të ndaluar diarrenë. Ajo që duhet të bëni është thjesht të konsumoni pak mjaltë me pluhur xhinxheri dhe kjo përzierje do të ndihmojë stomakun të prodhojë lëngjet që promovojnë funksionet tretëse. Mund të pini gjithashtu çaj xhinxheri.

Një racion oriz i bardhë i zier plotësisht, pa kripë dhe yndyrë është po ashtu një zgjedhje shumë e mirë kur keni probleme me diarrenë.

Kosi është i pasur në probiotikë, baktere të mira që balancojnë pH e stomakut dhe nivelin e bakterve në zorrë.

iarreja mund të çojë në dehidratim të trupit, prandaj duhet të zëvendësoni sa më parë lëngjet e humbura. Nëse po pyesni veten përse supë dhe jo ujë, përgjigjja është shumë e thjeshtë: supa ka vlera ushqyese më shumë se uji, të cilat përmirësojnë tretjen dhe forcojnë sistemin imunitar./living

The post Pa ilaçe, këto 4 produkte ndalojnë diarrenë në mënyrë natyrale appeared first on Albeu.com.

Duhet të shkojnë te mjeku pacientët që kanë:

• Shenja të dehidrimit, si pasojë e të vjellave dhe diarresë, gjak në jashtëqitje ose dhimbje të forta të barkut.
• Temperaturë të lartë dhe të vazhdueshme, diarre dhe të vjella që zgjasin.
• Personat e moshuar, pacientët që vuajnë nga sëmundje kronike apo që kanë probleme me sistemin imunitar (pacientë që marrin mjekime afatgjata me kortizon ose që janë në trajtim me kimioterapi për sëmundje tumorale), gratë shtatzëna. Fëmijët duhet që të konsultohen që në fillim të simptomave të sëmundjes.

Klasifikimi

Gastroenteriti mund të klasifikohet në bazë të kohëzgjatjes së simptomave:

• Gastroenterit akut, ndodh në harkun e pak ditëve dhe gjithsesi nuk zgjat më shumë se dy javë
• Gastroenterit rezistent, ka një zhvillim më të ngadaltë dhe nuk kalon përpara 14 ditëve
• Gastroenterit kronik, ashtu si sugjeron vetë emri, manifeston simptoma të cilat zgjasin më shumë se 30 ditë.

Gastroenteriti infektiv

Agjentët patogjenë potencialisht përgjegjës për gastroenteritin infektiv janë viruset, bakteret dhe parazitët, të cilët futen në organizmin e njeriut me rrugë fekal-orale si pasojë e kushteve të këqija higjenosanitare apo kontaminimit të ushqimeve apo ujit, kolonizojnë mukozën e zorrës dhe alternojnë punën e saj duke dëmtuar mekanizmat e përthithjes dhe sekretimit të qelizave intestinale apo duke çliruar toksina të ndryshme në lumenin e zorrës. Më të zakonshmit janë:

• Viruset: Norovirus, Astrovirus, Rotavirus dhe Adenovirus.
• Bakteret: Salmonella, Campylobacter spp., E. Coli (6 lloje), Vibrio spp., Aeromonas spp., Yersinia, Bacillus cereus, Clostridium perfrigens, Staphylococcus aureus enterotoxicogen, Listeria monocytogenes dhe Shigella spp.
• Parazitët: Cryptosporidium, Microsporidia, Giardia, Cyclospora cajetanensis dhe Entamoeba histolyca.

 Diagnoza

Diagnoza e gastroenteritit bëhet në bazë të simptomave dhe historisë epidemiologjike të sëmundjes:

• Konsumin e ushqimeve të dyshimta për të dhënë gastroenterit (ushqime të konsumuara në fast food ose restorant, ushqime të ndenjura)
• udhëtimet jashtë vendit
• raste me gastroenterit dhe të personave të tjerë të cilët kanë konsumuar të njëjtin ushqim.

Shenjat klinike të gastroenteritit

Në varësi të shkaktarit të sëmundjes, shenjat klinike më të zakonshme janë:

• anoreksi, dobësi e përgjithshme,
• dhembje barku në formë spazmash apo fryrje abdominale, gurgullima të zorrëve
• diarre, ndonjëherë me gjak
• hipotension, dhembje koke dhe dhembje muskulare
• të përziera dhe të vjella
• rënie në peshë
• dehidrim, ndjesi të ftohti dhe takikardi.

Cilat janë simptomat e dehidrimit?

Dehidrimi është simptoma më e rëndësishme e gastroenteritit. Ndodh nëse të vjellat dhe diarreja janë abondante dhe sasia e lëngjeve që merren është më e pakët sesa ajo që humbet. Shenjat klinike janë:

• dobësi, lodhje, marramendje
• dhimbje koke dhe dhimbje muskulare
• ulje e elasticitetit të lëkurës
• urinim të pavullnetshëm në sasi të pakët
• Tharje të gojës dhe gjuhës

Dehidrimi i theksuar është një emergjencë mjekësore që kërkon një kujdes të menjëhershëm, veçanërisht në grupet e riskut si pacientët që vuajnë nga sëmundje kronike apo kanë probleme me sistemin imunitar, gratë shtatzëna dhe fëmijët.  Nëse gastroenteriti persiston dhe dehidrimi nuk korrigjohet, atëherë mund të çojë në konfuzion, rrahje të shpeshta të zemrës dhe gjendje komatoze.

Si të parandaloni përhapjen e gastroenteritit?

Gastroenteriti mund të transmetohet me lehtësi nga një person te tjetri, kështu që për të parandaluar përhapjen e infeksionit, duhet:

• Të lahen mirë duart pas shkuarjes në tualet. Të përdoret sapuni dhe uji i ngrohtë. Të thahen duart siç duhet pas larjes.
• Të përdoren peshqirë apo piceta personale.
• Të mos përgatitet ose të mos i shërbehet ushqim të tjerëve nëse keni gastroenterit.
• Të pastrohen rregullisht me dezinfektues tualetet që përdoren.
• Të qëndrohet të paktën 48 orë në shtëpi nëse keni diarre dhe të vjella
• Ata që shërbejnë në sektorin e shpërndarjes së ushqimit nuk duhet të punojnë kur kanë gastroenterit.
• Nëse shkaku i gastroenteritit dihet (ose dyshohet të jetë) mikrobi i quajtur Cryptosporidium spp, nuk duhet të notoni në pishinë për të paktën dy javë nga episodi i fundit i diarresë.

A mund të parandalohen gastroenteritet?

Edhe kur nuk jemi në kontakt me dikë me gastroenterit, kujdesi i duhur, përgatitja dhe gatimi si duhet i ushqimit dhe higjiena e mirë ndihmojnë për të parandaluar infeksionin.

Në veçanti, të lahen gjithmonë duart:

• Pasi të shkohet në tualet.
• Para se të preket ushqimi.
• Pas kopshtarisë.
• Pasi të keni luajtur me kafshët shtëpiake (kafshët e shëndetshme mund të mbajnë baktere të caktuara të dëmshme).

Gjithashtu duhet të merren masa mbrojtëse shtesë në vendet që kanë kanalizime të dobëta. Për shembull, nuk duhet të pihet uji i çezmës dhe pijet e tjera jo të sigurta si dhe të shmanget konsumimi i ushqimeve të lara me ujëra të pasigurta.

The post Gastroenteritet, rreziku nga të vjellat dhe diarrea në stinën e verës appeared first on Albeu.com.