Diant Ramaj, portieri me prejardhje nga Kosova, është rikthyer te Copenhagen përmes një huazimi, pasi te Borussia Dortmund nuk kishte hapësirën e nevojshme.

Në marrëveshje është përfshirë edhe opsioni i blerjes, i cili i jep klubit danez mundësinë ta transferojë përfundimisht portierin 24-vjeçar.

Rikthimi i Ramajt është pritur me kënaqësi nga drejtori i Copenhages, Kristjaan Speakman.

“Diantin e njohim shumë mirë, ndaj jemi të kënaqur që po e mirëpresim sërish në Copenhage”, deklaroi ai.

“Ai është shumë ambicioz, e vendos ekipin në plan të parë dhe ka një etikë të fortë pune, cilësi që kanë rëndësi për grupin tonë.”

“Për rolin që ka në fushë, ai zotëron aftësi të shkëlqyera drejtuese. Këtë herë kthehet me më shumë përvojë, çka do t’i japë mundësinë të ketë ndikim edhe më të madh për ne gjatë këtij sezoni.”

Edhe vetë Ramaj e ka shprehur gëzimin për rikthimin në klubin danez, nga i cili ishte larguar pak më shumë se një vit më parë për t’u kthyer në Gjermani.

“Jam jashtëzakonisht i lumtur që gjithçka është mbyllur dhe mezi pres të jem përsëri me djemtë”, tha portieri.

“Periudha që kalova këtu ishte fantastike dhe tani pres me padurim ta vazhdoj. Te Copenhageni ndihem shumë mirë, ndërsa atmosfera e veçantë e ndeshjeve në Parken më ka munguar jashtëzakonisht shumë.”

“Klubi dhe mënyra e tij e të menduarit më përshtaten në mënyrë të përkryer, sepse sa herë hyj në fushë synoj fitoren dhe pikërisht kjo më shtyn përpara.”

“Eksperienca ime e kaluar në Kopenhagë ishte shumë pozitive, por ajo tashmë mbetet pas. Fokusi tani është të jap gjithçka çdo ditë në stërvitje dhe ta ndihmoj skuadrën të arrijë fitore të tjera”, shtoi Ramaj.

The post Zyrtare: Diant Ramaj rikthehet te Copenhagen si i huazuar nga Dortmundi appeared first on Albeu.com.

Jurgen Klopp po hap një kapitull të ri në krye të Kombëtares së Gjermanisë, ku synon të ndërmarrë ndryshime të shumta në përbërjen e ekipit. Sipas mediave gjermane, përzgjedhësi i ri ka në planet e tij 57 futbollistë, mes të cilëve gjenden si emra të rinj, ashtu edhe disa prej yjeve aktualë të “Mannschaft”.

Mes kandidatëve është edhe Brajan Gruda, talenti 22-vjeçar me prejardhje shqiptare. Sulmuesi anësor i RB Leipzigut vlerësohet prej kohësh si një nga lojtarët më premtues të futbollit gjerman, ndërsa tashmë është vendosur edhe në radarët e ekipit të parë, sipas Welt.de.

Në listën me 57 emra nuk figurojnë portieri Diant Ramaj dhe sulmuesi Arijon Ibrahimovic. Të dy futbollistët kanë origjinë shqiptare, luajnë në nivele të larta në Gjermani dhe prej një kohe janë në kontakte me Kosovën.

Ramaj është formuar në akademitë e futbollit gjerman dhe ka përfaqësuar Gjermaninë në ekipet e grupmoshave. Portieri, i cili konsiderohet se ka potencial të madh, aktualisht është nën kontratë me Borussia Dortmundin, ndërsa më herët ka tërhequr vëmendje me paraqitjet e tij në Bundesligë.

Vëmendje në Gjermani ka marrë edhe Arijon Ibrahimovic, talenti ofensiv i Bayern Munichut. Futbollisti 20-vjeçar i përket klubit bavarez dhe ka luajtur për ekipet e të rinjve të Gjermanisë. Pas huazimeve te Lazio dhe Heidenheim, ai do të jetë pjesë e klubit gjerman gjatë këtij sezoni.

Përveç Grudës, në përzgjedhjen e Kloppit janë përfshirë edhe disa prej figurave kryesore të futbollit gjerman, si Joshua Kimmich, Florian Wirtz, Jamal Musiala, Kai Havertz, David Raum, Nico Schlotterbeck dhe Jonathan Tah. Këta lojtarë pritet të ruajnë një rol të rëndësishëm edhe në projektin e ri.

Klopp njihet për hapësirën që u jep futbollistëve të rinj dhe për aftësinë e tij në zhvillimin e talenteve. Ai ka bërë të ditur se Kombëtarja e Gjermanisë do të mbetet e hapur për çdo lojtar që dëshmon cilësi dhe potencial. Përbërja e publikuar sinjalizon se trajneri gjerman synon të ndërthurë përvojën e yjeve të tanishëm me energjinë e brezit të ri.

The post Klopp përzgjedh 57 kandidatë për Gjermaninë, Brajan Gruda në listë, jashtë dy futbollistët e Kosovës appeared first on Albeu.com.

Portieri me prejardhje nga Kosova, Diant Ramaj nuk ka udhëtuar me Borussia Dortmundin për në Japoni, aty ku skuadra do ta kryejë fazën përgatitore para se të nisë sezoni 2026/27.

Ramaj, që vazhdon ta presë thirrjen e Gjermanisë në nivelin ndërkombëtar, nuk është i kënaqur me pozitën e dytë te Dortmundi, kësisoj dëshirën një sfidë të re.

Gazetari Florian Plettenberg raporton se portieri do të diskutojë me klubet, ndërsa ende është e paqartë a do të jetë vetëm huazim, apo ndonjë shitje.

“Diant Ramaj pritet të largohet nga Borussia Dortmund para se të mbyllet afati kalimtar. 24-vjeçari nuk ka udhëtuar me skuadrën për në Japoni në mënyrë që të mbajë bisedime me klubet e interesuara”.

“Nëse do të jetë huazim apo transferim direkt, do të jetë plotësisht e hapur. Diskutimet po vazhdojnë dhe ka disa kërkesa”, shkroi ai.

Ndërkohë, Ramaj pritet që të vendosë edhe për të ardhmen në muajt e ardhshëm ngase duket që Gjermania nuk e ka fare në plane.

The post Diant Ramaj drejt lamtumirës nga Dortmundi, mungon në turin përgatitor në Japoni appeared first on Albeu.com.

Portieri me origjinë kosovare, Diant Ramaj, nuk është përfshirë në udhëtimin e Borussia Dortmundit drejt Japonisë, ku skuadra do të zhvillojë përgatitjet para nisjes së sezonit 2026/27.

Ramaj, i cili ende shpreson për një ftesë nga përfaqësuesja e Gjermanisë, nuk dëshiron të mbetet zgjedhje e dytë në portën e klubit verdhezi dhe po synon një aventurë të re.

Sipas gazetarit Florian Plettenberg, gardiani do të zhvillojë bisedime me skuadrat e interesuara, ndërkohë që mbetet e paqartë nëse largimi do të marrë formën e një huazimi apo të një transferimi përfundimtar.

“Diant Ramaj pritet t’i japë fund qëndrimit te Borussia Dortmund përpara mbylljes së afatit kalimtar. 24-vjeçari nuk i është bashkuar ekipit në udhëtimin drejt Japonisë, me qëllim që të negociojë me klubet që kanë shfaqur interes”, raporton Plettenberg.

Ai shton se opsionet janë të hapura: “Nuk është vendosur ende nëse do të bëhet fjalë për një huazim apo një shitje direkte. Bisedimet janë në vazhdim dhe ka disa oferta konkrete.”

Ndërkohë, pritet që në muajt e ardhshëm Ramaj të marrë një vendim edhe për të ardhmen e tij ndërkombëtare, pasi Gjermania duket se nuk e ka në planet e veta.

The post Diant Ramaj në prag të largimit nga Dortmundi, mbetet jashtë turneut përgatitor në Japoni appeared first on Albeu.com.

Megjithatë kampioni në fuqi i Francës po kërkon një portier të ri për të qenë në bankë dhe ta zëvendësojë Donnarumman kryesisht në ndeshjet e Kupës së Francës.

Kryeqytetasit francezë kanë në listë dy emra, ku njëri nga ta do të transferohet në Parc de Princes në afatin kalimtar veror.

Transfermarkt ka raprotuar se portieri shqiptar Diant Ramaj si dhe gjermani Noah Atubolu janë në listën e PSG-së, ku njëri nga ta do të jetë portieri i dytë për sezonin e ri.

“Paris Saint-Germaini po shikon për portier të ri të dytë, pas Gianluigi Donnarummas dhe ka dy prej portierëve të rinj më të vlerësuar në Gjermani në listë. Diant Ramaj, që vetëm verën e kaluar u transferua nga Eintracht Frankfurti tek Ajaxi i Amsterdamit dhe Noah Atubolu i Freiburgut raportohet se janë përcjellë nga klubi parisien”, shkruan sajti i specializuar për transferimin e lojtarëve ‘Transfermarkt.de’.

22-vjeçari Ramaj ka qenë fantastik këtë edicion me Ajaxin dhe vlera e tij ka shkuar në 10 milionë euro nga Transfermarkt.

Mbetet të shihet nëse dy portierët e rinj Ramaj dhe Atubolu do të largohen nga klubet e tyre dhe të transferohen për të qenë vetëm rezervë te PSG.

Kujtojmë që Ramaj këtë edicion ka zhvilluar 33 ndeshje me fanellën e Ajaxit, derisa në gjashtë prej tyre e ka mbajtur portën e paprekur.

Ramaj është kërkuar që një kohë të gjatë nga Përfaqësuesja e Kosovës, por ai ende nuk ka dhënë përgjigje pozitive.

The post PSG po kërkon portier, në listë edhe ylli shqiptar që po shkëlqen me pritjet e tij appeared first on Albeu.com.

Topcinjtë e Londrës kanë filluar menjëherë të kërkojnë për alternativat e Ramsdale, teksa i pari në listë është nr.1 i Anglisë, Jordan Pickford.

Portieri 30-vjeçar i Everton është prej disa vitesh tanimë portier i afirmuar në Premier League dhe ka dhënë një kontribut të rëndësishëm për qëndrimin e skuadrës së Merseyside në elitë.

Një tjetër opsion për portën londineze është Wojciech Szczesny. Për polakun do të ishte një rikthim në Emirates Stadium.

34-vjeçari është drejt fundit të aventurës me Juventusin në Serinë A italiane dhe mund të tundohet nga një kërkesë e Arsenalit për ta afruar sërish në organikë.

Alternativa e fundit dhe padyshim më surprizuese është synimi i Arsenalit për portierin me origjinë shqiptare, Diant Ramaj.

22-vjeçari ka zhvilluar një super sezon me Ajaxin e Amsterdamit. Ramaj përfitoi në fillim të sezonit nga dëmtimet e Rullit dhe Gorte dhe e shfrytëzoi në maksimum situatën në favorin e tij, duke blinduar vendin e titullarit.

The post Ramsdale pritet të largohet, portjeri shqiptar në radarin e Arsenalit appeared first on Albeu.com.

Sipas gazetarit të Bild, Christian Falk, blutë janë ndër klubet e shumta të Ligës Premier të interesuara për nënshkrimin e portierit shqiptar me pasaportë gjermane që aktualisht është pjesë e Ajaxit, Diant Ramaj gjatë verës.

Megjithatë, Arsenali dhe Manchester United kanë treguar gjithashtu interes për Ramajn – i cili ka qenë i rregullt për ekipin e Eredivisie.

Gardiani ka bërë 26 paraqitje për skuadrën e Ajaxit, duke qenë në gjendje të mbajë portën e paprekur në 26 ndeshje dhe duke pranuar 42 gola.

Megjithatë, 22-vjeçari ka impresionuar me aftësinë e tij për ndalimin e gjuajtjeve dhe paraqitjet e shkëlqyera që kanë tërhequr vëmendjen e Chelseat. Ai ka ruajtur një përqindje prej 68.9 për qind të pritjeve dhe është gjithashtu i shkëlqyeshëm me shpërndarjen e topave me këmbë, mesatarisht mbi 50 prekje për lojë.

Blutë tashmë kanë një repart portierësh mjaft të grumbulluar, me Djordje Petrovic që bën një punë mjaft solide në mungesë të Robert Sanchez.

Përveç këtyre dyve, Chelsea do ta ketë sërish në skuadër edhe Kepa Arrizabalaga pas rikthimit të tij nga huazimi i Real Madridit në verë.

The post Manchester United dhe Chelsea rivalizojnë Arsenalin për portierin Diant Ramaj appeared first on Albeu.com.

Gardiani i ri shkëlqeu fort në ndeshjen e fundit të kampionatit holandez që skuadra nga Amsterdami e fitoi në fushën e Go Ahead Eagels me shifrat 3-2.

Një paraqitje e madhe e 22-vjeçarit që bëri disa pritje shpëtuese, pa të cilat Ajaxi fare mirë mund ta kishte humbur ndeshjen. Natyrisht, kjo nuk ishte hera e parë që Ramaj luajti në këto nivele.

Pavarësisht sezonit aspak pozitiv të ekipit të shquar që ndodhet në vendin e pestë në kampionat, portieri i lindur në Shtutgart e ka bërë detyrën. Ramaj mban nënshtetësinë gjermane dhe të Kosovës.

Në karrierë ndërkombëtare, ai ka luajtur për ekipet e moshave të Gjermanisë U18, U19 dhe U20. Padyshim që portieri po pret që të thirret në ekipin e të rriturve të Gjermanisë, ku konkurrenca është tepër e ashpër.

Shqipëria dhe Kosova e duan për vete dhe Ramaj ka pohuar se ka pasur kontakte me të dyja federatat. /abcnews.al

The post “Hero” tek Ajax, pritjet e Diant Ramaj i japin fitoren klubit holandez appeared first on Albeu.com.

Pavarësisht paraqitjeve të kënaqshme, shqiptari nga Kosova akoma nuk ka vendosur se për cilën kombëtare do të luajë. Por së fundmi, është vetë 22-vjeçari që ka folur për këtë temë dhe të ardhmen e tij përsa i përket shtetit që do të përfaqësojë.

“Kosova dhe Shqipëria tashmë më janë afruar. Unë u thashë që kam nevojë për kohë, gjithashtu sepse shpresoj dhe pres Gjermaninë”, është shprehur Diant Ramaj.

Kujtojmë që portieri shqiptar në këtë sezon me fanellën e Ajaxit të Amsterdamit ka luajtur 17 ndeshje, ku ka pësuar 26 gola. Ndërsa vetëm 4 sfida i ka përfunduar me rrjetë të paprekur. /newsport.al/

The post Diant Ramaj injoron Kosovën dhe Shqipërinë: Kam oferta, por po pres Gjermaninë appeared first on Albeu.com.