Ajo tregon se përjetoi momente shumë të vështira në burg, larg të birit në kushtet kur kishte vetëm 8 dite që e kishte sjellë në jetë.

E ngarkuar emocionalisht pas arrestimit, por e lumtur që tashmë kujdeset vetë për të voglin e saj Diana tregon se askush nuk mori në konsideratë gjendjen në të cilën ajo ishte.

“Për mua ishte shumë e vështirë nuk e përballoja dot. Me zor kam ndenjur duke qarë ditë e natë. Nuk donin t’ia dinin që spo kisha lindur kur me arrestuan. Kam ndenjur 3-4 në Shkodër pastaj më mori policia e Tiranës”, tha ajo.

Diana tregon se arrestimi ishte i papritur dhe i befasishëm pasi nuk ka qenë në dijeni për dënimin e dhënë ndaj saj, me akuzën për braktisje të fëmijës së parë.

Për shkak të gjendjes së rënduar psikologjike 25-vjeçarja tregon se gjatë ditëve që ka qëndruar në burg nuk u shoqërua me asnjë nga gratë e tjera në qeli.

“Nuk kam qenë në dijeni as për gjobën as për dënimin. Në burg kam ndenjur vetëm nuk kam pasur lidhje me gratë e tjera”, rrëfeu Diana.

Diana Bahçja u arrestua nga policia e Shkodrës më 7 mars pasi gjykata e Tiranës i kishte vendosur një gjobë prej 250 mije lekësh në vitin 2020 që ia konvertoi pas tre vitesh në dënim me 50 ditë burg. Arrestimi në kushtet në të cilën ndodhej 25-vjeçarja tronditi gjithkënd pasi ishte totalisht në shkelje të ligjit, ndaj dhe Gjykata e pezulloi vendimin duke e liruar dhe ne 14 prill do të vendosë në lidhje me gjobën.

The post U ribashkua me foshnjën e saj, flet 25-vjeçarja pas lirimit nga qelia: Nuk e përballoja dot, kam qarë natë e ditë appeared first on Albeu.com.

Shkak  është bërë një gjobë që gjykata e shkallës së parë në Tiranë i ka vendosur në vitin 2020.

Bëhet fjalë për një gjobë prej 2 milionë e 500 mijë lekëve të vjetr, e cila është konvertuar  një javë më parë në dënimin me 1 muaj e 20 ditë burg.

Naim Bahçja nga Postriba prej një jave po kujdeset për fëmijën e tij të porsalindur.

Në lidhje me ngjarjen ka folur avokati i gruas Anton Kosteri.

Ai tha për Euronews se ka depozituar në Gjykatën e Rrethit Gjyqësor të Tiranës një kërkesë urgjente në mënyrë që autoritetet të pezullojnë vendimin dhe të lirojnë gruan nga burgu.

Avokati bëri me dije se nuk e dinë se si është gjendja shëndetësore e Dianës ndërsa shtoi se për foshnjën 18 ditëshe po kujdesen të afërmit.

“Kemi depozituar në Gjykatën e Rrethit Gjyqësor Tiranë një  kërkesë urgjente me karakter të ngutshëm me marrjen e një mase  provizore që është pezullimi  i ekzekutimi të këtyre vendimeve. Fëmija është vetëm 18 ditësh. Në momentin që është dhënë ky vendim gjyqtarja nuk kishte nga ta dinte që kur do të ekzekutohej. Është e provuar që janë gjykuar në mungesë, por sistemi në Shqipëri kështu është. Kjo zonjë është dënuar dy herë në mungesë. I kërkojmë Gjykatës që të rregulloj në kohë rekord një situatë që mund të jetë e rëndë për jetën e foshnjës dhe të nënës. Nuk dimë se si është gjendja shëndetësore e tyre. Jemi në komunikim të vazhdueshëm, po kujdesen familjarët për fëmijën. Mendoj se duhet të merren masa për pezullimin e vendimit e më pas te verifikohet  shtyrja e afatit të ekzekutimit”, tha avokati.

Një vendim i Gjykatës së Tiranës në vitin 2020 që e detyronte të paguante një gjobë prej 250 mijë lekë, në pamundësi për ta paguar nga Diana Bahçja, ka bërë që kësaj të fundit ti konvertohet me 50 ditë burg.

Diana është dënuar nga Gjykata për braktisjen e fëmijës së saj nga martesa e parë, fakt të cilin ajo e mohon./Albeu.com/.

The post Skandali në Shkodër, nëna u burgos 8 ditë pas lindjes, flet avokati: Nuk e dimë gjendjen e saj shëndetësore appeared first on Albeu.com.

Shkak  është bërë një gjobë që gjykata e shkallës së parë në Tiranë i ka vendosur në vitin 2020.

Bëhet fjalë për një gjobë prej 2 milionë e 500 mijë lekëve të vjetr, e cila është konvertuar  një javë më parë në dënimin me 1 muaj e 20 ditë burg.

Bashkëshorti i saj Naim Bahçja nga fshati Drisht i Postribës në Shkodër thotë se prej një jave po kujdeset për fëmijën e tij të porsalindur. Naim Bahçja thotë se bashkëshortja e tij u arrestua një javë më parë kur djali i saj ishte vetëm 8 ditësh, i porsalindur pa pasur asnjë dijeni as për gjobën e vendosur para tre vitesh dhe as për vendimin e dënimit me burg.

Diana Bahçja është dënuar për braktisjen e një fëmije nga martesa e parë, por ajo mohon se e ka braktisur vajzën e saj. Në një bisedë telefonike nga burgu i grave në Tiranë, e dënuara thotë se ish-bashkëshorti pasi e ka keqtrajtuar e ka nxjerrë nga shtëpia duke mos ia lënë as vajzën. Aktualisht për djalin që sapo ka mbushur dy javë nga momenti i lindjes kujdeset babai Naimi dhe mbesa e tij 11 vjeçe duke treguar se e kanë shumë të vështirë qoftë për ushqyerjen, por edhe për përkujdesjen ndaj foshnjës.

Apeli i 28-vjeçarit është që bashkëshortja e tij të lirohet sa më parë dhe të kthehet tek fëmija i porsalindur ndërsa tregon se është i gatshëm që të marrë edhe vajzën që bashkëshortja e tij ka nga martesa e parë.

“Gruaja ime ka qenë e martuar edhe një herë. Pas celebrimit, e ka akuzuar ish burri që ka pasur dhe pa e ditur ka ardhur një gjobë 2 milionë e gjysmë lekë për braktisjen e fëmijës. E kanë arrestuar gruan pa vetëdije, s’ka ditur gjë për gjobën dhe është marrë pa deklaratë. Fëmijën nuk e ka braktisur, e ka nxjerrë burri jashtë. Gruaja ka qenë në shtpëi kur e kanë arrestuar. Fëmija ka qenë 8 ditësh. Është arrestuar pa asnjë letër.

Apeli im është të lirohet gruaja e të vijë te fëmija. Bashkëshortja është te burgu i grave në Tiranë. Nuk di të kujdesem për fëmijën njësoj si ajo. Fëmijën e parë nuk ia ka lënë burri. Po e mbajmë fëmijën me qumësht të blerë se ia kanë hequr gjirin e nënës. E kam pasur të vështirë. Për 2 ditë fëmija vetëm qante derisa u mësua.

Më ka marrë operative i zonës në telefon e më ka thënë do të të marr vec të hedhësh një firmë. Në rregull i thashë. Sa shkuam te komisariati i Shkodrës, i nxorrën një letër, i thanë firmose. Ajo e mori letrën dhe ma morën si një zog që ik nga dora e se kam parë më. Po, jam i gatshëm të mbaj edhe fëmijën nga martesa e saj e parë”, tha Naim Bahçja.

E dënuara Diana Bahçja është nga Burreli ndërsa edhe ish-bashkëshorti i saj që e ka denoncuar për braktisjen e fëmijës së parë disa vite pas divorcit është nga Burreli, denoncim që e ka bërë pasi Diana është martuar për herë të dytë në Shkodër. Është e paqartë se cila është historia mes këtij ish-çifti dhe përse nëna nuk e ka marrë vajzën nga martesa e parë apo se çfarë ka vendosur gjykata për këtë rast./Albeu.com/

The post Skandali në Shkodër, nëna burgoset 8 ditë pas lindjes për shkak të një gjobe, bashkëshorti: E arrestuan pa asnjë lajmërim appeared first on Albeu.com.