Kjo vepër arti është një dhuratë nga filantropi tetovar Lazim Destani, i njohur për kontributin e tij të vazhdueshëm në mbështetje të projekteve kulturore dhe kombëtare shqiptare.

Në ceremoninë e organizuar me pjesëmarrjen e institucioneve vendore, morën pjesë kryetari i Bashkisë së Kukësit Albert Halilaj, ish-kryeministri i Shqipërisë Pandeli Majko, përfaqësues të shoqërisë civile dhe qytetarë të shumtë.

Në fjalën e tij, pas prerjes së shiritit, z. Lazim Destani, shprehu mirënjohje për mikpritjen dhe theksoi se ndien krenari që monumenti “Shqiponja” ka gjetur vend në një qytet simbol të bashkimit shqiptar.

“Kjo Shqiponjë fluturoi nga Tirana për t’u vendosur këtu, sepse siç duket, shqiponjat i duan malet e larta”, – u shpreh ai.

Duke kujtuar rrënjët e tij nga Bozovca e Tetovës, Destani shtoi se me Kukësin e ndan vetëm një kodër dhe se ndien lidhje shpirtërore me këtë qytet, i cili prej dekadash përfaqëson mikpritjen dhe bujarinë shqiptare.

Në shenjë vlerësimi për dashurinë dhe kontributin e tij të vazhdueshëm për Kukësin, kryetari i bashkisë Albert Halilaj i dorëzoi Lazim Destanit Çelësin e Qytetit, simbol i mirënjohjes dhe respektit të përbashkët.

“Kukësi është qyteti që i bashkon të gjithë shqiptarët përmes Rrugës së Kombit. Falë njerëzve si z. Destani, ne ndërtojmë ura bashkimi dhe kujtese kombëtare”, – deklaroi Halilaj.

Ndërsa ish-kryeministri Pandeli Majko, vlerësoi gjestin e Destanit si shembull të rrallë të filantropisë dhe përkushtimit ndaj identitetit kombëtar.

Monumenti “Shqiponja” është realizuar fillimisht në Tiranë me rastin e 100-vjetorit të Pavarësisë dhe tashmë është vendosur në Kukës, në trekëndëshin simbolik mes Shqipërisë, Kosovës dhe Maqedonisë së Veriut.

Ai është shoqëruar me elementë ndriçimi dekorativ dhe përbën një pikë të re identitare për qytetin.

Në përfundim të ceremonisë, z. Destani theksoi se kjo vepër nuk është thjesht një monument arti, por një shenjë e bashkimit dhe e aspiratave të përbashkëta të shqiptarëve kudo që janë.

“Për Kukësin, për Shqipërinë dhe për të gjitha trojet tona uroj zhvillim dhe përparim shoqëror e kulturor. Të palëkundur le të ecim drejt integrimit në Bashkimin Europian, sepse shqiptarët, përveç gjeografisë, këtu kanë historinë dhe përkatësinë e tyre kulturore”, – u shpreh ai.

The post “Shqiponja” e Tiranës “fluturoi” në Kukës! Dhuratë e Lazim Destanit, i cili u nderua me Çelësin e Qytetit appeared first on Albeu.com.

Burimi i brendshëm tregoi për bizhuterinë shumë milionëshe: “Është një gjerdan me diamantë që rrethon qafën e saj, me një gur të madh në mes dhe vathë të përshtatshëm me të.”

Sipas tij, po përflitet se Sanchez do t’i veshë “gurët vezullues të rinj” gjatë ceremonive të fundjavës në Venecia.

Bezos i propozoi Sanchez-it në vitin 2023 me një unazë fejese që ekspertët e vlerësuan me rreth 20 karatë dhe çmim afërsisht 2.5 milionë dollarë.

Burimi ynë shtoi me humor: “Nuk do të mund ta humbisni këtë gjerdan elegant me diamantë, sepse është pothuajse aq i madh sa superjahti i Jeff-it. Lauren është e lumtur për gjerdanin dhe vathët e rinj verbues, të cilët e çojnë koleksionin e saj tashmë mbresëlënës në një nivel tjetër.”

Bezos dhe Sanchez pritet të martohen sot në Venecia në atë që po konsiderohet “dasme e shekullit”.

The post Dhurata marramendëse që Jeff Bezos i bëri partneres për dasmë, vlen plot 5 milionë dollarë appeared first on Albeu.com.

Princi William, tani 42 vjeç, i dha Kate, gjithashtu 42-vjeçare, dhuratën në fillim të lidhjes së tyre, kur të dy ishin studentë në Universitetin e St. Andrews – ku u takuan në vitin 2001 dhe ranë në dashuri më pas.
Në fillim të viteve 2000, William “ishte shumë pak i sigurt në aftësitë e tij për të dhënë dhurata” dhe një dhuratë e la të dashurën e tij të atëhershme të hutuar.

Mbreti i ardhshëm foli për dhuratën gjatë një interviste në BBC Radio Five Live.

Kur tema u kthye te dhuratat, William tha: “Unë i dhashë gruas sime një palë dylbi një herë. Ajo kurrë nuk më la ta harroj këtë.”

“Kjo ishte në fillim të lidhjes, mendoj se kjo vulosi marrëveshjen,” tha ai me shaka.

“Nuk shkoi mirë. Sinqerisht, nuk e kam idenë pse i kam blerë një palë dylbi. Në atë kohë dukej një ide e mirë.”

The post Edhe Princi gabon/ William i bëri Kate Middleton një dhuratë kaq “të tmerrshme” appeared first on Albeu.com.

Artistja ka vendosur ti bëjë një dhuratë luksoze të dashurit të saj. Ajo i ka blerë atij një veturë të tipit ‘’Ferrari’’, ngjyrë të zezë. Pamjet e super dhuratës i ka ndarë në rrjetin social ‘Instagram”, duke etiketuar partnerin, Kreshnik Gjergjin.

Me siguri Kreshniku ndihet i dashuri më me fat pas kësaj super dhurate, por duher të mendojë për surprizën që duhet t’i bëjë Dafit kur ajo të ketë ditëlindjen.

Kujtojmë se çifti pritet të martohen së shpejti dhe tashmë kanë nisur përgatitjet e dasmës.

The post FOTO/ Partneri i saj feston ditëlindjen, Dafina Zeqiri i bën dhuratën marramendëse appeared first on Albeu.com.

“Gëzuar ditëlindjen për my number one, ditarin tim njerëzor, shoqen time më të mirë. Faleminderit që je ky person që je, ndihem mirënjohëse që të kam njohur që më njeh më së miri. Ti e bën jetën time më të lumtur, vetëm duke qenë në të. Jam e lumtur për gjithë këto vite, të gjitha buzëqeshjet, të gjitha lotët, çfarë udhëtimi me slitë ka qenë! E vetmja gjë që mbeti e njëjtë në fund ishte kjo lidhje që ndajmë. Ne patëm pjesën tonë të ulje-ngritjeve, shumë prej tyre; por asnjëherë nuk hoqëm dorë nga njëra-tjetra. Dhe për mos të harruar, në këtë rrugëtim që ke nisur uroj të arrish aty ku do ti sepse me shpirtin e pastër që ti ke meriton më të mirat dhe sigurisht FINALEEEN!! Të dua shumë”

Kjo surprizë e bukur emocionoi Glorian, e cila tha se ky dron është dërguar nga mikja e saj.

The post “Dhuratë nga qielli”/ Gloria surprizohet sërish për ditëlindje (VIDEO) appeared first on Albeu.com.

Teksa deklaruan se janë në pritje të një bebushi, duket se Sara dhe Bardhi e kanë marrë dhuratën e parë të bebit të tyre.

Këtë gjë e ka zbuluar vetë modelja nëpërmjet një InstaStory, ku tregon se dhurata është bërë nga moderatorja Bora Zemani, në emisionin e të cilës çifti deklaroi dhe shtatzëninë e Sarës.

“Dhuratën e parë e kemi nga teta Bora”- shkruan Sara përbri postimit të ndarë në llogarinë personale të Instagramit, teksa zbulon dhuratën: një palë këpucë të vogla për bebushin e çiftit.

The post Bora Zemani i bën dhuratën e parë bebit të Sarës dhe Bardhit (FOTO) appeared first on Albeu.com.

Lajmin e bëri të ditur vetë Dafina përmes një postimi në ‘InstaStory’ në llogarinë e saj në Instagram.

Dafina kishte vizituar sot bazën e Kforit në Prishtinë, vizitë prej së cilës mori një medalje nga gjenerali turk Ulutas, ajo gjithashtu vizitoi edhe zyrat e radios K4, për nderë 25 vjetorit.

“Sot isha në bazën e Kforit në Prishtinë po ashtu në RADIO K4 me rastin e 25 vjetorit. Unë ndihem e privilegjuar që u nderova nga gjenerali Ozkan Ulutas”, shkroi Dafina derisa publikoi edhe foton e medaljes.

Ditë më parë, edhe rep-artisti i njohur, Ledri Vula kishte pranuar një dhuratë simbolike nga KFOR-i.

The post FOTO/ Dafina Zeqiri pranon dhuratë simbolike nga gjenerali i KFOR-it, Ozkan Ulutas appeared first on Albeu.com.

Ministri i Mbrojtjes i Kosovës, Ejup Maqedonci, tha se kjo ndihmë do të ndikojë në ngritjen e kapaciteteve logjistike dhe operacionale të Forcës së Sigurisë së Kosovës (FSK).

“[Donacioni prej] 2.7 milionë eurosh që pranuam sot janë në vazhdën e donacioneve prej 3.5 milionë eurove që pranuam vitin e kaluar nga Republika Federale e Gjermanisë”, tha Maqedonci.

Ai tha se Gjermania ka luajtur rol të “jashtëzakonshëm” në rritjen e Forcës së Sigurisë së Kosovës.

“Mbështetja me automjete ushtarake për forcën është vetëm njëra nga fushat ku gjermania kontribuon ndjeshëm për sigurinë e vendit tonë”, shtoi ai.

Përveç pesë kamionëve donacion, Kosova do t’i blejë edhe 10 kamionë të tillë ushtarakë gjermanë me mjete nga buxheti i vet, sipas ambasadorit të Gjermanisë në Prishtinë, Jorn Rohde.

“Dua ta theksoj edhe sot se marrëdhëniet mes Gjermanisë dhe Kosovës janë të shkëlqyera… bashkëpunimi me FSK-në po bëhet çdo herë e më i ngushtë, posaçërisht në fushën e sigurisë”, tha Rohde.

Kamionët ushtarakë HX3, sipas kompanisë gjermane që i prodhon Rheinmetall, shërbejnë për të kryer operacione taktike dhe logjistike në kushte sfiduese dhe në terrene të vështira.

Në buxhetin e Kosovës për vitin 2024, të miratuar fundin e vitit të kaluar, Ministrisë së Mbrojtjes i është ndarë buxhet në vlerë prej 153.049.911 eurosh.

Kosova i ka shtuar përpjekjet për të blerë armatim dhe pajisje të tjera këtë vit. Në fillim të janarit, Departamenti amerikan i Shtetit konfirmoi për Radion Evropa e Lirë se Kosova ka bërë kërkesë që të blejë raketa Javelin në vlerë prej 75 milionë dollarësh.

Kjo vjen në një kohë tensionesh të rritura mes Kosovës dhe Serbisë.

Muajin e kaluar, Kryeministri i Kosovës, Albin Kurti, e akuzoi Serbinë për dërgimin e ushtrisë serbe në afërsi të kufirit të saj me Kosovën.

Në janar, Ministria e Mbrojtjes e Kosovës bëri të ditur se ka bërë kërkesë për blerjen edhe të armëve të tjera, përveç 246 raketave kundërtanke të tipit Javelin.

FSK-ja është në një process të shndërrimit në Forcë të Armatosur të Kosovës, i cili nisi në dhjetor të vitit 2018, kur Kuvendi i Kosovës miratoi ndryshimet ligjore, për të ndryshuar mandatin e saj.

Ky proces është planifikuar të zgjasë dhjetë vjet – deri në vitin 2028.

Forca e Sigurisë e Kosovës aktualisht ka rreth 2.500 pjesëtarë. Pas periudhës së tranzicionit, ky numër pritet të rritet në më shumë se 7.500 dhe do të përfshijë anëtarë aktivë dhe rezervë.

The post Kosova merr pesë kamionë ushtarakë dhuratë nga Gjermania appeared first on Albeu.com.

Bëhet fjalë për Ledri Vulën, i cili tashmë shquhet për hitet që ka realizuar ndër vitesh.

I njëjti po vazhdon të jetë mjaft i angazhuar duke punuar për projektet e tij të radhës.

Krahas kësaj, Ledri u bë edhe këngëtari i parë që ka pranuar dhuratë simbolike nga KFOR-i.

Krijuesi i hitit “Paranormal” u shfaq i lumtur për takimin me ushtarët e KFOR-it.

View this post on Instagram

A post shared by Radio KFOR 90.2 (@radiokforshqip)

Ledri vetëm pak javë më parë solli këngën e re “Kill Me”, që ka kaluar shifrën e mbi një milion klikimeve në YouTube.

Muajve të fundit gjithashtu u përfol në masë të madhe edhe për jetën private, ndonëse nuk është deklaruar akoma.

The post Artisti Ledri Vula merr dhuratë nga KFOR-i (VIDEO) appeared first on Albeu.com.

Përpara se të bëni pazar për një dhuratë për zonjat e zjarrta, dëgjoni me kujdes se çfarë flasin, çfarë duan dhe planifikojnë të blejnë dhe më pas befasoni ato.

Është një ide e mirë t’i paguani për një udhëtim ose një trajtim spa. Bizhuteritë nuk do t’i refuzojnë. Një darkë romantike në një restorant të këndshëm komod. Mund t’i përgatisni edhe vetë darkën, të servirur me qirinj, verë të mirë dhe shumë puthje…

Gratë që i përkasin shenjave të zodiakut të zjarrit janë të forta dhe të pavarura në sipërfaqe, por në realitet ato janë të brishta dhe të buta.

Shenjat e tokës: Demi, Virgjëresha, Bricjapi

Këto zonja i duan ëmbëlsirat, por edhe ushqimin e mirë.  Pra, rezervoni darkën në restorantin e saj të preferuar. Mund të merrni edhe diçka të ëmbël. Diçka mund ta përgatisni edhe vetë, por mos e teproni me një atmosferë romantike, sepse nuk e pëlqejnë shumë.

Këto gra janë të prirura nga biznesi dhe ju mund t’i dhuroni diçka që lidhet me punën, si një stilolaps cilësor, një kalendar interesant ose një çantë kompjuteri.

Shenjat e ajrit: Binjakët, Peshorja, Ujori

Me këto femra duhet të keni kujdes, nuk duhet ta teproni.

Më së shumti pëlqejnë gjërat e vogla si një libër i mirë, diçka e ëmbël, një qiri aromatik, apo një shall.

Mund ta çoni edhe në teatër, në kinema, në një ekspozitë.

Shenjat e ujit: Gaforrja, Akrepi, Peshqit

Këto femra i duan surprizat. Pra, mos i pyesni se çfarë duan, thjesht befasoni ata!

Një verë e mirë është një dhuratë e shkëlqyer për to, dhe ndoshta një palë të brendshme.

Mund ta çoni në një darkë romantike.

The post Nesër 8 Marsi, çfarë të dhurojmë sipas shenjës së horoskopit? appeared first on Albeu.com.