Lule, çokollata dhe një mesazh nga Vladimir Putin, iu dorëzuan gjatë takimit Anna Polinës nga Dmitriev. Kirill Dmitriev është kryenegociatori ekonomik i Rusisë në SHBA, ndërsa Anna Polina Luna njihet si mbështetëse e flaktë e lëvizjes MAGA si dhe një kundërshtare e vazhdimit të ndihmës ekonomike për Ukrainën.

Gjatë takimit, Dmitriev kritikoi ashpër pretendimet se dialogu SHBA-Rusi është drejt rrënimit, ndërsa gjatë një interviste tha se bisedimet më palët po vijojnë për të inkurajuar dialogun parlamentar.

The post Lule, çokollata dhe mesazhe në letër, kush është zyrtarja e Trump që merr dhurata nga Vladimir Putin? appeared first on Albeu.com.

Në mesin e fotografive të shpërndara nga vetë Mozzik, ai shihet duke pozuar pranë godinës së Administratës Tatimore të Kosovës. Ky detaj nuk ka kaluar pa u vënë re nga ndjekësit, pasi vetëm një vit më parë artisti u dënua nga ATK me një gjobë prej gjysmë milioni euro. Për shumëkënd, ky veprim shihet si një lloj ironie ose mesazh i koduar nga ana e tij.

Pavarësisht polemikave që shpesh kanë shoqëruar emrin e tij, Mozzik mbetet një nga emrat më të fuqishëm të skenës muzikore shqiptare. Ai numëron një sërë hitesh që kanë thyer rekorde klikimesh, si dhe bashkëpunime të rëndësishme që e kanë bërë ndër më të kërkuarit në tregun muzikor.

The post Ora e artit dhe e luksit! Dhurata e Mozzik për veten në 30-vjetorin e lindjes appeared first on Albeu.com.

Ky projekt muzikor është i disponueshëm në platformat kryesore si Spotify, Apple Music dhe YouTube dhe ka tërhequr vëmendjen e publikut për kombinimin e ritmeve latine dhe shqiptare.

“Qaje” përfshin elemente të muzikës latine dhe shqiptare, duke krijuar një atmosferë të ngrohtë dhe ritmike që i përshtatet stinës së verës.

Kënga është punuar nga BigBang Studio dhe është pjesë e RedBox Entertainment, me të drejtat e autorit të mbrojtura nga Sony Entertainment.

Videoklipi i “Qaje” është realizuar me kujdes të veçantë, duke reflektuar temën dhe emocionet e këngës përmes skenave vizuale dinamike dhe ngjyrave të ngrohta.

Any ndërkaq është një këngëtare dhe influencuese me origjinë spanjolle, e njohur për stilin e saj ‘flamenco’ dhe ndikimin në rrjetet sociale.

Ajo ka një prezencë të fuqishme në platformat digjitale dhe është aktive në promovimin e stilit të jetesës dhe bukurisë.

The post Dhurata Dora dhe Any Gonzalez sjellin këngën e re “Qaje” appeared first on Albeu.com.

Shën Valentini, i cili festohet në mbarë botën, ka marrë një dimension komercial gjithnjë e më të madh në Shqipëri.

Çmimet për dhurata, restorante dhe organizimin e festave janë rritur ndjeshëm, duke reflektuar një kulturë të re konsumimi që e lidh dashurinë me shpenzimet.

Nuk mjaftojnë më vetëm trëndafilat, konsumatorët kërkojnë përvoja të personalizuara dhe dhurata të shtrenjta.

Kjo ka krijuar një mundësi të madhe për tregtarët, por gjithashtu ka ndikuar në mënyrën se si perceptohet kjo festë.

Shpenzimet për Shën Valentinin janë në rritje, me një përqendrim të madh në kategoritë si parfume, bizhuteri dhe pushime romantike, duke e shndërruar këtë ditë në një festë masive komerciale.

Ndërsa kjo festë është një mundësi e madhe për bizneset, ajo gjithashtu nxjerr në pah kulturën e konsumit, që mund të ketë ndikime sociale dhe ekonomike.

Një ndër elementet që jo vetëm e personifikon si festë por përbën grupshpenzimin më të madh, janë lulet. Është thuajse një dukuri vjetore që lulet të kenë rritje të çmimeve javë, ose ditë para Ditës së Shën Valentinit.

Vitin e kaluar, çmimi i luleve të shitura në disa dyqane lulesh, u rrit me pothuajse 50 për qind në prag të Ditës së Shën Valentinit.

Sipas komunikimeve në terren, përgatitjet kanë nisur që ditën e hënë, për kompozimin e luleve dhe rregullimin e dyqaneve.

Çmimi mesatar është 3000 lekë/buqeta. Dhurata më e shtrenjtë e viteve të fundit, raportohet një tufë trëndafilash të kuq në çmimin e 1000 eurove.

Ndërsa një tjetër sektor që ka pasur vëmendje në këtë ditë, ai i parfumeve, rezulton me shitje më të larta se sa veshjet.

Nga parfumeria në qendrën COIN pohojnë se javën e shkuar kanë pasur një rritje kërkesash për parfume femrash kryesisht, por pa lënë pas edhe dhuratat për meshkujt, rritje të cilën e veçojnë si më të lartë se sa vitin e shkuar.

Ndërsa të kontaktuar nga Monitor, përfaqësuesit e shitjeve të argjendarisë “GrandJewelry” në Tiranë, tregojnë se ishin bërë shumë promocione dhe zbritje çmimi me rastin e festës së dashurisë dhe këtë vit blerjet kanë qenë disi më mirë se vitet e mëparshme, megjithatë, sipas tyre, dhuratat e shtrenjta kanë nisur të jenë më pak atraktive dhe më shumë janë të drejtuar drejt produkteve të personalizuara.

Një tjetër kategori mbeten darkat. Çmimet për një darkë speciale për dy persona mund të variojnë nga 40 deri në 100 euro, varësisht nga tipologjia e restorantit dhe ofrimi i menusë speciale. Për restorantet me një reputacion të njohur, çmimi mund të arrijë deri në 150 euro për çift.

Në qytetet si Tiranë, Durrës dhe Vlorë, ku turizmi dhe festivitetet janë më të pranishme, oferta e restoranteve dhe hoteleve që ofrojnë paketat speciale është më e lartë.

Një faktor tjetër, është edhe rritja e përdorimit të shërbimeve të udhëtimit dhe pushimeve për çiftet që duan të festojnë këtë ditë të veçantë jashtë vendit, ose në destinacione të njohura të brendshme.

Kostoja e një udhëtimi për dy persona për një fundjavë në Shqipëri, mund të variojë nga 150 deri në 500 euro, varësisht nga destinacioni dhe ofruesi i shërbimit.

Për të festuar Shën Valentinin, agjencitë turistike shqiptare kanë ofruar paketa të ndryshme për destinacione romantike në Europë.

Një nga ofertat ku kanë qenë të përqendruara më shumë kërkesat përfshin një udhëtim 3-ditor në Venecia dhe Milano, me nisje më 15 shkurt 2025 dhe kthim më 17 shkurt 2025, me një çmim prej 129 euro për person.

Një tjetër ofertë përfshin një udhëtim 5-ditor që përfshin Verona, Milano dhe Venecia, me nisje më 13 shkurt 2025 dhe kthim më 17 shkurt 2025, me një çmim prej 233 euro për person.

Gjithashtu, një udhëtim 2-ditor në Venecia dhe Verona, me nisje më 14 shkurt 2025, është ofruar me një çmim prej 179 euro për person, që përfshin fluturimin dhe akomodimin.

Marketingu luan një rol të rëndësishëm në shtimin e shpenzimeve dhe promovimin e festës.

Fushatat e marketingut në Shqipëri, të cilat përfshijnë reklama televizive, postime në rrjetet sociale dhe oferta speciale në dyqane, kanë ndikim të drejtpërdrejtë në rritjen e kërkesës për produkte dhe shërbime të lidhura me Shën Valentinin.

Shumë marka shqiptare dhe ndërkombëtare, kanë investuar në reklama të shtrenjta gjatë periudhës së Shën Valentinit, duke përdorur influencues të njohur dhe fushata të personalizuara për të tërhequr konsumatorët.

Kjo ka bërë që një festë që dikur ishte e thjeshtë të bëhet një ngjarje masive, duke e kthyer tregun shqiptar në një mundësi të madhe për bizneset.

Prej disa vitesh, edhe në qendra të tjera të sektorit të bukurisë dhe Spa-së, paketat ofrohen në çift, ose edhe të personalizuara për meshkuj.

Kërkesat për të tilla paketa janë në rritje prej vitesh, duke rrëzuar mitin e dhuratave të zakonshme për meshkujt.

Paketat nisin nga 5000 lekë personi, ose në ofertë 8000 lekë në çift. Drejtuesit e këtyre qendrave pohojnë se kjo nuk është dhurata e vetme që ata i bëjnë njëri-tjetrit.

Vijojnë edhe këtë vit të shkëmbehen dhurata për Shën Valentin një ndërhyrje për hundën ose buzët.

Në disa klinika në kryeqytet, ka pasur paketa promocionale si 150 euro/filler i buzëve që ka tërhequr vëmendjen për t’u konsideruar si dhuratë dashurie. Ose oferta për shërbime laseri, që me sa duket vlerësohet estetikisht në çift.

Si dhe kërkesa për mbjellje flokësh për meshkuj.

Ndryshojnë përzgjedhjet kur çiftet janë të martuar ose bashkëjetojnë prej vitesh. Sipas hulumtimeve, një ofertë interesante ka qenë shumë e përzgjedhur për këtë Shën Valentin: shërbime pastrimi profesionale për shtëpinë.

Siç duket, gratë do ta vlerësonin më shumë këtë se sa një tufë trëndafilash. Disa agjenci në treg bëjnë me dije se, dhurohen kuponë të vlefshëm prej 5000lekë për pastrim profesional të shtëpisë./ MONITOR

The post Nga lulet tek udhëtimet e bizhuteritë, sa shtrenjtë po kushton dashuria në Shqipëri? appeared first on Albeu.com.

Të hënën, më 21 tetor, themeluesja e SKIMS ndau një video të vajzës së saj North, 11 vjeç, duke i dhuruar asaj një gjerdan diamanti për ditëlindjen e saj të 44-të – e cila shfaqte një gdhendje shumë të çuditshme në pjesën e përparme.

Kardashian shfaqi bizhuterinë në një video të postuar në Instagram Stories. “North më mori këtë gjerdan diamanti. Wow” – tha ajo duke qeshur.

Më pas ajo zmadhoi gjerdanin duke mbajtur lart varësen në formë drejtkëndëshe për të parë më nga afër gdhendjen unike.

The post Dhurata e çmuar që e bija i bëri Kim Kardashian-it për ditëlindje appeared first on Albeu.com.

Dasma luksoze e çiftit ka tërhequr vëmendjen mbarë botërore, me të ftuar të famshëm duke përfshirë: Kim Kardashian, Nick Jonas e John Cena.

Nusja dhe dhëndri nuk janë të vetmit që morën dhurata për nder të dasmës së tyre: Ambani falënderoi shokët e tij duke i blerë ora ‘Audemars Piguet’, që kushtojnë më shumë se 180 mijë euro. Orat me flori rozë 18 karatësh shfaqin javët e çdo viti dhe shumë informacione të tjera. Ato janë gjithashtu rezistent ndaj ujit.

 

Shumica e të pranishmëve zgjodhën veshje tradicionale indiane, duke paraqitur kështu kulturën e përbashkët të çiftit. Ngjarja, e cila kushtoi më shumë se 500 milionë euro, ka zgjatur pesë muaj, përfshirë një performancë nga Rihanna e një tjetër nga Justin Bieber.

The post Detaji që “na shpëtoi”/Anant Ambani u dhuroi miqve të tij ora me shifrën ‘e çmendur’ appeared first on Albeu.com.

Sipas ekspertes së stilit të jetës dhe kulturës pop, Valerie Greenberg, gjestet romantike të Kelce shtrihen shumë përtej fushës së futbollit, duke demonstruar një përkushtim të palëkundur ndaj Swift-it që nuk njeh kufij.

Përkushtimi i Kelces ndaj Swift-it duket se e ka futur atë në një fazë ekstravagance, e dëshmuar nga paraqitjet e tyre në vende elitare si Bird Streets Club në West Hollywood, të frekuentuar nga njerëz të famshëm si Leonardo DiCaprio dhe Timothee Chalamet.

Deklaratat e Kelce-s për dashurinë për Swift-in nuk kufizohen në daljet luksoze; ato gjithashtu marrin formën e dhuratave luksoze dhe arratisjeve ekstravagante ndërkombëtare, që vlerësohen në total rreth 8 milionë dollarë, një shumë mbresëlënëse që përbën më shumë se gjysmën e pagës së tij vjetore prej 14 milionë dollarësh.

The post Dhurata luksoze, Travis shpenzon më shumë se gjysmën e rrogës për Taylor appeared first on Albeu.com.

Rama ka nxjerrë pamjet nga takimi me Zelenskyn në Kryeministri.

Pasi bënë një foto, Rama i tregoi Zelenskyt zyrën e tij dhe më pas i dha një dhuratë.

Dhurata ishte pikërisht libri i kryeministrit me mbishkrimin sipër ‘Edi Rama’, ku shfaqeshin në kopertinë dhe skicat e njohura të tij.

Pas takimit, dy zyrtarët do t’i bashkohen samitit në nder të Ukrainës, që do të mbahet në Pallatin e Kongreseve.

The post Rama pret në kryeministri presidentin Zelensky, ja dhurata e veçantë që i dha presidentit ukrainas appeared first on Albeu.com.

Para se të gjithë të rifillojnë jetën normalisht në janar, zakonisht në fund të vitit të gjithë bëjnë bilancin për kohën e lënë pas dhe dëshirat e prealizuara.

Më poshtë janë të listuara disa nga gjërat që duhet t’i keni kryer gjatë vitit 2023. Nëse akoma jo, kujtohu çfarë ke lënë pa realizuar.

Mbaro 3 detyrat që i kishe vënë vetes në fillim të vitit

I mban mend disa nga premtimet që i ke vënë vetes gjatë vitit, por që asnjëherë nuk i ke mbajtur? Kujtohu për premtimet në shtëpi apo në punë, që nuk i ke mbajtur. Të paktën tre nga ato duhet t’i realizosh deri në fund të vitit. Ke edhe pak ditë kohë.

Paguaj kartën e kreditit
Çdo vit karta e kreditit ka një tarifë fikse, e cila duhet paguar para se viti të mbyllet. Nëse akoma nuk e ke bërë këtë, kujtohu që shpenzimet do të shtohen edhe më shumë deri në fund të vitit.

Vizito dentistin ose doktorin, okulistin
Bëj një pastrim dhëmbëve, një vizitë syve apo edhe një checkup para se viti të mbyllet.

Paguaj taksat
Në fund të vitit, pagesa e taksave është një stres më vete, por një detyrim që duhet kryer, kështu që mundohu ta organizosh edhe këtë pjesë para se kalendari të thotë 2024.

Dhuro diçka
Para se viti të mbarojë, bëj diçka për të kënaqur të tjerët, por edhe veten. Kontributi për një shkollë, çerdhe apo diçka tjetër që mund të ketë nevojë do të jetë një ogur i mirë për ta nisur mbarë 2024-ën. Jo domosdoshmërisht të dhurosh do të thotë të japësh para kesh, por çfarëdo që të mundesh. Shumë njerëz kanë nevojë edhe për të ngrënë, edhe për t’u veshur.

Riciklo veshjet
Në shtëpi mund të kesh shumë veshje. të cilat i ke paketuar dhe i ke lënë mënjanë, sepse nuk të bëjnë apo nuk të pëlqejnë. E pra, tani është koha t’u rikthehesh. Ashtu si moda ndryshon dhe risjell të njëjtat modele, po kështu mund t’i japësh vetes mundësi të gjesh gjëra të tjera. Shiko mundësinë e rikthimit dhe rikombinimit të tyre. Me këtë rast, edhe pastron dhe organizon edhe një herë gardërobën.

Pastro shtëpinë
Është një nga detyrat që në fund të vitit amvisat i kushtojnë shumë rëndësi. Natyrisht, një shtëpi e rrëmujshme dhe e papastër nuk do të ishte e denjë për një fillim të mirë. Përfundimisht, duhet të kujdesesh për 2024-ën. Pastro dyshemenë, merr pluhurat, laj rrobat dhe gërryej sobën. Pastërtia në shtëpi të jep edhe një gjendje të mirë për një fillim të mirë.

Shkruaj kartolina
Urimet për Krishtlindjet dhe Viti i Ri nuk kanë të njëjtën peshë me mesazhet apo email-et. Edhe pse duket një metodë e vjetër, urimet e kartolinave janë shumë më të ëmbla kur vijnë të shkruara me dorë. Dhuroju njerëzve të dashur dhurata speciale.

Krijo hapësirë në çdo llogari online
Fshi email-et e vjetër, dokumentet apo fotot që nuk të duhen ose që rrinë për një kohë të gjatë dhe që nuk ke ndër mend t’u rikthehesh. Kompjuteri, telefoni apo çdo mjet tjetër elektronik i panevojshëm pastroje nga hapësira.

Po puna?
Ndoshta është koha për të kërkuar një punë të re, një rritje page apo edhe një rritje në detyrë. Mendo pak më gjatë për punën dhe kërko pranë punëdhënësve gjithçka që mendon. Shpeshherë, kompanitë në fillim të vitit, mendojnë të sjellin frymë të re, përgatiten për këtë gjë, ndërsa ti je duke ecur me hapa shumë të ngadaltë. Por edhe nëse nuk je duke menduar për një punë të re apo sapo mund të kesh filluar, e mira është të bësh një résumé për të.

Vendos objektiva për vitin e ri
Zakonisht, të gjithë kanë maninë për t’i shtyrë objektivat për më vonë. Edhe në këtë fundvit, mos i lër objektivat për janar. Fillo të mendosh çfarë nuk ke realizuar brenda këtij viti dhe lëri vetes detyrë për vitin e ardhshëm. Bëje tani! Janari do të sjellë të reja.

The post Gjërat që duhet të bëni para se viti të përfundojë! appeared first on Albeu.com.

Fiilimisht u aludua se dhurata mund të ishte liberalizimi i vizave për shqiptarët. Por, kur u pyet nga gazetarët në konferencën e fundit për shtyp në lidhje me këtë, Rama nuk dha detaje, por tha se dhurata që shpresonte mund të mos i kënaqë që të gjithë. Vox News mëson se dhurata që pret Kryeministri është një vizitë e ish-Presidentit të SHBA, Bill Clinton pikërisht më 4 korrik.

Vizita e një ish-Presidenti amerikan në Shqipëri dhe Kosovë merr gjithmonë rëndësi, kur dihet fuqia e tyre lobuese në Uashington. Por, vizita e Bill Clinton, njeriu që udhëhoqi fushatën bombarduese të Serbisë merr një tjetër rëndësi në këto kohë tensionesh në veri të Kosovës.

Veç kësaj, vizita mund të konsiderohet edhe si një mbështetje e qëndrimit të Shqipërisë dhe të Edi Ramës për situatën aktuale në Kosovë, ku Kryeministri ka qortuar qëndrimet kokëforta të Albin Kurtit kundër thirrjeve të ndërkombëtarëve për të çtensionuar situatën në veri të vendit./albeu.com/

The post Dhurata që Edi Rama do të marrë nga SHBA-të më 4 Korrik appeared first on Albeu.com.