Mësohet se sot do të zhvillohej seanca për ndarjen e kujdestarisë së 3 fëmijëve. Padia për zgjidhje martesë ishte bërë  nga Kudreti, dhe krahas ndarjes ai kishte kërkuar edhe kujdestarinë e fëmijëve si edhe detyrimin e bashkëshortes Dhurata Saliaj për dhëniën e një kontributi financiar për ta.

10 minuta para se të fillonte senaca, Mexhit Picari ka hyrë në lokalin ku ndodhej Kudreti dhe avokati Adriatik Cama dhe ka qëlluar në drejtim të tyre me armë zjarri. Kudreti ka mbetur i vdekur në vend, ndërsa avokati ka marrë një plumb dhe ndodhet jashtë rrezikut për jetën.

Mësohet se para se të ndodhte ngjarja, në tavolinë me Kudretin kishte qenë edhe djali i tij bashkë me një punonjëse sociale./albeu.com

The post Sot do të caktohej kujdestaria e fëmijëve, Picari vrau dhëndrin në sy të djalit appeared first on Albeu.com.

Ngjarja ndodhi 10 minuta përpara se të niste seanca e pestë e gjyqit, pasi kishte qenë Kudreti që kishte kërkuar divorc nga bashkëshortja.

Çifti i cili ka tre fëmijë të mitur nga martesa e tyre, ishin përfshirë në konflikte dhe debate për dhunë dhe tradhti që në fund të vitit 2020.

Në shtator të vitit 2020, Mexhit Picari ka rrëfyer historinë e dhëndrit dhe vajzës së tij, ndërsa pretendon se Kudret Saliaj e ka tradhtuar vajzën.

Ai ka treguar  një histori të 10 viteve më parë, kur kapi dhëndrin e tij duke u konfliktuar fizikisht me persona të tjerë. Sipas tij, sherri kishte ndodhur për konflikte banale ku ishin të përfshira edhe disa vajza.

“Unë e kam kapur vetë para 10 viteve, kam kapur K. (bashkëshortin e vajzës), e kam kapur te KMY te lokali, e kemi kapur, edhe baba i vetë, e kemi parë me goca, lidhje jashtë martese. Kur kam shkuar unë, e kam gjetur të çarë këtu te nofulla, edhe kanë qenë 4 çuna duke u zënë për punë femrash. Kur e kam parë me gjak kështu, ju kam thënë policia, unë kam qenë punonjës policie. Ju kam thënë mos se policia këtu. Ata direkt e kanë lënë, edhe më tha mik më shpëtove, hallall ta bëftë Zoti. Po ç’na bërë kështu more dhëndër. Po ti je i martuar, a ke turp i thashë. A ke turp që zihesh për punë femrash. Ti je i martuar, ke fëmijë. Tha bëra gabim, po më fal. Edhe unë i thashë gocës, erdhi dhe i thashë për mua lere se ky nuk i heq huqet. Na ka marrë malli për nipërit, ju kanë bërë presion”, është shprehur Picari.

Nga ana tjetër edhe nga familja e Kudretit, ka pasur akuza për Dhuratën.

Vjehrra e 32-vjeçares, mbesa e burrit të saj, madje edhe 2 fëmijët e saj, e akuzojnë Dhurata Saliajn për tradhti bashkëshortore. Ata thonë se ka prova, ndërsa vetë Dhurata mohon çdo gjë të tillë dhe i konsideron sajesa e trillime.

Konflikti brenda familjes u tensionua akoma më shumë. Ndaj Dhuratës u bë një denoncim në polici, ku akuzohej se kishte ushtruar dhunë fizike e psikologjike ndaj fëmijëve të saj dhe mbesës së burrit, si dhe të kishte kërcënuar vjehrrën.

Sot situata u përshkallëzua shumë më keq, duke çuar në fund tragjik./albeu.com

The post Dhunë, tradhti dhe kërcënime, çfarë ka treguar më parë në media Mexhit Picari për viktimën dhe vajzën e tij appeared first on Albeu.com.