Ky emërim, shënon jo vetëm një hap strategjik për rritjen dhe forcimin e mëtejshëm të zërit të pavarur të medias, por edhe një rikthim të një figure me integritet të lartë profesional dhe përvojë të thellë në fushën e komunikimit publik, administrimit dhe politikës.

NJË PROFIL I KONSOLIDUAR PROFESIONAL

Dhurata Çupi, ka ndërtuar një karrierë solide ndër vite, duke u afirmuar si një ndër zërat më të qartë dhe të angazhuar në jetën publike shqiptare.

Ajo ka mbajtur funksione të rëndësishme në administratë dhe në politikë, ku është vlerësuar për seriozitetin, profesionalizmin dhe aftësinë për të menaxhuar sfida të mëdha me përkushtim dhe integritet.

Me një formim të fortë akademik dhe një përvojë të spikatur në drejtimin e institucioneve, Çupi ka ditur të ndërtojë ura besimi me qytetarët dhe bashkëpunëtorët e saj, duke promovuar transparencën, etikën dhe dialogun si vlera thelbësore të lidershipit modern.

NGA ANGAZHIMI PUBLIK, TE DREJTIMI I MEDIA

Përpara se të merrte drejtimin e “Focus Media News”, Dhurata Çupi, ka shërbyer në role të rëndësishme në jetën politike dhe institucionale të vendit, ku ka dhënë kontribut të vyer në çështje që prekin drejtpërdrejt interesin publik, zhvillimin e zonave lokale dhe fuqizimin e gruas në vendimmarrje.

Ajo është njohur për zërin e saj kritik, por konstruktiv, në mbrojtje të së drejtës për informimdhe të vërtetën. Znj.Dhurata Çupi ka përfunduar Fakultetin Juridik.

Ajo ka qenë deputete e Partisë Demokratike në Qarkun e Dibrës nga viti 2016-2025. Çupi ka qenë anëtare e Komisionit parlamentar për Ekonominë dhe Financat, anëtare e disa Komisioneve Hetimore Parlament are, nënsekretare e Nënkomisionit për Qeverisjen Vendore, anëtare e Këshillit për Rregulloren, Mandatet dhe Imunitetet, kryetare e Aleancës së Grave Deputete, anëtare dhe nënkryetare e Komisionit parlamentar për Ligjet, të Drejtat e Njeriut dhe Administratën Publike, si dhe trajnuese për Këshillin e Qeverisjes Vendore për Administrimin e Pronës Publike; kryetare e Këshillit Legjislativ, bashkëkryetare e Komisionit parlamentar për Reformën Territoriale, si dhe anëtare e Këshillit Kombëtar për Integrimin Evropian.

Gjithashtu, Dhurata Çupi, ka qenë drejtore e Drejtorisë Juridike pranë Bashkisë Tiranë, pedagoge e jashtme e lëndës “E drejta e qeverisjes vendore” në Universitet, kryetare e Agjencisë së Inventarizimit dhe Trajtimit të Pronave Publike pranë Ministrisë së Brendshme, përgjegjëse e sektorit të ligjshmërisë në AITPP pranë Ministrisë së Pushtetit Vendor dhe juriste e Drejtorisë Juridike pranë Bashkisë Tiranë.

NJË VIZION I RI PËR “FOCUS MEDIA NEWS”

Kalimi i znj. Dhurata Çupi në krye të “Focus Media News”, është një vazhdimësi natyrale e këtij misioni; të mbrojë fjalën e lirë, të forcojë gazetarinë e përgjegjshme dhe të ofrojë një platformë të pavarur për debatin publik dhe informacionin e balancuar.

Nën drejtimin e znj. Çupi, “Focus Media News”,synon të zgjerojë impaktin e saj në tregun mediatik shqiptar, të rrisë standardet profesionale të gazetarisë dhe të jetë gjithnjë më pranë qytetarëve.

Me fokus në inovacion, transparencë dhe cilësi, grupi mediatik do të vijojë të trajtojë temat më të rëndësishme të kohës me kurajë, objektivitet dhe paanshmëri.

Ky emërim vjen në një moment të rëndësishëm për median shqiptare, ku nevoja për integritet, pavarësi dhe vizion është më e madhe se kurrë.

Me Dhurata Çupin në krye, “Focus Media News”, është e përgatitur të përballet me këto sfida dhe të ofrojë një model të ri drejtimi dhe besueshmërie në shërbim të publikut./Gazeta Panorama

The post Dhurata Çupi emërohet drejtoreshë e përgjithshme e “Focus Media News” appeared first on Albeu.com.

Ajo tha se qytetarët nuk mund të ndiqen penalisht sepse protestojnë, referuar edhe deklaratës së policisë në lidhje me bllokimin e rrugëve.

“Në nje vend demokratik qytetarët lejohen të protestojnë. Të protestosh është e drejta kryesore e një shteti demokratik. Format e protestës janë të ndryshme. Dikush proteston në rrugë, në Bulevard. Nuk ka asnjë ndryshjim protesta e opozitës nga dita pa makina e Erion Veliajt në Tiranë. Protesta nuk është e dënueshme. Ajo është e kufizuar, ne kemi njoftuar organet shtetërore. Asnjë qytetar nuk mund të dënohet se proteston, kjo është një formë presioni e pushtetit”, tha ajo.

Më tej, ajo komentoi edhe ngjarjet e ndodhur në protestat e fundit dhe tha se nuk ka pasur dhunë.

“S’ka pasur dhunë. Ka pasur eksese. Molotovi është një formë e protestës, është një flakë që del e shuhet në pak sekonda. Nuk kemi djegur asnjë institucion. Mos harrojmë protestat e dhunshme të PS. Ne do protestojmë sepse kemi një Shqipëri më të varfër sot, më pak demokratike, më të korruptuar, një qeveri që kontrollon mediat, një pjesë të mirë të opinionistëve në media”, tha Çupi, teksa u ndal edhe te partitë e vogla.

“Partitë e vogla janë pa asnjë peshë lektorale, asnjëherë nuk nxjerrin deputetë, thjesht janë copëza. Janë të kompromentuar nga pushteti. Partitë opozitare ndaj PD janë krijuar gjithmonë. Është influenca e pushtetit, nuk është se kanë ndonjë peshë elektorale. Ne ftojmë edhe qytetarë të tjerë jashtë kësaj shtrese, nëse i thua vetes opozitar duhet të protestosh”, u shpreh deputetja.

Çupi konfirmoi aleancën me Partinë e Lirisë, teksa shprehu mbështetje për organet e drejtësisë në luftën ndaj korrupsionit.

“Të jemi të drejtëpërdrejtë. Unë edhe për shkak të eksperiencës, unë jam që gjithkush të hetohet. Mos të cenohet e drejta e organeve të drejtësisë për të luftuar korrupsionin, aty ku ka. Por kam edhe një vëmendje të shtuar për sa u përket standardeve dhe besimin që duhet ta transemtojnë organet e drejtësisë. Partia e Lirisë është aleate e opozitës dhe patjetër që nga viti 2021 ka qenë aleate”, tha ajo.

The post Bllokimi i rrugëve/ Dhurata Çupi: Asnjë qytetar nuk mund të dënohet se proteston, ky është presion i pushtetit appeared first on Albeu.com.

Gjithashtu, Çupi theksoi se mazhoranca nuk ka hallin e studentëve, as të shërbimit cilësor në shëndetin e qytetarëve.

Fjala e Dhurata Çupit:

“Unë dhe Gazment Bardhi kemi propozuar që afatet e mbajtjes pezull të diplomës së studentëve të mjekësisê ,nga institucionet shtetërore të shuhen. Pra mos të kete afate bazuar edhe në vendimin e Gjykatës Kushtetuese. Fatkeqësisht nga mazhoranca u votua kundër.

Sepse mazhoranca nuk ka hallin e studentëve as të shërbimit cilësor në shëndetin e qytetarëve.
Dëmi finaciar prej 500 milion euro në dekatën e fundit me 4 koncesione, tendera dhe prokurimet publike abuzive me vdekshmëri të shtuar dhe përkujdesje në spitale ne rënie, me trajtime të munguara dhe abuzime të tmerrshme në rastet e sëmundjeve onkologjike , janë e vêrteta e këtij sistemi shëndetësor sot”.

The post Mbajtja pezull e diplomës për studentët e Mjekësisë/ Dhurata Çupi: Të shuhen afatet e mbajtjes pezull të diplomës appeared first on Albeu.com.

Teksa ishte e ftuar në Syri TV, Çupi tha se në vitet e fundit kjo gjë është e shtuar dhe nga ana tjetër ‘syrit të ndërkombëtarve’ nuk ju shpëtojmë dot.

Sipas saj; Natyrisht mbjellja e hashashit apo mungesa e kontrollit nga shteti ka sjellë edhe nivelin e jashëzakonshëm të pastrimit të parave apo ndikimi i mafias”, theksoi ajo.

“Ka vite që ky fenomen është i konsoliduar tashmë me këtë qeverisje, ku mungesa e kontrollit të territorit sa i takon ndërtimeve apo qoftë edhe ky shqetësimi i madh i mblelljes së bimëve narkotike në të gjithë vendin.

Natyrisht mbjellja e hashashit apo mungesa e kontrollit nga shteti ka sjellë edhe nivelin e jashëzakonshëm të pastrimit të parave apo ndikimi i mafias.

Ne e pamë që nuk gjejmë dot sipërfaqe në veri (nëse nisemi tani me dron) nukka hapësira të mbjellura me fruta-parime, por me kanabis.

Vitet e fundit kjo gjë është e shtuar dhe nga ana tjetër ‘syrit të ndërkombëtarve’ nuk ju shpëtojmë dot.

Jo më larg se dje doli raporti i ‘Departamentit Amerikan të Shtetit ‘ku analizon ekonominë e 160 vendeve e natyrisht Shqipëria është e përmendur për nivelin e korrupsionit dhe pandëshkueshmërisë, papunësia në nivelin e fuqisë punëtore mungon.

Një nga argumentat në këtë raport ishte korrupsioni, pastrimi i parave nëpërmjet mbjelljes hashashit apo ndikimi i bandave dhe mafias.

Këto janë elementë që shkatërrojnë një vend demokratik natyrisht duke shkatërruar: ekonominë,shpresën e vendit dhe të rinjtë largohen nga vendi se këtu nuk ka konkurrencë të ndershme për tu punësuar, nuk ka ekonomi të ndershme e normale dhe natyrisht nuk ke asnjë politikë qeverisë sëlidhur më këto politika”, tha Dhurata Çupi.

The post Dhurata Çupi: Veriu i vendit ka zëvendësuar të mbjellat me fruta-perimet me kanabis appeared first on Albeu.com.

Sipas saj, infrastruktura shkollore në zonat rurale është më keq se kurrë, ndërkohë që ka mungesë edhe të burimeve cilësore në Universitete

“Sistem arsimor në nivele dëshpëruese. Kemi problematika në arsimin e të gjitha niveleve, sa i përket aksesit në arsim. Kemi infrastrukturë shkollore që tenton të përmirësohet por në zonat rurale është më keq se asnjëherë. Si deputetët Dibrës kemi mbyllje dhe shkatërrim edhe të shkollave ekzistente.

Kemi mungesë të burimeve cilësore në Universitete si asnjëherë më parë”, tha ajo.

The post Dhurata Çupi: Sistemi arsimor në nivele dëshpëruese, infrastruktura shkollore në zona rurale, më keq se asnjëherë appeared first on Albeu.com.

Sipas saj burgu shërben si dëshmi e gjallë e kalvarit të vuajtjeve të të dënuarëve politikë.

Burgu njihej për kushtet e vështira dhe egërsinë me të cilën sillej administrate ndaj të bugrosurve.

Në shkresën e dorrëzuar nga Çupi thuhet se në Burrel ka vuajtur dënimin elita e kohës dhe për shkak të historisë së tij duhet shpallur Muze Kombëtar.

Pjesë nga shkresa:

Duke ri-konfirmuar mbështetjen e plotë të projektligjit për shpalljen muze kombëtar të kampit të punës së detyruar të të burgosurve në Spaç dhe kampit të internimit tela me gjemba në Tepelenë, nëpërmjet këtij amendamenti synohet që listës së muzeve kombëtarë t’i shtohet edhe burgu i Burrelit, i cili për 44 vite ka shërbyer si burg politik i regjimit komunist.

Sipas të dhënave historike, burgu i Burrelit nisi ndërtimin nga fundi i vitit 1938. Fillimisht, u përdor si depo grumbullimi kryesisht nga administrate e luftës. Ndërkohë, nga viti 1946 e në vijim është përdorur për burgosjen e dënuarve politikë, që regjimi komunist i konsideronte si kundërshtarët më të rrezikshëm të tij. Ky burg njihej për kushtet e vështira dhe egërsinë me të cilën sillej administrate ndaj të burgosurve. Madje, një nga motot e të burgosurve lidhur me këtë burg ishte “Këtu i thonë Burrel, hyn dhe nuk del”.

Në burgun e Burrelit vuante dënimin elita e kohës. Kushtet ishin shumë të vështira dhe qindra të burgosur kanë humbur jetën, përfshirë edhe ish-kryeministrin Koco Kotta, ish-ministrat Gjergj Kokoshi dhe Xhevat Korca, gjeneralët Abaz Fejzo, Gjin Marku dhe Vaskë Gjini. Mes të burgosurve të këtij burgu, ishin klerikë të lartë si Visarion Xhuvani dhe Hafiz Ali Kraja, intelektualë si Mark Ndoja, Gjon Shllaku, Pjetër Arbnori, Fatos Lubonja dhe Sherif Merdani. Sipas të dhënave arkivore, numri mesatar i të burgosurve në këtë burg varion ndërmjet 150 – 190 të burgosur. Në Dhjetor 1990 në këtë burg vuanin dënimin 198 të burgosur.

Pikërisht për shkak të historisë së këtij burgu, një dëshmi e gjallë e kalvarit të vuajtjeve të të dënuarve politikë, vlerësojmë se ai duhet shpallur muze kombëtar. Duke e mirëkuptuar që aktualisht një pjesë e këtij burgu vazhdon të shërbejë si institucion i ekzekutimit të vendimeve penale, shpallja muze kombëtar duhet të përfshijë vetëm ato pjesë të godinave dhe territorit që sot nuk janë funksionale.

Ngritja e këtij muzeu i shërben jo vetëm kujtesës historike për brezat e tashëm e të ardhshëm, por edhe nderimit të sakrificave e kujtimit të atyre qindra të burgosurve që kaluan vuajtjet më të tmerrshme, vetëm sepse kishin zgjedhur të mos nënshtroheshin, duke iu qëndruar besnik bindjeve të tyre deri në fund.

/Albeu.com/

The post “Dëshmi e gjallë e kalvarit të vuajtjeve”, deputetja e PD dorëzon amendamentin: Burgu i Burrelit të shpallet Muze Kombëtar appeared first on Albeu.com.

Deputetët e PD-së, Dhurata Çupi dhe Saimir Koreshi pohuan se relator i çështjes ishte zoti Gazment Bardhi, i cili është përjashtuar nga punimet e Kuvendit.

Sipas tyre përjashtimi i deputetëve të PD-së është bërë me qëllim që të kalojë për votim nga maxhoranca ky raport.

“Seancat nuk kanë qenë live. Mbledhjen nuk keni mundur ta ndiqni as live dhe as me praninë e gazetarëve, Seancën e kaluar nuk e ngritëm këtë shqetësim. Këtë mbledhje debatuam dhe nuk lejuan që kamerat jenë në sallë në transparencë me publikun dhe median. Në mbledhjen e kaluar u vendos që ditën e premte të lexoheshin raportet nga palët përkatëse. Relator u caktua Gazment Bardhi. Pasi u mbyll këshilli i legjislacionit të mërkurën, Bardhi u përjashtua për 10 ditë nga mbledhjen e komisionit. Kjo ishte arsyeja pse opozita depozitoi raportin por nuk ishte i pranishëm Bardhi për shkak se është përjashtuar pas mbledhjes. Kjo nuk u miratua nga kryetarja e seancës së radhës, zonja Felaj dhe nuk u mbështet as nga maxhoranca. Do të ndjekim të gjitha procedurat e vijuara më tej”, tha Çupi.

Ndërkohë, Koreshi tha se PS përgjigjen do e marrë nesër me protestën e opozitës.

Demokratët kërkuan shkarkimin e Lindita Nikollës nga posti i kryetares së parlamentit, me pretendimin se ka shkelur Kushtetutën e vendit.

Sipas tyre, Nikolla nuk ka ushtruar detyrën si kryetare e Kuvendit, duke mos respektuar kushtetutën, për t’i dhënë fjalën deputetëve të PD-së në seancën e fundit plenare ku diskutohej cështja McGonigal./Albeu.com/

The post Kërkesa për shkarkimin e Nikollës, deputetët e PD: Përjashtuan kolegët tanë që të mos votojnë raportin, PS nesër do e marrë përgjigjen appeared first on Albeu.com.

Ajo u shpreh se kjo qeveri e ka kthyer vendin në një poemë të madhe mjerimi, ndërsa shtoi se në 9 vite janë marrë borxh 4 mld euro, prej të cilave nuk është ndihmuar qytetari dhe as janë marrë masa për lehtësimin e jetesës për ta.

Dhurata Çupi:

Ju përmendni si arritje të madhe një rritje të papërfillshme të ndihmës ekonomike apo indeksimin e pensioneve. Është revoltuese si mund të talleni kaq rëndë me njerëzit, në një kohë kur çmimet rriten përditë dhe masat tuaj gjysmake janë gati të pavlera.

Është e pafalshme që ju, në 9 vjet në qeveri, keni marrë borxh rreth 4 miliardë euro, por nuk i keni përdorur ato për të luftuar varfërinë, për të nuk i keni përdorur për të rritur mirëqenien e njerëzve, duke e nisur me përcaktimin ligjor të minimumit jetik.

“Shqiptarët që e kanë të domosdoshëm përcaktimin nga ana e qeverisë të minimumit jetik, duhet të kuptojnë se me këtë qeveri jo vetëm minimum jetik nuk do të kenë, por nuk do të kenë asnjë shpresë që të dalin nga varfëria”. Fjalia nuk është e imja. Po citoj Edi Ramën në opozitë 10 vjet më parë, kur premtonte lugën ë floririt për të gjithë.

Unë e kam një përgjigje pse sot nuk ka një minimum jetik. Përtej politikës, që ka konfirmuar se ju jeni një qeveri e paaaftë dhe e korruptuar, në Shqipëri nuk ka akoma edhe pas 9 vitesh në qeveri të Partisë Socialiste, sepse ju nuk keni minimumin e ndjeshmërisë njerëzore.

The post Minimumi jetik, Dhurata Çupi: Shqiptarët nuk do të kenë asnjë shpresë që të dalin nga varfëria appeared first on Albeu.com.

Çupi nuk i ka kursyer kritikat ndaj institucioneve si edhe ndaj policisë, duke shtuar se në një vend të vogël si Klosi, uniformat blu vonuan për të shkuar në ngjarje.

Ajo më tej shton se po të mos ishte vonuar policia ndoshta do ishte parandaluar vetëvrasja e autorit të krimit.

Fjala e deputetes Dhurata Çupi në Kuvend:

Dua të shpreh ngushëllimet e mia për jëtët e humbura dje në Klos. Uroj që ngjarje të tilla tragjike të mos përsëriten asnjëherë jo vetëm në Klos por në të gjithë Shqipërinë.

Por ajo që ndodhi dje në Klos është dëshmi e qartë e një fakti. Rendi publik në Shqipëri ka rënë përtokë, e mos të them është futur nën dhé.

Qytetarët s’kanë asnjë besim tek institucionet ligjzbatuese, te institucionet e drejtësisë e me radhë. Në një vend aq të vogël si Klosi policia vonon për të shkuar në vendngjarje. Po të mos ishte vonuar policia ndoshta do ishte parandaluar vetëvrasja. Sot debatet dhe konfliktet zgjidhen me armën ne brez.

Qytetarët që unë përfaqësoj këtu në Parlament nuk shquhen për rekorde kriminale, por shquhen si njerëz të zgjuar e punëtorë .

Por jo vetëm për fajin e tyre këto ditë janë bërë personazhe të lajmeve të kronikës së zezë.

Në fillim të kësaj jave Kujtim Lila, 52 vjeç, kryefamiljar, baba dhe bashkëshort, humbi jetën duke punuar në një minierë në zonën e Bulqizës.

Historia e Kujtimit është e njëjtë me atë te 4 minatorëve të tjerë këtë vit, të Sazan Dedës që humbi jetën në Korrikun e kaluar, dhe 115 minatorëve të plagosur në 10 vitet e fundit, ndër të cilët 39 prej tyre kanë humbur jetën në rrethana tragjike. Galeritë e kromit, që duhet të ishin një bekim për zhvillimin dhe mirëqënien e zonës, janë kthyer në një mallkim që hap dyert e mortit në familjet fisnike. Gjaku dhe djersa e njerëzve të ndershëm të Bulqizës derdhet çdo ditë për të mbushur xhepat e biznesmenëve dhe politikanëve të Tiranës.

Shteti duket se i ka harruar ata qytetarë, të cilët cdo ditë ndahen nga fëmijët e tyre, pa qenë të sigurtë se do t’i shohin përsëri dhe i janë nënshtruar arrogancës së biznesmenëve që përfitojnë nga pasuritë kombëtare në kurriz të njerëzve të urtë e punëtorë.

Kushtet e punës dhe trajtimi financiar i tyre është jo vetëm skandaloz, por anti-ligjor dhe kriminal. Inspektoriatet e pafundme të shtetit që nuk lënë biznes të vogël e të ndershëm pa i trokitur në derë, i kanë mbyllur sytë përballë trajtimit mizor, arbitrar dhe abuziv që iu bëhet minatorëve të Bulqizës.

Policia dhe Prokuroria, herë nga paaftësia, herë nga korrupsioni, e herë nga mosdëshira, i mbyllin dosjet e minatorëve akoma pa i hapur, nën diktatin e të fortëve, kriminelëve, pushtetarëve dhe parave të pista.

Edi Rama që duket sikur ka kohë për t’u marrë me këdo dhe cdo gjë, nuk i shikon jetët që shuhen përditë diku nën thellësitë e tokës së Bulqizës. Nuk kujtohen të thonë as gjysëm fjale, as ngushëllimi e as reagimi. Por mesa duket ka urdhëruar edhe kyçjen e gojës së institucioneve për tu përgjigjur në rrugë zyrtare.

Unë si deputete e Partisë Demokratike, nuk do të resht sa kohë të kemë mundësi të ngre shqetësimin e tyre. Me këtë qëllim, në cilësinë e Deputetit, referuar ligjit për statusin e deputetit, me 26 Korrik i jam drejtuar me disa pyetje Prokurorisë së Matit, për dijeni Prokurorisë së Përgjithshme dhe Policisë së Shtetit. Por që nga Korriku e deri më sot më 13 tetor asnjë nga këto institucione nuk kanë denjuar të kthejnë përgjigje në shkelje të ligjit.

Ndaj unë sot po i adresoj pyetjet publikisht:

Sa është numri i aksidenteve me pasojë vdekjen në minierat e qarkut Dibër për periudhën 01.01.2021 – 30.06.2022?
Sa është numri i kallëzimeve penale të regjistruara për aksidentet e sipërmendura?
Sa është numri i procedimeve penale të regjistruara për aksidentet e sipërmendura?
Sa është numri i personave që iu atribuohet vepra penale/nën hetim/të pandehur, në kuadër të procedimeve penale të mësipërme?
Sa është numri i procedimeve penale për të cilat është kërkuar pushimi i cështjes dhe cështjeve të dërguara për gjykim?
Sa është numri i vendimeve penale për të cilat është vendosur deklarimi fajtor dhe dënimi i të pandehurve?
Sa është numri i personave të pandehur?

Sa është numri i vendimeve penale për të cilat është vendosur deklarimi i pafajshëm të të pandehurve?
Sa është numri i cështjeve që aktualisht janë nën hetim nga ana e Prokurorisë?
Në c’fazë ndodhen këto cështje dhe brenda cfarë afati parashikohet dërgimi i tyre në gjykatë?

Dhe këtu para qytetarëve që na ndjekin dhe kolegëve po them se nuk do ta lë me kaq këtë ccështje. Drejtësia e vonuar ëhstë drejtësi e mohuar, por unë dua të besoj se drejtësi do ketë shumë shpejtë

The post “Rendi publik në Shqipëri është futur nën dhe”, deputetja e PD-së reagon për ngjarjen e rëndë në Klos appeared first on Albeu.com.

Reagimi i Dhurata Çupit:

Është tallje me qytetarët që duan ndryshim të hartës.

Është tallje me partnerët që u angazhuan në proces. Është tallje me parlamentin. Është shpërdorim i taksave të qytetarëve, për një proces të paracaktuar nga vullneti i Edi Ramës.

Edi Rama ka frikë të përballet në një betejë të vërtetë elektorale dhe kërkon rezultat ne tavoline. Kështu ka bërë në çdo zgjedhje. Kur ndryshoi hartën territoriale në 2015, kur ndryshoi në mënyrë të njëanshme sistemin zgjedhor.

Edi Rama ka frikë nga vota. Përgjigja e qytetarëve do të jetë referendumi. Ne do të kërkojmë referendum për ndryshimin e hartës territoriale.

Askush nuk mund të dalë mbi vullnetin e zgjedhësve. As Edi Rama.

The post PS refuzoi hartën e re territoriale të propozuar nga PD, Çupi: Do të kërkojmë referendum appeared first on Albeu.com.