Në një intervistë të fundit, aktori 43-vjeçar tregoi se babai i tij, i cili dikur menaxhonte karrierën e tij në Hollywood, ushtronte dhunë sistematike fizike dhe mendore ndaj tij.

Ai tha se që në moshë të vogël ndjente se ishte shfrytëzuar profesionalisht nga i ati, i cili e shtynte në një orar të lodhshëm xhirimesh, ndërsa përfitimet financiare shkonin kryesisht për familjen.

“Të shtatë fëmijët dhe katër nipërit e tij nuk kanë më asnjë kontakt me të. Ai ka qenë një njeri abuziv dhe i ashpër”, rrëfeu Culkin.

Sipas aktorit, xhelozia për suksesin e tij të hershëm në kinematografi e përkeqësoi më shumë sjelljen e të atit, i cili, siç e përshkruan ai, kishte një natyrë narciste dhe kontrolluese.

“Ai nuk e përballonte dot që një fëmijë të tërhiqte vëmendjen që ai vetë kurrë nuk e mori si aktor”.

Për pasojë, në fund të viteve ’90, Culkin ndërmori një hap të rrallë për moshën e tij: emancipimin ligjor nga prindërit, duke marrë kontrollin mbi jetën dhe financat e veta.

Sot, Macaulay Culkin, është baba i dy fëmijëve me partneren e tij, aktoren Brenda Song, dhe thotë se përpiqet çdo ditë të jetë “i dashur, i pranishëm dhe i kujdesshëm”, – krejt ndryshe nga përvoja që pati vetë në fëmijëri.

The post Ylli i “Home Alone” shokon me rrëfimin e tij: Babai më keqtrajtonte sistematikisht, nuk dua të jem kurrë si ai appeared first on Albeu.com.

Dy vëllezër dhe një 16-vjeçar, janë konfliktuar fizikisht dhe kanë goditur me sende të forta një 17-vjeçar.

Sipas policisë, 17-vjeçari punonte në një piceri.

Gjatë natës, në lagjen “22 Tetori”, Berat, pranë një picerie, dyshohet se për motive të dobëta, shtetasit R. Q., 16-vjeç G. Q., 16-vjeç, (vëllezër) dhe I.B., 16-vjeç, janë konfliktuar fizikisht dhe kanë goditur me sende të forta shtetasin B. D., 17-vjeç, i cili punonte në këtë piceri.

Shërbimet e Policisë kanë shoqëruar menjëherë në ambientet e komisariatit, shtetasit R. Q,. G. Q dhe I.B., me të cilët po kryhen veprimet e mëtejshme procedurale, në praninë e psikologut dhe prindërve të tyre.

Ndërkaq, grupi hetimor vijon punën për sqarimin e plotë të rrethanave të rastit.

The post Policia zbardh dhunën ndaj 17-vjeҫarit në Berat appeared first on Albeu.com.

Berisha e cilëson si një akt kriminal dhe të rëndë, ku shprehet ky rast nuk është i izoluar dhe vjen pas dhunës shtetërore që policët kufitarë, ushtruan ndaj profesorit Petraq Milo.

Gjithashtu, ish-kryeministri thekson se akte të tilla, janë në kundërshtim me projektet miqësore mes dy vendeve.
Dhe së fundmi, pas lajmit se pesë nga autorët janë vënë në pranga, Berisha kërkon nga autoritetet fqinje të vendosin para ligjit organizatorët.

Reagimi i Berishës:

“Një akt kriminal racist i rëndë!

Dhunimi i tre të rinjve shqiptar duket për motive etnike në Malin e Zi nga grupe kriminale dhe me uniformë paramilitare ultranacionaliste, përbën një akt të verbër racizmi primitiv të rëndë dhe të dënueshëm.

Kjo dhunë nuk është një rast i izoluar mbasi vjen pas dhunës shtetërore që policë në pikëkalimi kufitar ushtruan ndaj profesorit të nderuar Petraq Milo.

Këto akte të nxitura nga ultranacionalistët e Beogradit vjinë në kundërshtim të hapur me projektet serioze për marrëdhënie miqësore dhe vlerën e këtyre marrëdhënieve midis vendeve fqinje.

Duke i uruar shërim të shpjete viktimave dhe dënuar me ashpërsinë më të madhe autorët e kësaj dhune shtazore, kërkoj nga autoritetet e vendit fqinj, të cilët kanë arrestuar pesë prej banditëve, t’i vendosin para ligjit, sponsorët, organizatorët dhe autorët e këtij akti të shëmtuar”, shkruan Berisha.

The post Berisha reagon për dhunën ndaj tre shqiptarëve në Malin e Zi: Një akt kriminal racist i rëndë appeared first on Albeu.com.

Sipas policisë 27-vjeçari A.A është vënë në pranga nga efektivët e komisariatit numër 6 në kryeqytet pas sinjalizimit se ai kishte ushtruar dhunë fizike ndaj nënës së tij.

Po vijojnë hetimet se çfarë e shtyu 37-vjecarin të ushtronte dhunë mbi nënën.

Njoftimi:

Specialistët për Hetimin e Krimeve të Komisariatit të Policisë Nr. 6 arrestuan shtetasin A. A., 37 vjeç, banues në Tiranë, pasi ka ushtruar dhunë ndaj nënës së tij. /AlbEu.com/

The post Ushtroi dhunë mbi nënën e tij, e pëson keq 37-vjeçari nga Tirana appeared first on Albeu.com.