Në mesin e të arrestuarve janë dy vëllezër, R.M. 28 vjeç dhe R.M. 22 vjeç, të cilët drejtojnë firmën ku u morën makinat me qira, bashkë me kushëririn e tyre E.M., 22 vjeç.

Ngjarja doli në dritë pasi një 70-vjeçar njoftoi autoritetet se djali i tij ishte marrë me forcë dhe po transportohej kundër vullnetit nga disa persona. Menjëherë pas kallëzimit, shërbimet e Komisariatit të Lezhës arritën të identifikojnë, lokalizojnë dhe kapin tre të dyshuarit brenda pak minutash.

Sipas hetimeve paraprake, autorët vepruan me vetëgjyqësi, duke e rrëmbyer 28-vjeçarin nga një pikë karburanti në fshatin Derven. Pretendimi i tyre ishte se i riu nuk kishte shlyer detyrimet për dy automjetet e marra me qira pranë biznesit të vëllezërve.

Në vijim, ata e transportuan viktimën deri në një tjetër karburant në fshatin Shënkoll, ku e goditën dhe më pas e braktisën në rrugë. Në njoftimin e saj, Policia saktësoi se automjeti i përdorur për marrjen me forcë dhe transportimin e të riut nga Kruja në Lezhë u sekuestrua.

28-vjeçari u dërgua në Spitalin Rajonal të Lezhës, ku mori ndihmën mjekësore të nevojshme dhe u lirua, duke qenë jashtë rrezikut për jetën.

Çështja i ka kaluar Prokurorisë pranë Gjykatës së Shkallës së Parë Lezhë, e cila do të hetojë veprat penale “Heqja e paligjshme e lirisë”, “Vetëgjyqësia” dhe “Dëmtime të tjera me dashje”, të kryera në bashkëpunim.

The post Rrëmbyen dhe dhunuan një 28-vjeçar për qiranë e papaguar të dy makinave, arrestohen dy vëllezër dhe kushëriri në Lezhë appeared first on Albeu.com.

Sipas policisë, administratori 27-vjeçar i një subjekti që jepte me qira biçikleta është goditur me mjete të forta gjatë një konflikti për pagesën e dëmit të shkaktuar nga humbja e një çelësi biçiklete.

I riu ka pësuar dëmtime të rënda në kokë, por ndodhet jashtë rrezikut për jetën.

Policia e Sarandës ka arrestuar një 43-vjeçar nga Kamza, i dyshuar për plagosje të rëndë me dashje dhe prishje të qetësisë publike. Në hetim janë përfshirë edhe tre persona të tjerë që dyshohet se morën pjesë në konflikt.

Policia bën me dije se në konflikt dyshohet se janë përfshirë edhe A. H., 45 vjeç, vëllai i të arrestuarit, si dhe S. Ç., 20 vjeç.

Në përfundim të veprimeve të para hetimore, 43-vjeçari u arrestua në flagrancë për veprat penale “Plagosja e rëndë me dashje” dhe “Prishja e qetësisë publike”.

Ndërkohë, vëllai i tij, 45-vjeçari A. H., shtetasi S. Ç., si dhe administratori i subjektit, A. L., janë proceduar penalisht në gjendje të lirë për veprat penale “Plagosja e lehtë me dashje” dhe “Prishja e qetësisë publike”.

Policia vijon hetimet për zbardhjen e plotë të rrethanave të konfliktit.

The post Përplasje e dhunshme në Sarandë, goditet me mjete të forta administratori i një biznesi që jepte biçikleta me qira appeared first on Albeu.com.

Gjykata Themelore në Pejë, Departamenti i përgjithshëm – Divizioni Penal, me gjyqtarin e vetëm gjykues Alan Taranis, ka nxjerrë aktgjykim dënues ndaj Aurona Pelaj për veprën penale “sulm”, sipas nenit 184 par. 3 nën par. 3.1 të KPRK-së. Si dënim plotësues, gjykata ka vendosur ndalimin e ushtrimit të profesionit, veprimtarisë ose detyrës, duke ia ndaluar të pandehurës A.P. ushtrimin e profesionit të infermieres për 5 (pesë) vjet, afat që nis nga dita kur aktgjykimi merr formën e prerë. Koha e kaluar në burg nuk do të përfshihet në kohëzgjatjen e këtij dënimi plotësues.

E pandehura Pelaj është obliguar gjithashtu të mbulojë shpenzimet e procedurës penale, përkatësisht shumën prej 70 (shtatëdhjetë) euro në emër të paushallit gjyqësor, si dhe 20 (njëzetë) euro për Programin për Kompensimin e Viktimave të Krimit. Këto pagesa duhet të kryhen brenda 15 ditësh nga dita kur aktgjykimi bëhet i plotfuqishëm. Sa i takon kërkesës pasurore juridike, gjykata e ka udhëzuar palën e dëmtuar që atë ta realizojë në kontest të rregullt juridiko civil.

Për të pandehurën A. R., e akuzuar për veprën penale “sulm” nga neni 184 par. 3 nën par. 3.1, lidhur me nenin 31 të KPRK-së, është marrë vendim lirues, pasi nuk është provuar se ajo e ka kryer veprën penale për të cilën akuzohej. Ndërkohë, për të pandehurën R. K., e akuzuar për të njëjtën vepër penale dhe në lidhje me nenin 31 të KPRK-së, gjykata e ka refuzuar akuzën, me arsyetimin se Prokurori i shtetit është tërhequr nga akuza.

Shpenzimet e procedurës penale për A.R. dhe R.K. do të mbulohen nga gjykata. Edhe në këtë rast, pala e dëmtuar, përkatësisht përfaqësuesi i saj, është udhëzuar nga gjykata që kërkesën pasurore juridike ta ndjekë përmes kontestit të rregullt juridiko civil.

The post Aurona Pelajt i ndalohet ushtrimi i profesionit të infermieres për 5 vjet appeared first on Albeu.com.

Ajo e ka vlerësuar lart rolin e Medica Mondiale, duke e cilësuar këtë organizatë si një ndër zërat më të fuqishëm në botë në mbrojtje të grave dhe të mbijetuarve të dhunës seksuale të përdorur si armë lufte.

Në një postim në Facebook, Gërvalla ka bërë të ditur se së bashku me Dr. Hauser dhe znj. Mirlinda Sada nga Medica Gjakova kanë diskutuar për domosdoshmërinë e luftimit të stigmës dhe ri-traumatizimit të të mbijetuarve, për rëndësinë e një qasjeje të ndjeshme ndaj traumës në sistemin e drejtësisë, si dhe për forcimin e mekanizmave institucionalë në mbështetje të tyre.

Më tej, Gërvalla ka theksuar se drejtësia tranzicionale nuk mund të konsiderohet e plotë pa trajtimin e traumës, pa njohjen e dinjitetit të të mbijetuarve, pa krijimin e hapësirave të sigurta për dëshmitë e tyre dhe pa dënimin e autorëve të krimeve.

Ajo ka shtuar se puna dhe përkushtimi jetësor i Dr. Monika Hauser mbetet një dëshmi e përhershme se dinjiteti i të mbijetuarve, e vërteta dhe drejtësia nuk janë vetëm çështje politike apo juridike, por para së gjithash obligime njerëzore dhe morale.

The post Gërvalla: Drejtësia për të mbijetuarit e dhunës mbetet një detyrim njerëzor appeared first on Albeu.com.

Po ashtu grupi hetimor nën drejtimin e Prokurorisë, po punon për sqarimin e rrethanave të rastit, identifikimin dhe kapjen e autorit.

Çfarë ndodhi në Shkodër? Drejtori i AKU-së dhunohet në sy të gruas me sende të forta dhe qytë pistolete në kokë

Njoftimi i Policisë:

Shkodër/Informacion paraprak. Rreth orës 21:30, në Spitalin Rajonal Shkodër është paraqitur për ndihmë mjekësore shtetasi R. H., me detyrë drejtor i AKU-së Shkodër, i cili ka deklaruar se në lagjen “Fahri Ramadani” është goditur me sende të forta nga një shtetas ende i paidentifikuar. Grupi hetimor nën drejtimin e Prokurorisë, po punon për sqarimin e rrethanave të rastit, identifikimin dhe kapjen e autorit.

The post Drejtori i AKU Shkodër u dhunua me sende të forta, policia: Po punohet për identifikimin dhe kapjen e autorit appeared first on Albeu.com.

Ngjarja ka ndodhur në lagjen “Rus”, ndërsa burime paraprake bëjnë me dije se Haderi është goditur me sende të forta dhe qytë pistolete në pjesën e kokës, duke i shkaktuar dëmtime të konsiderueshme.

Sipas informacioneve të para, drejtori i AKU-së po ecte në këmbë së bashku me bashkëshorten e tij, kur disa persona i janë afruar dhe e kanë sulmuar papritur dhe më pas janë larguar nga vendngjarja në drejtim të paditur.

Dyshohet se sulmi mund të ketë lidhje me detyrën e tij si drejtues i AKU Shkodër, ndërsa Policia vijon punën për zbardhjen e plotë të rrethanave dhe dokumentimin e incidentit.

The post Dhunohet me sende të forta dhe qytë pistolete në kokë drejtori i AKU-së, detaje nga sulmi në Shkodër appeared first on Albeu.com.

Reagimi i Partisë Demokratik:

Partia Demokratike, Dega Lezhë, dënon aktin e rëndë të dhunës të ushtruar ndaj ish funksionarit të forces tonë politike, Sokol Toma.

Kjo ngjarje është tronditëse dhe e papranueshme për çdo shoqëri demokratike, ndërsa përbën një tjetër këmbanë alarmi për gjendjen e rëndë të rendit dhe sigurisë publike në Lezhë dhe të gjithë vendin.

I kërkojmë Policisë së Shtetit, Prokurorisë dhe të gjitha organeve ligjzbatuese që të veprojne për zbardhjen e plotë të kësaj ngjarjeje, identifikimin e autorëve dhe vënien e tyre përpara drejtësisë. Çdo vonesë, heshtje apo tentativë për të relativizuar raste të tilla vetëm sa rrit mosbesimin e qytetarëve tek institucionet dhe inkurajon klimën e pandëshkueshmërisë.

Partia Demokratike, Dega Lezhë, shpreh solidaritetin dhe mbështetjen e plotë për Sokol Tomën dhe familjen e tij, duke uruar shërim sa më të shpejtë. Lezha dhe gjithë Shqipëria kanë nevojë për rend, siguri, drejtësi dhe institucione që funksionojnë në shërbim të qytetarëve, jo të pushtetit.

Kujtojmë se Sokol Toma u dhunua rreth orës 22:00 të së shtunës nga persona ende të paidentifikuar nga Policia. Nga dhuna e ushtruar, 53-vjeçari pësoi dëmtime të rënda në të dyja këmbët dhe autorët i prenë veshin.

The post E rrahën në mënyrë barbare, Partia Demokratike reagon për dhunën e ushtruar ndaj Sokol Tomës: Të identifikohen autorët appeared first on Albeu.com.

Mësohet se persona ende të paidentifikuar i kanë prerë rrugën dhe e kanë goditur Tomën me sende të forta në makinën e tij, duke e lënë të plagosur. Më pas, autorët janë larguar nga vendi i ngjarjes.

Bëhet me dije se ai është konstatuar nga kalimtarët në makinë, në gjendje shoku, dhe është dërguar me urgjencë në Spitalin e Traumës në Tiranë.

Po kush është Sokol Toma?

Sokol Toma, ish-drejtor i Urbanistikës në Bashkinë e Lezhës dhe një nga personat që ka pasur përplasje të shumta me drejtësinë, pritet të ndërtojë një hotel gjigant në zonën e Shëngjinit. Këshilli Kombëtar i Territorit ka miratuar lejen e ndërtimit, ndërkohë që ai rezulton i shpallur në kërkim.

Newsbomb.al ka raportuar më herët se kompania “S.T. Konstruksion” sh.p.k., në pronësi të Sokol Tomës me 100% të kuotave të kapitalit, ka marrë leje ndërtimi për objektin: “Rezidencë turistike dhe hotel 16–26 kate mbi tokë dhe 8 kate nëntokë”, me vendndodhje në Mal Shëngjin, Bashkia Lezhë.

Bëhet fjalë për një projekt mjaft ambicioz për zonën e Shëngjinit, i cili, me firmën e kryeministrit Edi Rama si kryetar i Këshillit Kombëtar të Territorit (KKT), pritet të marrë jetë shumë shpejt në një prej zonave bregdetare më të bukura të Lezhës.

Megjithatë, mbetet e paqartë se si Sokol Toma ka mundur të sigurojë një leje të tillë ndërtimi, ndërkohë që rezulton një nga ish-zyrtarët me probleme të shumta me drejtësinë, çështje të cilat janë mbyllur në mënyrë të diskutueshme.

Newsbomb.al raportoi se, në tetor të vitit të kaluar, Sokol Toma u shpall në kërkim nga Policia e Lezhës për një ngjarje tragjike të ndodhur në një prej kantiereve të tij, ku një punëtor 36-vjeçar, i punësuar në të zezë, ra nga lartësia dhe humbi jetën.

Në këtë objekt, në zonën e Kunes, kreu i kompanisë “S.T. Konstruksion” sh.p.k. figuronte si drejtues teknik. Më herët, ai ka ndërtuar edhe një pallat pa leje në zonën turistike të Ranës së Hedhun.

Sokol Toma është dënuar një vit më parë me disa muaj burg, me kërkesë të SPAK dhe vendim të Gjykatës së Posaçme, për akuzën e “Shpërdorimit të detyrës”, lidhur me tjetërsimin e mijëra metrave katrorë tokë në zonën e Shëngjinit dhe Ranës së Hedhun.

Dënimi u konvertua në 2 vite shërbim prove dhe 5 vite përjashtim nga ushtrimi i funksioneve publike

The post Nga dënimi me kërkesë të SPAK, te ndërtimi i kullës në Shëngjin, kush është Sokol Toma që u dhunua barbarisht mbrëmë? Policia e shpalli në kërkim pas vdekjes së punëtorit appeared first on Albeu.com.

Mësohet se, 53-vjeçari, Sokol Toma, është goditur me sende të forta, dhe si pasojë është dërguar tek Spitali i Traumës për mjekim më të specializuar.

Sipas burimeve nga Spitali i Traumës, agresorët i kanë thyer këmbët dhe i kanë prerë veshin 53-vjeçarit. Ndërkohë zbulohet se Toma është shtruar në pavijonin e ortopedisë. Policia po punon për identifikimin dhe kapjen e autorëve, teksa ende nuk dihen arsyet përse është dhunuar.

The post U dhunua barbarisht ish-kryetari i PD-së në Lezhë/ Zbardhen detaje, autorët i thyen këmbët dhe i prenë veshin, përfundon te Trauma appeared first on Albeu.com.

Bazuar në informacionet paraprake, i lënduari është trasnsportuar me urgjencë drejt spitalit për të marrë ndihmën mjekësore, teksa ende nuk dihet identiteti i tij, apo i dhunuesit, dhe as shkaku i dhunës.

Ndërkohë policia ndodhet në vendngjarje dhe po punon për zbardhjen e plotë të rrethanave të rastit.

The post E rëndë në Vlorë! Një person dhunohet me shkopinj dhe sende të forta appeared first on Albeu.com.