dhune seksuale Archives - Albeu.com

Gjykata ua njeh pensionin e dyfishtë tre të mbijetuarve të dhunës seksuale gjatë luftës

Xh — Wed, 29 May 2024 16:29:32 +0000

Gjykata Themelore në Prishtinë ua ka njohur pensionin e dyfishtë tre të mbijetuarve të dhunës seksuale gjatë luftës në Kosovë 1998-99, njoftoi të mërkurën Qendra Kosovare për Rehabilitimin e të Mbijetuarve të Torturës (QKRMT).

QKRMT tha në një njoftim për media se i ka përfaqësuar ligjërisht tre të mbijetuar, në procese të ndara gjyqësore, të cilëve gjykata vendosi t’ua njohë pensionin si të mbijetuar të dhunës seksuale gjatë luftës dhe pensionin bazik të moshës (si dhe atë kontributdhënës).

Prej vitit 2014, kur u miratua legjislacioni, të mbijetuarit e dhunës seksuale në Kosovë mund të marrin statusin e viktimës së dhunës seksuale dhe kështu të përfitojnë një pension mujor prej 230 eurosh.

Por pas mbushjes së moshës së pensionimit, që në Kosovë është 65 vjeç, të mbijetuarve të dhunës seksuale gjatë luftës në Kosovë u kërkohet të zgjedhin mes njërit prej dy pensioneve, sipas QKRMT-së.

QKRMT-ja tha se proceset gjyqësore për këto raste kanë filluar qysh nga viti 2021.

“Fillimisht janë përgatitur dhe dorëzuar paditë për 5 raste, ndërsa më vonë numri i rasteve ka vazhduar të shtohet”, tha kjo qendër.

Nuk dihet numri i saktë i personave të dhunuar gjatë luftës së fundit në Kosovë, por, sipas një raporti të Qendrës Amerikane për Kontrollimin dhe Parandalimin e Sëmundjeve, kjo shifër arrin deri në 20 mijë.

Por, sipas të dhënave nga nëntori i vitit të kaluar, vetëm gati 2.000 persona kanë aplikuar për ta marrë statusin e personit të dhunuar gjatë luftës në Kosovë. Prej tyre, statusi u është aprovuar rreth 1.600 personave.

QKRMT-ja tha se vendimi i gjykatës të mërkurën “është dëshmi e mjaftueshme” se të mbijetuarve duhet t’u njihet e drejta për marrjen e dy pensioneve.

Ajo i bëri thirrje Qeverisë së Kosovës ta rregullojë këtë çështje përmes një akti administrativ “dhe t’ua mundësojë kategorive, të cilat gëzojnë të drejtën që të përfitojnë nga dy pensionet, t’i marrin ato nga momenti kur plotësohen kushtet ligjore, në mënyrë që mbijetuarit mos të presin me vitet të tëra deri sa të vendosë gjykata për njohjen e kësaj të drejte”.

The post Gjykata ua njeh pensionin e dyfishtë tre të mbijetuarve të dhunës seksuale gjatë luftës appeared first on Albeu.com.

Dyshohet se kreu marrëdhënie seksuale me dhunë me të miturën, përfundon në pranga 55-vjeçar në Tiranë

E S — Wed, 16 Nov 2022 15:38:42 +0000

Policia e Tiranës ka arrestuar ditën e sotme një shtetas 55-vjeçar në kryeqytet pasi dyshohet se ka kryer marrëdhënie seksuale me dhunë me një shtetase të mitur.

Raportohet se 55-vjeçari me iniciale A. T. është vënë në pranga nga specialistët për Hetimin e Krimeve të Komisariatit të Policisë Nr. 3, ndërsa identiteti i të miturës apo detaje të tjera ende nuk janë zbuluar.

Sakaq, materialet i kaluan Prokurorisë, për veprime të mëtejshme.

Njoftimi i plotë:

Specialistët për Hetimin e Krimeve të Komisariatit të Policisë Nr. 3 arrestuan në flagrancë shtetasin A. T., 55 vjeç, banues në Tiranë, pasi dyshohet se ka kryer marrëdhënie seksuale me dhunë me një shtetase të mitur.

Materialet i kaluan Prokurorisë, për veprime të mëtejshme./albeu.com

The post Dyshohet se kreu marrëdhënie seksuale me dhunë me të miturën, përfundon në pranga 55-vjeçar në Tiranë appeared first on Albeu.com.

Dhunohen dy vajza të mitura në Kosovë, kush dyshohet të jenë autorët

E B — Mon, 12 Sep 2022 08:52:25 +0000

Sot është bërë e ditur për dhunimin e dy të miturave, ne dy raste të ndara, në Istog dhe në Klinë. Për rastet e dhunimit janë arrestuar dy të dyshuar, personi me inicialet M.Z., dhe F.Sh., ( i mitur). Ndaj të dyve prokuroria po kërkon paraburgim.

Sipas policisë e mitura nga Istogu ishte dhunuar seksualisht rreth një muaj më parë, por për shkak të frikës nuk e ka raportuar rastin në polici deri dje, ku ishte paraqitur e shoqëruar nga prindi i saj.

Lidhur me këtë rast, prokuroria njofton se “me urdhër të Prokurorit të Shtetit është ndaluar i dyshuari M.Z., nën dyshimin se i njëjtit ka dhunuar një të mitur nga komuna e Istogut gjatë muajit të kaluar. Po ashtu, gjatë ditës se sotme, Prokurori i Shtetit për të pandehurin M.Z., do bëjë kërkesë për caktimin e masës se paraburgimit në Gjykatën Themelore të Pejës”.

Ndërsa, i dyshuari për dhunimin e së miturës në Klinë është i mitur.

“Prokurori i Shtetit ka ndaluar të dyshuarit F.SH, nën dyshimin se i njëjtit ka dhunuar një të mitur në komunën e Klinës. Prokuroria Themelore në Pejë, Departamenti për të Mitur, ndaj të pandehurit (F.SH) ka bërë sot kërkesë për caktimin e masës se paraburgimit në Gjykatë Themelore të Pejës, për veprën penale “Dhunimi” nga neni 227, të Kodit Penal të Republikës së Kosovës”, njofton prokuroria.

“Lidhur me këto çështje penale, Prokuroria Themelore në Pejë, në koordinim me të gjitha institucionet relevante, do t’i ndërmerr të gjitha veprimet e nevojshme hetimore për ndriçimin e gjitha rrethanave të këtyre veprave penale”, përfundon njoftimi. /Gazeta Express

The post Dhunohen dy vajza të mitura në Kosovë, kush dyshohet të jenë autorët appeared first on Albeu.com.

Festa i kthehet në tmerr 20-vjeçares spajolle në Itali, përdhunohet nga miku i saj shqiptar ndërsa ishte në gjendje të dehur

E B — Thu, 01 Sep 2022 14:30:29 +0000

Një 20-vjeçarjeje në Itali, festa me miqtë e saj iu kthye në tmerr, pasi njëri prej tyre, një 30-vjeçar shqiptar e përdhunoi ndërsa jo ishte nën efektin e alkoolit.

20-vjeçrja, turiste spanjolle, ka denoncuar në policia dhe tashmë çështja po shqyrtohet nga karabinierët, të cilët kanë shkuar në dhomën ku ka ndodhur ngjarja, ku kanë sekuestruar çarçafët dhe një palë pantallona të shkurtra.

Episodi daton pak ditë më parë: atë mbrëmje në banesë 20-vjeçarja spanjolle, pronari i banesës ku ndodheshin dhe 30-vjeçari kishin pirë shumë, derisa vajzën e zuri gjumi.

Të dehur nga alkooli, i riu shqiptar ( me precedentë penal për vjedhje), sipas dëshmisë se vajzës, ka abuzuar me të ndërsa ishte duke fjetur. Ajo ka rrëfyer se ishte zgjuar pas sulmit seksual.

Edhe pse e dehur, ajo ishte plotësisht e vetëdijshme për atë që i kishte ndodhur dhe i kishte kërkuar 30-vjeçarit, të cilin nuk kishte shumë kohë që i njihte, t’i jepte një sqarim për atë që kishte ndodhur Më pas ajo kishte denoncuar të riun shqiptar.

Krahas sendeve nga banesa, karabinierët kanë marrë edhe telefonata dhe mesazhe të shkëmbyera nga të dy në orët pas episodit të denoncuar nga vajza. Për zbardhjen e plotë të ngjarjes do të dëgjohet edhe i zoti i shtëpisë./albeu.com

The post Festa i kthehet në tmerr 20-vjeçares spajolle në Itali, përdhunohet nga miku i saj shqiptar ndërsa ishte në gjendje të dehur appeared first on Albeu.com.

Dhunuan seksualisht të miturën, lihen në burg dy të miturit

E S — Tue, 30 Aug 2022 12:43:19 +0000

Gjykata Themelore e Prishtinës ua ka caktuar masën e paraburgimit dy të miturve G.J dhe XH.S, të dyshuar për dhunimin e 11-vjeçares në Prishtinë. Në paraburgim tashmë gjenden edhe dy të dyshuar të tjerë, derisa i pesti është identifikuar, por ndodhet ende në arrati, raporton Express.

Gjykata ua ka caktuar masën e paraburgimit, meqë ka vlerësuar se ekziston rreziku i ikjes së tyre, me qëllim të shmangies nga përgjegjësia dhe se ekziston rreziku që të njëjtit do t’i asgjësojnë, fshehin, ndryshojnë provat e veprës penale, ndikimit në të dëmtuaren dhe në dëshmitarë.

“Me rastin e caktimit të paraburgimit, Gjykata ka marrë parasysh peshën e rëndë të veprës penale, mënyra dhe rrethanat në të cilat është kryer vepra penale ku dyshohet se është kryer ndaj një të miture dhe me lënien në liri, ekziston rreziku i ikjes së tyre, me qëllim të shmangies nga përgjegjësia, ekziston rreziku që të njëjtit do ti asgjësojnë, fshehin, ndryshojnë provat e veprës penale, ndikimit në të dëmtuaren dhe në dëshmitarë andaj masa e paraburgimit tani për tani është e vetmja masë preventive që do të parandaloj të njëjtit në përsëritjen e veprës penale të njëjtë apo të ngjashme”, thuhet në komunikatë.

Dhunimi i vajzës, sipas dosjes së Prokurorisë Themelore të Prishtinës, të cilën e posedon Gazeta Express, ka nisur të shtunën në parkun në lagjen “Arbëria” në Prishtinë, për të vazhduar në një lokacion tjetër të panjohur. Në dosjen e prokurorisë përshkruhen detaje tronditëse.

Prokuroria Themelore e Prishtinës ka dje kërkuar paraburgim ndaj 26 vjeçarit dhe një të mituri, vëllezër mes vete, si të dyshuar për dhunimin e vajzës 11-vjeçare. Dje, Gjykata Themelore e Prishtinës, ua ka caktuar atyre masën e paraburgimit.

Dy të dyshuar tjerë për dhunimin e të miturës janë arrestuar mbrëmë, ka njoftuar Ministri i Punëve të Brendshme, Xhelal Sveçla. Më vonë, Policia ka dalë me komunikatë, përmes së cilës ka njoftuar se është identifikuar edhe i dyshuari i pestë për rastin, i cili është ende në arrati.

Sipas prokurorisë, i pandehuri E.R, 26-vjeç, ka kryer marrëdhënie seksuale pa dëshirën e të dëmtuarës, “në atë mënyrë që të pandehurin fillimisht e kishte thirrur në telefon vëllai i tij, i mitur., pastaj i pandehuri ka shkuar me “Pickup” tek parku në lagjen “Arbëria” në Prishtinë dhe e ka marrë me veturë vëllain e tij dhe të dyshuarit Xh.S., dhe G.J., të cilët ndodhen në arrati dhe të dëmtuarën. Pastaj rrugës tek varrezat kanë zbritur i mituri dhe, dhe Zh.S., ndërsa i pandehuri së bashku me G.J,.dhe të dëmtuarën janë larguar me veturë, ashtu që pas pak E.R., ka ndaluar veturën në një vend të panjohur dhe ka kryer marrëdhënie seksuale me të dëmtuarën. Edhe pse e ka ditë që e dëmtuara është nën 14-vjeç”, përshkruhet në kërkesën për caktimin e paraburgimit ndaj tij.

Aty shkruan se nga deklarata e të miturës dhënë në polici me datën 28.08.2022 rezulton se “përderisa e mitura ka qenë në park, i janë afruar tre persona, ku kanë filluar ta ngacmojnë me fjalë, ku e dëmtuara ka vazhduar të ecë por më pas njëri ka filluar edhe ta prekte”.

“Më pas të njëjtit, sipas viktimës, kanë vazhduar që ta ndiqnin dhe njëri nga ta e ka tërhequr me një qosh dhe të dy kanë filluar t’ia heqnin rrobat. Personi me maicë të bardhë ia ka kapur duart ndërsa perosni tjetër ka kryer marrëdhënie seksuale pa dëshirën e saj. Kur e dëmtuara ka filluar të bërtasë ata ia kanë mbyllur gojën dhe marrëdhënia ka ndodhur në këmbë. E dëmtuara ka deklaruar që pasi ka përfunduar njëri marrëdhënien e ka filluar tjetri” thuhet në përshkrimin e rastit që ka bërë prokuroria, transmeton Gazeta Express.

Më pas sipas saj, ka ardhë një automjet “pickup” ku dy persona janë ulur mbrapa dhe viktima përpara. Ajo ka deklaruar se edhe shoferi i veturës ka kryer marrëdhenie me të.

Komunikata e plotë:

Prishtinë, 30 gusht 2022 – Gjykata Themelore në Prishtinë – Departamenti për të Mitur ka vendosur lidhur me kërkesën e Prokurorisë Themelore në Prishtinë për caktimin e masës së paraburgimit ndaj të miturve G.J dhe XH.S për shkak të dyshimit të bazuar se kanë kryer veprën penale të Dhunimit.

Gjyqtarja e procedurës paraprake kërkesën e Prokurorisë për caktimin e masës së paraburgimit ndaj dy të miturve e ka aprovuar si të bazuar dhe të njëjtëve iu ka caktuar masën e paraburgimit në kohëzgjatje prej 1 (një) muaji për secilin veç e veç.

Me rastin e caktimit të paraburgimit, Gjykata ka marrë parasysh peshën e rëndë të veprës penale, mënyra dhe rrethanat në të cilat është kryer vepra penale ku dyshohet se është kryer ndaj një të miture dhe me lënien në liri, ekziston rreziku i ikjes së tyre, me qëllim të shmangies nga përgjegjësia, ekziston rreziku që të njëjtit do ti asgjësojnë, fshehin, ndryshojnë provat e veprës penale, ndikimit në të dëmtuaren dhe në dëshmitarë andaj masa e paraburgimit tani për tani është e vetmja masë preventive që do të parandaloj të njëjtit në përsëritjen e veprës penale të njëjtë apo të ngjashme.

Kundër këtij aktvendimi, palët e pakënaqura kanë të drejtë ankese në Gjykatën e Apelit. /Gazeta Express

The post Dhunuan seksualisht të miturën, lihen në burg dy të miturit appeared first on Albeu.com.

E rëndë në Kosovë, dy persona të panjohur marrin me forcë vajzën në makinë, e dhunojnë seksualisht

E S — Tue, 30 Aug 2022 09:19:11 +0000

Një ngjarje e rëndë ka ndodhur në Kosovë, ku një vajzë është sulmuar seksualisht. Sipas denoncimit që ajo ka bërë në polici, dy persona të pa njohur e kanë futur me forcë në veturë dhe më pas e kanë sulmuar seksualisht.

Viktima ka marrë ndihmë mjekësore, ndërsa policia po heton rastin.

Njoftimi i plotë i policisë:

SULM SEKSUAL/Rr. Agim Ramadani, Prishtinë 28.08.2022 – 16:00. Viktima femër kosovare ka informuar se dy persona të pa njohur e kanë futur me forcë në veturë dhe më pas e kanë sulmuar seksualisht. Viktima ka pranuar tretman mjekësor, rasti është duke u hetuar nga njësitet kompetente policore.

The post E rëndë në Kosovë, dy persona të panjohur marrin me forcë vajzën në makinë, e dhunojnë seksualisht appeared first on Albeu.com.