Informacionin për mbajtjen e seancës e ka konfirmuar për Gazetën Express avokati i familjes së Marigonës, Gazmend Rexhepi.
“Seanca është caktu me datën 26 tetor nga ora 10:00”, tha Rexhepi për Gazetën Express.

Dardan Krivaqa dhe Arbër Sejdiu dolën para gjykatës në korrik të këtij viti, Krivaqa u pa i veshur me jelek antiplumb.

“S’po thom që jam i pafajshëm, po s’di”, kishte deklaruar Krivaqa para gjykatës, i akuzuar për vrasjen dhe dhunimin e 18-vjeçares.

Po atë ditë, para gjykatës aktivistet e “Kolektivit Feminist” kishin vendosur pankarta me pjesë nga aktakuza dhe mbishkrimin “ne nuk harrojmë”.

Raporti i autopsisë ka konstatuar se nga goditjet e shumta, 18-vjeçarja ka pësuar politraumë – lëndime të shumëfishta. Ku vdekja është shkaktuar menjëherë nga asfiksia mekanike si dhe shoku hemorragjik dhe traumatik.

Sipas prokurorisë, në ditën kritike Dardan Krivaqa hynë në dhomë me një shkop dhe së bashku me Arbër Sejdiun e godasin viktimën në pjesë të ndryshme të trupit, duke i shkaktuar 18-vjeçares dhimbje të mëdha fizike dhe psikike.

Gazeta Express kishte publikuar aktakuzën për vrasjen e Marigona Osmanit, pjesën e raportit të autopsisë mund ta lexoni më poshtë.

Dardan Krivaqa dhe Arbër Sejdiu që nga gushti i vitit të kaluar ndodhen në paraburgim si të dyshuar për vrasjen e Marigonës. Ndërkohë, Krivaqës në aktakuzë i është shtuar edhe vepra penale “dhunimi” dhe Sejdiut ndihmë në kryerjen e dhunimit.

The post Vrasja makabre e 18-vjeçares në Ferizaj, caktohet data kur do të dalin para gjykatës Dardan Krivaqa e Arbër Sejdiu appeared first on Albeu.com.

Prokuroria Themelore e Ferizajt, ka ngritur aktakuzë ndaj Dardan Krivaçës dhe Arbër Sejdiut për vrasjen mizore të 18 vjeçares Marigona Osmani, gushtin e vitit të kaluar.

Aktakuza përmban dëshmi me video të torturës mizore që dy të akuzuarit kishin bërë ndaj saj. Sipas prokurorisë Marigona është dhunuar seksualisht, pastaj është rrahur mizorisht nga dy të dyshuarit, ndërsa dëshmitë e këtij krimi janë faktuar edhe nga pamjet e kamerave që Dardan Krivaça kishte vendosur për ta monitoruar të renë me të cilën kishte filluar të bashkëjetonte.

Në dhomën ku ka ndodhur krimi sipas aktakuzës së siguruar nga Gazeta Insajderi, është gjetur një kabllo e zeze e telefonit e cila e kishte të dëmtuar kokën hyrëse.

“Në bazë të dëmtimeve trupore rezulton se e njëjta është përdorur nga Dardan Krivaça  e sipas  e cila dyshohet se është përdorur nga Dardan Krivaça”, thuhet në aktakuzë.

“Në shtratin ku ka qenë e ndjera është gjetur ujë e po ashtu janë gjetur shishe të zbrazura dhe gjysmë të zbrazura, është rrethanë që tregon se i pandehuri me qëllim që e njëjta t’i ndiej sa më shumë dhimbjet ujin e ka përdorur për ta këndell”./insajderi

The post Detaje nga dosja, çfarë u gjet në dhomën ku u torturua për vdekje Marigona Osmani nga bashkëjetuesi appeared first on Albeu.com.

“Ne asgjë nuk kemi ditur, në policinë e Ferizajt 136 dosje edhe del prokurori thotë i kam veç 10, ku janë 126, policia i ka mbyll se mama e tij ka qenë në shërbim në polici,”-deklaroi ai pak ditë më parë.

Por, Policia e Kosovës, konkretisht zëdhënësi i Policisë Rajonale në Ferizaj, Kanun Veseli, në një përgjigje për Gazetën Express ka thënë se nëna e Krivaqës nuk ka qenë dhe nuk është punësuar në Polici.

“Sa i përket nënës së të dyshuarit Dardan Krivaqa, ajo as s’ka qenë, as nuk është e punësuar në Policinë e Kosovës”, tha Veseli për Gazetën Express.

Vrasja e 18-vjeçares Marigona Osmani tronditi opinionin politik në Shqipëri dhe në Kosovës. E reja u vra mizorisht pas dy ditësh dhunë sistematike, fizike e psikike nga bashkëshorti i saj, i cili e la pa jetë në derë të spitalit. Bashkë me të është prangosur edhe shoku i tij Arbër Sejdiu./albeu.com

The post “E ëma punon në Polici, ia mbyllte ajo dosjet”, babai i Marigona Osmanit jep detaje appeared first on Albeu.com.

Burimet nga mediet kosovare bëjnë me dije se është zbuluar falë autopsisë, shkaku i vdekjes së saj.

Këshilltarja në Ministrinë e Drejtësisë, Nazlije Balaj bën me dije se autopsia i është dorëzuar familjes të së ndjerës dhe zbulohet se vajza ka ndërruar jetë si pasojë e politraumës.

”Nuk ka ende raport të autopsisë, por ka çertifikatë të autopsisë. Sepse raporti i autopsisë përmbyllet kur të mbyllen të gjitha analizat laboratorike. Çertifikata e autopsisë, i lëshohet familjes, dhe në të është e shkruar qartë dhe saktë se në këtë rast kemi të bëjmë me Politraumë”.

 Çfarë është Politrauma:

Është një rast shumë i rëndë. Ka të bëjë me thyerje të gjymtyrëve, shkurt shqip, një lloj dhune e përdorur që e ka shkaktuar edhe vdekjen e saj, mirëpo raporti i autopsisë do ta tregojë qartë dhe saktë, shkakun e vdekjes, kohën e vdekjes, mjetet të cilat janë përdorë për vdekje, ndërsa analizat laboratorike i dhanë të dhënat tjera të cilat janë të domosdoshme kur kryhet një autopsi dhe raport i cili i dërgohet prokurorisë për hetime të mëtutjeshme./albeu.com/

The post Shkaku i vdekjes! Marigona Osmani vdiq nga politrauma, thyrje gjymtyrësh e dhunë ekstreme appeared first on Albeu.com.