Sipas burimeve, personi është përfshirë në një konflikt me dy individë që frekuentonin ish-bashkëshorten dhe vajzën e tij.

Gjatë përplasjes verbale, situata ka degjeneruar në dhunë fizike, ku ai ka qëlluar me grushte një nga personat e pranishëm dhe më pas është larguar në këmbë, duke lënë automjetin në vendngjarje.

Policia po punon për identifikimin e të gjitha palëve të përfshira dhe zbardhjen e plotë të rrethanave të ngjarjes.

The post Plas sherri në Tiranë, burri shkon në shtëpinë e ish-gruas, konfliktohet me grushta me të afërmit e saj appeared first on Albeu.com.

Fatmirësisht të shtënat nuk e kanë prekur Shpëtimin ndërkohë pasi ka gjuajtur me armë, Zarif Konja është larguar në drejtim të paditur. Ndërkohë policia ka shkuar menjëherë në vendin e ngjarjes. Po ashtu policia bën të ditur se është sekuestruar armën e gjahut tip karabinë dhe katër gëzhoja.

The post Dhunë në familje/ Vëllai plagos vëllain në Divjakë, autori largohet nga vendngjarja appeared first on Albeu.com.

Ndërsa një 39-vjeçar, është arrestuar me akuzën e kanosjes me mjet prerës ish-të dashurën e tij.

Specialistët për Hetimin e Krimeve të Komisariatit të Policisë Nr. 1 arrestuan shtetasin K. Sh., 30-vjeç, banues në Tiranë, pasi dyshohet se ka ushtruar dhunë ndaj bashkëjetueses së tij.

Specialistët për Hetimin e Krimeve të Komisariatit të Policisë Nr. 3 arrestuan shtetasin B. P., 39- vjeç, banues në Tiranë, pasi dyshohet se ka përndjekur dhe kanosur me mjet prerës ish-të dashurën e tij., thuhet në njoftimin e policisë.

The post Dhunoi bashkëjetuesen, vihet në pranga 30-vjeçari në Tiranë appeared first on Albeu.com.

Kështu ndodhi dhe me një 29-vjeçare, e cila u dërgua nga familja me urgjencë në spitalin “Nënë Tereza”, por që pasi doli nga gjendja e vështirë për jetën, ajo heshti, pasi shumë herë e kishte falur të shoqin me inicialet L.H., dhe shumë herë e kishte denoncuar, por gjendja nuk kishte pasur asnjë ndryshim.

Megjithatë, nuk mbajti të njëjtin qëndrim e ëma, e cila rrëfeu ditët e vështira e të dhunshme të 29-vjeçares me inicialet A.M., e cila pa si shteg shpëtimi dhënien fund të jetës, që fatmirësisht u shpëtua.

Rrëfimi i familjarëve të saj, zbuloi se e reja me inicialet A.M., vazhdimisht ishte dhunuar nga bashkëshorti dhe pasi duroi për një kohë të gjatë, ajo vendosi që të hapë sirtarin dhe të pijë një sasi të madhe medikamentesh.

29-vjeçarja, i kishte dhënë fund martesës në Durrës dhe u kthye në fshatin e lindjes në rrethinat e kryeqytetit dhe në gjendje depresioni. Pasi policinë e kishte njoftuar shumë herë, ajo përdori të gjitha ilaçet e prindërve, që nga ato me reumatizëm, deri tek medikamentet për temperaturën e lartë dhe për dhimbjen e kokës.

Burimet policore i thanë Gazetasi.al, se pasi 29-vjeçarja ka dalë nga observacioni, policia e ka lënë atë të qetë dhe ndonëse është sjellë sikur e ka besuar rrëfimin e saj, ku mohohet çdo gjë, ka shkuar pranë të afërmve që kanë treguar se çfarë kishte ndodhur.

Pas ndarjes, e reja ishte kthyer tek prindërit dhe shkak ishte dhuna. Por edhe aty i shoqi l.H., nuk e ka lënë të qetë. Burimet e Gazetasi.al, tregojnë se e ëma e vajzës, me inicialet B.M., i thotë policisë, “dhëndri erdhi në banesë dhe e qëlloi me shuplakë e grushte time bije, ajo mbante në krahë fëmijën e mitur, ne bërtitëm dhe kur ndërhyra, ai mori makinën dhe iku”.

Gjithë debati i ndodhur në atë çast sipas të moshuarës, dëshmitare në ngjarje, ndodhi, pasi burri që më pas u arrestua këmbëngulte që e reja të kthehej me të. Por fjalia që dëgjuan prindërit e saj ishte kjo: nuk kthehem me ty, ti je shumë i dhunshëm”.

Falje, telefonata, kërcënime dhe rrahje

Bashkëjetesa mes 29-vjeçarit dhe djalit të dhunshëm, i cili akuzohet tanimë nga policia për dhunë në familje, zgjati nga viti 2017 deri verën e 2021. Çifti, thonë burimet e Gazetasi.al, nga kjo martesë ka një vajzë të vogël.

E ëma rrëfen më tej: “Kur ime bijë ishte shtatzënë në muajin e shtatë, mbaj mend se gjendej në shtëpinë tonë. Erdhi dhëndri dhe e rrahu pa asnjë shkak. A., e dërguam të bëjë kallëzim në komisariatin e Durrësit dhe vajzën e mora në shtëpi, nuk e lejova të kthehej tek burri”. Ndarja mes çiftit ka zgjatur derisa ka lindur fëmija, që u soll në jetë në shtëpinë e gjyshërve.

Gjyshja shton në polici, se mbas lindjes së vajzës , dhëndri u kthye dhe kërkoi falje. Pendesa e tij e bindi të renë se duhej të kthehej tek i shoqi.

“Në një nga ditët, më telefonoi vajza e madhe e shqetësuar, më tregoi se e motra e kishte marrë në telefon dhe i kishte treguar sërish dhunën ç’njerëzore dhe i kishte kërkuar të motrës të më njoftonte mua dhe policinë. Së bashku me bashkëshortin shkuam në komisariatin e Durrësit, ku dhe kemi marrë vajzën që sërish kishte bërë kallëzim”.

Por teksa prindërit e kanë marrë sërish vajzën dhe mbesën në banesën e tyre, dhëndri ka kërkuar falje dhe për këtë për herë të dytë 29-vjeçarja e ka falur dhe është rikthyer për herë të dytë me të.

“Herën e tretë ata erdhën për vizitë dhe vajza kërkoi të qëndrojë disa ditë së bashku me fëmijën. Dhëndri i la. Pas dy-tre ditësh L.H., e telefonoi vajzën dhe e pyeti kur do vinte ta merrte, por vajza ime iu përgjigj; nuk kthehem më tek ti, ti je i dhunshëm”.

Policia i thotë Gazetasi.al, se nuk ka kaluar shumë kohë nga kjo telefonatë mes çiftit, kur ata kanë parë se në oborr ia ka behur dhëndri.

“Ime bijë bërtiti, me zor nuk më mban dot, je shumë i dhunshëm, por ai megjithëse gjendeshim të gjithë aty, e qëlloi me shuplakë”, – dëshmon në polici nëna e gruas së dhunuar.

Kjo shtetase, me inicialet B.L., që është dëshmitarja kryesore, shton se në një moment nga dhuna, ajo pa se të bijës iu nxi syri dhe se si formuan numrin e telefonit dhe kërkuan ndihmë pranë policisë.

“Por policia e komisariatit numër 6, na u përgjigj se ishte tepër vonë dhe se nuk kishin makinë për momentin dhe se e mira ishte të shkonim ne në komisariat. Meqenëse ishte shumë vonë dhe nuk kishim me çfarë të shkonim, nuk bëmë fare kallëzim”, – thuhet në fashikullin e përgatitur me akuzë për shtyrje në vetëvrasje kundër burrit të dhunshëm.

“Pas kësaj ngjarjeje L.H., e telefononte pa ndërprerje. E kërcënonte me jetë nëse nuk kthehej tek ai. Në këto kushte, duke qenë e tronditur dhe në gjendje të rënduar, ajo ka pirë të gjitha ilaçet që i ka gjetur nëpër sirtarë dhe familja e ka gjetur atë pa ndjenja.

E reja, e cila ishte e martuar në Durrës, sipas burimeve të Gazetasi.al, rezulton me dy urdhra mbrojtjeje nga kjo gjykatë, të cilat nuk e kanë ndihmuar që t’i shpëtojë të shoqit, ndonëse ajo u largua me dashje në shtëpinë e vajzërisë, ku dhe ai e ndoqi pas dhe e kanosi, duke e shtyrë në vetëvrasje. Policia bën me dije për Gazetasi.al, se 29-vjeçarja ka dalë nga rreziku për jetën dhe është kthyer në shtëpi, kurse bashkëjetuesi i saj u dërgua në burg. /Si

The post Burri e dhunonte por gruaja e fali tre herë, historia e trishtë e vajzës që tentoi vetëvrasjen appeared first on Albeu.com.

Mërgime Kajtazi, një juriste nga Mitrovica që vendosi ta lë familjen dhe karrierën në Kosovë, do të përjetonte dhunë fizike e psikike për rreth dy vjet nga bashkëshorti.

Në vitin 2016, ajo vendosi të fejohej dhe të shkonte të jetonte në Shtetet e Bashkuara të Amerikës, me të dashurin kosovar, me të cilin kishte qenë në lidhje për dy vjet paraprakisht.

Menjëherë pas kësaj, pas presionit të të fejuarit, ajo u martua dhe vendosi të qëndrojë në Nju Jork.

“Diçka që nuk e kam ditur kurrë për të, ka qenë që është i dhunshëm”, tregon Mërgimja. Tri ditë pasi u vendos në banesë, nisi zënka e parë mes çiftit.

“Më kujtohet kemi qenë në dhomë të gjumit, ai ka qenë duke folur diçka dhe unë vetëm e kam kthyer kokën dhe i kam thënë se nuk dua ta dëgjoj”, tregon ajo për Radion Evropa e Lirë.

Menjëherë pas kësaj, ajo thotë se burri e kapi nga krahu dhe kokën e saj e mbajti të mbështetur në shtrat duke ia zënë frymën për rreth 30 sekonda.

“O Zot, çfarë po ndodh”, ishte gjithçka që Mërgimja mund të mendonte pasi thotë se ende nuk po e perceptonte se burri i saj, mund ta lëndojë në atë mënyrë.

Vetëm një javë më vonë, Mërgimja nisi punën dhe atë ditë, bashkëshorti e sulmoi dhe ia zuri frymën sërish, pas zemërimit se ajo kishte përdorur deodorant në kuzhinë.

“Aq ka qenë shokuese dhe këtë e kam marr si dështim personal. Unë e lashë punën, familjen dhe shoqërinë (në Kosovë). Truri im nuk e perceptonte se unë jam viktimë e dhunës”, thotë ajo.

Sulmet vazhduan, sipas saj, për arsye nga më të ndryshmet.

“Kur ai vendoste të më rrihte, unë e dija. Çfarëdo që unë do të thosha nuk kishte rëndësi”, tregon Mërgimja.

Ndër sulmet e shpeshta, sipas Mërgimes, përfshinin kafshime të duarve deri në gjakosje, shuplaka e grushte e deri në torturë që mos ta linte Mërgimen të flinte.

Ajo detyrohej edhe të kryente marrëdhënie seksuale me bashkëshortin, ndryshe do ta rrihte.

“Abuzuesit dhe viktimat nuk dallohen vetëm në dukje”

Duke u ndierë fajtore dhe shumë e frikësuar për t’i treguar familjes së saj, Mërgimja duroi torturë fizike për një kohë të gjatë.

Ndihmë nuk gjeti as nga familja e bashkëshortit, të cilët i thanë se “duhet ta rrudhësh gojën” dhe se “gratë e kërkojnë [dhunën]”. Ajo tregon se ndihej e pashpresë edhe për faktin se gjendej e vetme, në një vend të huaj.

“Pata dalë njëherë nga shtëpia duke vrapuar deri te Stacioni i Policisë, por më ka zënë dhe më ka kthyer”, tregon ajo.

“E dija që nuk do të më besonte askush sepse është njeri sharmant”, tregon Mërgimja.

Diçka që ajo thotë se duhet ta dijë çdokush, është se dhuna në çift ndodh te njerëzit e profileve të ndryshme.

Ajo thotë se edhe aftësitë manipuluese të abuzuesve dhe ndjenja e fajit të viktimës, bën që viktimat të heshtin.

“Abuzuesit janë në të njëjtën kohë manipulantët më të mirë në shoqëri. Të manipulojnë aq shumë, sa që të bëjnë të dyshosh realitetin tënd”, thotë ajo.

Kulmi i kësaj situate arriti në vitin 2018. Ajo arriti ta incizojë atë, duke siguruar prova për sulmet që ia kishte bërë.

Policia e arrestoi bashkëshortin e saj. Ai kaloi një natë në burg, u dënua me punë të detyrueshme – shërbim në komunitet dhe u dërgua në një program rehabilitues lidhur me abuzuesit.

Mirëpo qetësia e Mërgimes i erdhi me urdhërin mbrojtës, që i siguronte asaj që bashkëshorti nuk do ta kontaktonte apo t’i afrohej, përndryshe do të dënohej me pesë vjet burgim.

Ajo tanimë vazhdon jetën atje dhe programet në SHBA i kanë ndihmuar të sigurojë lejeqëndrimin si dhe të marrë ndihmë psikologjike.

“Në Kosovë duhet të ndryshojë mendimi se gratë vlejnë më pak se burrat”

Megjithëse Mërgimja përjetoi dhunë në një shtet shumë më të zhvilluar se Kosova, ajo beson fuqishëm se kjo dhunë ka një burim në mendësinë patriarkale.

“Problemi më i madh në Kosovë është që [disa] burra shqiptarë rriten në atë mënyrë që përnjëmend mendojnë që kanë të drejtë të dhënë nga Zoti që ta rrahin një grua dhe ta ‘bëjnë njeri’”, thotë ajo.

Protesta e revolta kundër dhunës ndaj grave në Kosovë, u nisën sërish ditëve të fundit pas rastit të vrasjes së vajzës 18-vjeçare, nga Ferizaj të dielën më 22 gusht. Të dyshuar për këtë vrasje janë partneri i saj dhe një burrë tjetër.

Edhe Mërgimja i ka përcjellur reagimet lidhur me këtë rast, duke thënë se kultura e fajësimit të viktimës dhe arsyetimit të abuzuesve po vazhdon të jetë prezente.

“Dhunuesi është dhunues dhe marrja është e tij dhe kjo kurrë s’ka për të ndryshuar”, deklaron ajo.

Përveç që shteti, sipas Mërgimes, duhet t’i ketë mekanizmat e duhur për parandalim dhe dënim të dhunës ndaj grave, ajo thotë se shoqëria si dhe zëri i ngritur i viktimave të kësaj situate, mund t’i ndihmojë viktimat e tjera.

“Nëse historia ime i ndihmon vetëm një gruaje tjetër, ta nxjerrë veten prej kësaj situate, unë jam më e lumtura në botë”, thotë ajo.

Deri në qershor të vitit 2021, sipas Policisë së Kosovës, u shënuan dy raste të vrasjes së grave, ndërsa në vitin 2020 ishin vrarë shtatë gra.

Sipas të dhënave vetëm deri në qershor të vitit 2021, u shënuan 1.132 raste të dhunës në familje, 1.063 viktima nga këto raste ishin gra./REL/

The post Shqiptarja rrëfen tmerrin që përjetoi nga dhuna e burrit të saj: Nuk po marr frymë! appeared first on Albeu.com.

Ajo është 44 vjeçe. Gjithë jetën e saj ka vuajtur dhunën e bashkëshortit, ndërsa tashmë edhe pse është e divorcuar, ish bashkëshorti e kërcënon se do të ketë fatin e Liljana Buzos.

Edhe pse shpesh shoqëria bën apel për denoncimin e dhunës, gratë në të tilla kushte ndihen më të dhunuara pasi denoncojnë.

Nëna e 5 fëmijëve bën apel ndaj shoqërisë, institucioneve, por mbi të gjitha ndaj vajzave të saj të mos pranojnë kurrë të jetojnë nën dhunë, as për hir të familjes.

Edhe pse e divorcuar, nëna e 5 fëmijëve sërish endet dyerve të gjykatës, sërish për të kërkuar urdhër mbrojtje, pasi dhunë nuk është ndalur me një letër gjykate. /tch

The post Nëna e 5 fëmijëve ndihet e kërcënuar, ish-burri e kanos me jetë: Unë do të të vras! (VIDEO) appeared first on Albeu.com.