Dhuna mes fëmijëve dhe të rinjve po shfaqet çdo ditë e më tepër, ndërsa për një pjesë të madhe të këtyre rasteve ende mungon një epilog përfundimtar nga autoritetet përgjegjëse. Konfliktet fizike, kanosjet, përdorimi i mjeteve të mprehta, bullizmi verbal, por edhe regjistrimi dhe shpërndarja e incidenteve në rrjetet sociale, po bëhen gjithnjë e më të zakonshme. Ish-mësuesi Satki Ismaili, i cili jetën ia ka kushtuar arsimit, vlerëson se përgjegjësia nuk duhet t’u lihet fëmijëve, pasi sipas tij ata janë viktima të neglizhencës si nga familja, ashtu edhe nga institucionet. Ai nënvizon se edukata dhe shëndeti mendor i fëmijëve sot duhet të vendosen mbi çdo prioritet tjetër.

“Zakonisht kjo situatë e krijuar është një pasojë e asaj neglizhencës edhe instutucionale por edhe neglizhencës familjare. Jo, nuk janë fajtor fëmijët, unë po ju them si një mësimdhënës që jetën i kam përkushtuar çështjeve të arsimit. Fëmija është një viktimë e gjithë këtyre rrethanave në shoqëri duke u nis nga familja, institucionet shkollore, institucionet tjera edhe sisitemi arsimor i cili gjithmonë mundohet diçka të bëj reforma në çështjen e shkruar në dikumentacion por asesi të realizohen gjërat. Aktivitete duhet nga fëmijëria e hershme, të kryhen aktivitete të ndryshme sidomos në çështjen e parandalimit të dhunës dhe aspekteve të cilat ndikojnë në shëndetin psiqik, mendor, në shëndetin edhe fizik të fëmijëve janë gjithçka prioritet në krahasim edhe me arsimin nëse themi. Edukata është shumë me rëndësi në jetën e sotme”, tha ish mësuesi, Satki Ismaili.

Ismaili thekson më tej se shenja të diskriminimit dhe dhunës ndërmjet fëmijëve hasen në shumë ambiente, në rrugë, në qytete dhe nëpër vendbanime, kryesisht atëherë kur ata ndodhen jashtë orarit mësimor dhe pa mbikëqyrjen e prindërve. Për frenimin e kësaj dukurie, ai bëri të ditur se nga shtatori do të fillojë një projekt pilot në disa shkolla që funksionojnë me një ndërrim. Në këtë program të zgjeruar do të përfshihen edhe aktivitete jashtëmësimore.

“Satki Ismaili vlerëson se fëmijët janë viktima të neglizhencës së familjes dhe institucioneve, Sidomos, do të ketë aktivitete në shkolla ku punojnë me një ndërrim, do të punojnë disa shkolla me programin e zgjëruar ku janë të paraparë shumë aktivitete brenda ditës, jashtë mësimore në të cilat janë të kyqyra edhe programet preventive parandaluese që kanë të bëjnë me aktiitetet në shkollë ku do të kyqen prindërit, fëmijët, mësimdhënës e kështu me radhë.. Të jemi të sinqertë, shumë pak punohet në këtë drejtim”, theksoi ish mësuesi, Satki Ismaili.

Sipas Ismailit, thelbësore është që ky projekt të mos mbetet vetëm në letër. Ai vlerëson se veprimi që në fëmijërinë e hershme, përmes aktiviteteve që mbrojnë shëndetin psikologjik dhe fizik të fëmijëve, është e vetmja mënyrë për ta ndalur këtë fenomen shqetësues. /Alsat.mk

The post Satki Ismaili: Rritja e dhunës te fëmijët vjen nga mungesa e kujdesit në familje dhe institucione appeared first on Albeu.com.

Ai paraqiti edhe statistika shqetësuese për dhunën mes bashkëmoshatarëve. Sipas tij, gjatë këtij viti janë regjistruar 93 incidente, ndërsa vitin e kaluar ishin 81, me raste të evidentuara në 64 shkolla.

“Të dhënat tregojnë se dhuna ndaj fëmijëve është më shumë se dyfishuar, nga 7 në 15 raste. Vepra penale e përdhunimit të fëmijës nën 15 vjeç është regjistruar gjashtë herë, krahasuar me vetëm një rast vitin e kaluar. Megjithëse reagimi penalo-juridik është i domosdoshëm, ai nuk është i mjaftueshëm, thelbësore është shkëmbimi në kohë i informacionit midis policisë, shkollave dhe qendrave për punë sociale”, tha Pançe Toshkovski, ministër i Punëve të Brendshme.

Gjatë prezantimit të projektit kombëtar kundër dhunës në familje dhe asaj ndërmjet bashkëmoshatarëve, ministrja e Arsimit, Vesna Janevska, deklaroi se qëllimi është që nisma, brenda një periudhe njëvjeçare, të kthehet në një mekanizëm të përhershëm sistematik për zbulimin dhe parandalimin në kohë të dhunës.

Ajo njoftoi se që javën e ardhshme do të nisin trajnimet për të gjithë psikologët, pedagogët dhe punonjësit socialë në arsimin fillor, me synimin për të forcuar aftësitë e tyre në identifikimin e fëmijëve që janë viktima të dhunës në familje përmes sjelljes së tyre, si dhe për marrjen e masave që do të ndalojnë përhapjen e mëtejshme të saj.

“Javën e ardhshme fillojnë trajnimet për të gjithë psikologët, pedagogët dhe punonjësit socialë në arsimin fillor, me qëllim forcimin e kompetencave për identifikimin e fëmijëve viktima të dhunës në familje përmes sjelljes së tyre dhe ndërmarrjen e masave për parandalimin dhe përhapjen e mëtejshme të saj. Fëmija, duhet të identifikohet, të dëgjohet dhe të mbrohet në kohë”, theksoi Vesna Janevska, ministre e Arsimit.

Nga Oda e Psikologëve u theksua se në shumë raste sjellja agresive e një fëmije lidhet me faktin se agresiviteti është e vetmja mënyrë që ai ka mësuar për të shprehur dhimbjen.

“Kur një fëmijë është agresiv, reagimi ynë i parë duhet të jetë ta ndalojmë dhunën, por përgjegjësia jonë profesionale është edhe të kuptojmë nga vjen ajo dhunë. Nëse trajtojmë vetëm pasojën ndërsa jo edhe shkakun, rrezikojmë që cikli i dhunës të vazhdojë ndër breza”, theksoi Emilija Boshkovska nga Oda e Psikologëve.

Psikologët apeluan për ndërtimin e shkollave që, përveçse japin dije, të jenë në gjendje edhe të dallojnë dhimbjen, të ofrojnë mbështetje dhe të shndërrohen në hapësira të sigurta për çdo fëmijë.

The post Tre ministri nisin plan kundër dhunës në shkolla, synohet zbulimi i shkaqeve dhe parandalimi i hershëm i rasteve appeared first on Albeu.com.

Në adresimin e tij, Toshkovski tha se të dhënat që posedon Ministria e Punëve të Brendshme tregojnë një rritje të ndjeshme si të dhunës në familje, ashtu edhe të dhunës mes bashkëmoshatarëve. Sipas tij, ekspozimi ndaj dhunës brenda familjes mbetet një nga faktorët kryesorë të rrezikut për shfaqjen e sjelljeve agresive te fëmijët dhe të rinjtë.

“Gjatë periudhës nga 1 janari deri më 28 maj të këtij viti janë regjistruar 768 vepra penale që kanë të bëjnë me dhunën në familje, kundrejt 460 në periudhën e njëjtë të vitit të kaluar, që paraqet një rritje prej 67 për qind. Vetëm në dy javët e para të qershorit janë regjistruar edhe 89 vepra të reja penale në këtë fushë”, deklaroi ministri Toshkovski.

Ai bëri të ditur se MPB-ja vepron me shpejtësi dhe vendosmëri në rastet e dhunës në familje. Gjatë këtij viti, sipas tij, janë dorëzuar 601 kallëzime penale, ndërsa ndaj 609 personave janë ndërmarrë masa të ndjekjes penale.

Sa i përket dhunës mes bashkëmoshatarëve, ministri njoftoi se gjatë këtij viti janë evidentuar 93 incidente në 64 shkolla, shifër kjo që tregon rritje në krahasim me vitin e kaluar.

“Veçanërisht shqetësues është fakti se dhuna ndaj fëmijëve është dyfishuar më shumë, ndërsa vepra penale e përdhunimit të fëmijës nën moshën 15-vjeçare është regjistruar gjashtë herë, krahasuar me vetëm një rast në periudhën e vitit të kaluar. Këto janë të dhëna që nuk guxojnë të mbeten pa reagim”, theksoi Toshkovski.

Sipas tij, ndërhyrja penal-juridike është e domosdoshme, por zgjidhja afatgjatë kërkon parandalim të hershëm, njohje në kohë të rreziqeve dhe veprim të bashkërenduar nga institucionet.

Toshkovski vuri në pah edhe nevojën për shkëmbim informacioni mes policisë, shkollave dhe qendrave për punë sociale, në mënyrë që fëmijët e ekspozuar ndaj dhunës të identifikohen me kohë dhe të shmangen pasoja të tjera negative.

Ministria e Punëve të Brendshme, shtoi ai, e mbështet plotësisht përgatitjen e një protokolli të unifikuar për veprim në rastet kur ka dyshime për dhunë dhe do të vazhdojë me trajnime të pandërprera për nëpunësit policorë, për njohjen sa më të hershme të shenjave të dhunës në familje, veçanërisht kur fëmijët janë viktima ose dëshmitarë.

The post Toshkovski: Dhuna që nis në familje nuk duhet të arrijë në shkolla, ajo duhet zbuluar dhe parandaluar para se të kthehet në vepër penale appeared first on Albeu.com.