Vetëm në gjysmën e parë të vitit 2025, janë regjistruar 1260 denoncime të kësaj natyre, duke e kthyer këtë fenomen në një alarm social. Denoncimet pasohen me urdhër mbrojtje të lëshuara nga gjykata për periudha të caktuara që variojnë nga një muaj deri në një vit, por kjo nuk e ndal dhunën.

Pas çdo shifre fshihet një histori, një nënë, një fëmijë, apo shpesh herë edhe të moshuar të cilët dhunohen nga personat që presupozohet t’iu ofronin dashuri dhe mbrojtje

Vetëm një ditë më parë në Tiranë përfunduan në derën e komisariatit një nënë 39-vjeçare pasi rezultoi se dhunonte të bijën e saj të mitur ndërsa në një rast tjetër një 31-vjeçar u arrestua pasi ushtroi dhunë ndaj xhaxhait dhe gjyshes së tij, si dhe u kishte dëmtuar disa pajisje.

Sipas të dhënave zyrtare, shumica e viktimave të dhunës janë gra dhe fëmijë, ndërsa në shumë raste dhuna ndodh në heshtje, pa u denoncuar çka tregon se shifra reale e këtij fenomeni mund të jetë edhe më e lartë.

The post Shifra tronditëse/ Çdo ditë 7 gra rrihen, në 6 muaj 1260 denoncime për dhunë në marrëdhënie familjare appeared first on Albeu.com.

Spiropali u shpreh se ishte thellësisht e tronditur dhe se dhuna ndaj grave duhet të ndalet me çdo kusht

“Pafundësisht e trishtuar për humbjen e katër jetëve të pafajshme në ujërat e Bunës. Tre ëngjëjt dhe nëna e tyre kanë humbur jetën në mënyrën më makabre. Dyshimet janë se dhuna e bashkëshortit dhe babait të familjes i ka çuar drejt vdekjes”, u shpreh Spiropali e cila është edhe drejtuese politike e PS-së për qarkun e Shkodrës.

Sipas saj, fenomeni i tmerrshëm i dhunës ndaj grave që plagos shoqërinë dhe shtetin tonë, duhet të ndalet me çdo kusht dhe me çdo çmim.

“Lufta ndaj kësaj dhune që merr dhe sakaton jetë grash dhe fëmijësh, duhet të ngrihet në nivelin e emergjencës kombëtare. Duhet të zgjohemi të gjithë si njerëz, si shoqëri e si shtet”, u shpreh Spiropali.

“Të çohemi të gjithë kundër këtij fenomeni primitiv, sepse secila jetë është e çmuar dhe nuk mund t’i dorëzohet dhunës së verbër.

Organet ligjzbatuese dhe sistemi i drejtësisë duhet të jenë vigjilentë dhe të pamëshirshëm ndaj çdo sinjali, informacioni, denoncimi apo gjykimi për raste të tilla”, tha ajo.

“Drita e diellit nuk duhet të jetë privilegj për ata që dritën e jetës ua heqin çdo ditë viktimave të tyre”, vijoi Spiropali.

“Sistemi ynë arsimor, media, politika, të gjithë duhet të bejnë më shumë për të ruajtur dhe lartësuar dinjitetin e grave, dhe jo të lejojnë të trajtohen lehtësisht si njerëz të dorës së dytë me gjuhë diskriminuese e seksiste, që brymos patriarkalizmin e sëmurë që ushqen dhunën. U prehshin në paqe katër shpirtrat e pafajshëm”, përfundoi Spiropali.

The post Ngjarja në Shkodër, Spiropali: Secila jetë është e çmuar dhe nuk mund t’i dorëzohet dhunës së verbër appeared first on Albeu.com.

Këto janë shifrat e bëra publike për bilancin nga policia e shtetit.

Ndërkohë 467 shtetas janë arrestuar, ndaluar apo proceduar penalisht, në kuadër të 2 megaoperacioneve kombëtare “Tempulli 2” dhe “Sundimi i ligjit”, 30 prej të cilëve kanë qenë të shpallur në kërkim.

Reagimi:

Policia e Shtetit, gjatë muajit shkurt 2024

Angazhim i pandërprerë dhe punë profesionale nga të gjitha strukturat e Policisë së Shtetit, për goditjen e veprimtarive kriminale, garantimin e rendit dhe sigurisë.

Muaji shkurt ishte muaji i sprovave dhe i konsolidimit të përvojës së fituar në drejtim të marrjes së masave për garantimin e rendit, si dhe të sigurisë së personaliteteve të larta shtetërore nga SHBA, Europa dhe rajoni, që erdhën në vendin tonë.

Puna e vazhdueshme hetimore dhe operacionale e strukturave të Policisë së Shtetit, gjatë muajit shkurt, bazuar në inteligjencën policore, ka bërë të mundur finalizimin e 120 operacioneve, në të gjithë vendin.

7 ngjarje kriminale kundër personit janë parandaluar si rezultat i ndërhyrjes së menjëhershme të shërbimeve të Policisë dhe i veprimeve profesionale nga ana e tyre.

Vënia në pranga e 40 shtetasve ka parandaluar përshkallëzimin e rasteve të dhunës në familjet e tyre.

-Gjithashtu, veprimet hetimore të kryera në zbatim të planit operacional “Sundimi i ligjit”, kanë zbardhur 3 ngjarje në fushën e krimeve kundër personit, të cilat fillimisht janë raportuar si aksidentale, si dhe 50 vjedhje të kryera më parë, 3 prej tyre nëpërmjet kanosjes me armë.

20 shtetas të shpallur në kërkim ndërkombëtar janë vënë në pranga, si rezultat i kontrolleve të vazhdueshme të strukturave të Policisë së Shtetit dhe i shkëmbimit të informacioneve me partnerët ndërkombëtarë.

467 shtetas janë arrestuar, ndaluar apo proceduar penalisht, në kuadër të 2 megaoperacioneve kombëtare “Tempulli 2” dhe “Sundimi i ligjit”, 30 prej të cilëve kanë qenë të shpallur në kërkim.

Në kuadër të operacionit “Sundimi i ligjit”, janë sekuestruar 46 armë zjarri, 8 armë gjahu, 3 mina me telekomandë, 1462 kg lëndë plasëse, 227 kapsolla elektrike dhe detonatore, 5 kallëpe tritoli, shuma parash dhe sende të kundërligjshme.

Ndërsa në kuadër të operacionit “Tempulli 2”, janë sekuestuar 11 kg heroinë, 1.5 kg kokainë dhe qindra doza të kësaj lënde, 27.3 kg kanabis, qindra doza dhe fara të kësaj lënde, sasi kanabisi në trajtë çokollate, 10 peshore për ndarjen e lëndës narkotike në doza dhe shuma të konsiderueshme parash të përfituara nga veprimtaritë kriminale në këtë fushë.

Gjatë muajit shkurt, në zbatim të planit operacional “Sundimi i ligjit”, u finalizuan 12 operacione për goditjen e veprimtarive kriminale në fushën e krimeve ekonomiko-financiare.

Pasuri të ndryshme me vlerë rreth 100 000 euro, me burim nga veprimtatitë kriminale, u sekuestruan në kuadër të operacioneve “Real Estate 1” dhe “Real Estate 2”, të zhvilluara nga Policia e Elbasanit.

Kontrollet e vazhdueshme për evidentimin dhe goditjen e veprimtarisë së paligjshme në fushën e lojërave të fatit kanë zbuluar 20 lokale/ambiente të tjera të përshtatura për këtë veprimtari. 10 kompjuterë dhe 40 celularë që përdoreshin për këtë veprimtari u sekuestruan si provë materiale, bashkë me shuma të konsiderueshme parash të përfituara prej saj.

Si rezultat i operacioneve të tjera në fushën e krimeve ekonomiko-financiare janë sekuestruar mallra të ndryshme të kontrabanduara, me vlerë të konsiderueshme, 40 automjete, rreth 110 000 euro dhe 2500 euro false.

Denoncimet e shtuara të qytetarëve, për keqpërdorimin e të dhënave të tyre, në rrjetet sociale, kanë intensifikuar punën hetimore të Sektorëve për Hetimin e Krimeve Kibernetike në çdo DVP, për hetimet e këtyre rasteve dhe vënien e autorëve, përpara përgjegjësisë penale.

Gjatë këtij muaji, janë identifikuar dhe nxjerrë përpara përgjegjësisë penale, 33 shtetas që kanë keqpërdorur të dhënat e shtetasve të tjerë, për hapjen e llogarive false në rrjetet sociale, me qëllimi përfitimi apo denigrimi.

2 operacione kërkim-shpëtimi janë zhvilluar nga Policia e Shkodrës dhe ajo e Tiranës, për t’iu dhënë ndihmë 2 turisteve që kishte mbetur të bllokuara në mal dhe një alpinisti që kishte dëmtuar këmbën.

Policia Rrugore dhe makinat inteligjente kanë qenë prezente gjatë këtij muaji, në të gjitha akset e vendit, me qëllimet e vetme: parandalimin e aksidenteve rrugore dhe lëvizjen e lehtësuar të përdoruesve të rrugës.

Si rezultat i punës parandaluese dhe monitorimeve të pandërprera:

Janë vënë në pranga 176 drejtues mjetesh, nga të cilët 111 për drejtim të mjetit në gjendje të dehur dhe 65 për drejtim të mjetit pa leje drejtimi;

Janë pezulluar 328 leje drejtimi, nga të cilat 215 për tejkalim të normave të shpejtësisë, 52 për drejtim mjeti, nën ndikimin e pijeve alkoolike dhe 61 për shkelje të tjera të Kodit Rrugor, për të cilat parashikohet kjo masë administrative.

Ndërkaq, Policia Kufitare ka ofruar shërbim cilësor, të shpejtë dhe etik, për qytetarët në hyrje/dalje, në të gjitha pkk-të, si dhe ka garantuar qarkullimin e lirë dhe të sigurtë të shtetasve, mallrave dhe shërbimeve.

Gjatë muajit shkurt, në përmbushje të detyrave për parandalimin dhe goditjen e krimeve ndërkufitare, janë evidentuar dhe goditur:

25 raste të kalimit të paligjshëm të kufirit;
13 raste të përdorimit të dokumenteve false për të kaluar kufirin;
4 raste të trafikimit të mjeteve motorike;

3 raste të kontrabandimit të mallrave;
7 raste të mosdeklarimit të shumave monetare;
3 raste të braktisjes së të miturve.

Ndërkohë, nga strukturat e Policimit në Komunitet, kanë vijuar orët mësimore dhe aktivitetet sensibilizuese në shkolla, si dhe në bashkëpunim me oficerët e sigurisë dhe gjithë zinxhirin e sigurisë në shkolla, ka vijuar zbatimi me korrektësi i masave të përcaktuara në Paketën për Sigurinë në shkolla.

Policia e Shtetit garanton se do të vijojnë intensivisht megaoperacionet “Sundimi i ligjit” dhe “Tempulli 2”, me bashkëpunimin e qytetarëve dhe të partnerëve ndërkombëtarë, për të krijuar një ambient të sigurtë dhe për të garantuar zbatimin e të drejtave të qytetarëve.

The post Policia bën bilancin/ Nga dhuna në familje te grabitjet dhe trafiku i drogës, arrestohen 467 persona vetëm në një muaj appeared first on Albeu.com.

Çdo ditë raportohen raste ku viktima zakonisht janë gratë dhe vajzat që përjetojnë dhunë psikike e fizike nga bashkëshortët e tyre, por edhe nga anëtarët tjerë të familjes.

Ato shpeshherë nuk kanë guxim t’i denoncojnë këto raste në Polici për shkak se përballen me kanosje serioze.

Së fundi Policia ka intervenuar edhe në një familje në Fushë Kosovë, ku një burrë po dyshohet se ka kërcënuar kunatën e tij.

Burimet kanë bërë me dije se i dyshuari ka përfunduar dy herë brenda ditës në Polici, pasi fillimisht ishte liruar kur u denoncua nga prindi i kunatës së tij, të cilin dyshohet se e kërcënoi po ashtu.

Gjithë rasti dyshohet se ndodhi pasi i dyshuari u kap me gruan e vëllait, të cilën e ka kanosur seriozisht dhe nuk e ka lejuar të qëndrojë në shtëpinë e burrit të saj.

Ai dyshohet se e ka paralajmëruar se do ta pësojë keq, duke iu drejtuar me fjalët “Trutë në tokë t’i qes…”.

Përballë kësaj situate, prindi i viktimës e ka raportuar sërish rastin në Polici, me ç’rast u zbuluan të gjitha detajet dhe si rezultat, i dyshuari është arrestuar dhe shoqëruar në stacion policor për intervistim.

Pas përfundimit të procedurave policore, Prokurori i Shtetit ka urdhëruar që ndaj të dyshuarit të iniciohet rasti ‘Kanosje’ dhe i njëjti të dërgohet në mbajtje.

The post “Trutë n’tokë t’i qes…”, 32-vjeçarja kërcënohet nga kunati, ia ndalon të qëndrojë në shtëpinë e burrit appeared first on Albeu.com.

Juristja Drita Agaj thotë se numri i divorceve shënon një trend rritës veçanërisht vitet e fundit, ndërsa problem mbetet trajtimi i këtyre çështjeve në dyert e gjykatave.

“Gjykatat për shkak të mungesës së kuadrit të gjyqtarëve i ka një njësuar në mënyrë të barabartë me çështjet e tjera. dhe nuk kanë menduar që këtë çështje të trajtohen më afate më të përshpejtuara pasi ato sjellin dhe pasoja veçanërisht te fëmijët.”, tha juristja Drita Agaj.

Vitet e fundit janë shtuar edhe rastet e vrasjeve të grave, përdhunimet, dhe rrëmbimet. Por sipas juristes shteti nuk ka bërë sa duhet për frenimin e këtyre rasteve.

“Në qoftë se shteti më implementimin e ligjeve ndërton edhe kushte qoftë edhe strehëza banimi sociale që gratë e ndara për keqtrajtim nga dhuna të kenë ku të strehohen, apo dhe meshkujt e dhunuar po ashtu atëherë këto gjëra zgjidhen.”, shtoi Agaj.

Dhuna në familje, e cila shpesh është shkak kryesoi i divorceve ka ndikuar ndjeshëm edhe në formimin e fëmijëve.

The post Rriten shifrat e divorceve në Vlorë, juristët: Shkak shtimi i rasteve të dhunës në familje appeared first on Albeu.com.

Por E.S., nuk e kishte parashikuar se deri ku do të shkonte i dashuri i saj, një burrë i martuar dhe me katër fëmijë.

Ai e dhunoi këngëtaren shqiptare për shkak të xhelozisë që nuk mundi dot ta frenojë. Deri aty sa ai u kthye në një përndjekës dhe i fiksuar pas bukurisë së artistes popullore në Shqipëri.

Në dosjen që policia i tregoi ekskluzivisht Gazetasi.al, shpjegohet se si këngëtarja E.S., me banim në rrugën “Ndre Mjeda”, i tha policisë se u lidh me një 34-vjeçar nga Prishtina që jetonte në Kosovë dhe që rezulton të jetë me arsim të mesëm dhe me statusin i martuar.

“Nga viti 2015, bashkëjetova në Kosovë me T.F., ndonëse ai është i martuar dhe me katër fëmijë”, – shprehet përpara policisë këngëtarja.

Marrëdhënia jonë fillimisht ishte normale, por me kalimin e kohës, ajo pasoi me me mosëmarrëveshje që startonin nga xhelozia”, – ankohet më tej në policinë e kryeqytetit këngëtarja.

Referuar denoncimit të këngëtares, në vitin 2018, kosovari nisi dhunën fizike. “Dhuna u bë prezente për shkak se unë jam këngëtare dhe për shkak të xhelozisë T. F., nuk më lejonte të këndoja në Kosovë. Në vitin 2018 u detyrova të kthehem në Tiranë”, – vijon ajo.

Por pavarësisht këtij vendimi që do të thoshte ndarje e çiftit, në dhjetor 2018 këngëtarja shprehet se u dhunua deri aty sa 34-vjeçari nuk kurseu as grushtet në fytyrë.

“Në vitin 2019, në prani të nënës time ai ushtroi dhunë fizike dhe më ofendoi”. Por me kalimin e kohës, këngëtarja vendosi që të rikthehej tek i dashuri i martuar, duke e vazhduar lidhjen në 2020-ën.

“U takuam me njëri-tjetrin në qytetin e Tiranës dhe marrëdhënia vazhdoi në Shqipëri. Por ai nuk më lejonte të dilja me shoqërinë dhe më fyente vazhdimisht me fjalor të ndyrë”, – kujton e reja, që është e njohur për publikun shqiptar. Por që Gazetasi.al ka vendosur mos ta publikojë identitetin e saj.

Lidhja e tyre, sipas dosjes që iu tregua Gazetasi.al, ka vijuar me ulje e ngritje, herë me ndarje, kur burri i martuar kthehej tek familja, e herë me pajtim.

“Erdhi në shtëpinë time dhe më kërkoi të vazhdonim së bashku. Por kisha vendosur ta mbyllja historinë. Ai vazhdoi me kërcënime dhe fyerje në adresën time dhe kjo ndodhi sapo ai mësoi që unë i isha kthyer punës si këngëtare. Në mënyrë të përsëritur më shqetëson me telefonata dhe insiston që lidhja jonë të vijojë, ndërkohë që unë nuk dëshiroj më të jem me të”.

E reja kujton se ankthi prej kërcënimeve të ish të dashurit, iu bë pjesë e përditshmërisë.

“Më fyen në prani të familjarëve të mi, më kanos dhe më kërcënon. Skenat e dhunës i ka parë edhe mamaja ime dhe mesazhet kërcënuese ai ua dërgon edhe prindërve të mi”, – denoncoi këngëtarja sipas materialit që iu tregua Gazetasi.al.

Në tentativë për të realizuar një ndarje normale, e reja kujton se duroi për disa vite, megjithëse ish i dashuri i saj nuk heq dorë prej saj dhe kërkon që të vijojnë marrëdhënien me këto kushte.

Pas kësaj ankese në polici, shtetasi kosovar, sipas policisë, u arrestua, por më pas u la nën masën e detyrimit me paraqitje.

Kallëzuesja lëshoi një deklaratë noteriale numër 5864 të firmosur para një notereje, ku evidentohet se i dyshuari nuk e ka bezdisur më dhe se nuk kanë pasur kontakte me njëri-tjetrin.

“Këngëtarja thotë se ajo është dakord që ish i dashuri mos të procedohet penalisht, por duke lënë në fuqi vetëm urdhrin e mbrojtjes”, – citohet në shkresa.

Pavarësisht kësaj, të hënën e parë të çdo muaji i riu është urdhëruar të paraqitet në orën 10 para policisë gjyqësore./ Gazeta Si/

The post Përndiqet nga i dashuri xheloz, këngëtarja shqiptare rrëfen dramën: Më mbyllte në shtëpi dhe më rrihte në prani të nënës appeared first on Albeu.com.

Gruaja u shpëtua në një shtëpi në Guaratiba, në perëndim të Rio De Janeiro të Brazilit. Ndërkohë autoritetet kanë arrestuar bashkëshortin. Sipas mediave, burri i kishte thënë gruas që do të dilte vetëm kur të ishte e vdekur. Mësohet se ata kishin 23 vjet të martuar.

Gruaja ka thënë se kishte raste që 3 anëtarët e burgosur qëndronin për 3 ditë pa bukë, ndërsa dhuna fizike apo psikologjike ishte e pashmangshme.  Po ashtu, shtëpia ku mbaheshin ata ishte me pak dritë dhe e pistë. Dy fëmijët 19 dhe 22 vjeç ishin të lidhur dhe të uritur kur u gjetën, sipas policisë.

Kreu i policisë ushtarake tha se fëmijët ishin keqtrajtuar në atë mënyrë saqë mendohej se ishin dy fëmijë të mitur. Ata janë dërguar të gjithë në spital ku po marrin ndihmë mjekësore.

The post Burri burgos gruan dhe fëmijët në shtëpi prej 17 vitesh: Do dalësh kur të vdesësh appeared first on Albeu.com.

Ngjarja e rëndë ka ndodhur në qytetin e Napolit pasi një 74-vjeçar ka qëlluar disa herë me gërshërë në fyt dhe gjoks bashkëshorten e tij 71-vjeçare e cila fatmirësisht ndodhet jashtë rrezikut për jertën shkruajnë mediat italiane.

Policia është ende duke hetuar shkaqet e ngjarjes. Duket se i moshuari ka përfituar nga fakti që gruaja e tij ishte duke fjetur për ta goditur me gërshërë në fyt dhe gjoks. Gruaja e përgjakur ka bërtitur ndërsa kanë qenë fqinjët që kanë thirrur karabinierët dhe pak më pas kanë mbërritur familjarët, të cilët kanë shpëtuar 71-vjeçaren.

Më pas gruaja iu nënshtrua një operacioni urgjent dhe u shtrua me një prognozë të rezervuar.

The post E RËNDË/ Burri tenton të vrasë në gjumë gruan, e godet me gërshërë në fyt dhe gjoks appeared first on Albeu.com.

Sipas policisë, i riu i ka thyer telefonin të dashurës dhe e ka dhunuar. Nuk dihen se cilat kanë qenë arsyet që kanë nisur debatin mes tyre.

“A. C., 32 vjeç, banues në Tiranë, për veprat penale “Shkatërrimi i pronës” dhe “Dhuna në familje”, pasi i ka thyer telefonin të dashurës dhe ka ushtruar dhunë ndaj saj”, njofton policia.

Materialet i kaluan Prokurorisë, për veprime të mëtejshme procedurale.

The post Çfarë ndodhi? 32-vjeçari i thyen telefonin të dashurës dhe e rreh në mes të Tiranës appeared first on Albeu.com.

Vrasja ka ndodhur në lagjen Gogna, një zonë periferike në Vicenza.

Vrasësi u gjet i pajetë në një makinë të parkuar në një unazë perëndimore të Viçenzës. Tgcom shkruan se brenda makinës, përveç autorit, ishte dhe një tjetër trup i pajetë. Ndërkohë raportohet se burri pas vrasjes kishte shpërthyer edhe dy bomba.

The post E RËNDË/ Vret ish-partneren serbe në Itali me armë, autori gjendet i vdekur në makinë, me të dhe një trup tjetër i pajetë (FOTO LAJM) appeared first on Albeu.com.