Prokuroria ndryshoi akuzën për anëtarët e fisit Rraja në lidhje me episodin e dhunës ndaj Bilbil e Jashar Majës.

Ndryshe nga nisja e hetimit për “plagosje të rënë me dashje, në bashkëpunim” pas publikimit të dhunës me shkopinj bejsbolli prokuroria ka vlerësuar që hetimit duhet të vijojë për akuzën e “plagosjes së lehtë me dashje”.

Ndryshimi i kualifikimit ka ardhur pas administrimit të akt-ekspertimeve mjeko ligjore ndaj të dëmtuarve.
Përveç lehtësimit të pozitës penale, akuza e re kërkon ankim nga të dëmtuarit për vijimin e hetimit.

Por më pas kushërinjtë Maja kundërshtuan aktin mjeko-ligjor.

Mësohet se ata kanë hequr dorë nga ankimi për Rrajat, por do të bëjnë kallëzim kundër eksperteve që kanë bërë aktin mjeko-ligjor.

Ndërkohë Jashar Maja në një intervistë për News24 theksoi se do të kërkojë riekspertim, duke u shprehur se ka ende fraktura. Ai tregoi se nuk e ka lexuar dokumentin që ka firmosur.

The post “Plagosje e lehtë” pas lehtësimit të akuzës ndaj Rrajave, prokuroria e Tiranës urdhëron riekspertim për dhunën ndaj kushërinjve Maja appeared first on Albeu.com.

Sipas informacioneve paraprake, temë diskutimi janë ngjarjet e fundit kriminale, me në krye sulmin e fisit Rraja ndaj kushërinjve Maja dhe atentatin ndaj Gentjan Bejtjës së Larushk të Krujës, ku mbeti i vrarë Ramazan Sino dhe u plagosën dy fëmijët e shënjestërës.

Kujtojmë se pamjet e publikuar ditën e djeshme, ku shiheshin rreth 10 anëtarë të fisit Rraja duke dhunuar barbarisht me shkopinj bejzbolli në një kafe dy kushërinj të fisit Maja në Borizanë. Madje, vëllai i deputetit të PS, Rrahman Rraja, i drejton armën njërit prej tyre.

Policia ka arrestuar 4 prej tyre, ndërsa vijon puna për kapjen e tre të tjetrëve, mes tyre dhe djali i deputetit Rraja, Ramazan Rraja, i arrestuar dhe në vitin 2018, për dhunën ndaj Xhisiela Malokut.

Sherri i fundit në Borizanë ka ndodhur për shkak të Gurores së Krujës e cila është në pronësi të Rrajave, ndërsa Majat kanë denoncuar në polici se punimet në të sjellin shumë zhurmë dhe gjithashtu kanë dëmtuar banesat.

Kujtojmë se dje, Çuçi reagoi ku u shpreh  se pamjet e dhunës në Krujë janë të papranueshme dhe se askush nuk është mbi ligjin, duke shtuar se autorët nuk do t’i shpëtojnë përgjegjësive.

Reagimi i Çuçit:

Të rënda e të papranueshme pamjet e dhunës në Krujë. Askush nuk është mbi ligjin dhe s’mund t’u shpëtojë përgjegjësive në asnjë rrethanë. Policia e Shtetit ka ushtruar kontroll të imtësishëm në banesat e të dyshuarve, ka arrestuar 4 persona sot herët në mëngjes dhe po punon për kapjen sa më parë të 3 të tjerëve të përfshirë në ngjarje. Çdo insinuatë tjetër s’ka lidhje me të vërtetën dhe me punën e Policisë së Shtetit për të çuar autorët përpara drejtësisë.

The post Krimi në Larushk dhe dhuna ndaj kushërinjve nga Rrajat, Çuçi i shkon në zyrë drejtorit të Policisë së Shtetit appeared first on Albeu.com.