Në një postim në rrjetet sociale, Spiropali shkruan se Anagnosti do të mbetet përgjithmonë në panteonin e artit kombëtar dhe do të jetojë në kujtesën tonë si komb si një ndër më të mëdhenjtë e kinemasë shqiptare.

“Dhimitër Anagnosti, artisti, kineasti, skenaristi dhe regjisori i klasit të parë, u largua sot nga bota jonë, duke lënë pas dhjetëra filma të tij, në të dy kohët, në të cilët pasqyroi në mënyrë të epërme botën shqiptare. Me personazhet emblematikë që krijoi, Anagnosti do të mbetet përgjithmonë në panteonin e artit kombëtar dhe do të jetojë në kujtesën tonë si një ndër më të mëdhenjtë e kinemasë shqiptare.

Kuvendi i Shqipërisë nderon sot me respekt të thellë deputetin që shërbeu me përkushtim gjatë dy legjislaturave,1991–1992 dhe 1992–1996, si dhe ministrin e Kulturës, Rinisë dhe Sporteve gjatë viteve 1992–1994.

U prehsh në paqe Mjeshtër!”

The post Ndarja nga jeta e regjisorit Dhimitër Anagnosti, Spiropali: Një ndër më të mëdhenjtë e kinematografisë shqiptare! Shërbeu me përkushtim edhe si deputet e ministër appeared first on Albeu.com.