Në shumë raste, ky çlirim gjendet në kutinë e shpejtë ku ruhen me fanatizëm medikamentet kundër dhimbjeve.

Në rast dhimbjeje, njeriu ka tendencën të marrë ilaçin për të cilin është i bindur që funksionon, ndonëse ai mund të mos adresojë siç duhet dhimbjen në fjalë.

Rrjedhimisht, ekspertët rekomandojnë që përpara marrjes së një ilaçi, njeriu duhet të kuptojë prejardhjen e dhimbjes.

Disa burime të dhimbjes mund të dëshifrohen shumë lehtë.

Nëse keni kaluar një ditë të lodhshme përpara kompjuterit, atëherë me siguri do të goditeni nga dhimbja e kokës si pasojë e tensionit.

Nëse keni kaluar gjithë ditën duke bërë punë të rënda shtëpiake, do të përballeni me dhimbjen e shpinës.

Por jo çdo dhimbje ka një burim kaq të qartë, sidomos ato që shfaqen për herë të parë.

Dhimbja e gjurit apo e ijeve kur dilni shëtitje apo dhimbja e fundshpinës që nuk di të mbarojë mund të jenë tregues të një problem më të thellë shëndetësor.

Nga ana tjetër, ka disa lloje dhimbjesh akute që mund të trajtohen me medikamentet që ruani në kutinë e shpejtë ose me një ndryshim të lehtë në stilin e jetesës.

Medikamentet E Duhura Kundër Dhimbjeve

Në farmaci mund të gjenden disa lloje medikamentesh me efekt qetësues që kontrollojnë dhimbjet duke ndërhyrë në zhvillimin, transmetimin apo interpretimin e mesazheve të dhimbjes në organizëm.

Këto barna mund të jenë efikasë në largimin e dhimbjeve të lehta dhe mesatare.

Disa syresh bëjnë mirë edhe kundër inflamacionit

Në farmaci mund të gjenden dy lloje ilaçesh kundër dhimbjeve

Ilaçet Që Merren Nga Goja
Ndër këto ilaçe mund të japim shembullin e aspirinës apo ibuprofenit që funksionojnë kundër dhimbjes që shoqërohet nga inflamacioni.

Megjithatë, këto ilaçe kanë efekte serioze anësore.

Ndër këto efekte përfshihen: të përzierat, dhimbjet në stomak ose ulçera.

Doza të mëdha të këtyre ilaçeve mund të shkaktojnë probleme me veshkat dhe tension të lartë të gjakut.

Rreziku është më i lartë për njerëzit mbi moshën 75 vjeç.

Ilaçet Për Përdorim Topikal

Në këtë kategori futen kremërat, xheli, solucionet spërkatëse ose fashat ngjitëse që vendosen në zonën ku njeriu ndien më shumë dhimbje.

Voltareni është një nga këto ilaçe që përdoret më shumë në Shqipëri.

Këto ilaçe mund të ulin dhimbjet pa efekte serioze anësore.

Ato aplikohen direkt në zonën e dhimbjes dhe nuk kanë asnjë ndikim në pjesën tjetër të trupit.

Këto barna rekomandohen për njerëzit e moshuar që janë më të rrezikuar nga ilaçet që merren nga goja.

Ndonjëherë dhimbjet mund të lehtësohen falë aplikimit të kompresave të ngrohta dhe të ftohta.

Këto kompresa bëjnë punë sidomos për dhimbjet e gjymtyrëve, qafës, shpinës e të tjerë.

E ftohta e mpin dhimbjen duke ngushtuar enët e gjakut.

E ngrohta nga ana tjetër qetëson muskujt dhe largon dhimbjen.

Nxehtësia rrit qarkullimin e gjakut në zonën e lënduar ose burimin e dhimbjes.

The post Dhimbjet akute, si të përzgjidhni trajtimin e saktë appeared first on Albeu.com.

Pothuajse çdo individ që e kalon njëherë këtë dhimbje, do të vuajë sërish prej saj. Të paktë janë njerëzit me dhimbje mesi që kanë vërtet një problem serioz. 90% e individëve që kalojnë një dhimbje mesi, do të kenë përmirësime brenda 2-6 javësh.

Duke pasur parasysh këto fakte, duhet të jeni të sigurt që dhimbja e mesit është e zakontë dhe ajo shkakton përgjithësisht probleme për një kohë të shkurtër, megjithatë mund të ndërmerrni masa për të lehtësuar shenjat dhe të parandaloni problemet e ardhshme.

Pse kam dhimbje mesi?

Ka shumë shkaqe të dhimbjeve të mesit. Mjekët nuk janë gjithmonë në gjendje të identifikojnë burimin e dhimbjes të pacientit.

Por mjeku do të bëjë çdo përpjekje për t’u siguruar që shenjat nuk vijnë nga një arsye serioze mjekësore, të tilla si kanceri apo një infeksion kurrizor.

Pjesa më e madhe e problemeve të mesit janë rezultat i amortizimit të shpinës gjatë shumë viteve.

Ky proces quhet degjenerim. Me kalimin e kohës, procesi normal i plakjes mund të rezultojë në ndryshime degjenerative në të gjitha pjesët e shpinës.

Lëndime në shpinë, të tilla si një frakturë apo lëndim në disk, mund të bëjnë që ndryshimet të ndodhin edhe më shpejt.

Nuk ka prova se pirja e duhanit përshpejton degjenerimin e shpinës, por shkencëtarët kanë gjetur lidhje mes anëtarëve të familjes, duke treguar se gjenetika luan rol në shpeshtësinë e ndodhjes së këtyre ndryshimeve.

The post Përse pasi kalojmë të 40-tat na fillojnë dhimbjet e shpinës? Mjeku i njohur: Ja pse ndodh appeared first on Albeu.com.

Këto janë probleme që përkeqësohen ndjeshëm në periudhën e verës dhe shpesh pacientët thonë se kur vjen vera është më e keqja për ta.

Si të shmangni përkeqësimin?

Mjekët kanë zbuluar se si të shmangni përkeqësimin e venave të zgjeruara në vapë.

Rekomandohet që të lëvizni më shumë, të jeni më aktiv fizikisht dhe ekspertët rekomandojnë not, çiklizëm dhe ecje në natyrë.

Është gjithashtu e rëndësishme të pini më shumë lëngje, të mos qëndroni shumë në diell, si dhe të bëni dush (sidomos këmbët) me ujë të nxehtë dhe të ftohtë të alternuar./albeu.com

The post Venat e zgjeruara përkeqësohen në verë, si të parandaloni dhimbjet e forta appeared first on Albeu.com.