Në një deklaratë, ministria tha se raketat e lundrimit Moskit u qëlluan nga anijet raketore të Flotës së Paqësorit.

“Objektivi, i vendosur në një distancë prej rreth 100 kilometrash (62,14 milje), u godit me sukses nga një goditje e drejtpërdrejtë nga dy raketa lundrimi Moskit”, tha ministria e mbrojtjes.

Raketa P-270 Moskit është një raketë lundrimi supersonike me rreze të mesme veprimi me origjinë sovjetike, e aftë të shkatërrojë një anije brenda një rrezeje deri në 75 milje.

Kjo vjen një javë pasi dy avionë bombardues rusë, të aftë për të mbajtur armë bërthamore, fluturuan mbi Detin e Japonisë për më shumë se shtatë orë në atë që Moska tha se ishte një “fluturim i planifikuar”./albeu.com

The post Moska lëshon raketa supersonike në Detin e Japonisë appeared first on Albeu.com.

Një nëndetëse testoi me sukses një raketë kalibri te larte në Detin e Japonisë duke goditur një shënjestër që ndodhej mbi 1 mijë kilometra larg.

Konfirmimi vjen nga ministria ruse e mbrojtjes. Nëndetësja e re lëshoi raketën nga poshtë ujit dhe goditi një shënjestër në tokë. Kjo stërvitje ka për synim që të zhvillojë një algoritëm veprimesh për të qëlluar me armë me saktësi të lartë, tha ministria e mbrojtjes.

Analistët thonë se testi ishte një mesazh për Japoninë, vend i cili pretendon ishujt Kuril, të cilët janë aneksuar nga Bashkimi Sovjetik gjatë Luftës së Dytë Botërore.

Mosmarrëveshjet lidhur me këto territore kanë ndaluar Rusinë dhe Japoninë që të firmosin traktatin zyrtar të paqes./albeu.com/

The post Rusia tregon “dhëmbët”, teston me sukses një raketë kalibri të lartë në det appeared first on Albeu.com.