Të gjitha këto vende ofrojnë eksperienca sezonale që duhen provuar një herë në jetë, me shumë gjëra të reja për të zbuluar. Janë vende që kënaqin udhëtarët nga më të ndryshmit me llojet e plazheve, adhuruesit e qytetit, aventurierët në natyrë dhe më shumë.

Sidnei Australi – Mund të bëni serf, të vizitoni galeri të ndryshme dhe të bëni shëtitje. Me rrokaqiejt dhe monumentet e tij, Sidnei nxjerr energjinë e një qyteti të madh dhe ofron diçka më shumë. Natyra është lehtësisht e arritshme, kështu që nuk ka mungesë të hapësirës për të marrë pak ajër të pastër, me vende për të bërë sërf dhe shtigje të natyrës në një distancë të shkurtër apo larg. Ora verore, gjatë muajit shkurt, i fton të gjithë të dalin jashtë dhe të eksplorojnë. Qyteti shfrytëzon sa më shumë klimën e favorshme duke ofruar një kalendar plot ngjarje, si Festivali i Sidneit, Viti i Ri Kinez dhe WorldPride. Por teatri i Operës dhe shëtitjet bregdetare në majë të shkëmbinjve janë mahnitëse në çdo kohë të vitit. Një udhëtim në Sydney Toëer Eye rekomandohet për të admiruar pamjen e qytetit dhe të gjitha atraksionet që ofron nga lart.

Shën Thomas, Ishujt e Virgjër të SHBA -Plazhet dhe klima janë pothuajse perfekte, për të mos përmendur festivalet në rrugë dhe regatat me vela. Këtë vit rikthehet festa më e madhe e muzikës karaibe në det: UberSoca. Me brigje të pafundme dhe disa nga ujërat më të kthjellta jashtë Havait, St. Thomas është një ëndërr për ata që duan të kalojnë ditën në plazh. Nëse është hera e parë që zhyteni me snorkeling, është Secret Harbor, një liman i vogël pa dallgë që është i përsosur për të mësuar. Mrekullohuni në Charlotte Amalie, kryeqyteti dhe porti i anijeve turistike, me arkitekturën e saj koloniale me ngjyra të ndezura dhe legjendat e piratëve. Një gjë që duhet vizituar në prill, kur St. Thomas shndërrohet në një skenë verbuese të garave me jahte për Regattën vjetore të Rolex Cup.

Grand Canyon, Shtetet e Bashkuara -Panorama, shtigje dredha-dredha ecjeje dhe shansi për të admiruar një nga peizazhet më të jashtëzakonshme në Amerikë. Kjo mrekulli natyrore është në krye të listave të udhëtimit në vitin 2023. Ky park kombëtar popullor me kartolina është një pamje befasuese, me shkëmbinj të kuq dhe mure të lakuara të kanionit aq sa mund të shohë syri. Prandaj tërheq miliona turistë çdo vit. Për kaluar kohë vetëm në natyrë, është më mirë të përfitoni nga periudha dhjetor-shkurt, kur vizitorët janë dukshëm më pak se turmat e pikut të verës. Edhe pse është ftohtë, me temperatura maksimale rreth 7°C, kjo periudhë ofron atraksionet e saj, si mundësia për të parë muret e kanionit të mbuluar me borë.

Tokio, Japoni –Me rihapjen e kufijve Japonia po rikonfirmon veten si një destinacion turistik që duhet vizituar. Sezoni i lulëzimit të qershisë është pothuajse afër, nga fundi i marsit deri në prill. Për të përfituar sa më shumë nga pamjet, planifikoni udhëtimin tuaj përpara sezonit turistik të pikut të verës. Ka shumë vende për t’u vizituar, duke përfshirë komplekse të reja gjigante tregtare, hotele elegante dhe restorante të drejtuara nga kuzhinierë të famshëm të rinj. Vendasit dhe vizitorët përsëri dynden drejt rrokaqiejve futuristikë dhe kryqëzimit Shibuya, një pikë e njohur për gjallërinë e saj. Frenimi tipik i këtyre vendeve zvogëlohet në dimër dhe në fillim të pranverës. Marsi dhe prilli janë muajt më të mirë të lulëzimit të qershisë, kur i gjithë qyteti ngadalëson hapin për të kaluar nën mijëra lule rozë. Tempujt budistë dhe kopshtet e qeta ofrojnë momente të tjera të qeta, sikurse disa bare të fshehta dhe jo modeste me muzikë vinyl dhe thesare të tjera të vogla që shpesh janë të vështira për t’u gjetur.

Riviera Maya, Meksikë –Një shtrirje e bregdetit të Karaibeve në Gadishullin Jukatan të Meksikës, Riviera Maya është e mbushur me qytete plazhi të qetë si Isla Mujeres, Tulum dhe Puerto Morelos, dhe Kankun që është gjithashtu në një distancë të shkurtër. Me resortet e sapohapura dhe hapjen e shtegut të parë të ecjes në distanca të gjata në vend, kjo është padyshim shëtitja perfekte. Duke u shtrirë nga fshati i peshkimit të Puerto Morelos deri në Rezervatin e Biosferës Sian Ka’an, Riviera Maya zë një shtrirje të konsiderueshme të bregdetit të Karaibeve. Në destinacionet e lakmuara si Kankun, Tulum, Isla Mujeres dhe ishullin Holbox, do të gjeni të gjitha llojet e plazheve, pavarësisht nga preferenca juaj. Do të keni mundësinë të eksploroni rrënoja të panumërta të shenjta dhe ujërat e thella blu, si dhe shijimi i përvojave të nivelit të lartë të zhytjes dhe snorkeling, veçanërisht në Xcaret dhe përgjatë shkëmbit koralor Puerto Morelos. Edhe familjet kanë shumë për të zgjedhur, do të gjejnë parqe ujore, kopshte zoologjike dhe plazhe të përsosura për ndërtimin e kështjellave me rërë.

Reykjavik, Islandë –Burime të nxehta, plazhe me rërë të zezë, ushqime të jashtëzakonshme nordike, Islanda është një ishull me peizazhe të mrekullueshme dhe një reputacion të respektueshëm të kuzhinës. Nëse nuk i keni parë kurrë Dritat Veriore, koha më e mirë për t’i parë ato është nga janari në prill. Për shumicën e vizitorëve në Islandë, Reykjavik është pika e nisjes për aventurat e egra që shtrihen përtej qytetit, si Zona Gjeotermale Geysir, Ujëvarat Gulfoss dhe Parku Kombëtar Thingvellir. Është gjithashtu një pikënisje e shkëlqyer për të shkuar në kërkim të Dritave Veriore, të dukshme nga shtatori në prill, kur netët janë më të gjata dhe më të errëta. Megjithatë, ia vlen t’i kushtoni disa ditë vizitës së qytetit, zemrës së kulturës islandeze. Për të shijuar kuzhinën nordike zgjidhni çdo pjatë të bazuar në peshk ose qengj, më pas zhytuni në skenën legjendare të muzikës së Rejkjavikut, ku artistët vendas të muzikës indie dhe elektronike gjallërojnë jetën e natës së qytetit. Pas një dite të plotë eksplorimi, mund të ngroheni në një nga burimet e shumta të nxehta në zonë, si Laguna e famshme Blu ose banjat publike të Sundhöllin, të preferuara nga vendasit.

The post Gjashtë destinacione që duhen vizituar një herë në jetë appeared first on Albeu.com.

Vendet evropiane kanë pasur kohë për të përsosur planifikimin urban dhe për të vënë nën kontroll transportin publik prandaj kjo e bën lëvizjen shumë të lehtë.

Udhëtarët mund të shijojnë një sërë pamjesh në një hapësirë ​​relativisht të shkurtër kohe. Nga arkitektura te qytetet unike dhe nga festivalet tek jeta e natës, nuk do të jeni aspak të kufizuar në zgjedhjet tuaja.

Gjithashtu, kufijtë e hapur të zonës Shengen bëjnë të mundur udhëtimin në pjesën më të madhe të Evropës me një vulë të vetme pasaporte në hyrje dhe dalje. Kjo përfshin shumë vende brenda Bashkimit Evropian si dhe vende bashkëpunuese si Zvicra.

Përmes këtij materiali po prezantojmë disa nga destinacionet më të mira në  kontinentin e vjetër dhe çfarë e bën secilin vend  kaq të veçantë.

Qyteti Hallstatt është një nga një nga vendet më të bukura në Austri, i cili po njeh mjaft popullaritet gjatë viteve të fundit. Qyteti alpin, i vendosur në bregun perëndimor të liqenit Hallstatt në rajonin malor Salzkammergut, është shtëpia e më pak se 1000 banorëve, që ofron një pamje të  jashtëzakonshme të Alpeve Austriake. Disa nga banorët më të dashur të qytetit janë mjellmat që kanë bërë shtëpinë e tyre në dhe rreth liqenit Hallstatt.

Zogjtë e famshëm u sollën në fund të shekullit të 19-të nga Perandoresha Elisabeth e Austrisë dhe bashkëshorti i saj, Franz Joseph i cili dikur zotëronte një vendpushim veror në këtë vend.

Ky qytet i vogël i fton vizitorët të humbasin në rrugët e tij shumëngjyrëshe, duke ofruar izolim dhe qetësi që nuk do ta gjeni në  qyetet e mbipopulluara në Evropë.

Nuk ka dyshim se qyteti i Pragës është një nga më madhështorët e Evropës. Pra, nuk është për t’u habitur se sa i zhurmshëm është kryeqyteti çek gjatë muajve të tij të ngrohtë.

I vendosur në zemër të Evropës, kryeqyteti i Republikës Çeke është një destinacion i preferuar për udhëtarët që janë të apasionuar pas qyteteve të  vjetra dhe arkitekturës. Ky qytet i madhështisë dhe kulturës së botës së vjetër mund të duket edhe më i bukur nën petkun e dëborës.

Ketu mund të vizitoni Kalanë e Pragës, e cila shërbeu si rezidencë për mbretërit dhe presidentët çekë. I gjithë kompleksi është i madh, aq sa  ka hyrë në Librin e  Rekordeve Guinness si kompleksi më i madh i kështjellës antike në botë.

Katedralja e Shën Vitit apo ura e Karlit i japin mundësinë çdo vizitori të prekin copëza nga e kaluara.

Por Praga mund të jetë fare mirë edhe një destinacion argëtues për shkak të festave dhe birrave të famshme. Nuk duhet shmangur as tregu i famshëm evropian i Krishtlindjeve, ku çdo vizitor mund të shijojë frymën festive të qytetit me pije sezonale si vera e nxehtë dhe pijet lokale.

Kryeqyteti baltik Talin është një qytet  përrallash. Mundësia për të bërë patinazh në akull në këtë vend është një mënyrë mjaft e mirë për të përballuar temperaturat e ulëta. Por nëse nuk ku pëlqen kjo zgjedhje mund të zgjidhni një sauna ose një spa të mirë.

Sigurisht, ekziston gjithmonë mundësia për t’u ulur në një bar apo kafene dhe për të parë borën që bie nga dritarja. Për të prekur kulturën e vendit mund të konsumoni ushqim në të ashtuquajturin Sheshi i Bashkisë së Talinit që ka  qenë zemra e qytetit për më shumë se tetë shekuj. Këtu stafi shërben me kostume dhe muzikantë që luajnë melodi të vjetra.

Por Talini është plot me hapësira të gjelbra ku vendasit dhe vizitorët mund të pushojnë, të kalojnë kohë dhe të shijojnë kafen e tyre. Ndër shumë parqe të mrekullueshme i veçantë është edhe ai i Pallatit Kadriorg i porositur nga Pjetri i Madh për të nderuar gruan e tij, Katerina.

Një përzierje e pemëve dhe livadheve të zbukuruara me kujdes sipas stilit  italian, francez dhe holandez bën që çdo cep i këtij parku të ofrojë një ndjesi tjetër.

Abisko është një fshat i vogël në pjesën veriore të Suedisë dhe shtrihet brenda Rrethit Arktik. Peizazhi është i mrekullueshëm, i përbërë nga male dhe pyje të bukura që ruajnë bukurinë e tij në të gjitha stinët gjatë gjithë vitit.

Në Abisko mund të shihni për të ashtuquajturat dritat  e veriut, një spektakël i vertetë ngjyrash. Qielli është i kthjellët në shumicën e ditëve të vitit, kështu që për të parë  këtë fenomen natyror duhet që qielli të jetë  i pastër dhe kjo është pikërisht  ajo që ofron ky fshat suedez.

Për më tepër, vendndodhja e Abisko bën që ky vend  të jetë i përsosur për të pare këtë fenomen natyror. Të shohësh dritat e veriut është me të vërtetë një përvojë magjike dhe mbetet magjepsëse sepse është  një përvojë ndryshe çdo here.

Budapesti është mjaft i famshëm në ditë të ftohta për ujërat e tij termalë. Një nga pseudonimet që ka kryeqyteti hungarez është “Qyteti i banjove termale” për shkak se në  kryeqytet ka rreth 120 të tilla.

Të parët që i përdorën ishin romakët dhe ende mund të shihni copëza nga historia në  një prej banjave publike të quajtur Thermae Maiores.

Të radhës që shijuan burimet e nxehta ishin osmanët dhe çuditërisht, disa nga banjat që ata ndërtuan janë funksionale edhe sot. Në fillim të shekullit të 20-të, Perandoria Austro-Hungareze ndërtoi disa nga banjat më ekstravagante.

Historia e gjatë e Budapestit mund të shihet fjalë për fjalë në stilet arkitekturore të ndërtesave që të lënë pa frymë. Stili barok vërehet në shumë fasada. Kjo është një nga format më të përhapura të arkitekturës në Budapest dhe dy nga shembujt më konkretë të këtij stili janë Kisha e Shën Anës dhe Pallati Mbretëror.

Artdashësit nuk duhet të humbasin Muzeun e Arteve të Bukura, Galerinë Kombëtare Hungareze apo Muzeun e Artit Bashkëkohor Ludwig. Ndryshe nga shumica e vendeve evropiane, Hungaria nuk  përdor euron, kështu që çmimet janë dukshëm më të ulëta se në vendet e tjera të BE-së që kanë monedhën e përbashkët.

Barcelona në dimër ka përfitimet e veta. Si fillim, qyteti është pak më i ngrohtë se kudo në Evropë, kështu që të kalosh kohë jashtë nuk do të jetë aq e vështirë.

Plus, vizita në  këtë stinë bën që të shmangni numrin e lartë të turistëve që  vijnë për të parë Barcelonën. Kështu do ta keni më të lehtë të vizitoni vende të tilla si Casa Batlló ,një nga monumentet më të famshme në Evropë.

Cilatdo qofshin arsyet tuaja për të vizituar Barcelonën në dimër, duhet të bëni një shëtitje përgjatë La Rambla. Lagja gotike në veçanti është e denjë për t’u eksploruar dhe shtëpitë atje janë shumë të ndryshme nga dizajni i shtëpive të tjera në Spanjë, veçanërisht ato në jug, siç janë ndërtesat andaluziane në Sevilje.

Një arsye tjetër për të vizituar qytetin në dimër janë çmimet. Duke qenë se ka më pak turistë në këtë stinë të vitit dhe kërkesa është më e ulët, do të mund të gjeni shumë më tepër oferta dhe të shijoni vendet më emblematike në mënyrë më ekonomike.

Nuk është patjetër nevoja që ta laheni në plazhet spanjolle për t’i shijuar ato. Ka fusha volejbolli dhe futboll pranë ku mund të bashkoheni me vendasit për një ndeshje.

E meqë jemi tek plazhet, riviera jonë shqiptare po promovohet gjithnjë e më shumë nga mediat e huaja. Lonely Planet, botuesi më i madh i udhërrëfyesve turistikë në botë, i cili zbuloi së fundmi destinacionet më interesante për t’u vizituar gjatë vitit 2023 futi në listën e saj edhe Shqipërinë.

“Në disa vende mund ta nisësh ditën në mal dhe ta përfundosh në det. Bukuria natyrore e Shqipërisë do t’iu lërë pa frymë. Shqipëria mund të fitojë një vend në listën tonë më të mirë në udhëtim për t’u çlodhur, por kur ecni nëpër malet e saj, pa dyshim që do të keni më shumë kohë për t’u lidhur me njerëzit që jetojnë atje”, përshkruan udhërrëfyesi global.

Lonely Planet ka sugjeruar një udhëtim katër ditor me disa ndalesa. Për udhëtarët që duan aventurën duhet që ta nisin me Shkodrën, me një nga qytetet më të vjetra në botë. Një ditë e bukur mund të nisë me një vizitë në Muzeun Kombëtar të Fotografisë Marubi. Përmes këtij muzeu mund të shihen imazhet e jetës së fshatit një shekull më parë.Pas konsumit të ushqimeve tradicionale dhe shëtitjeve, nuk duhet humbur vizita në Kalanë e Rozafës, për të cilën askush nuk e di se sa të vjetra janë themelet e saj.

Nga Shkodra mund të shkohet në Valbonë, jo më larg saj është edhe Thethi. Bujtinat në këtë vend janë me një stil tradicional. Në mëngjesin e ditës së katërt nuk duhet të mungojë një udhëtim në Syrin e Kaltër.

Megjithatë cilidoqoftë destanacioni juaj rëndësi ka të udhëtoni pasi siç shprehej edhe shkrimtari Hans Kristian Andersen të udhëtosh do të thotë të jetosh.

The post Ja destinacionet më të mira për t’u vizituar në 2023 appeared first on Albeu.com.

Përveç kësaj, blloku evropian ka pranuar rreth 3.4 milionë kërkesa për mbrojtje të përkohshme nga personat që i kanë ikur luftës së Rusisë në Ukrainë. Agjencia e BE-së ka thënë se në tërësi rreth gjashtë milionë njerëz i kanë ikur pushtimit rus, ndonëse një prej e tyre janë rikthyer në Ukrainë.

Sirianët kanë bërë rreth 117,00 aplikacione ndërsa afganët 102,000, të përcjellë nga shtetasit e Irakut, Pakistanit, Turqisë dhe Bangladeshit.

Destinacionet e tyre kyçe janë: Franca, Gjermania, Italia dhe Spanja.

Gjysma e të gjithë aplikanëve kanë qenë të grup-moshës 18-34, dhe rreth 70 për qind e tyre janë burra. BE-ja ka thënë se u ka pranuar kërkesat për azil apo mbrojtje 185,000 njerëzve.

Banorët e Eritresë kanë pasur shkallën më të lartë të pranueshmërisë – 81 për qind – derisa banorët e Gjeorgjisë shkallën më të ulët – tre për qind. Rreth 770,000 vendime janë ende në pritje, ka thënë agjencia. /REL/

The post Rriten kërkesat për azil, destinacionet më të kërkuar Franca dhe Gjermania appeared first on Albeu.com.

Pas disa testimeve avioni ka zbritur pasagjerët e parë. Rama ka bërë të ditur po ashtu se destinacionet e para fillimisht do të jenë nga dy herë në javë.

“Kryeministri Edi Rama në aeroportin e Kukësit, ku pas testimeve të suksesshme kompania WizzAir ul avionët e saj me 4 destinacionet e para drejt 3 vendeve Austrisë, Gjermanisë dhe Zvicrës, fillimisht nga dy herë në javë”, shkruan Rama. /albeu.com

The post WizzAir ul avionin e saj në Kukës, këto janë destinacionet e para (VIDEO) appeared first on Albeu.com.

SunSport zbuloi ditën e djeshme se CR7 do të largohej nga Man.Unired gjatë verës nëse klubi nuk kualifikohet në Ligën Kampionëve, por ku do të shkonte ai për sfidën e tij të radhës?

Pavarësisht së për pak ditë mbush 37-vjeç, Ronaldos nuk do t’i mungonin kërkuesit, veçanërisht pasi nëna e tij zbuloi se ai ka në plan të luajë deri në moshën 40-vjeçare.

Këto janë destinacionet e mundshme:

PSG

Gjigandët francezë janë të lidhur vazhdimisht me emrat e mëdhenj të futbollit dhe Ronaldo nuk është ndryshe.

Kjo lëvizje do të bënte bashkë për herë të parë  CR7 me Lionel Messin.

Real Madrid

Ish-skuadra e Ronaldos është e lidhur me kthimin e tij në vendin ku ai fitoi 4 Champions League. Pavarësisht se ai aty fitoi gjithçka, mbetet ende një destinacion.

Barcelona

Dikur rivali i hidhur, por tani Ronaldo mund ta gjejë veten të veshur me ngjyrat e katalanasve sezonin e ardhshëm.

Barcelona ka nevojë për një sulmues dhe Ronaldo do të ishte një zgjidhje afatshkurtër.

Sportingu i Lisbonës

Ronaldo mund të bëjë dy rikthime emocionale në dy vjet nëse vendos ta kthejë familjen e tij aty ku nisi gjithçka.

Inter Miami

E fundit, por jo më pak e rëndësishme, Ronaldo mund të vendosë  të lërë Manchesterin me shi për Miamin m e diell.

Skuadrën e MLS-së e zotëron Beckham i cili prej kohësh kërkon një nënshkrim të madh. r.t/albeu.com

The post Pesë destinacionet e mundshme të Ronaldos nëse Man.United nuk kualifikohet në Champions appeared first on Albeu.com.

Drejt qyteteve italiane mund të udhëtohet sot me 20 euro në një drejtim, në qytetet gjermane nga 15-30 euro, ndërsa dhe në destinacione të largëta, nëse prenoton herët në kohë, biletat luhaten nga 60-100 euro në një drejtim. P.sh në Abu Dhabi, biletat variojnë nga 30 në 80 euro në një drejtim, në varësi të sezonit dhe datave ku prenoton.

Për krahasimin e çmimeve të biletave në destinacione të ndryshme janë marrë datat rreth fundit të dhjetorit, (23-28), kur biletat janë përgjithësisht më shtrenjtë për shkak të lëvizjeve të shtuara të sezonit të festave dhe shkurtin (rreth datave 19-24), kur biletat janë përgjithësisht më të lira.

Italia

Për në Milano, në datat 25-28 dhjetor, bileta vajtje-ardhje kushton 60 euro, me Wiiz Air. Në shkurt, kur fluksi i lëvizjeve është më i ulët, çmimet ulen në 20 euro vajtje dhe 20 kthim.

Roma është pak më e shtrenjtë se Milano me Wizz Air, pasi dhe udhëtimet nuk janë të përditshme. Për në kryeqytetin italian, vajtja në 23 dhjetor kushton 28 euro, por kthimi është më i shtrenjtë në 145 euro. Në shkurt, biletat luhaten në rreth 70-120 euro vajtje-ardhje.

Me Air Albania, nga Tirana në Romë në 24 dhjetor bileta kushton 50 euro dhe kthimi në 29 dhjetor është 99 euro. Në shkurt, po me Air Albania, kryeqyteti italian është i arritshëm me 39-57 euro në një drejtim.

Nga Tirana në Verona, me Alba Wings, biletat fillojnë nga 50 euro (një drejtim) në dhjetor, ndërsa në shkurt ulen në 40 euro.

Londra

Në vitin 2020 Londra ia kaloi qyteteve italiane si Milano e Roma, duke u bërë destinacioni kryesor i fluturimeve nga Rinasi. Në 23 dhjetor vajtja drejt Londrës kushton 65 euro, me Wizz Air, ndërsa kthimi në 29 dhjetor është minimumi 100 euro. Në shkurt, Londra është e arritshme me 70-90 euro në një drejtim. Rreth dy vjet më parë, bileta në një drejtim kushtonte të paktën dyfish.

Stambolli

Me Air Albania, në Stamboll në fund të dhjetorit bileta kushton nga 53 euro një drejtim, nga Aeroporti i Rinasit. Po këto çmime janë dhe në muajt e tjerë.

Me operatorin tjetër Pegasus, në dhjetor vajtja në Stamboll në 24 dhjetor kushton 90 euro dhe kthimi në 27 dhjetor 45 euro. Në shkurt biletta ulen në 45-50 euro një drejtim.

Vjena

Në Vjenë me Wizz Air, një biletë vajtje kushton 35 euro në datën 24 dhjetor, ndërsa kthimi në 27 dhjetor është 110 euro. Në shkurt bileta vajtje ardhje drejt Vjenës kushton 90 euro.

Me Austrian Airlines, në dhjetor biletat kushtojnë nga 97 euro një drejtim dhe në këto nivele janë edhe në muajt në vazhdim.

Gjermania

Vitin e fundit janë shtuar ndjeshëm destinacionet dhe operatorët që fluturojnë drejt qyteteve gjermane. Për në Mynih, me Wizz Air, për vajtje në 24 dhjetor është 30 euro, ndërsa kthimi 110 euro. Në shkurt biletat ulen në 30 euro në një drejtim.

Për në Berlin, bileta në vajtje është 35 euro në 24 dhjetor dhe në kthim 65 euro në 27 dhjetor. Në shkurt mund të shkosh në Berlin me 29 euro dhe të kthehesh me 15 euro.

Destinacione të reja

Në Barcelonë në shkurt mund të udhëtohet nga Tirana me 15 euro një drejtim, ose 30 euro në total, me Wizz Air. Në 25 dhjetor Barcelona është e arritshme me 30 euro, ndërsa kthimi në datën 28 kushton 100 euro.

Në Madrid në fund të dhjetorit mund të udhëtohet me 55 euro një drejtim (po aq edhe kthim), ndërsa edhe në shkurt, biletat po rreth këtyre niveleve.

Nga fundi prilli mund të udhëtohet në Malmo të Suedisë me 100 euro vajtje-ardhje, në Billund të Danimarkës me 130 euro vajtje-ardhje./Monitor

The post Ulen çmimet e biletave nga Rinasi, sa kushton udhëtimi nëpër Europë appeared first on Albeu.com.