Ndërsa moti në Britaninë e Madhe është i ftohtë, mendimi për pushimet e ardhshme mund të jetë joshës.

Sigurisht, ne të gjithë po ëndërrojmë për diell dhe rërë, por ajo që mund t’i largojë njerëzit nga udhëtimet janë çmimet e larta.

Një faqe e TikTok-ut, e njohur si @travel.cove me mijëra ndjekës, tha se mund të rezervoni pushimet më të mira edhe nëse keni një buxhet të limituar.

Në video, faqja zbulon Shqipërinë si vendin ideal për të udhëtuar – pasi turistët britanikë mund të përfitojnë nga fluturimet vajtje-ardhje për 24 paund dhe nga hotelet që kushtojnë vetëm 32 paund për natë.

Por, kjo nuk është e gjitha,  pasi shpenzimet atje janë gjithashtu të lira, me 1,90 paund ju mund të konsumoni një krikëll birrë dhe një vakt me vetëm 8 paund.

Sipas “Skycanner”, ju mund të bëni fluturime të lira dhe akomodoheni në hotele me çmime të përballueshme.

Nëse planifikoni të udhëtoni në dhjetor, fluturimi kushton vetëm 30 paund me hotele me katër yje të disponueshme për 25 paund.

Ndërkohë, ekspertët e udhëtimeve mendojnë se koha më e mirë për të udhëtuar në Shqipëri është nga prilli deri në fillim të qershorit – ku moti është i shkëlqyer për ecje dhe çiklizëm.

Por, ju ende mund ta vizitoni midis dhjetorit dhe shkurtit pasi mund t’i shpëtoni turmave të vizitorëve.

Destinacioni më popullor në Shqipëri është Tirana, kryeqyteti i cili njihet për restorantet dhe baret e shumta.

Ju do të paguani 2-5 dollarë për një pjatë në një restorant lokal ose tezgë ushqimi në rrugë, ndërsa ngrënia në një restorant i nivelit të mesëm mund të kushtojë midis 5-15 dollarë.

Nëse ju pëlqen një vakt pak më i shijshëm, ai mund të kushtojë më shumë se 20 dollarë.

Në përgjithësi, kur bëhet fjalë për pije, kafeja kushton më pak se 1 euro, dhe një krikëll birrë vendase rreth 2 dollarë.

Padyshim që, varet nga vendi ku shkoni, pasi diku tjetër këto mund të jenë edhe më lirë. Vlen të kujtojmë se monedha zyrtare e Shqipërisë është Leku, por shumica e bankave, supermarketeve dhe hoteleve pranojnë karta krediti dhe debiti.

“Albania Tour Guides”, sugjeron se vendi nuk është i shtrenjtë për t’u vizituar në krahasim me destinacionet e tjera evropiane.

Shqipëria është një perlë e fshehur e Evropës, e cila krenohet me plazhet e bukura dhe malet mbresëlënëse.

Shqipëria ka plazhe mahnitëse dhe Saranda është një qytet i bukur bregdetar për t’u vizituar falë afërsisë me Ksamilin, një nga plazhet më të mira të rajonit.

Ndërkohë, Mali i Dajtit është një tjetër vend i mrekullueshëm për adhuruesit e natyrës, i cili ndodhet jashtë Tiranës.

Ju mund të udhëtoni me një buxhet të kufizuar dhe të shijoni diellin e nevojshëm.

The post “The Mirror”: Shqipëria destinacioni më tërheqës për britanikët edhe në dimër appeared first on Albeu.com.

Harrojeni të shpenzoni shuma marramendëse në destinacionet e njohura të mbipopulluara me turistë – ekziston një alternativë më pak e njohur – me çmime të përballueshme dhe peizazhe mahnitëse.

Çmimet e hoteleve kushtojnë vetëm 35 euro për një natë – ndërsa vizitorët e huaj nuk kanë më nevojë për viza – për të hyrë në vendin mesdhetar, Shqipëri.

Këto ujëra të kristalta blu nuk ndodhen në Spanjë, Greqi apo Itali – por në Shqipëri.

Plazhet mahnitëse dhe hotelet luksoze të Shqipërisë sapo kanë nisur të zbulohen.

Shqipëria – gjithashtu krenohet me qendrat mahnitëse kulturore dhe vargmalet malore.

E pasur me brigje dhe vargmale mahnitëse, Shqipëria po tërheq gjithnjë e më shumë turistë – të lodhur nga vendet e mbipopulluara turistike si Greqia dhe Majorka.

Sipas “Albania Tour Guide”, një dhomë dyshe në një hotel kushton pak më shumë se 35 euro për një natë.

Pushuesit gjithashtu mund të shijojnë një drekë ose darkë në restorantet lokale me më pak se 12 euro.

Shqipëria mundësoi udhëtimin pa viza këtë vit për 84 vende – duke përfshirë Britaninë e Madhe – pasi vendi mesdhetar po përqafon një bum turistik.

Kryeqyteti, Tirana është vetëm tre orë larg me linjë ajrore nga Londra.

Vendi më pak i njohur evropian – i vendosur në juglindje të kontinentit – regjistroi shifra rekord në sektorin e turizmit në vitin 2023.

Sipas Këshillit Botëror të Udhëtimit dhe Turizmit, shpenzimet ndërkombëtare ishin 45% më të larta se në vitin 2019 – viti i mëparshëm me një numër rekord vizitorësh.

Turistët e etur për Rivierën Shqiptare mund të vizitojnë jugun – ndërsa aventurierët mund të eksplorojnë fshatin malor të Thethit.

“Nëse udhëtoni në Rivierën Shqiptare qëndroni në Sarandë ose Ksamil në jug të Shqipërisë – pasi ajo është zona më e bukur e rivierës”, shkruan në faqen e saj guida turistike private shqiptare “Manon”.

Pjesa më e madhe e pikave turistike, si ishujt e Ksamilit, Syri i Kaltër i Sarandës, vendet e UNESCO-s si Gjirokastra dhe Butrinti ndodhen përreth kësaj zone.

Qëndrimi në hotelet në Sarandë ose Ksamil kushton rreth 35 euro – për një natë.

Vendi mesdhetar ofron një numër vendpushimesh luksoze për ata që duan të pushojnë si mbretër gjatë udhëtimit të tyre.

“Travel and Tour World” ka rekomanduar një pjesë të hoteleve të njohura të vendosura përgjatë vendit ballkanik.

“Hotel Mulaj” në zemër të kryeqytetit, Tiranës po fiton popullaritet, ndërsa “Hotel Mazarine” ofron një arratisje të paharrueshme bregdetare në Vlorë.

Për lehtësi, “mk hotel tirana” dhe “Hotel Verzaci” ndodhen të dy – pranë Aeroportit Ndërkombëtar të Tiranës.

Gjithashtu, në qendër të kryeqytetit ndodhet “Hotel Opera”, i cili akomodon turistët që vizitojnë rrethinat e atraksioneve më të mira kulturore.

Gradualisht, Shqipëria është shndërruar në një vend perëndimor – që nga rënia e regjimit komunist në vitet 1990.

Vendi mesdhetar, është kthyer në një opsion të ri arratisjeje për britanikët – pavarësisht bumit të fundit turistik.

Vija bregdetare, malet dhe qytetet historike – Shqipëria i ofron të gjitha.

Turistët mund të hanë dhe pinë jashtë me çmime të lira – në krahasim me destinacionet e tjera evropiane.

The post “The Sun” publikon pamjet: Shqipëria, destinacioni i ri i arratisjes për britanikët appeared first on Albeu.com.

Lojërat Olimpike janë planifikuar të zhvillohen nga 26 korriku deri më 11 gusht në Francë, kështu që do të ketë një fluks të numrit të fluturimeve drejt Parisit dhe sezoni do të jetë i ngarkuar, duke çuar në rritjen e çmimeve te konsumit.

Megjithatë, jo të gjitha destinacionet evropiane do të jenë të shtrenjta për turistët me një buxhet mesatar.

Ne ju sugjerojmë tre destinacionet më të lira në Evropë për të vizituar në vitin 2024, që përfshijnë Shqipërinë, Bosnjë-Hercegovinën dhe Bullgarinë.

Shqipëria

Shqipëria, e vendosur në zemër të Ballkanit, kaloi pjesën më të madhe të historisë së saj nën regjimin e diktaturës komuniste.

Vendi rilindi në shekullin e XXI, me një demokraci liberale dhe aspirata të qarta perëndimore, i cili aktualisht po kompenson kohën e humbur në frontin e turizmit.

Deri në vitet 1990, turistët nuk lejoheshin të vizitonin Shqipërinë, përveçse vetëm për arsye shumë specifike dhe me kushte strikte.

Shqipëria kufizohet me Detin Mesdhe dhe ofron plazhe të bukura me rërë të bardhë, të ngjashme me Maldivet dhe një pasuri të pamasë kulturore.

Nga rrënojat e lashta greko-romake të Butrintit, një nga zonat më magjepsëse arkeologjike në pellgun e Mesdheut, në Vlorën bregdetare dhe hijeshinë e Botës së Vjetër të Gjirokastrës dhe Beratit, dy qytete të listuara në UNESCO, me një trashëgimi të ruajtur mesjetare ky udhëtim nuk mund të ishte më tërheqës.

Për fat të mirë për turistët me buxhet të kufizuar, ky vend mesdhetar në trend është tepër i përballueshëm për të udhëtuar.

Ju mund të akomodoheni në hotele me tre yje në Vlorë, një nga destinacionet kryesore bregdetare, duke filluar nga vetëm 28 dollarë, ndërsa qëndrimi në resortet me pesë yje kushton deri në 168 dollarë.

Nëse vendosni të hani jashtë, në Shqipëri do të shpenzoni mesatarisht 20 dollarë në ditë për ushqimin, edhe nëse e trajtoni veten me një vakt më të këndshëm, me tre pjata dhe një kanë me verë në një restorant të nivelit të mesëm, nuk ka gjasa të faturoheni më shumë se 30 dollarë.

Në fakt, një udhëtim njëjavor në Shqipëri kushton vetëm 546 dollarë për person, duke e bërë atë destinacionin më të lirë mesdhetar.

The post “Travel off Path”: Shqipëria mes tre destinacioneve verore në Evropë për t’u vizituar appeared first on Albeu.com.

Kryeministri Edi Rama ndau sot pamje, ku të pasionuarit pas sporteve ujore e frekuentojnë atë në këto ditë shkurti.

Rama tha se me energjinë e sporteve natyrore Parku Kombëtar i Prespës është destinacioni perfekt për një fundjavë ekomiqësore,

arku Kombëtar i Prespës është një nga parqet natyrorë më të mëdhenj të Shqipërisë, me një sipërfaqe prej 27.500 ha. Ky park është një kombinim i veçantë i shkëmbinjve të lartë, fushave të gjelbra e ujërave të kaltër të liqeneve të Prespës.

The post Rama ndan pamjet nga Parku Kombëtar i Prespës: Destinacioni perfekt për një fundjavë appeared first on Albeu.com.

“Sot imazhi i Shqipërisë është shumë ndryshe, sado që mundohen dhe nuk po lënë dy gurë bashkë për ta goditur.  Pashë një artikull të revistës më të rëndësishme të turizmit “Lonly Planet” që e kishte renditur Shqipërinë në një nga 5 destinacionet për t’u vizituar në 2023. Dhe ju e keni parë se sa shumë revista, sa shumë portale globale, sa shumë gazeta të mëdha kanë shkruar për Shqipërinë si destinacion. Dhe nuk është e rastësishme, që në terma relativë, ka numrin më të madh të vizitorëve që nga 2019, kur goditi pandemia. Dhe nuk është rastësi që këto agroturzime që po ndërtohen, ia vlejnë”, tha Rama./albeu.com

The post Rama: Shqipëria renditet në top 5 destinacionet për t’u vizituar në vitin 2023 appeared first on Albeu.com.

Pasi morën një lum me urime e bekime nga miqtë e ndjekësit, çifti së bashku me bebushin në barkun e mamit nisën pushimet dhe zgjodhën një ishull fantastic të Afrikës siç është Seychelles. Marina ka publikuar mjaft foto nga andej ku vëmendjen kryesore e merr barku i rrumbullakosur.

Por duket se ditët e pushimit në ishull kanë mbaruar dhe tashmë çifti ka ndërruar destinacion.

“Po tani ku?”, shkruan Marina Vjollca në pozat nga avionic duke treguar se pushimet për to do zgjasin akoma./albeu.com/

The post Pushime pas pushimeve, Marina Vjollca dhe Getoari ndërrojnë destinacion (FOTO LAJM) appeared first on Albeu.com.