destinacion turistik Archives - Albeu.com

Taulant Balla: Shqipëria është çertifikuar si një destinacion turistik me një siguri publike mbresëlënëse

V K — Sun, 23 Jun 2024 08:45:04 +0000

Në një postim në rrjetet sociale, Ministri i Brendshëm Taulant Balla, ka reaguar lidhur me arrestimin e një 18-vjeçari, i cili në bahskëpunim me një të mitur, i vodhi disa sende me vlerë, dy turistëve gjermanë në Himarë.

Balla shprehet se Shqipëria është çertifikuar, si një destinacion turistik me një siguri publike mbresëlënëse.

“Përgëzoj Policinë e Shtetit Himarë për reagimin e menjëhershëm në ndalimin e autorit dhe kthimin e sendeve të vjedhura tek dy turistë të huaj”, shkruan ai.

Reagimi i Ballës:

“Shqipëria është çertifikuar si një destinacion turistik me një siguri publike mbresëlënëse.

Përgëzoj Policinë e Shtetit Himarë për reagimin e menjëhershëm në ndalimin e autorit dhe kthimin e sendeve të vjedhura tek dy turistë të huaj.

Do të bëjmë gjithçka ta ngulisim mirë në mendjen e keqbërësve se Policia e Shtetit është në vigjilencë të plotë për të garantuar siguri sa më të lartë publike në të gjithë territorin.

Shtëpia e shqiptarit është e zotit dhe e mikut????”, shkruan ai.

The post Taulant Balla: Shqipëria është çertifikuar si një destinacion turistik me një siguri publike mbresëlënëse appeared first on Albeu.com.

Ku të shkoni këtë verë? CNN rendit Shqipërinë mes 12 destinacioneve kryesore: Perlë mesdhetare!

Xh — Sun, 28 May 2023 15:59:13 +0000

Media prestigjioze CNN e ka rendisut Shqipërinë mes 12 destinacioneve turistike që duhen vizituar këtë verë. Sipas CNN, Shqipëria është perlë mesdhetare që ka mundësi të ketë më pak njerëz se Greqia dhe Kroacia këtë verë, thotë Joao Donadel, një këshillues udhëtimesh. Në përshkrim fokusohet në jugun e Shqipërisë që ka një sërë plazhesh dhe destinacionesh që nuk duhen humbur nga turistët si qyteti historik i Krujës.

“Ka një vijë bregdetare të mrekullueshme me plazhe; është Butrinti, një sit i Trashëgimisë Botërore të UNESCO-s që dikur ishte një koloni greke dhe qytet romak, i braktisur më vonë gjatë Mesjetës; plus ofron mundësi për shëtitje, ecje dhe eksplorim të jashtëzakonshëm”, shkruan CNN.

CNN ia ka dedikuar artikullin 12 destinacioneve turistike në botë që duhen vizituar këtë verë. Së bashku me Shqipërinë renditen edhe: Madridi, Spanjë; New York, SHBA; Piedmont, Itali; Los Anxhelos, Kaliforni; Peru; Santa Fe, Meksiko e re; Viena, Austri; Buenos Aires, Argjentinë; Malta dhe Tajlanda./Albeu.com/

The post Ku të shkoni këtë verë? CNN rendit Shqipërinë mes 12 destinacioneve kryesore: Perlë mesdhetare! appeared first on Albeu.com.