Gazetarja Klodiana Lala, bën me dije se në dëshminë e tij, Bajri tregon se Aldo Gjini ka kërkuar ta takojë dhe është paraqitur në qelinë e tij së bashku me Jurgen Zotajn.

Sipas Bajrit, gjatë takimit, Zotaj i ka dhënë një telefon, në linjë me Ibrahim Liçin. Ky i fundit, sipas dëshmisë së Bajrit, i ka drejtuar një kërcënim të drejtpërdrejtë.

“Jeta jote kaq e pati”, mësohet të ketë qenë mesazhi që, sipas Bajrit, Liçi i ka thënë në telefon. Më tej, Bajri pretendon se në ato momente Jurgen Zotaj ka tentuar ta sulmojë me thikë artizanale

“Aldo Gjini kërkoi të më takonte. Erdhi në qelinë time bashkë me Jurgen Zotajn. Zotaj më dha një telefon; në linjë ishte Ibrahim Liçi. Liçi më tha në telefon: “Jeta jote kaq e pati”. Në ato momente, Zotaj tentoi të më sulmonte me thikë”, ka dëshmuar ai.

Gjatë përleshjes, Bajri dhe Zoto mbetën të plagosur dhe u transportuan për ndihmë mjekësore. Pas ngjarjes, Komisioni i Disiplinës në Drejtorinë e Përgjithshme të Burgjeve vendosi të përjashtojë 8 efektivë të policisë dhe t’i referojë në Prokurori për shpërdorim detyre.

Shërbimi për Çështjet e Brendshme dhe Ankesat në Burgje është duke hetuar për të nxjerrë përgjegjësinë e punonjësve të policisë, të cilët kanë lejuar lëvizjet e të dënuarve dhe të paraburgosurve nga njëra godinë në tjetrën, si dhe faktin se ata kishin telefon, send rreptësisht të ndaluar në qeli.

Komisioni i Disiplinës urdhëroi masën e izolimit për 3 muaj për Gjinin dhe Zotajn. Aldo Gjini u transferua në Drenovë, ndërsa Zoto në burgun e Burrelit.

The post Jeta jote kaq e pati/ Sherri mes të dënuarve në burgun e Fierit, zbardhet dëshmia e Denis Bajrit: Urdhrin për të më sulmuar e dha Ibrahim Lici… appeared first on Albeu.com.

Ai tregoi se në momentet e para autori i vrasjes zbriti nga një automjet tip “Audi”, pati një bisedë me viktimën dhe më pas hapi zjarr.

Sipas dëshmisë së tij, pas krimit autorët dogjën automjetin e Bashaliut dhe u larguan nga vendi i ngjarjes.

“Pranë lokalit tim ka ndodhur një vrasje, rreth 3-4 vite më parë, pak para Vitit të Ri. Unë kam një biznes të vogël përpara shtëpisë, në fshatin Gjocaj të Peqinit. Atë mëngjes binte shi. Pashë një automjet tip “Audi”, ngjyrë e bardhë, me targa shqiptare dhe xhama të errët, të ndaluar pranë lokalit. Gruaja më tha se makina dukej e dyshimtë. U afrova, por nuk pashë njeri brenda.

Pas pak, njëri prej personave që ndodhej në makinë zbriti, iu afrua Albi Bashaliut dhe shkëmbeu disa fjalë me të. Menjëherë më pas u dëgjuan të shtënat me armë. Nuk e kisha parë ndonjëherë atë person; mbante maskë. Ai e qëlloi Albin 2 ose 3 herë. Djemtë që ishin ulur në lokal u trembën, u ngritën dhe u larguan. Në automjet ndodheshin dy persona, por vetëm njëri prej tyre qëlloi.

Albi ra në tokë. Më pas autorët u kthyen në automjetin e tyre dhe i vunë flakën makinës së viktimës. Unë u futa brenda lokalit. Vetëm shikoja, nuk bëra asgjë. Albi nuk kishte ardhur te lokali ynë kohët e fundit, që pas vrasjes së vëllait të tij. Nuk dija asgjë për të kaluarën e tij. Vëllai i Albit, Leonardi, ishte vrarë disa vite më parë. Albi rrinte kryesisht në Itali. Sa i përket autorit të ngjarjes, kam dëgjuar të përflitej emri i Albert Xhahysës. Kështu flitej në zonë, por unë personalisht nuk di asgjë”, tha Sami Bashaliu.

The post Zbardhet dëshmia e kushëririt të Bashaliut në gjyq: Albi ra në tokë, unë vetëm shikoja, nuk bëra asgjë appeared first on Albeu.com.

Në lidhje me Klubin Partizani, Oketa tha se nuk ka pasur asnjë interes të veçantë për Ministrinë e Mbrojtjes.

Lidhur me interesimin për pronën, ai tha se çështja i kishte mbërritur në tavolinë si një praktikë e plotësuar dhe sipas dokumentacionit, prona u takonte pronarëve dhe ishin kryer edhe pagesat përkatëse.

I pyetur se kush e kishte në inventar pronën, Oketa deklaroi se nuk i kujtohej emri i saktë i drejtorisë përgjegjëse, por sqaroi se bëhej fjalë për një strukturë që ekziston ende edhe sot.

Gjatë dëshmisë së tij, ish-ministri shtoi se edhe sot Ministria e Mbrojtjes nuk disponon një inventar të plotë të pronave. Ai tha më tej se kishte pasur kundërshtime nga disa ushtarakë, por theksoi se kishte udhëzuar ndjekjen e procedurave ligjore pas përgjigjes së marrë nga Këshilli i Ministrave.

Diskutimet në sallë:

SPAK: Kur ke qenë ministër i Mbrojtjes dhe çfarë funksionesh ke pasur?

Oketa: Kam qenë zëvendëskryeministër, më pas mora detyrën e ministrit të Mbrojtjes. 2009-2012 kam qenë deputet i Kuvendit.

SPAK: Çfarë ishte Klubi Partizani në raport me Ministrinë e Mbrojtjes?

Oketa: Në kujtesën time, Klubi Partizani ka pasur zero interes për Ministrinë e Mbrojtjes. S’më kujtohet të kishte interes të veçantë. Në dijeninë time administrohej nga persona privatë. Pothuajse në asnjë nga diskutimet apo mbledhjet nuk mbaj mend të ketë pasur një zë që ky klub të zinte një vend të veçantë në Ministrinë e Mbrojtjes.

SPAK: Në kohën kur ishe ministër i Mbrojtjes ke nisur zbatimin e VKM-së së qeverisë për klubin.

Oketa: Kam qenë ministër i Mbrojtjes dhe jo ministër i Sportit. Nuk kishte vend të veçantë për ne, sepse nuk ishte një vend që mund të përdorej për Ministrinë e Mbrojtjes. Klubi Partizani, në kujtesën time, ka qenë një klub privat. Unë as e kam konsideruar fare. Një institucion kulturor nuk e bën godina, por puna.

SPAK: Jeni interesuar për pronën, duke qenë se ishte në varësinë tuaj?

Oketa: Për herë të parë në tavolinën time kjo çështje më ka ardhur në zyrë. Praktika ishte që ajo pronë ishte e pronarëve. Praktika ishte e plotë dhe ata kishin bërë edhe pagesën. Nuk kisha asnjë arsye pse ta mbaja atë pronë në varësi.

SPAK: Kush e kishte në inventarizim?

Oketa: Emri i saktë s’më kujtohet, i drejtorisë, por është një drejtori që ekziston edhe sot e kësaj dite.

Oketa: Edhe sot, nëse shikoni faqen e Ministrisë së Mbrojtjes, keni një sektor ku flitet për pronat dhe ne ende dhe sot nuk kemi një inventar të pronës. Kishte ushtarakë që e kundërshtonin, meqë kishte ardhur përgjigjja nga Këshilli i Ministrave, atëherë unë u kam dhënë direktivën që të ndiqen të gjitha procedurat ligjore në fuqi, për sa kohë pronarët me dokumenta të shtetit lidhur me këtë çështje. E theksoj edhe një herë: nuk ka pasur interes për Ministrinë e Mbrojtjes.

SPAK: A keni pasur përfaqësues të Ministrisë kur është bërë vlerësimi?

Oketa: Unë nuk kujtoj të kem autorizuar ndonjë ushtarak në lidhje me këtë çështje. Kanë kaluar 18 vjet nga ajo kohë, por nëse keni ndonjë dokument me firmën time, unë jam i gatshëm t’i dal për zot. Ministria e Mbrojtjes ka pasur 12 mijë veta personel, civil dhe ushtarak. Nëse ju pretendoni që ministri duhet të kujdeset për çdo gjë, atëherë stafi duhet të ikë në shtëpi. Futem tek ato politika që kam firmosur shumë delegime kompetencash, mund t’i shikoni tek dokumentat.

The post “Administrohej nga persona privatë”/ Dosja “Partizani”, ish-ministri Oketa në seancë: Klubi nuk kishte interes për Ministrinë e Mbrojtjes appeared first on Albeu.com.

Shkaktari i aksidentit dyshohet regjisori dhe producenti Petri Bozo, djali i ish-deputetes së PS-së, Luljeta Bozo, i cili është shoqëruar në ambientet e policisë për të dhënë shpjegime.

Bozo, në deklarimet e para, gjatë shoqërimit të tij në Komisariat, ka thënë se po qarkullonte brenda kufijve të shpejtësisë së lejuar në një rrugë nacionale.

Një nga dëshmitarët e ngjarje ka deklaruar për News24, se autori pretendonte se ka qenë duke lëvizur me vetëm 10 kilometra në orë.

“Ai tha se ishte duke ecur me 10 km në orë. Tha; jam duke ecur në rrugë nacionale, kam të drejtën time, isha me 10 km/h””, sqaroi banori i zonës, ndërsa shton se rruga është bërë shumë e rrezikshme në këtë lagje dhe se edhe më parë kanë ndodhur aksidente.

“Fëmijën e ka nxjerrë një çun me shumë kujdes, ndërsa shoferi thoshte që unë jam në rrugë nacionale, kam të drejtën time. Ai thoshte që kam qenë me 10 km në orë. Edhe një herë tjetër ka ndodhur në të njëjtin vend dhe po një fëmijë është shtypur. Rruga në këtë lagje është bërë shumë e rrezikshme”, është shprehur banori.

The post Përplasi për vdekje 7-vjeçarin në Elbasan, zbardhet dëshmia e Petri Bozos: Isha duke ecur në rrugë nacionale… appeared first on Albeu.com.

Sipas burimeve nga hetimi, Meta në dëshminë e tij, ka deklaruar se u përfshi në këtë veprimtari për shkak të vështirësive ekonomike.

“Tani që më kapët e pranoj gabimin. Jam marrë me trafikun e armëve sepse kisha nevojë për para. Doja të ndërtoja një shtesë te banesa ime”, mësohet të ketë thënë ai para hetuesve.

Ndërkohë, hetuesit dyshojnë se Urim Meta, mund të jetë i përfshirë edhe në episode të tjera të trafikimit të armëve të zjarrit, si dhe të kallëpeve të tritolit.

Hetimet vijojnë për të zbuluar persona të tjerë të dyshuar që mund të jenë pjesë e këtij aktiviteti kriminal dhe për të dokumentuar plotësisht veprimtarinë e grupit.

Po ashtu, ai ka deklaruar se armët e municicionet do shiteshin për 4 mijë euro, nga 500 euro celia prej kallëpeve të tritolit.

“Porisinë e kam marrë mga ndërmjetës dhe nuk e di se kush është personi fiks që do i merrte në Maqedoninë e Veriut. Unë do i çoja deri atje. Paradhënie mora 400 euro dhe pjesën tjetër do e merrja pasi të dorëzoja porosinë”, ka deklaruar më tej i arrestuari Urim Meta.

The post U kap me armë, zbardhet dëshmia e Urim Metës: Doja të ndërtoja një shtesë te shtëpia, më duheshin para appeared first on Albeu.com.

Gjyqtarja e themelit Atalanta Zeqiraj, konstatoi se të pandehurit për shpërdorim detyre nuk kishin bërë kërkesë për gjykim të shkurtuar në seancë paraprake.

Prokurori Elvin Gokaj, lexoi kërkesën për gjykim dhe i mëshoi një ekspertimi që është kryer në zbatim edhe të detyrave të lëna nga gjykata, ku është konstatuar dëmi ekonomik.

Prokurori i SPAK, kërkoi të thirren në proces 10 dëshmitarë, si dhe bëri me dije emrat që janë pyetur gjatë kësaj kohe në cilësinë e personave që kanë dijeni.

Gjykata bëri edhe verifikimin e të pandehurve dhe gjeneraliteteve, ku kryebashkiaku i Tropojës, u shpreh se jo vetëm që nuk është i dënuar më parë, por s’ka marrë një vërejtje në 35 vite punë.

Kryebashkiaku dhe zv/kryetari i bashkisë Tropojë, akuzohen për “shpërdorim detyre” kryer në bashkëpunim lidhur me ndërtimin e disa rrugëve në kundërshtim me aktet ligjore në fuqi.

Prokuroria vlerëson se hapja e rrugëve sipas projekteve të miratuara nga Këshilli Bashkiak, është bërë në kundërshtim me aktet ligjore e nënligjore në fuqi duke sjellë një dëm prej 277 milionë lekësh.

The post Akuzohet për shpërdorim detyre, dëshmia e kryebashkiakut të Tropojës në GJKKO: Në 35 vite punë, s’kam marrë asnjë kritikë appeared first on Albeu.com.

Në këtë seancë, është përmendur edhe emri i Behgjet Pacollit, për një kontratë borxhi mes Naim Murselit dhe tij.

Murseli tha se me Pacollin ka ekzistuar një parakontratë borxhi, e se ishte shlyer në mënyra tjera.

“Po, kjo është kontratë borxhi. E vërtetë në mes meje dhe zotit Pacolli. Shuma 100 mijë euro dhe thotë këtu ka normë interesi vjetor prej 0%, dhe nuk tregon kur ka qenë afati i shlyerjes së borxhit. Borxhi ka ekzistuar por është shlyer në mënyra tjera Nuk është dokument i noterizuar por është parakontratë”-, ka deklaruar Murseli.

Në Gjykatë është përmendur edhe borxhi që Naim Murseli ka në një nga bankat e Kosovës, në vlerë 219 mijë e 296 euro.

“Siç e kam përmendur herën e kaluar unë dhe bashkëshortja ime, Liridona, kemi blerë një shtëpi përmes kredisë. Do të thotë ajo shumë është kredia e shtëpisë. Ka dallim, pasi shtëpia është në hipotekë. Nuk e paguan ta merr shtëpinë”, tha Murseli, ndërsa shtoi se shtëpia ishte hipotekë, kur u pyet nëse këtë ai e konsideronte borxh.

Në anën tjetër, në lidhje me këto para, Pacolli ka deklaruar në një intervistë se e kishte ndihmuar gjithmonë Murselin dhe se nuk kishte kërkuar t’ia kthente borxhin.

“I kam ndihmuar gjithmonë atij. S’e kam kërkuar atë borxh mbrapa hiç. Po më duket ka mbet një borxh prej kur e ka ble një lokal përpara atje në Suedi. Sa unë e di komplet këto janë praktikisht gjëra që janë publike, të njohura”, u shpreh ai.

The post Naim Murseli borxh 100 mijë euro Behgjet Pacollit/ Zbardhet dëshmia në gjykatë: Ia kam shlyer në mënyra të tjera… appeared first on Albeu.com.

Sipas dëshmisë së siguruar nga gazetarja Klodiana Lala, Mirzeta Kashnica është shprehur në SPAK se tek procedura e parë e prokurimit për ndërtimin e tunelit të Llogarasë, e cila është anuluar, në vlerësimin e saj si anëtare e Komisionit të Vlerësimit të Ofertave, operatori ekonomik “Gjoka Konstruksion”sh.p.k, i përmbushte kriteret dhe duhej të ishte shpallur fitues.

Ajo deklaron se këtë qëndrim ia ka derguar me email anëtarëve të tjerë të Komisionit të Vlerësimit të Ofertave dhe për dijeni ia ka dërguar edhe Sekretares së Përgjithshme të Ministrisë. Por, menjëherë sapo e ka dërguar këtë email, pa u mbyllur akoma vlerësimi i komisionit në sistemin e Agjencisë së Prokurimit Publik, ajo është telefonuar nga shtetasi Evis Berberi, i cili i ka thënë se nuk duhej të shprehej me e-mail.

“E pandehura Mirzeta Kashnica deklaron se në lidhje me procesverbalin e datës 18.03.2021, për vlerësimin e ofertave, ku janë anuluar të gjitha ofertat e paraqitura nga operatorët ekonomikë, ajo ka nënshkruar, pasi është trysnuar nga shtetasi Evis Berberi, që të vazhdonte me procedurèn”, thuhet në kërkesën që SPAK ka dorëzuar në kuvend për autorizim për të arrestuar zv.kryeministen.

Pas kësaj dëshmie, SPAK thotë se Belinda Balluku ka ushtruar presion mbi vartësen e saj dhe kjo sipas prokurorisë, provohet nga përgjimet.

“Në vijim të hetimit, nga përdorimi i metodave speciale, kanë rezultuar të dhëna se, nga ana e të pandehurës Belinda Balluku, gjatë kohës që ajo është njohur me akuzën nga organi procedues dhe ushtronte detyrën si zëvendëskryeministër i Republikës së Shqipërisë dhe Ministër i Infrastrukturës dhe Energjisë, ka ushtruar presion në forma të ndryshme, ndaj personit të pyetur në këtë procedim, konkretisht shtetases M.K.(vartëse e saj)”, thotë SPAK.

Datë 10 nëntor 2025

E pandehura Mirzeta Kashnica ka deklaruar se i kujtohet se tek procedura e parë e prokurimit për ndertimin e tunelit të Llogarasë, e cila është anuluar, në vlerësimin e saj si anëtare e Komisionit të Vlerësimit të Ofertave, operatori ekonomik “Gjoka Konstruksion”sh.p.k, i përmbushte kriteret dhe duhej të ishte shpallur fitues.

Ajo deklaron se këtë qëndrim ia ka derguar me email anëtarëve të tjerë të Komisionit të Vlerësimit të Ofertave dhe për dijeni ia ka dërguar edhe Sekretares së Përgjithshme të Ministrisë.

Ajo deklaron se menjëherë sapo e ka dërguar këtë email, në orën 17:05, pa u mbyllur akoma vlerësimi i komisionit në sistemin e Agjencisë së Prokurimit Publik, ajo është telefonuar nga shtetasi Evis Berberi, i cili i ka thënë se nuk duhej të shprehej me email.

Pasi ai kishte folur dhe kjo procedurë ishte mbyllur, do të anulohej, pasi nuk ishte asnjëri nga operatorët ekonomik në rregull.

E pandehura Mirzeta Kashnica deklaron se në lidhje me procesverbalin e datës 18.03.2021, për vlerësimin e ofertave, ku janë anuluar të gjitha ofertat e paraqitura nga operatorët ekonomikë, ajo ka nënshkruar, pasi është trysnuar nga shtetasi Evis Berberi, që të vazhdonte me procedurèn.

Ajo deklaron se shtetasi Evis Berberi ishte anëtar i komisionit, si dhe personi që diktonte vendimmarrjen e komisionit. Në lidhje me procedurën e prokurimit të rishpallur me objekt “Ndërtimi i tunelit të Llogarasë” ajo deklaron se sa herë mblidhej komisioni, anëtarët e tjerë të komisionit i kishin marrë vendimet me njëri-tjetrin dhe e intimidonin atë në lidhje me qëndrimet e saj.

SPAK thekson se Balluku po frikëson dëshmitarët e kjo është një nga arsyet që kërkon dhe leje për arrest.

“Në vijim të hetimit, nga përdorimi i metodave speciale, kanë rezultuar të dhëna se, nga ana e të pandehurës Belinda Balluku, gjatë kohës që ajo është njohur me akuzën nga organi procedues dhe ushtronte detyrën si zëvendëskryeministër i Republikës së Shqipërisë dhe Ministër i Infrastrukturës dhe Energjisë, ka ushtruar presion në forma të ndryshme, ndaj personit të pyetur në këtë procedim, konkretisht shtetases M.K.(vartëse e saj)”, thotë SPAK.

The post Zbardhet dëshmia e vartëses së zv.kryeministres në SPAK: Kreu i ARRSH-së më detyroi të firmosja për tenderin e tunelit të Llogarasë appeared first on Albeu.com.

Para prokurorisë së Tiranës, ka dëshmuar Taulant Tusha, i cili aktualisht është në burg nga Spak e ndëqrsanë kohën e marrjës së dëshmisë së tij ka qënë në cilësinë e drejtorit Puneve Publike në bashkinë.

Sa i takon proceduar për prishjen e pallatit nr 140 në kombinat ish drejtori Tusha është përgjigjut për frimën që ka marrë puën dhe dëtyrën që ka kryer në terren.

Tualant Tusha: Ne date 11.08.2021, eshte lidhur kontrata e sherbimit me subjektin ARB&TRANS shpk dhe “KLAJGER KONTRUKSION shpk per demolimin dhe evadimin e mbetjeve ndertimore edhe per kete objekt. I pyetur nese keni dijeni per kohen e prishjes se pallatit nr 140 me vendodhje ne rrugen “Haki Stermilli” dhe nese po kush subjekt ka qene i kontraktuar per kete qellim, ai ka deklaruar se Kerkesa per lidhjen e kesaj kontrate per demolim ka ardhur ne Drejtorine qe drejtoj une ne date 05.05.2021 nga Drejtoria e Pergjithshme Objekteve ne Bashkepronesi njesive Adminstrative dhe emergjencave civile, bashkia Tirane.

Pas perzgjedhjes me gare ne date 11.08.2021 I eshte nisur me shkrese po kesaj drejtorie dergimi per ndjekje te kontratave te mbikqyrjes dhe sipermarrjes me objektin demolimi dhe evadimi i mbetjeve ndertimore.

Me kalimin e kesaj shkrese Drejtoria e Puneve Publike ka kryer detyren e ngarkuar. Nuk kam dijeni per kohen kur eshte demoluar ky objekt, dhe nuk ka qene detyre e imja ndjekja e ketij procesi. Dua te theksoj nje fakt se ne dijeni time objektet per te cilat eshte lidhur kontrate sherbimi per demolim dhe evadim te metjeve ndertimore kane qene objekte per te cilat sipas ekspertizes se thelluar te Institutit te Ndertimit jane klasifikuar si objekte te pabanueshme dhe me rrezikshmeri te larte per banoret.

Referuar kontrates se lidhur subjekti I cili ehste kontraktuar per kete gellim, ka detyre te bej demolimin dhe evadimin e mbetjeve ndertimore brenda afateve te percaktuara ne kontrate. Lidhur me pallatin nr 140 nuk kam cfare te deklaroj me shume.

Gjithashtu ka deklaruar se Nuk jam ne gjendje te jap nje pergjigjje te sakte nese shtetasi Asqeri Xhanari ka perfituar nga grantet e rindertimit te objekteve te demtuara nga termeti , pasi eshte drejtori tjeter e ngarkuar per shyrtimin e dokumentacionit per banesat e demtuara.

The post Prishja e pallatit që i shkaktoi dëm buxhetit të Bashkisë /Zbardhet dëshmia e Taulant Tushës: Nuk ka qënë detyra ime ndjekja e procesit appeared first on Albeu.com.

Ajo u vra më 29 nëntor 2023, para syve të fëmijëve, në një natë që rezultoi të ishte e planifikuar, sipas dokumenteve të reja të siguruara nga Klan Kosova.

Për vrasjen e saj po gjykohen ish-bashkëshorti Naim Murseli, Granit Plava dhe Kushtrim Kokalla.

Familja Ademaj ka kërkuar dënim të përjetshëm për të tre, duke e cilësuar këtë krim si akt të rëndë dhe të paramenduar.

Dokumenti i Forenzikës Psikiatrike tregon se ngjarja nuk ishte e rastësishme. Sipas tij, arma ishte përgatitur nga vetë Naim Murseli me pesë fishekë, duke e kthyer natën e 29 nëntorit në një plan të menduar paraprakisht.

Në dëshminë e tij, Granit Plava, rrëfen se dy ditë para ngjarjes ishte takuar me Naimin përmes ndërmjetësimit të Kushtrimit dhe se në mëngjesin e ditës së vrasjes, Naimi e kishte marrë me vete drejt Prishtinës. Gjatë rrugës, Plava tregon se kishte marrë nga Naimi armën dhe fishekët.

Në dëshmi, ai thotë se e kishte ndjekur Naimin gjatë ditës dhe se kishte pritur udhëzimet e tij. Sipas Plavës, momenti kritik ndodhi kur familja e Murselit doli nga një lokal në Graçanicë. Sapo makina e tyre u ndal pranë shtëpisë, Plava u afrua.

“Naimi e çeli xhamin pak dhe unë qëllova në drejtim të gruas”, thuhet në dëshminë e Plavës.

Ai pretendon se Naim Murseli, i kishte thënë disa herë “gjuj, gjuj”.

Pas ngjarjes, Plava pohon se është larguar me shpejtësi dhe se të nesërmen mori vesh se Liridona kishte ndërruar jetë. Dy ditë më pas, ai u arrestua nga policia.

Rasti vijon të jetë një prej dosjeve më të rëndësishme të drejtësisë në Kosovë, ndërsa familja e viktimës vazhdon të kërkojë ndëshkim maksimal për autorët.

The post Vrasja e Liridona Ademajt/ Dëshmia tronditëse e Granit Plavës: Naimi hapi xhamin, unë qëllova… appeared first on Albeu.com.