Avokati i Hasit, ka bërë me dije për RTSH se klienti i tik ka lënë qelinë para një jave, pasi sipas tij, është shpallur i pafajshëm për veprat penale për të cilat akuzohej.

“Nuk është liruar sot, është liruar para një jave. Mbaroj gjykimi dhe fitoi pafajësinë ai, është liruar, është deklaruar i pafajshëm. Tani nuk ka asnjë akuzë. Nuk është e mitur ajo, unë e kisha thënë me kohë. Ishte një mashtrim, kishin bërë lojë kolegët, e morën në qafë dhe gazetarët lart e poshtë”, ka deklaruar për RTSH-në Roland Islami, avokati i mjekut Dervish Hasi.

Mjeku kirurg ra në pranga për shfrytëzim pr**stitucioni dhe menjëherë pas ngjarjes, u pezullua nga detyra në QSUT.

42-vjeçari njihet nga të gjithë si një besimtar mysliman dhe në shtëpi kishte tre gra të tjera, ndërkohë, të miturën para njerëzve e prezantonte si gruan e tij të katërt. 16-vjeçarja herë pas here shkonte në shtëpinë e mjekut dhe dyshohej se ky i fundit kishte kryer edhe marrëdhënie s*k*uale me të.

Nga deklaratat e dhëna më herët nga familjarët e të miturës, ata thanë se vajza e tyre ishte bindur nga Dervish Hasi dhe shkonte vetë te ai. Dyshohet se ai e kishte manipuluar me terma besimi, duke i premtuar se do te bëhej gruaja e tij e katërt.

Dervish Hasi, nuk është një emër i panjohur për autoritetet shqiptare, pasi më herët ai është hetuar nga SPAK, sepse dyshohej se ishte i përfshirë në grupin që furnizonte me tritol dhe armë snajper kriminelë brenda dhe jashtë vendit.

The post Shpallet i pafajshëm mjeku kirurg Dervish Hasi appeared first on Albeu.com.

Ditën e djeshme, ai u përfaqësua nga avokati Ndue Pjetra, i cili kërkoi shtyrjen eseancës për sot për t’u njohur me aktet, pasi në shkallën e parë ishte mbrojtur nga avokati Roland Islami.

Mjeku i arrestuar ka mohuar se ka abuzuar s*eksualisht me 16-vjeçaren siç pretendohet, duke dëshmuar se kishte një martesë me të me dëshmitarë.

E mitura, e cila në atë kohë ishte vetëm 14-vjeçe dhe mjeku Hasi, janë njohur në spitalin “Shefqet Ndroqi”.

Hasi kishte edhe 3 gra të tjera në banesë, teksa e mitura do ishte gruaja e tij e katërt.

The post Prej dy vitesh ab*uzonte me 16-vjeçaren, jepet masa e sigurisë për Dervish Hasin appeared first on Albeu.com.

Ai u përfaqësua nga avokati Ndeu Pjetra dhe kërkoi shtyrjen e seancës për t’u njohur me aktet, pasi në Shkallën e Parë është mbrojtur nga avokati Roland Islami.

Të mërkurën më 7 shkurt në orën 12 mbahet seanca e radhës.

Kirurgu Dervish Hasi, ka ankimuar vendimin e Gjykatës së Tiranës, e cila e la në “arrest me burg”, ku kërkoi zbutjen e masës se sigurisë.

Gjykata e Apelit, do vlerësojë kërkesën juridikisht, teksa ai mohon se ka abuzuar seksualisht me 16-vjeçaren siç pretendohet, duke dëshmuar se kishte një martesë me të me dëshmitarë.

E mitura, e cila në atë kohë ishte vetëm 14-vjeçe dhe mjeku Hasi janë njohur në spitalin “Shefqet Ndroqi”.

Hasi kishte edhe 3 gra të tjera në banesë, teksa e mitura do ishte gruaja e tij e katërt.

The post Shtyhet seanca në Apel për Dervish Hasin, arsyeja appeared first on Albeu.com.

Në emisionin “Kjo Javë”, Lala zbuloi mjeku ishte njohur me të miturën në spitalin “Shefqet Ndroqi” gjatë kohës që ajo kishte qenë duke qëndruar pranë një të afërmi, aso kohe 14 vjeç.

Gazetarja gjithashtu zbuloi se Dervish Hasi e filmonte të miturën gjatë akteve intime dhe pamjet i shpërndante në Whatsapp.

Pjesë nga intervista:

Lala: Vajza kishte shkuar në spitalin Shefqet Ndroqi për të qëndruar pranë një të afërmi dhe aty ka filluar kontakti i tyre. Kanë shkëmbyer numrat kur vajza ishte vetëm 14 vjeçe. Familja e saj është përpjekur për ta larguar nga mjeku kirurg, por nuk ia doli dot. Vajza filmohej gjatë akteve intime dhe në pozicione jo të hijshme dhe më pas ndahej në rrjetin social Ëhatsapp. Mjeku kirurg ka qenë me precedent të mëparshëm penal.

Pyetje: Cila ka qenë dëshmia e vajzës?

Lala: Vajza ka dëshmuar se lidhja ka qenë me dëshirë. Ajo pretendon se janë martuar para një hoxhe. Jam e pirur ta marr me rezerva dëshminë e vajzës, por dua të kuptoj pse nuk është identifikuar nga autoritetet hoxha. Dua të theksoj se respektoj lirinë fetare. Nuk dimë se në cilën xhami është kryer kjo martesë?

Gruaja e dytë e mjekut ka një fëmijë me të dhe një nga një lidhje e mëparshme. Dervish Hasi është kunati i një a ka të tjerë që fshihen pas këtij mjeku?

The post Kishte 3 gra dhe abuzonte me një të mitur, zbulohen detaje për rastin e mjekut: 16-vjeçaren e filmonte gjatë akteve intime dhe më pas… appeared first on Albeu.com.

Duke bërë thirrje për ndëshkimin e autorit të ngjarjes, Dervish Hasi, i cili akuzohet për trafikim të të miturve dhe pornografi, Avokati i Popullit, thekson se ministria e Drejtësisë ka vlerësuar rekomandimet e bëra për ndryshimet ligjore në Kodin e Familjes dhe Kodin Penal.

“Duke i vlerësuar të domosdoshme përmirësimet e mëtejshme të kuadrit normativ, Avokati i Popullit ka theksuar se mbrojtja e fëmijëve nga dhuna dhe abuzimi seksual është e domosdoshme për sigurinë dhe zhvillimin e tyre të shëndetshëm. Përsa më sipër, Avokati i Popullit ka rekomanduar ndryshime ligjore në Kodin e Familjes dhe Kodin Penal për të hequr të gjitha përjashtimet ligjore që lejojnë martesat nën 18-vjeç apo abuzimit me të mitur.

Ndërsa e konsideron ngjarjen alarmante për të drejtat e të miturave, Avokati i Popullit ka evidentuar rëndësinë e harmonizimit të legjislacionit vendas me Konventën e Kombeve të Bashkuara për të Drejtat e Fëmijëve dhe Konventën për Eleminimin e të gjitha Formave të Diskriminimit ndaj Grave.

Rekomandimet konkrete të Avokatit të Popullit për të përmirësuar mbrojtjen e fëmijëve do të integrohen në ndryshimet e Kodit Penal, veçanërisht në seksionin “Krime seksuale me të mitur”. Ministria e Drejtësisë i ka vlerësuar këto rekomandime në ndërmarrjen e hapave konkrete në përmirësimin e legjislacionit, për të garantuar që mosha minimale për martesë të jetë 18-vjeç”,– thuhet në reagimin e institucionit.

Kuijtojmë se në dëshminë e dhënë, 16 vjeçarja në Tiranë kishte deklaruar se ishte martuar me mjekun Dervish Hasi, nga një hoxhë para një viti dhe se për këtë gjë kishin dijeni edhe 3 gratë e tjera të 42 vjeçarit.

Mjeku kardiokirurg i Sanatoriumit, Hasi, do të qëndrojë në burg pa afat nën akuzën e “trafikimit të të miturve” dhe “p*ornografisë”, duke rënë në këtë mënyrë vepra penale fillestare me të cilën u referua materiali në prokurori, ajo e “prostitucionit”.

The post Rasti i rëndë i mjekut që mbante 16-vjeçaren si gruan e katërt, reagon Avokati i Popullit appeared first on Albeu.com.

E ftuar në studio pedagogia Malvina Tafciu, theksoi se e gjithë tymnaja që është hedhur në opinion ku fajësohet feja myslimane është e qëllimshme pasi e vërteta është krejt ndryshe.

Sipas saj rasti në fjalë nuk ka të bëjë aspak me fenë Myslimane apo Islamin, pasi Zoti në librin e shenjtë Kurani ka përcjellë mesazhe për çdo komb, shtet apo kulturë në botë.

Ajo theksoi se rasti në fjalë nuk ka aspak lidhje me Myslimanët dhe Islamin.

Pjesë nga biseda:

Brikena Prifti: Malvina si e sheh ti?

Malvina Tafciu: Sa i përket rastit në fjalë nuk është as i pari dhe as i fundit. Ndaj jemi mbledhur këtu që të themi një gjë të vërtetë, që bie ndesh me çdo lloj kodi. Duhet theksuar që koncepti Islam, mbi këtë çështje që duhet të theksohet prevalon përgjegjësi në dashur. Martesa është bashkimi ligjor i një mashkulli me një femër. Kurorëzim ligjor. Dhe jo dashuri pa përgjegjësi që është në rastin konkret. Dua të theksoj gjithashtu se të gjitha këto lloj shfaqje që po kthehen në fenomene të rrezikshme, distancohen nga konceptet Islame. Nuk është e drejtë t’i bëjmë këtë qasje fesë, martesa sipas fesë është një burrë dhe një grua, jo burrë me burrë, apo me 3-4 gra. Është e lejuar poligamia, por Kurani mbart mesazhet e Zotit, dhe aty gjejmë mesazhe që i përshtatet Shqipërisë apo vendeve Arabe, dhe nuk bie ndesh me ligjet tona.

The post Pedagogia: Marrëdhënia mes kirurgut dhe minorenes nuk ka lidhje me fenë myslimane, çfarë thotë Kurani për poligaminë appeared first on Albeu.com.

Vajza pohon se është njohur me mjekun në moshën 14-vjeçare dhe pasi kanë komunikuar kanë filluar ta pëlqejnë njëri-tjetrin. Ajo shton se është martuar me mjekun nga një hoxhë sipas një dokumenti të quajtur “nikah”.

Sipas dëshmisë, vajza ka thënë se ka kryer marrëdhënie me konsensus pasi mbushi 16 vjeçe.

“Sipas dosjes hetimore, më datë 17.01.2024 në prani të psikologut, punonjësit social si dhe prindit të saj, i është marrë deklarim shtetases së mitur D. D., e cila ka deklaruar se është praktikante e fesë myslymane dhe se e lejon feja martesën e meshkujve me shumë partnere.

Ajo pohon faktin se në moshën 14 vjeçare është njohur me shtetasin Dervish Hasi. Ajo pohon faktin se i ka bërë me dije me Dervishit moshën e saj 14 vjeçare, pastaj kanë vazhduar komunikimin ku të dy i kanë shprehur pëlqimin dhe dashurinë njëri- tjetrit.

Pas një viti, përafërsisht në moshën 16-vjeçare ata kanë kryer marrëdhënie me njëri- tjetrin tek banesa e tij.

Vajza e di se mjeku është i martuar me një partnere dhe se ka dhe dy partnere të tjera. Ajo deklaron se me dy prej tyre njihet dhe me një nuk njihet.

E pyetur nga ana jonë ajo pohon faktin se ka kryer marrëdhënie seksuale për herë të fundit më datë 16.01.2024.

Deklaron se gjithçka e ka bërë me dëshirë dhe se kanë bërë martesë fetare sipas një dokumenti fetar të quajtur NIKAH dhe se kjo martesë fetare është bërë në prani të një hoxhe, rreth para një viti.

Ajo deklaron se përdor medikamente për tiroiden dhe aneminë. Po ashtu deklaron se së fundmi nuk ka pasur situata stresi, përpos atyre të streseve të përditshëm për shkak të provimeve në shkollë.”

Dervish Hasi u la në burg nga Gjykata e Tiranës pasi akuzohet për “trafikim të të miturve” dhe “pornografi”. /albeu.com

The post “Na martoi një hoxhë me ‘Nikah’, ndodhi me dëshirën time”, 16-vjeçarja: I njoh gratë e Dervish Hasit appeared first on Albeu.com.

Mjeku Dervish Hasi u arrestua pasi akuzohet për “trafikim të të miturve” dhe “pornografi”.

Ai kishte 3 gra dhe mbajti një të mitur gjithashtu si gruan e katërt për 2 vite.

Sakaq, ditën e sotme është zbardhur dosja hetimore në ngarkim të tij dhe mësohen të tjera detaje pas dëshmisë së të miturës por edhe prindërve të saj.

Kallëzimi për të është bërë nga i ati i vajzës 16-vjeçare i cili pretendon se 42-vjeçari i ka bërë lavazh truri 16-vjeçares, pasi dhe kjo e fundit nuk pranon të ndahet prej tij duke vijuar kështu lidhjen prej dy vitesh.

Të dy prindërit sipas dosjes hetimore të publikuar në media, i kanë kërkuar disa herë mjekut të mos kishte me kontakte me vajzën, por nga ana tjetër edhe vajza nuk i ka dëgjuar për ta bërë një gjë të tillë “duke u shprehur se nëse do ndahej prej tij, do të vriste veten”.

Në kushtet që vajza e tyre nuk pranonte në asnjë mënyrë të shkëpuste kontaktet me mjekun, sipas dosjes hetimore referuar dëshmisë së dy prindërve, këta të fundit thonë se i kanë kërkuar edhe vetë mjekut Hasi që të shkëputej nga vajza e tyre.  Ky i fundit ka thënë “S’po bëjmë asgjë të keqe”.

/albeu.com

The post “I ka bërë lavazh truri”, zbardhet dosja hetimore e Dervish Hasit! Prindërit: U kërkuam të shkëpusnin kontaktet, të dy refuzuan appeared first on Albeu.com.

Sakaq, mbi 42 vjeçarin rëndon akuza se ka kryer marrëdhënie seksuale me një 16-vjeҫare, të cilën e prezantonte si bashkëshorten e tij të katërt.

Një histori e pazakontë për një mjek, besimtar, i cili bashkëjetonte me 3 gra në kryeqytet.

Kirurgu aplikonte në mënyrë të paligjshme, një jetë poligame dhe e prezantonte të miturën si gruan e tij të katërt.

Gjithashtu, mësohet se 42-vjeçari kishte hapur një grup në rrjetet sociale, ku shpërndante videot erotike me gratë e tij.

Lidhur me këtë ngjarje tronditëse, në një intervistë televizive, ka folur edhe ish-myftiu i Tiranës, Ylli Gurra.

“Duhet të mos kufizohemi në këtë rast vetëm në gjykimin seksual. Në vlerësimin tim kemi një zhbërje të vlerave. Dhe kjo jo vetëm në aspektin personal, por edhe në aspektin seksual, kulturor dhe në aspektin fetar po ashtu.

Kjo sepse veprime të tilla jo humane dhe jo fetare, që dhe duke shpërndarë edhe videot në një grup virtual, është përtej çdo logjike.

Nuk ka asnjë libër Kurani që ka zbritur në Tokë asnjë citat që e këshillon apo e udhëzon një gjë të tillë. Dhe kjo jo vetëm në Shqipëri por kudo, ku të pranohet një marrëdhënie me një vajzë 14-15vjeçare dhe aq më shumë që shpërndante video të marrëdhënieve.

Por unë i qëndroj një zhbërje të të gjitha vlerave fetare në të gjitha nivelet. Kjo është një skllavëri e këtij shekulli.

Të tillë autorë u duhet që e vetmja mënyrë për ta justifikuar këtë makabritet të përdorë fenë. Dhe kjo nuk duhet lejuar”, është shprehur ish-myftiu i Tiranës, Ylli Gurra.

The post Dervish Hasi abuzoi s*eksualisht me 16-vjeҫaren, ish-Myftiu i Tiranës: Nuk duhet lejuar të përdoret feja si justifikim appeared first on Albeu.com.

Një histori e pazakontë për një mjek, besimtar, i cili bashkëjetonte me 3 gra në kryeqytet.

Kirurgu aplikonte në mënyrë të paligjshme, një jetë poligame dhe e prezantonte të miturën si gruan e tij të katërt.

Mësohet se 42-vjeçari kishte hapur një grup në rrjetet sociale, ku shpërndante videot erotike me gratë e tij.

Për të kuptuar më shumë nga ky fenomen, gjatw njw interviste televizive, ka folur edhe sociologu Gëzim Tushi.

“Ky rast, por s’është i vetmi, dhe është me të vërtetë tronditës për shoqërinë shqiptare, por është një tregues që flet për një çrregullim të edukimit seksual, të marrëdhënieve të shqiptarëve, e cila tanimë ka kohë që po bëhet, që përveç shkaqeve që kanë të bëjnë me jetën politike, arsimore, kulturore me sistemin e jetës seksuale.

Sistemi i jetës seksuale në një shoqëri është shumë i rëndësishëm që ka të bëjë me ndërtimin e marrëdhënieve të intimitetit. Dhe këto marrëdhënie humane ndërtohet mbi bazën e rregullave dhe normave që vendosur shoqëria në një moment të caktuar. Kam përshtypjen që kohët e fundit, pas viteve ’90-të u bë një hap i madh në botëkuptimin e seksualizmin.

Por mesa duket këtë revolucion seksual, shoqëria shqiptare nuk e ka perceptuar në mënyrë normale, por në anomali dhe kjo ka sjellë shfaqjen e disa dukurive siç është ky rasti i tanishëm, rastet e pedofilisë, incestit, që janë disa turpe sociale, siç janë dhe disa perversione seksuale që kanë trazuar shoqërinë tonë.

Por do të thoja rastet që janë antinjerëzore, antihumane, kafshërore, kriminale janë pedofilia dhe incesti. Pra lidhjet dhe marrëdhëniet me një të mitur, nuk kemi të bëjmë me një krim që duhet të ndëshkohet moralisht, por duhet ndëshkuar penalisht. Djhe ky është një veprim që shoqëria shqiptare po e trajton gabimisht.

Por kur kemi të bëjmë me mjekun kirurg të spitalit “Shefqet Ndroqi”, këtu kemi të bëjmë me disa probleme. Dhe së pari është fakti që në shoqërinë shqiptare po shfaqet poligamia dhe i poliendrisë dhe fenomeni i pedofilisë. Por shoqëria shqiptare nuk mund ta pranojë që një burrë të jetë i disa grave e të tjera si këto”, shprehet sociologu Gëzim Tushi.

The post Dervish Hasi me 4 gra/ Flet sociologu Gëzim Tushi: Ky është një rast tronditës, shoqëria s’duhet ta pranojë appeared first on Albeu.com.