derivatet e naftes Archives - Albeu.com

Shtrenjtohet nafta në Maqedoninë e Veriut

E B — Mon, 06 Mar 2023 12:27:40 +0000

Komisioni Rregullator i Energjetikës dhe i Shërbimeve të Ujit i Republikës së Maqedonisë së Veriut solli vendimin, me të cilin bëhet rritja e çmimeve të shitjes me pakicë të derivateve të naftës, mesatarisht 1,22% në raport me vendimin e datës 3.3.2023.

Çmimet referente të derivateve të naftës në tregun botëror, në krahasim me përllogaritjen e mëparshme, shënojnë rritje mesatarisht: te benzina për 2,235 %, te nafta për 1,219 %, te vaji ekstra i lehtë për 2,791 % dhe te mazuti ka rritje për 1,845%.

Kursi i denarit në raport me dollarin në periudhën e kaluar, sipas të cilit janë formuar çmimet në përllogaritjen e mëparshme, është më i lartë për 0,021%. Çmimet e shitjes me pakicë të benzinës EUROSUPER BS-95 dhe EUROSUPER BS-98 dhe të Vajit Ekstra të Lehtë për Amvisëri (ЕL-1) rriten për 1,00 denarë/litër, ndërsa çmimi i shitjes me pakicë i EURODIZELIT (D-Е V) rritet për 0,50 den/l.
Çmimi i shitjes me pakicë i Мazutit М-1 SU rritet për 0,722 den/kg dhe do të jetë 41,988 den/kg.

Nga data 7.3.2023, ora 00:01 çmimet maksimale të derivateve të naftës do të jenë:

Benzinë motori EUROSUPER BS – 95 82,50 (denarë/litër)
Benzinë motori EUROSUPER BS – 98 84,50 (denarë/litër)
Naftë motori EURODIZEL BS (D-E V) 78,50 (denarë/litër)
Vaj për Djegie Ekstra i Lehtë 1 (EL-1) 78,00 (denarë/litër)
Mazut М-1 SU 41,988 (denarë/kilogram)/INA

The post Shtrenjtohet nafta në Maqedoninë e Veriut appeared first on Albeu.com.

VMRO do të propozojë uljen e akcizës për derivatet e naftës

E B — Mon, 28 Feb 2022 10:08:45 +0000

Partia opozitare maqedonase VMRO-DPMNE do të dorëzojë në Parlament propozim për uljen e akcizës së derivateve të naftës.

VMRO-DPMNE do të propozojë që në vend të 5% shkallës së fitimit për prodhimet ushqimore të jetë 0%.

“Këto kërkesa të vlejnë nga dita e miratimit deri më 31.12.2022. Gjithashtu kërkojmë vazhdimin e TVSH-së prej 5% për energjinë elektrike edhe pas 1 qershorit, si dhe uljen e akcizës për derivatet e naftës për 50%.

Kërkojmë nga Qeveria ta shqyrtojë propozimin për uljen e tarifave doganore. Qytetarët për një oeriudhë të shkurtë janë ballafaquar me rritje të madhe të çmimeve”, thonë nga VMRO-DPMNE.

The post VMRO do të propozojë uljen e akcizës për derivatet e naftës appeared first on Albeu.com.