Ish-zyrtar i lartë i kundërzbulimit të FBI-së, Charles McGonigal pranoi fajësinë të martën lidhur me akuzën për shkelje të sanksioneve amerikane ndaj Rusisë, duke punuar pas daljes në pension, për një oligark rus të cilin më parë ai e kishte hetuar.

The post McGonigal pranon fajësinë për shkelje të sanksioneve amerikane. Aktpadia në Uashington ka lidhje me Shqipërinë appeared first on Albeu.com.

Ish-kreu i kundërzbulimit të FBI-së në Neë York, me eksperiencë 22 vjet, doli në pension në vitin 2018, teksa u deklarua fajtor në gjykatën federale për një akuzë të komplotit për të shkelur Aktin Ndërkombëtar të Fuqive Ekonomike të Emergjencave (IEEPA) dhe pastrim parash, për shkak të një marrëveshjeje për pranimin e fajësisë së arritur me prokurorët nga Zyra e Prokurorit të SHBA për Distriktin Jugor të Nju Jorkut.

McGonigal u ndalua në Aeroportin Ndërkombëtar John F. Kennedy në janar dhe u akuzua në dy aktakuza të veçanta në Nju Jork dhe Uashington, DC se kishte punuar me oligarkun rus të sanksionuar Oleg Deripaska dhe për fshehjen e qindra mijëra dollarëve që kishte marrë nga një ish-punonjës i një agjencie të inteligjencës shqiptare, ndërsa ishte zyrtar i lartë në byro.

Avokati i McGonigal, Seth DuCharme, së fundmi i tregoi një gjykatësi federal në Uashington se ata mund të zgjidhin çështjen e lidhur me Shqipërinë deri në fund të muajit.

Në gjykatë të martën, McGonigal iu përgjigj një sërë pyetjesh në lidhje me skemën e paligjshme për Deripaskann dhe aftësitë e tij mendore përpara se gjyqtarja e qarkut Jennifer Rearden të pranonte pranimin e tij të fajësisë.

“Jam i kthjellët”, i tha ai gjyqtarit, duke thënë se ndihej “shkëlqyer”.

Në gjykatë, McGonigal, 55 vjeç, tha se është “thellësisht i penduar” për veprimet e tij.

“Unë paraqitem para jush në këtë gjykatë për të marrë përgjegjësinë e plotë pasi veprimet e mia nuk synonin kurrë të lëndonin Shtetet e Bashkuara, FBI-në, familjen dhe miqtë e mi”, tha ai, duke u dukur ndonjëherë emocional.

“Kam rënë dakord me një palë tjetër për të mbledhur informacion nënçmues me burim të hapur për një oligark rus të quajtur Vladimir Potanin i cili ishte një konkurrent biznesi i Oleg Deripaska,” tha ai. “E dija se Deripaska ishte vendosur në listën e sanksioneve nga qeveria amerikane. Unë e kuptoja se informacioni që mblodha në fund do të përdorej për ta futur Potanin në listën e sanksioneve të SHBA-së.”

“E kuptova që puna që bëra do t’i jepte njëfarë përfitimi Deripaska-s dhe sipas ligjit të SHBA-së, nuk duhej t’i ofroja asnjë shërbim Deripaskës, qoftë edhe indirekt,” vazhdoi ai.

Dënimi maksimal me të cilin mund të ëprballet McGonigal është 5 vjet, tha Rearden në gjykatë. Vendimi për dënimin e tij ështëcaktuar për në 14 dhjetor.
ndërkohë, avokatët e tij thanë se do t’i kërkojnë gjykatësit të marrë në konsideratë një ofertë të klasifikuar informacioni në lidhje me punën e McGonigal për qeverinë amerikane përpara se të shqiptojë dënimin e tij.

The post “Jam thellësisht i penduar”, McGonigal deklarohet fajtor për lidhjet me oligarkun rus, çfarë u tha për Shqipërinë appeared first on Albeu.com.