Sipas organit të akuzës, ndaj shtetases K.K. rëndon akuza e mashtrimit të kryer më shumë se një herë si dhe fshehjes së të ardhurave.

Hetimet kanë zbuluar se ajo u premtonte qytetarëve zgjidhjen e çështjeve të ndryshme ligjore, administrative dhe gjyqësore, si legalizime pronash, procedura pensioni, çështje pronësie apo përfaqësim në procese gjyqësore civile, duke u marrë para në këmbim të këtyre shërbimeve.

Në grackën e saj kanë rënë 8 shtetas, banorë të Lushnjes dhe Fierit.

Nga verifikimet e kryera rezulton se shërbimet e premtuara nuk janë realizuar. Pagesat kryheshin në forma të ndryshme, përfshirë dorëzime në dorë, transferta bankare apo pagesa të deklaruara si kapar ose shpenzime procedurale.

Në disa raste, viktimat janë siguruar nga e pandehura se procedurat ishin në proces dhe se çështjet do të përfundonin brenda afateve të caktuara, ndërsa më pas komunikimi me të është ndërprerë pa dhënë asnjë rezultat konkret.

Në raste të tjera, ajo ka dhënë informacione të pavërteta mbi ekzistencën e proceseve gjyqësore apo aplikimeve administrative, të cilat rezultuan se nuk ishin kryer.

Gjithashtu, hetimi ka zbuluar se K.K. ka kryer veprime që krijonin përshtypjen e përfaqësimit ligjor në një kohë kur nuk kishte status aktiv për ushtrimin e profesionit të avokatit.

Po ashtu, ajo ka përfituar të ardhura nga ky aktivitet pa i deklaruar pranë organeve tatimore, duke ushtruar aktivitet ekonomik faktik për disa vite, ndërkohë që figuronte me status pasiv në regjistrat tatimorë.

Njoftimi i Prokurorisë:

Prokuroria pranë Gjykatës së Shkallës së Parë të Juridiksionit të Përgjithshëm Fier përfundoi hetimet dhe dërgon për gjykim, shtetasen K.K. për veprën penale ‘Mashtrimi’ e kryer më shumë se një herë dhe ‘Fshehja e të ardhurave’ parashikuar nga neni 143 pg.2 dhe 180, pg.1 të Kodit Penal.

Në përfundim të hetimeve mbi procedimin penal nr.768 të vitit 2025, regjistruar mbi bazën e kallëzimit të disa shtetasëve dhe transmetimit në mediat investigative ku paraqiteshin shqetësimet se e pandehura K.K., duke u prezantuar si avokate, kishte arritur të merrte vlera monetare nëpërmjet mashtrimit, u evidentua se e pandehura, e cila për një periudhë të gjatë kohore është prezantuar si avokate, ka përfituar shuma monetare nga disa qytetarë, duke u premtuar zgjidhjen e çështjeve të ndryshme ligjore, administrative dhe gjyqësore, përfshirë legalizime pronash, procedura pensioni, çështje pronësie, përfaqësim në procese gjyqësore civile etj.

Nga verifikimet e kryera rezulton se këto shërbime, nuk janë realizuar, megjithëse vlerat monetare janë marrë nga e pandehura. Pagesat janë kryer në forma të ndryshme, përfshirë dorëzime në dorë, transferta financiare dhe pagesa të deklaruara si kapar apo shpenzime procedurale.

Në disa episode, viktimat janë siguruar nga e pandehura se procedurat ishin në vijim dhe se çështjet do të përfundonin brenda afateve të caktuara, ndërkohë që më pas komunikimi me të është ndërprerë dhe nuk është dhënë asnjë rezultat konkret. Në raste të tjera, rezulton se janë dhënë informacione të pavërteta mbi ekzistencën e proceseve gjyqësore apo aplikimeve administrative, të cilat, pas verifikimit pranë institucioneve përkatëse, nuk kanë rezultuar të jenë bërë prej saj. Të mashtruar nga e pandehura në këtë procedim janë evidentuar 8 shtetas kryesisht qytetarë të Lushnjes dhe Fierit.

Hetimi ka zbuluar gjithashtu se e pandehura ka kryer veprime në dukje të një përfaqësimi ligjor në një kohë kur nuk kishte status aktiv për ushtrimin e profesionit të avokatit, si dhe ka përfituar të ardhura nga ky aktivitet pa i deklaruar ato pranë organeve tatimore. Nga të dhënat e administruara, rezulton se për disa vite ajo ka ushtruar aktivitet ekonomik faktik, ndërkohë që figuronte me status pasiv në regjistrat tatimorë, duke mos deklaruar të ardhurat e përfituara dhe duke shmangur detyrimet përkatëse tatimore.

Në vijim, Prokuroria pranë Gjykatës së Shkallës së Parë Juridiksionit të Përgjithshëm Fier, shpreh angazhimin e plotë për hetimin dhe vënien para përgjegjësisë ligjore të personave që kryejnë vepra penale që prekin pasurinë dhe të drejtat ekonomike të subjekteve të dëmtuar.

The post Mashtronte qytetarët duke u premtuar zgjidhje të shpejtë të çështjeve ligjore, dërgohet për gjykim “avokatja” në Fier appeared first on Albeu.com.

Llabani u komandua vetëm pak ditë më parë, më 15 janar, si drejtues i burgut të Durrësit, pas shkarkimit dhe arrestimit të Indrit Cërrloj për shkak të arratisjes së Altin Ndocit.

Drejtori i Përgjithshëm i Burgjeve, Klevis Qose ndodhet i pranishëm në QSUT.

The post Drejtori i ri i komanduar i burgut të Durrësit, dërgohet me urgjencë në QSUT appeared first on Albeu.com.

Këngëtarja 37-vjeçare, e cila njoftoi më parë se kanceri ishte zbuluar herët nga mjekët, ishte në periudhë rikuperimi që nga operacioni i saj në qershor.

Por përmes një postimi në “Instagram” ditën e  djeshme, ajo bëri të ditur se është shtruar sërish në spital, ku më vonë mjekët i konfirmuan se ka një infeksion.

Jessie J, ndau një foto nga shtrati i spitalit, ku shihej një kanulë infuzioni në dorë. Ajo pranoi se kjo periudhë pas operacionit ka qenë një nga kohët më të vështira për të, veçanërisht në aspektin emocional, shkruan DailyMail.

“Ja si i kalova 24 orët e fundit:Gjashtë javë pas operacionit dhe u ktheva në të njëjtën dhomë ku isha pas operacionit. Nuk ishte as e planifikuar, as e pritur”, shkroi ajo.

Më tej ajo tregoi: ”Kisha – dhe ende kam – simptoma që tregonin për një mpiksje gjaku në mushkëri. Faleminderit Zotit nuk është mpiksje! Më bënë shumë analiza, dhe u zbulua se kam një infeksion (ende nuk dihet saktë çfarë) dhe pak lëng në mushkëri”.

“Po e kam të vështirë të marr frymë thellë, por u largova vetë nga spitali mbrëmë (nuk e duroj dot të jem aty) dhe do ta vazhdoj trajtimin si paciente ambulatore”.

Në një postim të dytë, Jessie shtoi: “E di që ka shumë njerëz që kanë kaluar të njëjtën gjë, ose diçka të ngjashme, dhe mund të mos bien dakord me atë që them – dhe kjo është në rregull.

Por për mua, dita e operacionit ishte fizikisht pika më e vështirë e gjithë kësaj rruge. Rikuperimi nuk është as i lehtë, as i shpejtë. Ndërsa emocionalisht ka qenë sfida më e madhe”.

“Si nënë e një fëmije të vogël, të mos jem në gjendje të jem nëna që jam zakonisht ka qenë shumë e vështirë.

Po ashtu, të detyrohem të ndryshoj të gjitha planet për karrierën time këtë vit, pas kaq shumë pune për t’u rikthyer, ka qenë shumë zhgënjyese. Por kjo është jeta.

Dhe mos më keqkuptoni – lajmi që nuk ka më kancer ishte fantastik. Por ky rezultat nuk e bëri fare më të lehtë rikuperimin fizik nga operacioni”.

Në postimin e fundit, Jessie u shpreh se kjo përvojë i ka kujtuar se duhet të ngadalësojë ritmin dhe të kujdeset më shumë për veten.

“Është një kujtesë për veten time që të ngadalësoj, edhe pse ndjehem sikur tashmë po lëviz me ritmin e një breshke. Ky nuk është një rikuperim i shpejtë – dhe as që duhet të jetë.

Si një grua e pavarur, me energji pa fund dhe me sindromën ‘mundem vetë gjithmonë’, kjo ka qenë një goditje. E dua lëvizjen, punën dhe aktivitetin, por tani nuk mundem – dhe kjo është realiteti.

Por po gjej forcë në faktin se gjithçka mund të përshtatet me këtë ritëm të ri, me ndihmën e rrethit tim të vogël të mbështetjes. Ju e dini kush jeni – faleminderit!”.

Me ironi të lehtë ajo shtoi: ”Trupi dhe imuniteti im më thanë:‘Ulu pak, budallaqe!’”.

Në qershor, Jessie kishte ndarë një postim tjetër ku tregonte se sapo kishte hequr drenën pas operacionit dhe po përpiqej të përshtatej me ndryshimet trupore.

“Tani jam unë dhe gjoksi im i çuditshëm duke u përpjekur të gjejmë si të vishemi. Ana e majtë më sheh si të më thotë ‘je mirë, zemër’”?

Në atë kohë, ajo kishte treguar se në momentin që mori lajmin për diagnozën, kishte kaluar menjëherë në “modalitet mbijetese”, duke mos pasur kohë të përpunonte emocionalisht situatën për shkak të përgjegjësive të shumta.

“Nuk e kisha menduar as largimin emocional nga pjesa e trupit që humba. Tani po më kapin vonë ndjenjat – pak zhgënjim që nuk i thashë më mirë lamtumirë. Tingëllon çuditshëm, por kështu po ndihem tani”.

Edhe pse më parë kishte lënë të kuptohej se ishte pa kancer, Jessie sqaroi se ky mesazh ishte keqinterpretuar.

Ajo shtoi: ”Ndonëse po lutem për lajme të mira, fatkeqësisht ende nuk mund të konfirmoj se kanceri është zhdukur plotësisht”.

The post Çfarë po ndodh me Jessie J? Këngëtarja dërgohet me urgjencë në spital appeared first on Albeu.com.

Sipas informacioneve policore, ngjarja e rëndë ka ndodhur pas një konflikti për motive të dobëta në familje.

Detaje të reja janë dhënë nga ngjarja e ndodhur të shtunën në Maqellarë të Dibrës, ku djali plagosi rëndë me thikë nënën e tij.

Sipas burimeve, mësohet se i biri 26-vjeçar Itles Sula, ka plagosur nënën e tij disa herë me thikë, duke e dëmtuar rëndë.

Ngjarja ka ndodhur në banesën e tyre dhe e plagosura Nexhmije Sula,. është transportuar me urgjencë në Spitalin e Traumës, në gjendje kritike për jetën.

50-vjeçarja është drejtoreshë e shkollës 9-vjeçare në fshatin Pocest.

Itles Sula, mësohet se kishte përfunduar studimet e larta, por ishte ende i papunë.

I riu mësohet se përballej prej kohësh me shenja të depresionit.

The post U plagos nga i biri, 50-vjeçarja Nexhmije Sula dërgohet me urgjencë tek Trauma appeared first on Albeu.com.

Erion Veliaj, u dërgua në spital pasi ka shfaqur probleme shëndetësore.

Raportohet se kryebashkiaku i Tiranës,  gjatë 6 muajve të qëndrimit në paraburgimin e Durrësit ka humbur rreth 10 kg nga pesha trupore.

Kujtojmë që Erion Veliaj, ndodhet në qeli prej datës 10 Shkurt dhe ndaj tij rëndojnë akuzat për korrupsion, pastrim parash dhe fshehje pasurie.

Kreu i Bashkisë kishte bërë rekurs në Gjykatën e Lartë për lirim nga qelia, por togat e zeza me një vendim të datës 8 Korrik e rrëzuan.

Gjithashtu, edhe kërkesat e tjera të Veliajt në shkallë të ndryshme të gjyqësorit për lirim nga burgu janë rrëzuar.

Në dosjen e SPAK ka të akuzuar dhe nën hetim edhe familjarë të Veliajt dhe disa biznesmenë, përfshirë sipërmarrësin Elman Abule, i cili ndodhet nën masën e sigurisë “arrest shtëpie” dhe akuzohet për pastrim parash në dosjen e kryebashkiakut.

The post Erion Veliaj dërgohet në spitalin e Durrësit, zbulohet arsyeja appeared first on Albeu.com.

Sipas informacioneve policore, rreth orës 13:30, familjarët e shtetasit V. P., 17-vjeç, nga fshati Valare, e kanë çuar atë pa shenja jete në Spitalin Rajonal të Gjirokastrës.

Nga hetimet e para, dyshohet se i riu ka kryer aktin e vetëflijimit, duke u v****r**ur në banesën e tij.

Grupi hetimor është drejtuar menjëherë në vendngjarje dhe po punon për të zbardhur plotësisht rrethanat e ngjarjes.

The post E rëndë në Gjirokastër/ 17-vjeçari dërgohet në spital pa shenja jete, për çfarë dyshohet appeared first on Albeu.com.

Ilir Beqaraj, i cili ka përdorur dhe mbiemrat Brahimi dhe Mançellari, është marrë i pandehur për veprat penale “Vrasje me paramendim” kryer në bashkëpunim, “Mbajtje pa leje dhe prodhim të armëve” dhe “Falsifikim i letërnjoftimeve, pasaportave”.

Nga hetimet e Prokurorisë ka rezultuar se Ilir Beqaraj, ka ndihmuar vrasësit duke i larguar nga vendi i ngjarjes, pas atenatit.

“Ky shtetas me veprimet e tij aktive ka mundur të largojë autorët e vrasjes nga vendi i ngjarjes, duke i çuar ata në fshatin Hasan ku edhe kanë mundur të djegin makinën me të cilën kryen vrasjen, kjo e dokumentuar edhe nga pamjet filmike të administruara nga prokuroria. Teksa u provua se ky shtetas në kohë të ndryshme me mjetin e tij ka qenë në afërsi të banesës së viktimës.

Nga hetimet rezultoi se në automjetin e përdorur nga autorët për t’u larguar menjëherë pas djegjes së automjetit me të cilin u krye vrasja, është përfituar profil gjenetik i shtetasve, Ilir Beqaraj dhe F.P. të cilët dyshohet se kanë pasur rol në vrasjen e shtetasit Gentjan Bejtja”, – njofton organi i akuzës.

Prokuroria thotë se hetimet vijojnë për persona të tjerë të përfshirë.

Ilir Beqaraj,  është arrestuar që në muajin Mars të vitit 2024, i cili u vu në pranga bashkë me Edison Haxhiun, pas analizimit të pamjeve filmike nga grupi hetimor.

Ai ishte zhvendosur në Tiranë, ku jetonte me qira në një vilë luksoze në Lundër, ku nga kontrolli i ushtruar i janë gjetur edhe dy pistoleta, njëra me leje dhe tjetra pa leje.

Zhvendosja në kompleksin luksoz, ku qëndrojnë disa nga eksponentët e krimit të organizuar në Shqipëri, kishte bërë që ai të punësonte Edison Haxhiun, me qëllim për të kryer disa punë të familjes, përfshirë dhe transportimin e fëmijëve të Beqaraj në shkollë.

Vrasësit e Gentjan Bejtjas, kanë qenë me një automjet “Range Rover”, ku shofer dyshohet se ka qenë Ilir Beqaraj, dhe pas atentatit e dogjën në fshatin Hasan.

Prej andej ata janë larguar me një automjet “Golf 7”, e cila përdorej nga Edison Haxhiu dhe Ilir Beqaraj.

The post Vrasja e Gentian Bejtjas/ Dërgohet për gjykim Ilir Beqaraj, largoi vrasësit nga vendi i ngjarjes appeared first on Albeu.com.

Vendimi u mor nga gjyqtari Renis Sheshi, i cili vlerësoi se kishte prova të mjaftueshme për të gjykuar Saraivan për veprat penale të vrasjes me paramendim dhe mbajtjes pa leje të armëve.

Saraiva do të përballet me akuzat sipas nenit 78/2 dhe 25 të Kodit Penal për vrasje, si dhe neni 278/1 për mbajtje armësh pa leje.

Ky rast ka tërhequr vëmendjen e opinionit publik, duke e bërë atë një nga çështjet më të ndjeshme në sistemin e drejtësisë në Shqipëri. Prokuroria pret që procesi gjyqësor të fillojë në ditët në vijim.

The post Vrasja e Ardian Nikulajt, dërgohet për gjykim portugezi Ruben Saraiva appeared first on Albeu.com.

Ndaj Kevin Hajrulla, është qëlluar me të paktën 30 plumba. Nga breshëria e kallashit, mbeti i plagosur edhe një kalimtar i rastit, Armand Spahiu 35-vjeç, tregtar shumice i fruta perimeve.

Fatmirësisht ai ndodhet jashtë rrezikut, ndërsa 30-vjeçari po lufton për jetën, pasi ka marrë plagë të shumta në trup e në bark.

Sipas dëshmitarëve okularë, momenti pas të shtënave ishte kaotik. Në pamje e bëra publike në media, shihet se si i plagosuri Kevin Hajrulla, i mbuluar me gjak dhe në gjendje të rënduar, futet me vështirësi në një makinë nga të afërmit që përpiqeshin ta transportonin drejt spitalit. Dëgjohet zëri i një personi që thotë: “Iku ore, iku”.

Kush është Kevin Hajrulla?

Shënjestra e atentatit, Kevin Hajrulla (I plagosur)

Raportohet se 30-vjeçari Kevin Hajrulla, është kushëriri i Inez Hajrulla, i njohur ndryshe si “i forti i Vlorës”.

Inez Hajrulla, është një emër i njohur për policinë, pasi i ka shpëtuar disa atentateve në Vlorë. Ai ka qenë shënjestër e dy atentateve, në vitin 2017 dhe 2019.

Po ashtu, Inez Hajrulla, ka qenë dy herë i arrestuar për armëmbajtje pa leje dhe është akuzuar për grabitjen e një kazinoje në vitin 2013.

Dëshmitari i tronditur: U shtriva barkas

Një dëshmitar ka rrëfyer momentin e panikut, teksa janë dëgjuar të shtënat me armë në qytetin e Vlorës.

Qytetari rrëfen se është shtrirë menjëherë në tokë, sapo ka dëgjuar të shtënat. Ai thotë se nuk ka parë asgjë, madje në atë moment po shikonte televizor dhe sapo ka dëgjuar krismat është shtrirë barkas.

“Sa dëgjova një të shtënë u shtriva. S’pash asgjë. Unë isha duke parë televizor dhe në moment sa dëgjova krismat u shtriva barkas”, është shprehur dëshmitari.

Atentati me pasojë plagosjen e dy personave ndodhi mbrëmjen e djeshme në qytetin e Vlorës, duke tronditur qytetarët dhe kalimtarë të çastit.

Autorët e pritën të parkojë një Benz ngjyrë gri, me të cilin ka qenë duke lëvizur dhe më pas derdhën breshëri plumbash në drejtim të tij.

Ngjarja ndodhi rreth orës 21:30 (18 dhjetor 2024) në lagjen 24 maj’ në afërsi të postës së Çoles.

Autorët lëvizën me makinë me targa italiane të vjedhura

Makina e djegur në fshatin Panaja

Tre dyshohet se kanë qenë autorët e përfshirë në atentat, një shofer dhe dy qitës, që qëlluan nga një makinë tip KIA me targa italiane.

Po të njëjtat burime, thonë se targat rezultojnë të vjedhura. Tre dyshohet se kanë qenë autorët e përfshirë në atentat, një shofer dhe dy qitës. Makina e autorëve tip KIA, u gjet e djegur në fshatin Panaja në autostradën Vlorë-Fier, ndërsa autorët më pas janë larguar në drejtim të paditur.

Ndërkohë, në mjetin e djegur të autorëve në fshatin Panaja janë gjetur dy kallashnikovët e përdorur për atentatin. Njëra armë është sediljen e pasagjerit në pjesën e parme të makinës, ndërsa tjetra pas. Kjo konfirmon edhe praninë e 3 autorëve, njëri shofer dhe dy qitës.

Pikërisht në këtë zonë, policia ka ushtruar kontrolle në disa banesa, por deri më tani nuk është gjetur asnjë gjurmë e autorëve.

E gjithë zona ku ndodhi atentati, ka kamera sigurie që mendohet se kanë filmuar skenën, por dhe lëvizjet e autorëve.

Makina e djegur me targa të vjedhura të autorëve

Njoftimi i policisë për ngjarjen:

“Mbrëmjen e sotme, rreth orës 21:30, në lagjen “24 Maji”, Vlorë, në rrethana ende të paqarta, është plagosur me armë zjarri shtetasi K. H., rreth 30 vjeç, i cili udhëtonte me një automjet tip “Benz”. Si pasojë e të shtënave, është plagosur me armë zjarri edhe shtetasi A. S., 35 vjeç, i cili ndodhej në afërsi në momentin e ngjarjes.

Të dy personat janë transportuar menjëherë në Spitalin Rajonal Vlorë dhe ndodhen nën kujdesin e mjekëve.

Gjatë krehjes së zonës në afërsi të fshatit Panaja, është bërë i mundur lokalizimi i automjetit të dyshuar të përdorur nga autorët, i cili është përfshirë nga flakët. Po punohet për shuarjen e zjarrit.

Shërbimet e Policisë kanë mbërritur menjëherë në vendngjarje dhe po punojnë intensivisht për identifikimin dhe kapjen e autorit/autorëve të dyshuar.

Grupi hetimor po vijon punën për zbardhjen e rrethanave të plota të ngjarjes”, njofton policia.

The post Detaje nga atentati në Vlorë/ Në gjendje të rëndë për jetën, Kevin Hajrulla dërgohet drejt Traumës, ja çfarë u gjet brenda automjetit appeared first on Albeu.com.

I ndihmuar nga kolegët e tij dhe efektivët e Gardës, deputeti Gështenja, është nxjerrë jashtë Kuvendit dhe është marrë nga ambulanca, duke e transportuar për në spital.

Ende nuk dihen detajet se çfarë shqetësimesh shëndetësore ka ndjerë deputeti i PD-së dhe si është gjendja e tij shëndetësore.

The post Çfarë ka ndodhur? Deputeti Lefter Gështenja dërgohet me urgjencë në spital (VIDEO) appeared first on Albeu.com.