I pranishëm në studion e “Procesit Sportiv”, Dritan Stoka, një mbështetës i flaktë i Partizanit, solli një atmosferë të çiltër me humorin e tij karakteristik. Ai nuk ngurroi të pranonte se fitorja në derbin e fundit i takoi Dinamos, por jo si rrjedhojë e superioritetit të kundërshtarit.

Sipas tij, skuadra e kuqe e humbi ndeshjen për shkak të gabimeve të veta, duke i “dhuruar” praktikisht tri pikët rivalëve. “Ne ua falëm fitoren, ishin gabimet tona ato që vendosën gjithçka. Dinamo nuk fitoi me merita, por sepse ne i bëmë dhuratë”, shprehu ai me bindje.

Mirëpo, momenti që shkaktoi më shumë të qeshura në emision ishte ngashërimi i tij i pazakontë. Për të ilustruar lidhjen e pazgjidhshme me klubin, Stoka përdori një metaforë të veçantë duke e krahasuar Partizanin me bashkëshorten. Ai theksoi se dashuria për të kuqtë nuk lëkundet as në momente të vështira, njësoj si përkushtimi ndaj një gruaje të sëmurë.

“Partizani është si gruaja ime. Nëse ajo sëmuret, a e hedha unë në plehra? Kurrë! Qëndroj pranë saj. E njëjta gjë vlen edhe për Partizanin. Edhe kur humbasim, ne jemi këtu, nuk e braktisim dot”, deklaroi mes të qeshurave Dritan Stoka, duke treguar një fanatizëm të admirueshëm që i qëndron çdo prove.

The post Tifozi i Partizanit krahason ekipin me gruan: “Edhe kur sëmuret, nuk e hedhim dot në plehra” – Dritan Stoka: Ia dhuruam fitoren Dinamos appeared first on Albeu.com.

Java e 4-t e “Abissnet Superiore” sjell përballjen mes Partizanit dhe Dinamos, e programuar për këtë të shtunë në stadiumin e Vorës. Derbi do të startojë në orën 16:00, ndërsa në prag të sfidës ka dhënë opinionin e tij trajneri i Dinamos, Ilir Daja.

“Derbi ka gjithmonë një rëndësi të veçantë dhe është një takim që të gjithë e luajnë për ta fituar. Megjithatë, këto përballje mbeten të paparashikueshme. Ne vijmë me besim dhe entuziazëm, si edhe me një gjendje të mirë psikologjike, pasi në ndeshjet e fundit kemi mposhtur rivalët tanë. Edhe Partizani paraqitet në formë të mirë, sidomos pas fitores në transfertë ndaj Vllaznisë.

Pres një ndeshje të hapur, ku avantazhin do ta ketë skuadra që gabon më pak. Shpresojmë që kjo të jemi ne. Është e rëndësishme që ekipi të ruajë ekuilibrin gjatë gjithë takimit, sepse Partizani është i rrezikshëm në tranzicionin pozitiv dhe në kundërsulme, ku mbështetet te lojtarë të shpejtë. Duhet t’ia neutralizojmë këtë pikë të fortë kundërshtarit.

Për derbin kemi në dispozicion të gjithë kontingjentin. Kapiteni Dita është rikthyer pas dëmtimit dhe përbën një vlerë të shtuar për skuadrën; do të vlerësojmë gjendjen e tij edhe në seancën e fundit stërvitore. Gjithashtu, Qardaku do të jetë i gatshëm nesër, pasi ka përfunduar pezullimin e marrë pas kartonit të kuq dhe ka lënë pas edhe dëmtimin. Gjatë gjithë javës kemi punuar mirë dhe skuadra është gati.

Për sa i përket orarit dhe fushës sintetike, mendoj se një ndeshje në mbrëmje, me ndriçim dhe në bar natyral, do t’u jepte të dyja ekipeve mundësinë të shfaqnin maksimumin. Gjithsesi, duhet theksuar se stadiumi i Vorës është një impiant ku mund të performosh shumë mirë”, ka deklaruar Ilir Daja.

The post Ilir Daja para derbit me Partizanin: Ndeshja do të vendoset nga gabimet, ndriçimi dhe bari natyral do të ishin më të përshtatshëm appeared first on Albeu.com.

Sipas policisë, nga ora 14:00 deri në përfundim të aktivitetit do të bllokohen segmentet: Sheshi Nënë Tereza, rruga “Lekë Dukagjini”, rruga “Dervish Hima” dhe zonat përreth stadiumit.

Uniformat blu kanë përcaktuar edhe itineraret e lëvizjes së tifozëve. Tifozët e Partizanit do të lëvizin nga zona e Inxhinierisë në rrugën “21 Dhjetori”, drejt “Librit Universitar”, anash Presidencës dhe në rrugën “Gjergj Filipi” për në tribunën përkatëse. Ndërsa tifozët e KF Tiranës do të nisen nga Sheshi Skënderbej, përmes ish-hotel “Dajti”, Ura e Dajtit, ETC, rruga e Elbasanit dhe “Dervish Hima”, drejt hyrjeve të përcaktuara të stadiumit.

Policia bëri të ditur se do të shoqërojë tifozët përgjatë itinerareve dhe nuk do të lejojë grumbullime apo lëvizje jashtë tyre.

Në hyrje të stadiumit do të ushtrohen kontrolle të detajuara për sende të kundërligjshme, ndërsa çdo tifoz duhet të jetë i pajisur me dokument identifikimi. Fëmijët nën 16 vjeç nuk do të lejohen pa praninë e prindit ose kujdestarit ligjor, ndërsa personat e identifikuar më parë si problematikë në aktivitete sportive nuk do të lejohen të hyjnë.

Nga zgjedhja e Presidentit & anëtarëve të KE së FSHF, te shqyrtimi e miratimi i raporteve. Nesër mbahet Asambleja e Përgjithshme Zgjedhore
Policia e Tiranës kërkon mirëkuptimin e qytetarëve për shmangien e lëvizjes me automjete në zonat e bllokuara gjatë orareve të përcaktuara.

The post “BLINDOHET” KRYEQYTETI/ Sot derbi Partizani-Tirana, policia publikon masat e sigurisë appeared first on Albeu.com.

Allegri dhe pjesa tjetër e stafit drejtues vijojnë të insistojnë se objektivi i klubit mbetet prezenca në Champions League, por shifrat e vendosin Milan në garë me kohë të plotë për titullin kampion, fundja janë vetëm 2 pikë larg Romës kryesuese.

Të paangazhuar në turnet evropian, Milan është i fokusuar totalisht në Serie A, ky është një bonus shumë i madh, por Allegrin nuk po e lënë të qetë dëmtimet e shumta.

Edhe përballë Lazio-s, tekniku kuqezi duhet të bëjë llogaritë me dy shqetësime të lehta, mbeten për tu vlerësuar gjendja e Saelemaekers dhe Cristian Pulisic.

Të dy lojtarët kanë shfaqur disa shqetësime fizike duke humbur pjesën më të madhe të stërvitjes në grup. Belgu ka një problem në shpinë, ndërsa sulmuesi amerikan ka një lodhje muskulore, për me shumë mundësi të dy do të jenë në fushë kundër Lazio-s.

Gjendja e dy lojtarëve ndez edhe një herë alarmin në Milano, tregon qartë se Allegri ka një grup të limituar dhe nëse realisht do të synojnë titullin, në janar Igli Tare duhet të vihet në lëvizje për të zgjeruar grupin, mbase me nga një përforcim cilësorë në çdo repart. Emergjente mbetet faza ofensive ku Gimenez vijon të ketë shqetësime në kavilje, ndërsa Nkunku nuk është një opsion që ofron garanci.

The post Suksesi në derbi vjen me kosto, dy titullarë shqetësojnë Allegri-n appeared first on Albeu.com.

Ky është rezultati i gjysmëfinaleve të Superkupës: të enjten Interi mundi Atalantën 2-0 falë një dygolëshi nga Dumfries. Të premten, Milani përmbysi Juventusin 2-1: pas golit të Yildizit, ishte penalltia e Pulisic dhe autogoli i Gattit që i dhanë kualifikimin në finale trajnerit të ri të kuqezinjve, Conceiçao.

Finalja e Superkupës së Italisë do të luhet të hënën më 6 janar në orën 20:00 (kur në Arabinë Saudite do të jetë ora 22:00) në Al-Awwal Park në Riad.

Në rast barazimi në 90-të minutat e kohës së rregullt, koha shtesë nuk do të luhet por ndeshja do të shkojë direkt në penallti.

Për herë të tretë në histori derbi i Milanos do të vendosë Superkupën e Italisë. Ka dy precedentë: në vitin 2011 me fitoren 2-1 në Kinë për kuqezinjtë; në vitin 2023 me triumfin e qartë të zikaltërve, 3-0 në Riad me golat e Dimarco, Dzeko dhe Lautaro.

Kryeson renditjen e Superkupave të fituara Juventusi me 9 trofe, Interi me 8 (3 të fundit radhazi) dhe Milani me 7 (fitorja e fundit në 2016).

Do të jetë derbi numër 241 i Milanos: i treti në Superkupën e Italisë, i katërti që jep një trofe (shtohet Kupa e Italisë ’77, e fituar nga Milani).

The post Derbi i Milanos për trofeun e parë të sezonit, statistikat e sfidës Inter-Milan në Superkupë appeared first on Albeu.com.

Momenti u regjistrua në fillim të pjesës së dytë, menjëherë pasi Cole Palmer bëri rezultatin 3-0, kur meksikani mori karton të verdhë pas një faulli.

I pakënaqur me mënyrën se si po shkonte ndeshja, ai foli me Enzo-n nga distance: “Do të pres për ty”, tha ai, sipas të përditshmes argjentinase Olé, ndërsa vuri dorën para gojës.

Dhe pikërisht kur dy lojtarët u afruan, kërcënimi u përshkallëzua, sipas të njëjtit botim. Meksikani u shpreh: “Do të të vras ​​jashtë, ku të duash”. Mesfushori i bluve nuk u tremb: “Hajde, le të shkojmë”.

The post Derbi i Londrës në flakë, Enzo Fernandez thuhet se mori kërcënime për vdekje appeared first on Albeu.com.

Edhe kritikat edhe fjalët e mira, unë gjithmonë i dëgjoj. Dihet që derbi ndahet nga një detaj. Duhet të ishim të kujdesshëm në anën difensive, prandaj isha më i limituar përpara. Nga një mos mbyllje apo mos përqendrim ndëshkohesh.

E kishim përgatitur ndeshjen për presing lart dhe të fitonim topat e dytë. E kishim përgatitur shumë mirë. 

Derbit gjithmonë i kemi pritur të vështira. Sot Partizani na u duk më i lehtë se derbet e tjera”, deklaroi Mici për emisionin “Super Gol” në RTSH Sport.  

The post “Ky ishte derbi më i lehtë”, Mici: Tirana po luan mirë, por na mungojnë pikët appeared first on Albeu.com.

Derbi i kryeqytetit që do të luhet në stadiumin “Air Albania” dhe startoi në orën 20:00.

Klubi i Tiranës ka mbajtur homazhe për ish-deputetin Gerti Bogdani, i cili u nda nga jeta pak ditë më parë pas një ataku kardiak.

44-vjeçari ishte një tifoz besnik i bardhebluve, ndaj edhe klubi i Tiranës, vendosi që para sfidës ndaj Partizanit, të nderonte deputetin e ndjerë, ku vendosur lule pranë fotos së Bogdanit të vendosur në një pjesë të stadiumit.

Siç duket edhe në pamje, fotot e Bogdanit janë shfaqur në stadium, teksa para ndeshjes ka folur drejtori sportivi i bardhebluve, Agim Ibraimi.

“Ne si klub shprehim ngushëllimet më të thella për familjen Bogdani, e dimë që ka qenë tifoz i Tiranës. Besojmë se sot do fitojmë për të. Këto janë ndeshje të cilat duhen luftuar dhe shijuar, 3 pikët janë 3 pikë. Për këto ndeshje nuk kanë nevojë të motivohen lojtarët, derbi duhet fituar”, tha ai.

The post “Do fitojmë për të!”/ Nis derbi i kryeqytetit. Futbollistët e Tiranës nderojnë Gert Bogdanit appeared first on Albeu.com.

Emocionet kanë nisur në kryeqytet, teksa tifozët e dy skuadrave i janë drejtuar stadiumit “Air Albania”.
Në pamje dallohen tifozët e shumtë që kanë pushtuar rrugën duke krijuar edhe trafik.

The post Derbi Tirana-Partizani/ Atmosferë elektrizuese, tifozët ‘’pushtojnë’’ rrugën dhe nisen drejt stadiumit (VIDEO) appeared first on Albeu.com.

Cilido që të jetë rezultati, derbi i Tiranës nuk do të ketë ndikim në luftën për titullin kampion. Është vetëm java e gjashtë e kampionatit dhe Partizani me tetë pikë dhe Tirana me pesë do t’i kenë të gjitha mundësitë të synojnë për lart pavarësisht rezultatit të së shtunës. Aq më tepër që formula e kampionatit të jep mundësinë e titullit edhe duke dalë në vendin e katërt në fund të sezonit të rregullit. Përfitimet e një derbi kaq herët në kampionat shkojnë përtej tri pikëve të mundshme.

Është ndeshja që ndjehet më tepër për secilën prej skuadrave, nga lojtarët dhe tifozët, që një fitore kundër rivalit qytetas e kanë emocion e krenari. Pa dyshim që fitorja në derbin e së shtunës vlen për secilën, pikët e marra apo të lëna mund të rezultojnë përcaktuese kur bëhen llogaritë në fund, por suksesi do të vlente më shumë për moralin e sidomos qetësinë.

Për lojtarët, por në radhë të parë për trajnerët. Partizani dhe Tirana janë dy pankina të nxehta dhe rezultati në derbi mund të përcaktojë të ardhmen.

Fitorja do të siguronte qetësinë aq të nevojshme për të vazhduar, ndërkohë që edhe nga ana teknike mund të ndihmojë secilin prej trajnerëve në kolaudimin e formacionit, duke parë që asnjëra prej skuadrave nuk ka shkëlqyer në pesë javët e para në Abissnet Superiore.

The post Derbi Partizani – Tirana, vlerat përtej pikëve appeared first on Albeu.com.