derbi milanos Archives - Albeu.com

Milan fiton derbin me përmbysje, Interi zhgënjen (VIDEO)

admin — Sat, 03 Sep 2022 17:54:58 +0000

Milan ka arritur të fitojë derbin e Milanos me përmbysje.

Të parët që shënuan ishin zikaltërit në minutën e 21-të me anë të Brozovic pas një asistimi të Correa.

Festa e zikaltërve nuk zgjati shumë pasi në minutën e 28-të ishte Rafa Leao i cili shënoi golin e barazimit pas një gabimi nga Inter.

Pjesa e dytë nisi totalisht për Milanin, pasi në minutën e 54-të ishte Giroud që kalon në avantazh Milanin.

Goli i tretë vjen nga Leao në minutën e 60-të, pasi dhuroi një spektakël brenda zonës së Interit. Shpresat u ngjallën për zikaltërit në minutën e 67-të, ku Darmian jep një top brenda zonës dhe Dzeko shënon.

Inter tentoi disa herë të barazonte por nuka ia arriti qëllimit me Calhanoglu dhe Martinez, pasi Maignan ishte në super formë ditën e sotme./ h.ll/albeu.com

3-2 Dzeko, asisst: Darmian

60′ 3 – 1 Rafael Leão Assist: O. Giroud

54′ 2 – 1 Olivier Giroud Assist: R. Leão

28′ 1 – 1 Rafael Leão Assist: S. Tonali

21′ 0 – 1 Marcelo Brozović Assist: J. Correa

The post Milan fiton derbin me përmbysje, Interi zhgënjen (VIDEO) appeared first on Albeu.com.

Derbi Milanos, Dida: Ndeshje me adrenalinë, energji dhe dëshirë për të mbizotëruar

admin — Sat, 03 Sep 2022 12:30:13 +0000

Në ditën e derbit mes Milanit dhe Interit, ish-portieri Dida foli për “La Gazzetta dello Sport”.

“A do të jetë derbi tashmë vendimtar në drejtimin e sezonit? Po, sepse është shumë i rëndësishëm, ai përfshin jo vetëm të gjithë qytetin. Thuhet shpesh se të gjitha ndeshjet janë njësoj, por nuk është kështu.

Derbi është ndryshe, është për atmosferën në qytet, në dhomat e zhveshjes, për atë që përfaqësojnë të dyja ekipet.

Nuk po flas për tension apo ankth, por për adrenalinën, energjinë pozitive dhe dëshirën për të mbizotëruar”, është shprehur ish-portieri brazilian./ h.ll/albeu.com

The post Derbi Milanos, Dida: Ndeshje me adrenalinë, energji dhe dëshirë për të mbizotëruar appeared first on Albeu.com.

Derbi i Milanos, Zenga: Dumfries-Theo është një nga duelet më të bukura që mund të shohim

admin — Sat, 03 Sep 2022 12:19:44 +0000

Sot është dita e derbit mes Milanit dhe Interit, ish-zikaltëri Walter Zeng aka folur për “La Gazzetta dello Sport”, duke u ndalur edhe te duelet individuale.

“Në kohën time, duelet individuale në derbi ishin Brrehme-Donadoni ndërsa sot është Dumfries-Theo ose Barella-Tonali.

Derbi ka qenë gjithmonë me shumë sfida brenda sfidës, por më pas çdo skuadër ka cilësitë dhe prioritetet e veta. Inter ka qenë gjithmonë një ekip fizik. Historia thotë që Interi u lidh me lojtarët argjentinas dhe gjermanë, Milani me brazilianët dhe holandezët.

Dumfries-Theo është një nga duelet më të bukura të të gjithë kampionatit, por më intrigon edhe sfida cilësore mes De Ketelaere dhe Calhanoglu”, është shprehur Zenga./ h.ll/albeu.com

The post Derbi i Milanos, Zenga: Dumfries-Theo është një nga duelet më të bukura që mund të shohim appeared first on Albeu.com.

Derbi përballë Interit, Pioli: Koka komandon trupin. Ibra? Nuk dihet ende kur do jetë gati

admin — Mon, 28 Feb 2022 16:00:21 +0000

Milani do të luajë ditën e nesërme kundër Interit derbin e vlefshëm për raundin gjysmëfinal të Kupës së Italisë, sfidë që do të zhvillohet ditën e nesërme në “San Siro”.

Teksa stadiumi bëhet gati për të pritur këtë duel, në konferencën për shtyp ishte i pranishëm tekniku i kuqezinjve, Stefano Pioli, ku foli për derbin që sipas tij është një sfidë më vetë.

Ndërsa i pyetur nëse kjo javë është vendimtare për Milanin, pasi do të përballet edhe me Napolin në kampionat, Pioli theksoi se kjo javë është e rëndësishme por jo vendimtare.

Ky është vetëm raundi i parë, por ne jemi të përqendruar. Tani e kaluara nuk ka më rëndësi, jemi në një moment vendimtar të sezonit, po luajmë për gjysmëfinalen dhe vendin e parë në ligë. Ne mund të bëjmë shumë më tepër se daljet e fundit, kemi mbjellë shumë dhe tani është koha për të korrur.

Ne do t’i qasemi sfidës me vëmendje dhe përqendrim të madh. Është vetëm ndeshja e parë, por fillimi i mirë është gjithmonë i rëndësishëm”, u shpreh fillimisht tekniku i kuqezinjve.

Problemi i Milanit në ndeshjet e fundit? Jam dakord me atë që tha Maldini: është koka që komandon trupin, të bën më të kthjellët dhe të luash me cilësi më të madhe. Jemi në një moment vendimtar të sezonit, po luhen fatet tona. Jemi rritur shumë.

Kjo, java më e rëndësishme për Milanin? Tashmë kemi përballur periudha të rëndësishme, me ndeshje të forta. Kjo do të jetë një javë shumë e rëndësishme, por nuk do të vendosë fatin tonë. Në Kupën e Italisë do të ketë ndeshje kthimi. Pas Napolit në Serie A do të kemi edhe 10 ndeshje të tjera.

Më tej, tekniku ka folur edhe për gjendjen e Zlatan Ibrahimovic, për të cilin theksoi se jo vetëm në derbin e Madonninës, por nuk dihet ende nëse do jetë pjesë edhe e ndeshjes kundër Napolit.

“Ai është më i mirë, por nuk e di nëse do të jetë në dispozicion për Napolin. Duhet të vlerësohet dita-ditës” , theksoi Pioli. / h.ll/albeu.com

The post Derbi përballë Interit, Pioli: Koka komandon trupin. Ibra? Nuk dihet ende kur do jetë gati appeared first on Albeu.com.

Në San Siro do të jenë 57 mijë tifozë për të ndjekur Milan-Inter

admin — Sun, 07 Nov 2021 09:15:43 +0000

Derbi i fundit i Milanos me stadiumin e mbushur plotë nga tifozët është ai i datës 9 shkurt 2020, në Meazza pak kohë para shpërthimit të pandemisë.

Interi në atë derbi përmbysi rezultatin nga 0-2 në 4-2. Conte dhe Pioli ishin në atë kohë në stolat përkatës të ekipeve dhe Ibrahimoviç kishte përballë Lukakun i cili ka dominuar skenën në 5 përballje ndaj Milan-it duke shënuar 5 herë e duke fituar 4 derbi.

Sot në mbrëmje do të jetë rikthimi i derbit me tifozë , ku emocionet dhe atmosfera do të jetë shumë e madhe. Sot në San Siro do të jenë 57 mijë tifozë,, madje edhe 150 kamera nga e çdo vend i botës për të transmetuar live supersfidën.

Stadiumi i klubeve të Milanos përmban 76 mijë vende por sipas rregullave të vendosura nga shëndetësia , do të lejohen vetëm 75% të kapacitetit./h.ll/albeu.com

The post Në San Siro do të jenë 57 mijë tifozë për të ndjekur Milan-Inter appeared first on Albeu.com.

Milan-Inter/ Derbi për më të mirët në “klasë”, askush më mirë se ekipet e Milanos që nga viti 2020

admin — Sat, 06 Nov 2021 09:48:17 +0000

Nesër mes Milan-it dhe Inter-it do të zhvillohet derbi i 175-të në Seria A, I 87-ti me kuqezijntë vendas.

Gjithsej janë 67 fitore për Interin dhe 52 fitore për Milanin. Kuqezijntë kanë 28 fitore si mikëpritës ndërsa zikaltërit kanë 34 fitore sit ë tillë.

Këtë sezon ekipi I Piolit janë më favoritë duke parë epërsinë që kanë ndaj Inter-it. Nesër Pioli ka mundësinë për të arritur gjashtë fitore radhazi duke u bërë tranjeri i parë i Milan-it që arrin këtë sukses që nga koha e Massimiliano Allegri.

Inzaghi bashkë me Interin mbeten shumë të rrezikshëm në derbi. Tekniku zikaltër ka në ekip 12 shënues të ndryshëm duke e bërë Interin të palexueshëm në zonën e golit.

Të dyja ekipet e Milanos janë sulmi më i mirë i Seria A që nga viti 2020 duke shënuar të dyja bashkë 155 gola në 70 ndeshje./h.ll/albeu.com

The post Milan-Inter/ Derbi për më të mirët në “klasë”, askush më mirë se ekipet e Milanos që nga viti 2020 appeared first on Albeu.com.