Pasi ka kapërcyer pengesën moldave në Champions ai tashmë ka deklaruar se ekipi është totalisht i fokusuar tek derbi i Milanos.

“Derbi do të jetë padyshim një ndeshje intensive. Të gjithë e dimë se çfarë do të thotë një derbi qyteti, sidomos ai ndërmjet Milan dhe Inter. Kjo ndeshje ka shumë rëndësi për tifozët dhe klubin.

Në sytë e lojtarëve të mi pashë shumë besim dhe bindje, ata janë gati për të dielën mbrëma. Deri tani kemi bërë shumë mirë, në Champions jemi në rrugën e duhur dhe në kampionat kemi marrë 24 pikë në 11 ndeshje. I them bravo Napolit dhe Milan-it , por dua ti kujtoj se jemi dhe ne në garën e skudetos.

Nesër është një ndeshje e mirë sepse do të kemi një sfidë direkte me ta, nesër si objektiv kemi vetëm fitoren por të jem i sinqertë në derbi nuk dihet kush do të fitojë. Kemi disa ndeshje që sulmojmë shumë e shënojmë pak, kemi fokusuar përqëndrimin tek mbrojtja dhe te loja si ekip.

Kam besim të plotë nesër tek i gjithë ekipi, besoj se Lautaro do të shënojë nesër , ka nevojë që të zhbllokohet e mendoj se nesër do të jetë dita. Ai luan shumë mirë , edhe pse nuk ka shënuar këto ndeshje ai ka patur një rol shumë të rëndësishëm për ne. Më thoni një sulmues që ushtron presion edhe vrapon aq shumë sa Lautaro, nuk ka ,është unik.”

Këto ishin disa nga pikat kyçe ku është ndalur Inzaghi përpara derbit ndaj Milan./h.ll/albeu.com

The post Inter, Inzaghi: Në derbi vetëm për fitore appeared first on Albeu.com.

Supersfida do të luhet të dielën, më 7 nëntor në orën 20:45 , stadium “SanSiro”. Kjo ndeshje dhuron gjithmonë emocione dhe shumë tension e spetakël.

Milan është në formën më të mirë të mundshme, ekipi i Piolit po zhvillon një kampionat nga më të mirët në këto vitet e fundit, ku momentalisht ndodhen në vendin e dytë me pikë të barabarta me Napolin kryesues, pasi këta të fundit kanë mbrojtjen më të mirë dhe kanë pësuar vetëm 3 gola.

Pioli është një strateg I vërtetë, ka rigjeneruar Milanin në një ekip me një vetëbesim të madh dhe që nuk di të ndalojë me fitoret. Në 11 ndeshje në Seria A, Milan ka grumbulluar në total 31 pikë , ku ka 10 fitore dhe 1 barazim.

Milani ka një dyshe në mbrojtje ku premton shumë, Tomori dhe Kjaer. Udhëhiqen nga 40-vjeçari Ibrahimoviç ku nuk ka të ndalur.

Nga ana tjetër Interi duket se është “përmëndur” duke fituar dy ndeshjet e fundit radhazi. Një Inter shumë i qetë në ndërtimin e lojës ku me Barella dhe Brozoviç çdo gjë është më e lehtë për të zotëruar lojën.

Një repart defensive ku nuk le hapsira, me një treshe e cila të vështirëson golin, Skriniar-De Vrij- Bastoni.

Mesfusha nuk ka diskutime, Barella dhe Brozoviç formojnë një nga dyshet e mesfushës më në formë për momentin.

Sulmi krijon panik për kundërshtarët, me veteranin Dzeko që nuk falë para portës dhe me Lautaro Martinez që nuk ka të frenuar. Perisiç nga krahu i majtë i cili është gjithmonë problem për mbrojtësit me zgjuarsinë, teknikën dhe shpejtësinë e tij.

Inzaghi është i qetë, besimplotë tek ekipi i tij ku mesa duket është duke zbritur me “këmbë në tokë”.

Zikaltërit ndodhen në vendin e tretë në kuotën e 24 pikëve, 11 ndeshje 7 fitore 3 barazime dhe 1 humbje të pësuar./H.LL/albeu.com

The post Java e derbit të Milanos, Inter dhe Milan mbledhin forcat për supersfidën appeared first on Albeu.com.