U.D. e presidentes dhe deputetja e Lëvizjes Vetëvendosje, Albulena Haxhiu, deklaroi para nisjes së seancës konstituive se partitë ish-opozitare nuk i kishin protokolluar nënshkrimet e nevojshme. Sipas saj, nëse kjo do të ishte bërë, seanca e planifikuar për mbrëmjen e kaluar do të zhvillohej.

Haxhiu tha se njoftimi për pjesëmarrjen në seancë ishte bërë, por 40 nënshkrimet nuk i ishin përcjellë kryesuesit të Kuvendit, Avni Dehari.

“Jam këtu sepse kryesuesi e ka thirrur seancën. Nëse do të ishte thirrur edhe mbrëmë, natyrisht se do të vija. Nuk e kuptoj përse nënshkrimet nuk janë protokolluar. Janë 40 nënshkrime që nuk i janë drejtuar Avni Deharit, ndaj nuk e kuptoj pse nuk janë dërguar. Nëse kanë pasur qëllim ta mbajnë seancën, procedura ishte shumë e thjeshtë. Njoftimi se do të shkonim në seancë është bërë, por ai nuk mjafton; nënshkrimet duhet të protokollohen. Nuk po e kuptoj pse kjo nuk ka ndodhur. Deputetët kanë ardhur këtu dhe kanë dalë në konferenca, ndërsa pretendimi se dyert janë mbyllur për ta mund të sqarohej shumë lehtë”, deklaroi Haxhiu.

Kuvendi i Kosovës e ka caktuar vazhdimin e seancës konstituive për të shtunën, sot, në orën 11:00. Kjo ndodhi pasi partitë ish-opozitare kërkuan që seanca të mbahej dje pasdite, duke argumentuar se në mesnatë skadonte afati kushtetues prej 30 ditësh për konstituimin e Kuvendit.

Në zgjedhjet e 7 qershorit, Lëvizja Vetëvendosje siguroi 53 deputetë, PDK-ja 22, LDK-ja 18, ndërsa Aleanca 7.

The post Haxhiu: Nënshkrimet e 40 deputetëve nuk iu protokolluan Avni Deharit appeared first on Albeu.com.

“Të nderuar qytetarë të Republikës së Kosovës, Duke qenë se jam në një trajtim mjekësor, dhe si rezultat në këtë fazë të trajtimit më duhet që për çdo muaj të kem vizita të rregullta, dhe përderisa i njëjti mund të zgjas, mua më vështirësohet, përkatësisht pamundësohet tani dhe ndoshta edhe në të ardhmen realizimi i obligimeve të mija si deputete”, ka njoftuar Vasfije Krasniqi.

Ajo ka treguar se e ka njoftuar kreun e Kuvendit dhe kryesinë për dorëheqjen.

“Kështu edhe përkundër dëshirës sime që unë të vazhdoj me përfaqësimin e juaj në Kuvend, më duhet të ju njoftoj se unë kam vendosur të japë dorëheqje nga pozita e deputetes. Rrjedhimisht për këtë dorëheqje sapo kam njoftuar edhe Kryetarin e Kuvendit z. Glauk Konnjufca, si dhe kryesinë e Kuvendit.”, ka theksuar në njoftim.

Ajo në fund ka thënë se do të vazhdojë angazhimin e saj në SHBA në të mirë të Kosovës.

“Sidoqoftë ashtu si edhe deri më sot, unë do të vazhdoj angazhimin publik për Kosovën në SHBA, sidomos në Kongresin Amerikan. Si rezultat i këtij angazhimi besoj që së shpejt do të shihen të arriturat e para. Kam besimin e plotë që së bashku me miq, njerëz të vullnetit të mirë, punëtorë e vizionarë, kauza e fitores së drejtësisë në Kosovë do të triumfojë. Gjithsesi më lejoni të falënderoj Lëvizjen Vetëvendosje për besimin, hapësirën, mbështetjen dhe qasjen ndaj meje, falenderim i veçant për Kryeministrin e Rebublikës së Kosovës z: Albin Kurti i cili vërtet ka treguar se është i gatshëm dhe i vendosur që çështjen e krimeve të luftës ta trajtoi seriozisht, nuk duhet harruar as, të gjithë përfaqësuesit e zgjedhur në Kuvendin e Republikës së Kosovës të cilët vërtet treguan se përtej dallimeve politike dhe politikave ditore mund të mbizotërojë njerëzorja tek secili prej nesh. E në fund falënderimi më i madh u shkon qytetarëve të Republikës së Kosovës të cilët duke më dhënë besimin, më dhanë edhe mundësinë dhe nderin t’i përfaqësoj në Kuvendin e Republikës së Kosovës. Me respekt të thellë, e juaja Vasfije Krasniqi!”, ka përfunduar Vasfije Kransiqi Goodman./GazetaExpress/

The post Jep dorëheqjen deputetja e Vetëvendosjes appeared first on Albeu.com.