Deputetja e LDK-së, Vjosa Osmani, bëri të ditur se takimi i sotëm i Grupit Parlamentar është një mbledhje e rregullt.

Ajo sqaroi se në këtë takim do të trajtohen zhvillimet e fundit, ndërsa pas përfundimit të tij do të publikohet një deklaratë e përbashkët.

Kur u pyet përse një ditë më parë nuk ishte në Kuvend së bashku me PDK-në dhe Aleancën, Osmani u përgjigj se kishte qenë e pranishme, duke theksuar se qëndrimi i tyre është në mbrojtje të Kushtetutës.

“Çdo ditë jam në Kuvend. Çdo ditë jam në Kuvend. Edhe sot isha në Kuvend. Ne jemi në përkrahje të mbrojtjes së Kushtetutës, kurse qëndrimet më në detaje do t’i publikojmë sot menjëherë pasi të përfundojë takimi i grupit parlamentar”, deklaroi Osmani.

The post Osmani: Mbrojmë Kushtetutën, qëndrimin e bëjmë të ditur pas mbledhjes appeared first on Albeu.com.

Jehona Lushaku-Sadriu, deputete e LDK-së, i është drejtuar publikisht Lëvizjes Vetëvendosje me kërkesën që seanca konstituive të vazhdojë gjatë ditës së sotme.

Duke folur nga oborri i Kuvendit, ajo deklaroi se deputetët kanë për detyrë ta konstituojnë legjislaturën e 11-të dhe t’i bëjnë funksionale institucionet e vendit brenda afateve të përcaktuara me Kushtetutë.

Lushaku-Sadriu tha se kishte dalë aty për t’i kërkuar publikisht subjektit më të madh në Kuvendin e Kosovës që ta thërrasë seancën, ose vazhdimin e saj, në mënyrë që konstituimi i Kuvendit të përfundojë sonte dhe brenda afateve kushtetuese.

Sipas saj, është për keqardhje që institucioni më i lartë legjislativ i vendit është sjellë në një situatë ku vihen në pikëpyetje kushtetutshmëria dhe funksionaliteti, ndërsa deputetëve u pamundësohet kryerja e punës për të cilën kanë marrë legjitimitetin që t’i përfaqësojnë qytetarët në institucionin më të lartë të Republikës.

Ajo e cilësoi të papranueshme mundësinë që Kuvendi i Kosovës të mos konstituohet sonte, duke theksuar se deputetët e LDK-së ndodhen aty dhe janë në pritje të ftesës për seancë. Lushaku-Sadriu shtoi se ata janë të gatshëm që, sapo të thirret vazhdimi i saj, ta përmbyllin konstituimin e Kuvendit dhe të nisin funksionalizimin e institucioneve. Pavarësisht marrëveshjeve politike, ajo tha se deputetët e kanë obligim t’i sigurojnë Kosovës institucione.

The post Lushaku-Sadriu i bën thirrje LVV-së: Ta konstituojmë sonte Kuvendin appeared first on Albeu.com.

Deputetja e LDK-së, Hykmete Bajrami, ka reaguar pas votimit të delegatëve në kuvendin e partisë, ku 152 prej tyre mbështetën ndryshimin, ndërsa 170 të tjerë zgjodhën një qasje tjetër.

Bajrami ka deklaruar se ishte pjesë e grupit që votoi për ndryshime në LDK, por ka pranuar vendimin e shumicës dhe i ka uruar partisë.

“Isha mes 152 delegatëve që menduam se LDK-së i nevojitet ndryshimi, por 170 delegatë të tjerë mbrëmë patën një qëndrim ndryshe”, ka shkruar ajo.

“Në shtëpinë e demokracisë, fitorja i takon gjithmonë demokracisë.”

“Urime, LDK!”

The post Hykmete Bajrami pranon rezultatin e kuvendit të LDK-së: Demokracia triumfon gjithmonë appeared first on Albeu.com.