Deputeti i Aleancës, Bekë Berisha, iu bashkua protestës së organizuar para objektit të Qeverisë kundër vendimit dënues të Gjykatës Speciale për ish-krerët e UÇK-së.

Ai deklaroi se kishte qenë i bindur që Hashim Thaçi, Kadri Veseli, Jakup Krasniqi dhe Rexhep Selimi do të liroheshin nga Specialja.

“Kam prit që kanë me i liru. Jam kanë i bindur që kanë me u liru dhe kam mendu që nuk i dënon as aleatët tonë, çlirimtarët tonë. Kjo është e paprecedentë dhe nuk ka ndodhë ndonjëherë diku”, u shpreh Berisha.

Sipas deputetit, vendimi ka nxjerrë në pah se UÇK-ja nuk po shërben si faktor bashkues për qytetarët e Kosovës, por po krijon një ndarje ndërmjet atyre me ndjenja atdhetare dhe të tjerëve që, siç tha ai, nuk i kanë këto ndjenja.

“Po thonë plot që UÇK-ja na bashkon, por po shihet se UÇK-ja po na ndan në njerëz atdhetarë dhe do të tjerë që nuk i kanë këto ndjenja”, shtoi ai.

The post Berisha reagon ndaj aktgjykimit në Hagë: Vendim i paprecedentë, nuk ka ndodhur askund appeared first on Albeu.com.

Eman Rrahmani, deputet i PDK-së, e ka kundërshtuar vendimin e Gjykatës Speciale për ish-drejtuesit e Ushtrisë Çlirimtare të Kosovës, duke e vlerësuar atë si të padrejtë.

Duke folur në protestën e mbajtur para ndërtesës së Qeverisë së Kosovës, ai deklaroi se qytetarët dhe institucionet e kanë për detyrë t’i mbështesin ish-krerët e UÇK-së dhe të punojnë për kthimin e tyre në Kosovë.

Sipas Rrahmanit, PDK-ja po shqyrton të gjitha rrugët juridike në dispozicion për të reaguar ndaj këtij vendimi.

Ai tha se një vendim i tillë nuk duhet pranuar, pasi të akuzuarit janë njerëzit që çliruan vendin dhe popullin. Rrahmani theksoi se ekziston obligimi për t’u ofruar çdo ndihmë, për t’u qëndruar pranë dhe për t’u angazhuar që ata të kthehen në vendin që e lanë të lirë. Ai shtoi se grupi parlamentar po analizon mundësitë juridike për marrjen e vendimeve ligjore dhe kushtetuese, me synimin që askush të mos përballet me padrejtësi gjatë gjykimit, e veçanërisht çlirimtarët që po mbahen në Hagë.

Rrahmani bëri të ditur gjithashtu se PDK-ja është duke punuar për mbledhjen e nënshkrimeve për një nismë të mundshme në Kuvend, pavarësisht shkeljeve kushtetuese që, sipas tij, janë bërë së fundmi në Kuvendin e Kosovës.

Deputeti i PDK-së deklaroi se po vlerësohen situata dhe veprimet që duhet të ndërmerren, ndërsa vazhdon edhe sigurimi i nënshkrimeve. Sipas tij, hapat duhet të jenë në përputhje me Kushtetutën dhe ligjet e vendit, në mënyrë që të pengohet padrejtësia ndaj atyre që çliruan Kosovën dhe ishin të gatshëm të vdisnin për të.

Ai e cilësoi këtë si veprimin minimal që mund të bëjnë deputetët dhe si një obligim të tyre. Rrahmani shtoi se, nëse ndalimi i një padrejtësie kërkon edhe shkelje kushtetuese, kjo nuk përbën dëm, por nderim për luftëtarët dhe përmbushje të amanetit të dëshmorëve.

The post Rrahmani nga protesta para Qeverisë: Aktgjykimi i Speciales është i padrejtë, PDK-ja analizon hapat juridikë appeared first on Albeu.com.

Pas fitores së AfD-së në Gjermani, deputeti Tobias Teich foli për qëndrimin e partisë ndaj emigracionit dhe mundësinë që shqiptarët të preken nga këto politika. Sipas tij, fluksi më i madh i emigrantëve nuk lidhet me Shqipërinë.

Teich veçoi Sirinë dhe vendet afrikane si zonat prej të cilave vijnë numri më i lartë i emigrantëve dhe që konsiderohen më problematike. Ai tregoi gjithashtu për kontaktet e tij me komunitetin kosovar dhe shqiptar, si dhe për mënyrën se si e ka njohur historinë e Kosovës dhe Shqipërisë.

Deputeti tha se Gjermania ka shpenzuar 12 miliardë euro gjatë vitit 2024 për çështjet që lidhen me azilkërkuesit. Ai theksoi se personat që mbërrijnë nga vende të tjera, integrohen në shoqërinë gjermane, respektojnë kulturën dhe sistemin e vendit, janë të mirëpritur dhe nuk përbëjnë problem.

Ai nënvizoi se diskutimi nuk ka të bëjë vetëm me shqiptarët, duke kujtuar se gjatë viteve 90 Gjermania priti një numër të madh refugjatësh nga Kosova. Teich tha se ka lindur në vitin 84 dhe se i përket një brezi që ka parë ardhjen e shumë njerëzve në Gjermani për t’u larguar nga konfliktet dhe për të gjetur siguri.

Sipas tij, kontakti me të rinj nga Kosova e ndihmoi të mësonte për historinë e saj, ndërsa më vonë ai u njoh edhe me Shqipërinë. Teich deklaroi se ka krijuar një vlerësim pozitiv për komunitetin shqiptar në Gjermani, veçanërisht kur çështja shqyrtohet përmes të dhënave statistikore mbi kriminalitetin.

“Nuk kemi probleme me njerëzit që kanë ardhur nga Shqipëria. Numrin më të madh të emigrantëve e kanë vendet si Siria dhe shtetet afrikane, jo Shqipëria”, u shpreh ai.

Teich sqaroi se ky ishte vlerësimi i tij personal dhe se nuk mund të fliste domosdoshmërisht në emër të të gjithë partisë. Megjithatë, ai përsëriti se për Shqipërinë ka një opinion pozitiv. Deklaratat u bënë në emisionin “Review”, të moderuar nga Greta Topjana në Euronews Albania.

Ndërkohë, në një sondazh të ri mbarëkombëtar të publikuar të dielën, Alternativa për Gjermaninë (AfD), parti e ekstremit të djathtë, ka rritur avantazhin ndaj bllokut konservator të Kancelarit Friedrich Merz.

The post A rrezikohen shqiptarët nga politikat e AfD-së në Gjermani? Deputeti Tobias Teich sqaron qëndrimin e tij appeared first on Albeu.com.

Arben Gashi, deputet i Lidhjes Demokratike të Kosovës, deklaroi se propozimi i parë i kryetarit të partisë, Lumir Abdixhiku, kishte qenë krijimi i një koalicioni me Lëvizjen Vetëvendosje.

Sipas Gashit, Kuvendi i LDK-së i kishte dhënë Abdixhikut mandatin për të zhvilluar negociata dhe për të arritur një koalicion me LVV-në.

Megjithatë, pas zhvillimit të disa takimeve, Abdixhiku i kishte informuar anëtarët e Grupit Parlamentar të LDK-së se një koalicion ose çfarëdo forme bashkëpunimi me LVV-në nuk mund të realizohej.

“Duhet që kjo situatë të sqarohet në mënyrë më të plotë. Në fillim, kryetari i LDK-së kishte kërkuar që të ndërtonte një koalicion me LVV-në, ndërsa Kuvendi i LDK-së e kishte autorizuar për ta bërë këtë. Pas disa takimeve, ai u paraqit para Grupit Parlamentar dhe tha se krijimi i koalicionit apo i një forme bashkëpunimi ishte i pamundur”, ka deklaruar Gashi.

Ai theksoi se skadimi i afateve kushtetuese dhe ligjore e ka futur Kosovën në një periudhë të ndjeshme, të shoqëruar me paqartësi kushtetuese.

Gashi bëri të ditur gjithashtu se në takime ishte vlerësuar gjerësisht se zhvillimet e fundit mund të jenë në kundërshtim me Kushtetutën, ndërsa, sipas tij, ekziston bazë që kjo çështje t’i përcillet Gjykatës Kushtetuese për interpretim.

The post Gashi: Abdixhiku fillimisht synonte marrëveshje me LVV-në, por më vonë e cilësoi të pamundur appeared first on Albeu.com.

Oleksiy Goncharenko, deputet në parlamentin ukrainas, është shprehur fuqishëm në favor të njohjes së Kosovës si shtet i pavarur nga Ukraina. Ai ka bërë të ditur se në parlamentin e vendit të tij ka sponsorizuar edhe një projektligj që lidhet me këtë çështje.

Gjatë një interviste për KosovaPress, Goncharenko ka folur për deklaratën e presidentit Volodymyr Zelensky në Serbi, ku kreu i shtetit ukrainas tha se politika e Kievit ndaj Kosovës nuk ka ndryshuar.

Deputeti ka theksuar se, për fat të keq, Zelensky mban një qëndrim të ndryshëm nga ai për njohjen e Kosovës. Sipas tij, për Ukrainën rrethanat janë aktualisht shumë të ndërlikuara për shkak të luftës dhe do të kishte qenë më e përshtatshme që njohja të ndodhte përpara nisjes së pushtimit në shkallë të plotë. Ai ka shpjeguar se çdo vendim që merr tani Ukraina vlerësohet edhe në bazë të ndikimit që mund të ketë në situatën jashtëzakonisht të vështirë të vendit.

Goncharenko ka çmuar mbështetjen e Kosovës dhe të qytetarëve të saj për Ukrainën. Ai ka deklaruar se ukrainasit dhe populli i Kosovës arrijnë ta kuptojnë njëri-tjetrin për shkak të përvojave tragjike nëpër të cilat kanë kaluar.

Ai ka kujtuar se Kosova ka strehuar refugjatë ukrainas dhe se qytetarët e saj kanë qëndruar në krah të Ukrainës. Sipas deputetit, fatkeqësisht, ukrainasit dhe populli i Kosovës e dinë më mirë se kushdo tjetër në Evropë se çfarë do të thotë gjenocidi, pasi Kosova e ka përjetuar më herët, ndërsa Ukraina po përballet me të tani.

Sipas Goncharenkos, kërcënimi që Rusia paraqet për Ukrainën është i njëjtë me ndikimin destabilizues që ushtron në Ballkan. Ai ka thënë se Moska synon ta ndezë rajonin duke shfrytëzuar disa grupe margjinale serbe.

Deputeti ukrainas ka vlerësuar se historia e afërt dhe tragjike u ka krijuar Ukrainës dhe Kosovës shumë të përbashkëta. Për këtë arsye, sipas tij, të dyja vendet duhet të ndërtojnë një partneritet shumë serioz.

Megjithatë, Goncharenko ka deklaruar se Ukraina duhet të zhvillojë bisedime me të gjithë, përfshirë Serbinë dhe presidentin serb. Në të njëjtën kohë, ai ka kritikuar marrëdhëniet e afërta të Beogradit me Moskën, duke e përshkruar Serbinë si vendin që sot është ndoshta më pranë Rusisë në Evropë.

Ai e ka cilësuar këtë afërsi si një gabim të madh të Serbisë, ndonëse ka pranuar se bëhet fjalë për zgjedhjen e saj. Goncharenko ka shprehur shpresën që një ditë Serbia ta ndryshojë këtë kurs, të heqë dorë nga mendësia imperialiste dhe të kuptojë se duhet të ndërtojë një Serbi të re si shtet, e jo një perandori ballkanike. Sidoqoftë, ai ka thënë se aktualisht shumë serbë, për fat të keq, nuk e ndajnë këtë pikëpamje.

Goncharenko është ndalur edhe te vendimi i kryetarit Rama për largimin e flamurit të Ukrainës nga një hapësirë publike në Prishtinë, pas deklaratës së Zelenskyt. Deputeti e ka konsideruar të gabuar këtë veprim.

Sipas tij, flamuri përbënte një mesazh të rëndësishëm solidariteti me popullin ukrainas dhe nuk ishte shprehje mbështetjeje personale për Zelenskyn. Ai ka nënvizuar se sot president është Zelensky, ndërsa nesër këtë post do ta mbajë dikush tjetër, por qytetarët ukrainas po luftojnë jo vetëm për lirinë e tyre, por po mbrojnë në të vërtetë të gjithë Evropën, përfshirë Ballkanin.

Goncharenko ka thënë se e kupton synimin e kryetarit të Prishtinës për të reaguar ndaj deklaratës së presidentit ukrainas, por ka përsëritur se çështja nuk lidhet me presidentin, por me popullin e Ukrainës. Për këtë arsye, ai ka vlerësuar se largimi i flamurit ishte një vendim i gabuar.

Pak ditë më parë, gjatë qëndrimit në Beograd, presidenti ukrainas Volodymyr Zelensky kishte deklaruar se qëndrimi i Ukrainës ndaj Kosovës vazhdon të jetë i pandryshuar. Në të njëjtën kohë, ai e kishte falënderuar Serbinë për pozicionin e saj lidhur me integritetin territorial të Ukrainës.

Në konferencën për media në Beograd, ku ishte së bashku me presidentin serb Aleksandar Vuçiq, Zelensky tha se Ukraina respekton integritetin territorial të partnerëve dhe të drejtën ndërkombëtare. Ai theksoi se qëndrimi për Kosovën nuk ka ndryshuar dhe shprehu mirënjohje ndaj Serbisë për respektimin e integritetit territorial të Ukrainës, përfshirë Krimenë.

The post Deputeti ukrainas sfidon qëndrimin e Zelenskyt dhe kërkon njohjen e Kosovës appeared first on Albeu.com.

Oleksiy Goncharenko, deputet ukrainas dhe nismëtar i Projektligjit për njohjen e Kosovës në Parlamentin e Ukrainës, e cilësoi gabim diplomatik deklaratën e bërë në Beograd nga presidenti ukrainas, Volodymyr Zelensky, se Ukraina nuk do ta ndryshojë qëndrimin e saj kundër njohjes së pavarësisë së Kosovës.

Në platformën “X”, Goncharenko shpërndau deklaratën e Zelenskyt, së bashku me fotografinë që tregonte se slogani “Free Ukraine” ishte larguar nga Hoteli Grand në Prishtinë.

“Ky është një gabim diplomatik. Ukrainasit e përkrahin pavarësinë e Kosovës dhe ne mendojmë se Ukraina duhet ta njohë këtë shtet”, shkroi ai.

Goncharenko theksoi se do ta vazhdojë angazhimin e tij për pavarësinë e Kosovës, duke shprehur bindjen se, në fund, Ukraina do ta njohë atë.

The post Deputeti ukrainas kundërshton Zelenskyn: Deklarata në Beograd ishte gabim diplomatik, do të luftoj për njohjen e Kosovës appeared first on Albeu.com.

Një debat i ashpër ka shpërthyer sot në Kuvendin e Serbisë, pasi kryetarja Ana Bërnabiq ndërhyri me tone të acaruara për të korrigjuar një deputet i cili e kishte cilësuar Kosovën si shtet fqinj.

Gjatë diskutimit për sfidat me të cilat përballet Serbia, ligjvënësi Dobrica Veselinoviq nga “Fronti i Gjelbër” përdori termin “fqinjët tanë” duke iu referuar Kosovës.

Edhe pse e la të përfundonte fjalën e tij, Bërnabiq reagoi menjëherë më pas, duke e cilësuar këtë si një qëndrim personal dhe aspak institucional.

“Për Kuvendin Popullor të Republikës së Serbisë, këta nuk janë fqinjë. Kosova është territor i pandashëm i Serbisë. Krahina Autonome e Kosovës. Ky mund të jetë mendimi juaj personal, dhe kjo është e qartë, prandaj nuk ju ndërpreva, por nuk përfaqëson qëndrimin zyrtar të këtij institucioni”, deklaroi ajo.

The post Reagon ashpër Bërnabiq: Kosova është pjesë e Serbisë, jo fqinjë appeared first on Albeu.com.

Igor Simiq, deputet i zgjedhur i Listës Serbe në Kuvendin e Kosovës, ka ripërsëritur pretendime të kahershme të Beogradit zyrtar për zgjedhjet, gjendjen e serbëve në Kosovë dhe institucionet vendore. Pa paraqitur dëshmi, ai pretendoi se një mandat i komunitetit serb është “vjedhur” me vota të shqiptarëve.

Në intervistën për Radio Beograd, me temën “Pozicioni i popullit serb në Kosovë”, Simiq drejtoi akuza edhe ndaj ministrit për Komunitete dhe Kthim, Nenad Rashiq. Sipas tij, Rashiq ka siguruar përkrahje kryesisht prej votuesve shqiptarë dhe jo nga komuniteti serb, raporton KosovaPress.

Ai deklaroi se Rashiq ka grumbulluar numër të madh votash në komuna ku, sipas pretendimit të tij, nuk banojnë serbë, duke e paraqitur këtë si manipulim zgjedhor. Megjithatë, Simiq nuk solli prova konkrete për pretendimet se procesi është manipuluar ose se mandati është “vjedhur”.

Zgjedhjet në Kosovë administrohen nga Komisioni Qendror i Zgjedhjeve, ndërsa certifikimi i rezultateve bëhet pas procedurave ligjore dhe trajtimit të ankesave nga organet kompetente. Deri tani, asnjë vendim gjyqësor apo institucional nuk ka konstatuar manipulim të mandatit të fituar nga Rashiq. Edhe Lista Serbe, ndërkaq, ka siguruar vota në komunat ku ka marrë vota Rashiq.

Pjesa më e madhe e deklarimeve të Simiqit u përqendrua te kryeministri Albin Kurti, të cilin e akuzoi për “nacionalizëm”, “diskriminim ndaj serbëve” dhe “apartheid”. Ai pretendoi gjithashtu se gjatë mandatit të Kurtit janë regjistruar mbi një mijë sulme ndaj serbëve dhe arrestime arbitrare, por nuk paraqiti burime apo dokumente që do t’i mbështesnin këto shifra dhe akuza. Kryeministri në detyrë, Albin Kurti, u është drejtuar disa herë në serbisht qytetarëve serbë që jetojnë në Kosovë, me synimin për të shmangur dezinformimin, por Simiq e la të kuptohet se kjo nuk ka rëndësi për të.

Simiq kritikoi edhe reagimin e bashkësisë ndërkombëtare, duke pohuar se Bashkimi Evropian dhe partnerët ndërkombëtarë po heshtin për atë që ai e cilëson si “shkelje të të drejtave të serbëve në Kosovë”.

Gjatë bisedës, ai e quajti Rashiqin “serbi i Kurtit” dhe e akuzoi se ka mbështetur vendime të Qeverisë së Kosovës që, sipas tij, kanë cenuar interesat e komunitetit serb. Ai përmendi shpronësimet në veri, mungesën e kundërshtimit ndaj vendimeve të kabinetit qeveritar, mbështetjen për integrimin e institucioneve serbe në sistemin e Kosovës dhe qëndrimet e Rashiqit kundër Asociacionit të komunave me shumicë serbe.

Sipas Simiqit, Rashiq nuk mund të ketë mbështetjen e serbëve, pasi kishte qenë ministër i Kurtit kur, siç pretendoi ai, u votua “rrëmbimi” dhe eksploatimi i tokave në veri. Ai e quajti këtë “vjedhje klasike” të tokave të serbëve në Zubin Potok dhe Leposaviq, për ndërtimin e bazave parapolicore dhe njësive speciale, duke thënë se në këto toka janë ngritur baza policore ku ndodhen kryesisht shqiptarë me tyta të gjata dhe mjete të blinduara.

Ai përsëriti po ashtu qëndrimin e vazhdueshëm të Listës Serbe se ndihma financiare dhe institucionale e Serbisë është thelbësore për mbijetesën e komunitetit serb në Kosovë. Simiq theksoi se Beogradi vijon të financojë arsimin, shëndetësinë dhe pagesat për një pjesë të qytetarëve serbë në Kosovë.

Simiq deklaroi se Serbia i ndihmon me tekste shkollore familjet me tre fëmijë dhe ato në gjendje të rëndë sociale. Ai pretendoi se këto tekste kontrabandohen, sepse, sipas tij, Prishtina nuk lejon futjen e asnjë teksti shkollor cirilik. Sipas tij, serbët në Kosovë e dinë identitetin dhe përkatësinë e tyre, ndërsa pa Beogradin dhe Serbinë nuk do të kishte serbë në Kosovë. Ai shtoi se për të gjithë serbët në Kosovë kryeqytet është Beogradi dhe se kjo, sipas tij, ka qenë, është dhe do të mbetet kështu.

Duke mbrojtur Listën Serbe, Simiq deklaroi se partia e tij ka përkrahjen dërrmuese të serbëve në Kosovë. Ai mohoi akuzat se kjo subjekt ushtron presion mbi votuesit ose manipulon procesin zgjedhor.

Institucionet e Kosovës, ndërkohë, kanë deklaruar vazhdimisht se zgjedhjet zhvillohen sipas legjislacionit në fuqi dhe mbikëqyren nga misione vendore dhe ndërkombëtare të vëzhgimit. Raportet e tyre nuk kanë evidentuar manipulime që do të mund të ndikonin në rezultatin zgjedhor ose në ndarjen e mandateve.

The post Simiq rikthen pretendimet e Beogradit për Kosovën, pa ofruar dëshmi dhe me kritika ndaj BE-së appeared first on Albeu.com.

Në një reagim në Facebook, ai u shpreh se nuk kishte krijuar përshtypjen se ndonjë përfaqësues nga Republika e Kosovës kishte synuar të dëmtonte marrëdhëniet me Malin e Zi.

“Si përfaqësues i Aleancës Shqiptare, nuk e kisha përshtypjen se dikush nga Republika e Kosovës donte t’i prishte marrëdhëniet në Mal të Zi. Në të kundërtën, mirëkuptimi im është se organet kompetente të Kosovës kanë vlerësuar se ekzistojnë arsye sigurie për veprim parandalues në raport me personat konkret”, ka shkruar ai.

Sipas Capunit, mund të ketë debat nëse vlerësimi i institucioneve të Kosovës ka qenë i drejtë apo jo, por kjo, sipas tij, mbetet në dorën e autoriteteve të një shteti sovran.

Ai shtoi se Kosova ka vepruar përmes institucioneve të saj dhe brenda juridiksionit që i takon.

“Ndërsa presim që të gjithë të respektojnë vendimet e institucioneve të Malit të Zi, kështu duhet respektuar edhe e drejta e vendeve të tjera për të marrë vendime në përputhje me ligjet e tyre”, ka përfunduar Capuni.

Ndërkohë, kryetari i Kuvendit të Malit të Zi, Andrija Mandiq, ka thënë se pas vendimit për t’ia ndaluar hyrjen në Kosovë kryetarit të Komunës së Nikshiqit, Marko Kovaçeviq, dhe kryetares së Kuvendit Komunal të Beranës, Vidi Ivanoviq, qëndron kryeministri i Kosovës, Albin Kurti.

Sipas një njoftimi të partisë Nova Srpska Demokratija (NSD), që drejtohet nga Mandiq, ai ka pohuar se edhe deputetët e partive shqiptare në Mal të Zi e kanë kuptuar se “dikush dëshiron të prishë marrëdhëniet ndërmjet politikanëve serbë dhe shqiptarë në Mal të Zi”.

The post Deputeti shqiptar në Mal të Zi mbron Kurtin: Ndalimet janë çështje sovraniteti appeared first on Albeu.com.

Sipas tij, kjo situatë vjen si pasojë e çmimeve të larta të karburanteve në Shqipëri, të cilat po detyrojnë qytetarët të kalojnë kufirin për të siguruar naftë më të lirë.

Kriza e Spiropalit del hapur, incidenti në mbledhje detyron Ramën të ndërhyjë me ultimatum

Reagimi i plotë i Gjin Gjonit:

Radhë kilometrike në pikën kufitare të Muriqanit. Shqiptarët, të grabitur çdo ditë nga taksat dhe çmimet abuzive të vendosura nga qeveria e Edi Rama, detyrohen të presin me orë të tëra në kufi për të siguruar naftën më të lirë.

Ky është turpi i një shteti që nuk mbron qytetarët e vet, por i detyron të poshtërohen për mbijetesë. Një dështim i hapur dhe një abuzim që s’mund të fshihet më. Në Mal të Zi, nafta 1.65 €, në Shqipëri 220 lekë ose 2.3 euro për litër.

The post FOTO+VIDEO/ Deputeti publikon pamjet: Shqiptarët në radhë për naftë më të lirë në Mal të Zi appeared first on Albeu.com.